مساعدة عاجلة

[مشكلتي]

مس الخيرأ على الجميع

حبيت نحكيلكم معاناتي لنعيشها من زمان.من زمان محلمت حتى حاجة حتى قرايتي حبستها كي كان عمري 17 سنة

وكان لازم نحبسها على جال نخدم على جداتي وبقيت نخدم عليها حتى توفت الله يرحمها ودركا راني نخدم على دار أكل مي بلا نتيجة . ملي كنت 18 سنة وانا نحلم بزواج لهو حلم حياتي نفتح دار وندير دراري يحبوني ونحس بالحنانة بصح هدا الحلم الوحيد لحمته بحياتي متحققش ومعلباليش اد يحقق ولالا دعولي دعولي بزاف كل واحد قرا حكايتي حابة يدعيلي..
معاكم بنت عمرها 46 سنة ملي خرجت من المدرسة مخرجتش كيما البنات حتى ستاج مدرتوش وعيلتنا كانت عيلة متشددة شوي وكانوا مانعين علي الخرجات وكنت كونتر لتخرج وديما كنت نقولهم ليحبك يجيك لدار ماشيي حتى تخرجوا .
بقيت منخرجش حتى لقيت روحي 40 سنة ومجاش هدا ليحبني مع العلم انني معروفة بحسن سلوك وتربية الجيدة وعيلتي عيلة غنية وعيلة اصيلة وعيلة مجاهدين وناس كامل يشكروا فينا .وكي شفت روحي ولى عمري 40 سنة قلت خلاص الخطر راه حذ ايا وحتى عيلتي سمحتلي بالخروج كي شفوا حالتي المهم وليت ماشي كونتر ووليت نخرج مرة فشهر la ville مع جارتي هي ثاني كيما حالتي وكنت نخرج بحجابي شرعي وكنت كونتر الماكياج ماندير في ودجهي
وشوي شوي شفت بلي مكاين حتى نتيجة وتنزلت وليت ندير شوي مكياج خفيف وولينا نروحوا كل 20 يوم
وكي شفت مكاينش نتيجة قلت بلاك في الحجاب شرعي لي لبساه وتنزلت وليت نلبس لا ليكات كبيرة لركبة مع سروال واسع وطالو ومكنش نتيجة وقلت بلاك ديفو راه كي راني نلبس واسع والمكياج الخفيف فتنزلت وليت ندير مكياج بزاف ووليت نلبس veste مع سروال كلاسيك وكي شفت كيف كيف مهما درات وشوي شوي حتى وليت نلبس كيما البنات سروال سليم وبودي ولا ليكات ووليت الخمار نديره للخلف ونربطوا باه يبانوا منقاش دهب وشوي شعر ووليت نخرج كل يوم من صباح للعشيا

بصح كيف كيف مكنش نتيجة راني عمري دوكا 46 سنة حتى واحد مخطبني مهما درات زمان كي عادوا ناس ميخيروش مزوجنيش ودركا ناس ماشي برك يخيروا الخدمات حتى سلفيين في البلدية نتاعنا يخيروا الخدمات
فالبلدية نتاعنا لراهي خدامة تتزوج حتى لوكان بشعة ولراهي ماشي خدامة تبقى هكداك حتى لوكان اجمل الجميلات
أنا عيانة عيانة بزاف أدعولي أدعولي من فضلكم

[naamane3]

اللي ندعيوه باش يرزقك بزوج صالح
هو اللي امرك باش تقعدي في دارك بدل التسكع في الشوارع
وهو اللي امرك تلبسي حجاب وتزيدي تحتشمي فيه
وهو اللي امرك باش تتوكلي عليه ماشي على واحد آخر
توبي الى الله واخطيك من التفكير السلبي
واتقي الله حيث ما كنتي يجعل لك مخرجا
واستغفريه كثيرا يرزقك من حيث لا تحتسبين

[doba]

ربي سهلك إن شاء الله

[مليحة العرب]

و عليكم السلام ..
من كل عقلك مأمنة باللي الزواج راه في الشعر و لاطاي و اللبسات و. ...و...و... طالما هكذا لما لم يتزوجن بنات الهوى ؟؟؟
عجييييب أمرنا حنا النساء و الله
شوفي اختي توبي الى الله توبة نصوح و خطييييييييييك من هاد الشكيل و ياخي قلتي انتي من عائلة غنية ؟لايمي دريهماتك و روحي اعتمري و ادعي ربي ليل نهار و الحّي في الدعاء حتى تاخدي مرادك و اللي كاتبتلك تناليها باذن الله
و خطينا من فلسفة البنات الطائشة ربما لبسي ربما جسمي ربما اصلي .. هادا راه غير الشيطان و الصحبة السيئة اللي تساعف هوى النفس
الله يبقّي علينا الستر ...

[sali-sali]

السلام اختي

اصلا تفكيرك غالط في غالط
كان عليك الالتزام بحجابك والسترة .. الزواج مكتوب
بدل التسكع في الشارع و التنازل عن الحجاب وكل ماذكرتي كان عليك ان تدعي الله الرزاق وليس البحث عن رجل بهاته الطريقة
المراة تجعل نفسها حلم كل رجل باخلاقها و حشمتها

هدانا الله و اياك

[sara 97]

اخطائتي كثيرا عندما تخليتي عن الحجاب
تركتي شئ امر الله به لاجل الزواج فقطط ؟؟
لا الومك ربما عدم الصبر اضافه الى وساوس الشيطان فهي كافية لتجعل انسان صالحا لفاسد واكثر
اولا ارجعي لحجابك وصلي كثيرا . اجعلي عباده الله دائما الاولى في حياتك
غيري روتين يومك والتفكيرات السلبيه
مثلا غيري روتين العباده اولا
اضيفي النوافل اجعلي ركعتان يوميا تصليها لقيام الليل . اكثري من الدعاء والاستغفار
كالك اهتمي بكل الجوانب في حياتك
اعملي اشغال يدوية كروش وغيره


ووالله لن ينفعك تبرج ولاشي الا الله فادعيه كثيرا

[fella111]

مس الخيرأ على الجميع

حبيت نحكيلكم معاناتي لنعيشها من زمان.من زمان محلمت حتى حاجة حتى قرايتي حبستها كي كان عمري 17 سنة

وكان لازم نحبسها على جال نخدم على جداتي وبقيت نخدم عليها حتى توفت الله يرحمها ودركا راني نخدم على دار أكل مي بلا نتيجة . ملي كنت 18 سنة وانا نحلم بزواج لهو حلم حياتي نفتح دار وندير دراري يحبوني ونحس بالحنانة بصح هدا الحلم الوحيد لحمته بحياتي متحققش ومعلباليش اد يحقق ولالا دعولي دعولي بزاف كل واحد قرا حكايتي حابة يدعيلي..
معاكم بنت عمرها 46 سنة ملي خرجت من المدرسة مخرجتش كيما البنات حتى ستاج مدرتوش وعيلتنا كانت عيلة متشددة شوي وكانوا مانعين علي الخرجات وكنت كونتر لتخرج وديما كنت نقولهم ليحبك يجيك لدار ماشيي حتى تخرجوا .
بقيت منخرجش حتى لقيت روحي 40 سنة ومجاش هدا ليحبني مع العلم انني معروفة بحسن سلوك وتربية الجيدة وعيلتي عيلة غنية وعيلة اصيلة وعيلة مجاهدين وناس كامل يشكروا فينا .وكي شفت روحي ولى عمري 40 سنة قلت خلاص الخطر راه حذ ايا وحتى عيلتي سمحتلي بالخروج كي شفوا حالتي المهم وليت ماشي كونتر ووليت نخرج مرة فشهر la ville مع جارتي هي ثاني كيما حالتي وكنت نخرج بحجابي شرعي وكنت كونتر الماكياج ماندير في ودجهي
وشوي شوي شفت بلي مكاين حتى نتيجة وتنزلت وليت ندير شوي مكياج خفيف وولينا نروحوا كل 20 يوم
وكي شفت مكاينش نتيجة قلت بلاك في الحجاب شرعي لي لبساه وتنزلت وليت نلبس لا ليكات كبيرة لركبة مع سروال واسع وطالو ومكنش نتيجة وقلت بلاك ديفو راه كي راني نلبس واسع والمكياج الخفيف فتنزلت وليت ندير مكياج بزاف ووليت نلبس veste مع سروال كلاسيك وكي شفت كيف كيف مهما درات وشوي شوي حتى وليت نلبس كيما البنات سروال سليم وبودي ولا ليكات ووليت الخمار نديره للخلف ونربطوا باه يبانوا منقاش دهب وشوي شعر ووليت نخرج كل يوم من صباح للعشيا

بصح كيف كيف مكنش نتيجة راني عمري دوكا 46 سنة حتى واحد مخطبني مهما درات زمان كي عادوا ناس ميخيروش مزوجنيش ودركا ناس ماشي برك يخيروا الخدمات حتى سلفيين في البلدية نتاعنا يخيروا الخدمات
فالبلدية نتاعنا لراهي خدامة تتزوج حتى لوكان بشعة ولراهي ماشي خدامة تبقى هكداك حتى لوكان اجمل الجميلات
أنا عيانة عيانة بزاف أدعولي أدعولي من فضلكم
الاخت لما هذا التفكير لماذا ؟؟ظ
هل كنت تلبسين اللياس الشرعي لاجل باش تجلبي عريس ...........الاحظ ان هذه الفكرة منتشرة بكره هذه الايام
هل استفدت شيئ عندما لبست السروال سليم ؟؟؟ بالعكس كسب السيئات .....و فتنت رجال الامة الاسلامية ..............
اخلصي الطاعة الى الله سبحانه وتعالى كوني صادقة .....ان فعلت شيئ فافعليه بنية حقيقية من صماصيم قلبك لوجه الله ليرضى و ليس ليعطيك .............كوني متاكدة الزواااااااااااج رزق من الله و لا احد سيرحل عن هذه الدنيا الا بعد ان بستوفي رزفه ..اكثري من الاستغفار "من ترك شيئا لله عوضه الله خير منه" ........لمعلوماتك نعرف وحدة 50 سنة منذ اسبوع فقط تزوجت لا عليك اصمدي و لا تستسلمي للمعاصي من اجل الزواج .....ادعوا الله ان يرزقك الزوج الصااااااااااااالح عن قريب ان شاء الله:19::19::19::19:

[nilly]

اخاف من تنازلاتك . حمد الله شفتي بلي تنازلات ماعندها حتى معنى
شوفي اختي عيشي حياتك وملزمش تديري زواج حلم وهدف رئيسي ركزي على امور اخرى
كاينة واحدة جارتي عبرة لكل البنات عمرها 70 سنة ومزال متزوجتش بصح زواج هادا مراهيش تدكروا خلاص راهي عايشة حياتها
كرت دار وكل صيف فالبحر ومكنش ولاية مزرتهاش دارت لدنيا نتاعها ودارت للاخرة نتاعها حجت مرتين وعمرة 3 مرات وراهي تساعد الفقراء هي عاشت خير من المتزوجين

مااريده ان اقوله لكي يمكنكي ان تخلقي الجنة في حياتكي بعيدا عن رجال .
رب يوفقك وان شاء الله تتزوجي لفرنسا

[دعاء المحبوبة]

ربي يفرج عليك
الزواج ليس هو الجنة التي وعدنا بها

[ahmedcrane]

النصيحة انك ترجعي للربي هد الحل لانو هكا في سنك درتي في روحك الشر فقط كي طفلة صغيرة دير هيك نقولو شوية مشي ناضجة بصح اذا في سنك ديري عكاك هدا مشكل كبير صراحة
لازم تولي لعقلك فعلك هذا ينبي عن انو مش فاهمة دنيا اصلا و هدا ملاحظ جدا في بعض البنات القرى لا كلهن لما الامر يصبح على الزواج يفهموا بلي اما حجاب شرعي اما العرا و الزواج نصيب معندوش علاقة بهد الامور
و اذا متزوجتيش مافيها حتى عيب صراحة ناس كثير مثلك و ماماتوش صح الانسان يضيع حلم و احلام لكن ربي يعوضك في الجنة
نسال الله التوفيق للخير

[abdou213]

السلام عليكم
أختي الزواج مكتوب و رزق ....و فرص ...لا علاقة له لا بالمال و لا الجاه خاصة في أواخر ايامنا هذه
نوصي اختي اذا راكي قادرة ديري عمرة و فوضي أمرك لله و اشتكي له و تضرعي و ان لم يكن فتصدقي واستغفري و ان شاء الله فيها خير

[- بصمة خير -]

قولتينا جربت كلش و لكن الصح ماجربتيهش

الحجاب الشرعي أكيد ماديرتيهش على قناعة و لا مستحيل تتنازلي عليه

في العائلة تاعكم أو في منطقتكم يديروا الحجاب الشرعي و انت ديرتيهم تقليد فقط و لا لو تعرفي قيمة الحجاب مستحيل تتنازلي عليه

جربتي كلش الا التقرب الى الله بالطاعات في عكس ما كان لازم تزيدي في الصلاة و الاعمال الصالحة انت راكي تبعدي على الرزاق و الزواج رزق

و هذه الراجل يحوس غير على الخدامة برك مستحيل
لان كما كاين اللي يحوس على الخدامة كاين اللي يحوس على الخدامة في الدار برك و الناس أنواع
راكي غالطة في تفكيرك بزااااااااااااااف
أختي الله يرزقك الزوج الصالح و الذرية الصالحة و الله يهديك

[Crazy Gorlito]

من اللباس الشرعي إلى البودي و السروال ؟؟؟؟؟؟؟
ربي يعطيك واش تتمنى
وبلاك التاخر فيه خير
خاصة انك حبستي قرايتك على جال جداتك الله يرحمها
ربي يفرحك ويلبسك برونس الحلال لي يقدرك و يعزك

[eBusiness]

صدقا الأعمال بخواتمها، أنت كنت نعم المرأة ماكتة بالبيت وتحترمين شرع ربك وصابرة وإذا بك تتنازلين عن ربك وتهتمي بالشارع فيا أختي أسألك سؤال بالرغم من أنك كنت حسنة الأخلاق سابقا ولم يكتب لك ربك الزواج فهل تريدين أن يكتب لك الزواج وأنت لا تحترمي شرعه؟؟؟ حلل وناقش!!!

[bouchra hakerz]

روحي لراقي شرعي ارقي تلقاي نتيجة مليحة ان شاء الله و لي يدعي و يقول دعيت و دعيت و ربي مستجابليش ربي يغضب منو و ميقبلش دعوتو ثيقي في ربي و اكثري الصدقات و تقبلي النقد نتاع الاعضاء حتى و لو يكون جارح نوعا ما كيما يقول لمثل خوذ راي لي يبكيك و ما تخذش راي لي يضحكك .. المهم لحديث قياش ان شاء الله نكون نفعتك و ربي يرزقك ان شاء الله بالزوج الصالح و الزواج بالمكتوب اكيد لما اخرلك ربي الزواج اكيد كاين فيها حكمة و ثاني عسى ان تكره شيئ و هو خير لكم

[kingbelkacem]

السلام عليكم ورحمة الله وبركاته اولا مسالة الدراسة اذا كانت لديك رغبة شديدة فيمكنك مواصلة الدراسة بالمراسلة اما مسالة الزواج فهذه حاجة مكتوب وربي يهديك على وش درتي نحيتي الحجاب وجاتك حاجة عادي ارجع كيما كنت خيرلك وقوي ايمانك بالله ربي يرزقك الزوج الصالح انشاء الله ولكل البنات المسلمين

[kamel76]

أسأل الله لك أن يرزقك زوجا صالحا و أن يرزقك الرضا بما قسمه لك . فالرضا نعمة و فيها راحة الإنسان . نعمة الرضا تحوي كل الهموم التي لا يمكن أن يحويها لا مال و لا زوج و لا أولاد و لا أي شيء .

[nilly]

حكيت حكايتك لعجوزتي وتاثرت بزاف فيها وراهي حابة توصلك رد نتاعها
هي تقولك ملزمش تتنزلي على مبادئكي من اجل زواج وزتنازل الحقيقي راه فيالاحلام
فمثلا اد خطبك واحد فقير ومعندوش مستقبل انتي عادي تزوجي بيه واد جالك واحد متزوج نورمال كوني زوجة ثانية
واد هطبك واحد ارمل او مطلق وكبير فالعمر 60 او 65 نورمال قبلي بيه مافيها حتى حاجة وانا نعرف بزاف بنات تزوجوا كبار في السن ونجحوا خير من لتزوجت صغير.

وانتي كميا قلتي حبستي قريتك علجال جدتك صراحة لدرتيه انتي حتى واحدة ماتديره خدمتي لجدتك بكل نية وزدتي خدمتي لكل العيلة بكل طاعة وبدون تدمر هدا باين عليك قلبك طيب واخلاقك رفيعة وان تنازلتي على حجابك فهدا لايعني انكي اصبحتي بدون اخلاق انتي غلطتي لكن اخلاقك لم تتغير لان الخلوق حيظل خلوق طول حياته

ومانقلكش ديري نوافل ولا قيام الليل كيما قلولك الاعضاء برسكو سور درتي كلش
املا ماتخفيش ومتيئسيش رب راه معاك وانتي بقاي تدعيه ورب راح يجزيك على واش درتي لعيلتك
وميهمكيش لراهم يتزوجوا بخدمات هما زوجهم برك علجال شهرية نتاعهم ماشي على سواد عيونهم
وانا نقترح عليك لوكان تدير كاش مشروح تفتحي حانوت ولا ديري كاش تجارة وهكدا راح تنفعي روحك وتنفعي بلدك وان شاء الله راح يجيلك ليحبك لروحك ماشي لمصلحة معينة.


ان شاء الله رب يفرج همك

[كلمات مبعثرة]

السلام عليكم
اختي تنال المطالب برضا الله عز وجل ليس عليك ارضاء الخلق بل ارضي الخالق ليرضيك...... الشيطان هو من وسوس لك حتى تنازلتي عن دينك ولكن اعلمي بان الكاف والنون بيد الله وحده ادا اراد لك شيئا سيقول له كن فيكون حتى لو كنتي ماكثة في البيت ..
انتي للاسف لجأتي للطريق الخطأ انا انصحك ان تجلسي مع نفسك جلسة تراجعين فيها نفسك هل اخطأتي وقصرتي وادنبتي اكيد كلنا ارتكبنا الدنوب ولكن هل يرضينا الله ادا كان غاضبا علينا؟ اكيد الله رحمن ورحيم وغفور ورزاق ولكن عليك ان تمسحي دنوبك فاكيد عندك دنوب جعلت زواجك يتاخر قد تكوني تؤخرين الصلاة قد تكوني تؤخرين قضاء صيامك قد تكوني تشاهدين المسلسلات وتستمعين للاغاني وهاجرة للقرآن و تاركة للصدقات وادا سمعتي الادان لاتسارعي الى تادية الصلاة راجعي نفسك اختي ستجدين سببا ما لتاخير زواجك ..
وتاكدي بان هناك مخرج من كل ضيق ثقي بالله وعودي اليه ابدئي باصلاح حجابك واصلاح نفسك واكثري من الاستغفار ...
قال رسول الله - صلَّى الله عليه وسلَّم -: ((والذي نفسي بيده لو لم تُذنِبوا فتستَغفِروا لذهَبَ الله بكم، ولجاء بقومِ يُذنِبون فيستَغفِرون الله؛ فيَغفِر الله لهم)).

ألم يقول لنا الله ....﴿ وَأَنِ اسْتَغْفِرُوا رَبَّكُمْ ثُمَّ تُوبُوا إِلَيْهِ يُمَتِّعْكُمْ مَتَاعًا حَسَنًا إِلَى أَجَلٍ مُسَمًّى وَيُؤْتِ كُلَّ ذِي فَضْلٍ فَضْلَهُ ﴾ [هود: 3].؟؟؟؟؟؟؟؟؟؟
ألم يقل لنا ..... ﴿ وَيَا قَوْمِ اسْتَغْفِرُوا رَبَّكُمْ ثُمَّ تُوبُوا إِلَيْهِ يُرْسِلِ السَّمَاءَ عَلَيْكُمْ مِدْرَارًا وَيَزِدْكُمْ قُوَّةً إِلَى قُوَّتِكُمْ وَلَا تَتَوَلَّوْا مُجْرِمِينَ ﴾ [هود: 52].؟؟؟؟؟؟؟؟؟؟؟؟؟؟؟؟؟
وَيَزِدْكُمْ قُوَّةً إِلَى قُوَّتِكُمْ ﴾ [هود: 52
يقول الله - تعالى - على لِسان نوح - عليه السلام - أنَّه قال لقومه: ﴿ ثُمَّ إِنِّي أَعْلَنْتُ لَهُمْ وَأَسْرَرْتُ لَهُمْ إِسْرَارًا * فَقُلْتُ اسْتَغْفِرُوا رَبَّكُمْ إِنَّهُ كَانَ غَفَّارًا * يُرْسِلِ السَّمَاءَ عَلَيْكُمْ مِدْرَارًا * وَيُمْدِدْكُمْ بِأَمْوَالٍ وَبَنِينَ وَيَجْعَلْ لَكُمْ جَنَّاتٍ وَيَجْعَلْ لَكُمْ أَنْهَارًا ﴾ [نوح: 9 - 12].

تمعني في قوله يمددكم باموال وبنين ...اليس البنون ياتوا بالزواج؟؟؟ ادن لاتيأسي وتاكدي بان الله ادا وعدنا بشيء فهو الحق وكلامه حق وهو لايخلف الميعاد...
الم يقل لنا عز وجل ......وَمَا كَانَ اللَّهُ مُعَذِّبَهُمْ وَهُمْ يَسْتَغْفِرُونَ ﴾ [الأنفال: 33

اكثري من الاستغفار بصدق والتزميه لاتستعجلي التزمي الاستغفار كما طلب منا الله سبحانه وتعالى وتاكدي بان الله لايخلف الميعاد

كما ان الرسول صلى الله عليه وسلم قال

: ((مَن أكثَرَ من الاستغفار جعَلَ الله له مِن كلِّ همٍّ فرجًا، ومن كلِّ ضيقٍ مخرجًا، ورزَقَه من حيث لا يحتَسِب)).

استغفري وادعي الله وانتي موقنة بالاجابة لان الله وحده هو من يفرج الكرب لا اللباس الضيق ولا المكياج فادا اراد ان يزينك في نظر خلقه زينك حتى لو لم تكوني جميلة حتى لو كنتي مرتدية للنقاب فالرزق كله بيد الله والعكس ....
اكثري من الدعاء والحي ولاتيأسي ولاتقولي هدا قدري....لا اختي لايوجد مستحيل مع الله حتى القدر بامكانه ان يغيره ...ادا كان قد كتب عليك ان لاتتزوجي الا ادا استغفرتي ودعيتي تاكدي بانك ادا استغفرتي ودعيتي سيتغير قدرك ويبدله الله بزواجك فلاتيأسي لان اليأس من الشيطان هو من يزين لك المعاصي ويرشدك الى طريق الانحراف حتى تنسين ربك ولاتطرقين بابه ويتفرج على احزانك ...
ارجعي الى الله وتوبي اليه مما فعلتي وادعيه وكلك يقين بانه وحده قادر على تفريج همك ولااحد غيره واصبري حتى ياتيك الفرج من عنده ...ولاتنسي وابحثي عن اداب الدعاء صلي على الرسول صلى الله عليه وسلم تواضعي لله واحمديه واثني عليه اساليه باسماءه الحسنى وباسمه الاعظم الدي لايرد به الدعاء اساليه باعمالك الصالحة او اعمال غيرك من الصالحين ...اساليه بوحدانيته اساليه بكلمة التوحيد وثقلها في الميزان وتاكدي بانه لايوجد اثقل منها مهما كانت همومك كبيرة ستضعف وتتلاشى امام لااله الا الله ...سارعي للدعاء اختي خاصة في الثلث الاخير من الليل والزمي الاستغفار وبادن الله متاكدة من انك ستخبرينا قريبا بانك انخطبتي ..الله يستر عليك وعلى كل بنات المسلمين.

اهديك هدا الموقع للتسبيح والاستغفار الالكتروني ليعينك في مهمتك
http://www.z7mh.com/tsbeh/

فرج الله همك وهم الجميع