نقطة نظام ! بخصوص المواضيع المنتشرة حاليا في القسم : منهارة ، بصراحة ، فقدت الأمل ، الخ ...

[DTInfo]

السلام عليكم ارجوا من الإشراف وضع حد لهذه المواضيع بدون معنى خصوصا وأن هذه الفترة هي فترة مابعد الإمتحان اي لا نقاش الا في الإجابات الرسمية أو الحلول المقترحة او ..... , هذا من المفروض !!!!!! وليس ( انا مخدمتش ونتوما؟ ) أعلم ان معظم الأعضاء ان لم اقل الكل يخفي طموحاته الرسمية و كامل معولين على 17 غاظتهم ماجاتهمش مليحة على هاديك يقولك ماخخدمناش كانو معولين على 18 لذلك أرجو الحد من المواضيع الاستفزازية تع انا درت هاديك صحيحة ونتا وش درت و مواضيع جس نبض :mad:

[سارة1995]

اوافقك الراي و الله عياونا

[abdellah gh]

عندك لحق انا فقدت الامل خلاص

[DTInfo]

عندك لحق انا فقدت الامل خلاص

خو لا تفقد أمل لا والو انشاء الله فيها خير

[tarkan musta]

الله يعطيك الصحة يا خويا على هذا الكلام . و الله الفشلة تقبضك كي تقرا هدو الصوالح
1 اللي خدم يا ربي ان شاء الله تجيب الباك بتفوق و تفرح روحك و تفرح والديك
2 تيقنوا كل اليقين أن كل شيء بيد الله و اذا كان مقدرا لك النجاح فلو اجتمع الانس و الجن ما منعوك من ذلك .
3 اللي قاعدين يقولوا ما خدمناش ياو a savoir هدي ماخدمناش شاية معنتها كاين اللي مين ينسى سؤال برك يقولك ماخدمتش و يغيظه الحال و déja هذي الهدرة اللي تعيي ما غادي لا تزيدلك النقط ما تنقصلك donc الله يرحم والديكم بركات.
4 اللي راهم يقولو ما كانش لقراية و المستقبل فالجزائر نقوله علاه فوت الباك و علاه راك قاعد هنا روح للموزمبيق تربي النمل تصيب روحك à l'aise .
5- هدو اللي ما خدموش قاع يا خويا ولا اختي اقبدي ورقة و حاسب روحك في جلسة صدق هل بكرت مع الصباح، هل سهرت الليالي ، هل ضحيت بحياتك الاجتماعية و كرست نفسك للدراسة فقط ، و هل ترى بأن عمك خلال السنة كفيل بانجاحك ؟ و كن صادفا مع نفسك.
6 - اللي راه يقول باللي المواضيع كانت صعبة فهذا نسبي و كل حسب عمله ، لكنها تخرج عن اطار الدراسة و الأهم ما دام هنالك من يتحصل على 16 و 17 و 18 فهذا يعني انها لم تكن صعبة الى تلك الدرجة .
شخصيا ما علاباليش خدمتي كي راهي دايرة مي راني أكيد بلي مديت كل ما عندي و مارانيش نادم على أي لحظة قضيتها و أنا ادرس

و اللــــــــــــــــــــــه ولـــــــــــــــــــي التوفـــــــــــــــــــــــــــيق
ان شاء الله قاع موفقين و تفاءلوا خيرا تجدوه .

[DTInfo]

الله يعطيك الصحة يا خويا على هذا الكلام . و الله الفشلة تقبضك كي تقرا هدو الصوالح
1 اللي خدم يا ربي ان شاء الله تجيب الباك بتفوق و تفرح روحك و تفرح والديك
2 تيقنوا كل اليقين أن كل شيء بيد الله و اذا كان مقدرا لك النجاح فلو اجتمع الانس و الجن ما منعوك من ذلك .
3 اللي قاعدين يقولوا ما خدمناش ياو a savoir هدي ماخدمناش شاية معنتها كاين اللي مين ينسى سؤال برك يقولك ماخدمتش و يغيظه الحال و déja هذي الهدرة اللي تعيي ما غادي لا تزيدلك النقط ما تنقصلك donc الله يرحم والديكم بركات.
4 اللي راهم يقولو ما كانش لقراية و المستقبل فالجزائر نقوله علاه فوت الباك و علاه راك قاعد هنا روح للموزمبيق تربي النمل تصيب روحك à l'aise .
5- هدو اللي ما خدموش قاع يا خويا ولا اختي اقبدي ورقة و حاسب روحك في جلسة صدق هل بكرت مع الصباح، هل سهرت الليالي ، هل ضحيت بحياتك الاجتماعية و كرست نفسك للدراسة فقط ، و هل ترى بأن عمك خلال السنة كفيل بانجاحك ؟ و كن صادفا مع نفسك.
6 - اللي راه يقول باللي المواضيع كانت صعبة فهذا نسبي و كل حسب عمله ، لكنها تخرج عن اطار الدراسة و الأهم ما دام هنالك من يتحصل على 16 و 17 و 18 فهذا يعني انها لم تكن صعبة الى تلك الدرجة .
شخصيا ما علاباليش خدمتي كي راهي دايرة مي راني أكيد بلي مديت كل ما عندي و مارانيش نادم على أي لحظة قضيتها و أنا ادرس

و اللــــــــــــــــــــــه ولـــــــــــــــــــي التوفـــــــــــــــــــــــــــيق
ان شاء الله قاع موفقين و تفاءلوا خيرا تجدوه .

خويا راه رد في المستوى تشكر عليه هادا اللي حبيت نقولو انا تاني و المهم يفهمو عليك ولا عليا ولا على واحد يوصللهم الفكرة

[اريج الاخلاق]

والله غير عندك الحق
انا ماعدتش حابة ندخل وين نجي ندخل نعود خاااااااااااااااااااااااايفة
ربي يوفقنا

[mimi-2014]

السلام عليكم
والله لعندك الحق خويا رجعت كي ندخل هنا ننتغم كثر
ولي تغيضك كثر كاين لي ينشرو شدارو وهي خاطئة ويقنعو الناس بلي صحيحة حتى يشكوك في روحك
وخاصة الفلسفة الموضوع الاول شرحتهلي الاستاذة قبل وفرحت كي طاح و كي دخلت هنايا لقيت ناس تخرف وتقنع في روحها بلي هي الصح
وكيما يقولك الخير يجيبوه توالا وقاع هاذو لي راهم مخدمناش هوما الاوائل في لاليست صح مكانش لي مخدمش كيما كان باغي بصح الحمد لله
انا المات وفيزيك مخدمتش تاع تحت المعدل بصح كي شفت ناس تبلوكت ودارت تمرين من موضوع وتمرين من اخر حمدت ربي كيما يقولو 5 خير من 0
ربي ينجحنا كاملين

[وردة المتفائلة]

والله كلاااااااااااااااااام في الصميم اختي راهك كثروا بزااااااااااااااف والله عدت كل ما ندخل تصرالي حالة هيسترية ...........يكفي يا خاوتي والله ما عدنا نتحملوا ........ اللهي خدم ربي يفرحوا وكل شي بمكتوب ربي

[bobsat017000]

شكرا كلام معقول

[mimi-2014]

مش ديكتاتورية يا اخي يقولك كثرة الضغط تسبب الانفجار وما يحس بالجمرة غير لي كواتو
كاين لي ممتاز ومخدمش تكون برا يجو يسقسوك في دار يسقسوك ونت منهار وتحب تنسى تلقى ناس تفكرك
وكاين لي خادم وحاس روحه مش خادم وكي يشوف موضوع تصحيح نموذجي من طرف تلميذ خلطها حتى وهو نيشان يتوسوس وكاين لي يمرض
وباقي شهر على نتائج كيفاش يكمل هاذ الشهر

[mimi-2014]

مرانيش نهدر على روحي راني نهدر على الحالات لي شفتها ناس مدمرة تحوس على امل صغير تشوف موضوع لعضو هو غالط تتحطم نهائيا
والحمد لله مرانيش غبية ونعرف صلاحي ولا احتاج نصائح وين نروح
بارك الله فيك على ردك

[كلمة و ابتسامة]

7ata 3la les 2eme année 5awaftouna yeeessser

[mimi-2014]

خلينالكم الذكاء لمشاريعك لي راح يطلعوك للقمر وكل واحد حر
وبارك الله فيك

[biba_g]

شوف خويا ثقافة الباك ضرك هي "المعدل" الناس كامل قادرة تجيبو مي المعدل هو اللي يصنع الفارقْ ماعندنا مانديرو ب 10 و11 و 12
.
.يعني من الطبيعي لواحد يقول ماخدمتش وانا مش ماخدمتش برك " طربقتها"

[batool26]

نقولك حاجة يا اخ احترم شوية نفسية التلاميذ بعد الباك عام طول واحنا الضغط علينا وفي النهاية كل واحد حب يمد رايو يعني واش فيا
وثاني مش راح نقعدو عام طول وحنا هكا كلها يوم او يومين وكل واحد يلتهى بروحو ...

[DTInfo]

سآجدْ للهْ You're missing the point أخي القسم خاص بامتحان الباكلوريا ، وليس باشكاوي من امتحانات الباكلوريا عندك تصحيح ؟ عندك خبر مهم على الإمتحانات : خبر رسمي ، عندك معلومات على الاختيارات الجامعية عندك أخبار على انظلاق التصحيح الوزاري مرحبا غيره لآ أرى فائدة من وضع موضوع " انا حائرة ، انا فقدت الأمل ، سأنتحر .." تدخل وش تصيب انا كنت نجيب 18 , 17 بصح هاد المرة مانجيبش معدل يرضيني نجيب 16 15

[DTInfo]

نقولك حاجة يا اخ احترم شوية نفسية التلاميذ بعد الباك عام طول واحنا الضغط علينا وفي النهاية كل واحد حب يمد رايو يعني واش فيا
وثاني مش راح نقعدو عام طول وحنا هكا كلها يوم او يومين وكل واحد يلتهى بروحو ...

____________ نهاية مشواري مأساوية الكاتب : ياسمين26 http://www.djelfa.info/vb/showthread.php?t=1604895 _______ كلها يوم او يومين ؟ و جاية تتقعدي بناس مخدمتش ومنا وتلعبيلهم على المورال و تروحي ؟ هادا وش تقصدي

[mimi-2014]

الحمد الله راضية بقضاء ربي ومندمعش على حاجة كاتبهالي ربي والحمد لله على كل شيئ ومرانيش نحاول في ناس عطيت رايي برك
ولي مش عاجبه رايي الله يسهل عليه كل واحد حر في رايه وانا راهم غايضيني لي راهم يحوسو 10 ويجي واحد يكتبلك ضاع املي في الالتحاق لكلية الطب
واحد يقلك صيدلة واحد حابة غير ينكتب في لاليست ويفرح والديه + ربي يوفقك ان شاء الله باش تطلع للقمر وعلاش لا حنا نطلعو للجامعة بزاف هه يقولو البركة في القليل

[نعمة القدوس]

ممكن تقولولي واش معناها جس النبض ؟؟

[batool26]

____________ نهاية مشواري مأساوية الكاتب : ياسمين26 http://www.djelfa.info/vb/showthread.php?t=1604895 _______ كلها يوم او يومين ؟ و جاية تتقعدي بناس مخدمتش ومنا وتلعبيلهم على المورال و تروحي ؟ هادا وش تقصدي
الله يهديك ويهدينا كامل

[حية بذكر الله]

السلام عليكم

صلوا على النبي صلى الله عليه وسلم

انا ارى انه كل شخص حر في اي موضوع يدخل اليه مثلا اا اتجنب الدخول الى مواضيع التصحيح الا اذا كانت من الاساتذة

[˙·● بَــدْرَآلَدِّيــــنّ ●·˙]

السلام عليكــم :

و الله انــا نشوف تصحيــح نموذجــي عدت نعيــــا ... يا أخــــي كل واحد حـــر ... يــا خو تقــولهــم حبســوااا ما تصلحــش ... و الله تدخــل

للمنتدى باش تنحـــي عــلى روحك تزيد تعيــا انــا عدت ندخــل نشوف تصحيــح نقفلــواا و نخرج نروح لمنتديــات آخريــن ...

[حية بذكر الله]

كما من جهة اخرى ارى ان بعض المواضيع المحبطة تصدر من اشخاص اخطؤا في سؤال سؤالين

فهذه عندهم كارثة طبعا ليس كمن لم يحل تمرين تمرينين

ووجدت ان اشخاصا لا علاقة لهم يترددون على المواضيع و يرددو المواضيع سهلة لا المواضيع صعبة مع انهم لم يتطلعوا على

المواضيع حتى

لذا بادرت بوضع موضوع تتضح الحقيقة منه

http://www.djelfa.info/vb/showthread.php?t=1605033

فنصيحة اي خدم يقول خدمت و الحمد لله ماراناش عدي عينوه بل ندعولو بالتوفيق و المزيد من النجاح

والي ماخدمش يقول ما خدمش باش ندعولو بتفريج همهم

هذا مجرد راي و ليس غرضه تجريح الاعضاء

[أم احمد3]

انا درت مترشحة حرة..نحب نشوف واش داررو العلميين والآراء تاعهم على الباك أما الأدب واعرة الأدب مراح ندو فيها والرياضيات مراناش نراجعوها أمالاجتماعيات مقبولة مع الفلسفة.وبإذن الله ننجح كلنا وبتفوق و سعيد أيضا الحظ

[DTInfo]

samra3 بالتوفيق

[رجوت عفوك]

و الله غير عندك الحق ..

انا هادي العقلية نكررررررررررررررهـــــــــــــــــا

[شعلة الطموح]

استغفر الله العلي العظيم و بحمده
اخزيو الشيطان و بركاو ما تتبادلو التهم كل واحد و عقليتو و كل واحد و رايو و الواحد لازم يحترم الاراء تاع الاخرين باش لخرين يحتارموه و واحد ما دخل في قلب لاخر باش يعرف الا راهو يقول الصح و لا يلعب فيها و الاولى الواحد يحسن الظن بالاخرين
نتمنى واحد ماياخذ راي بحساسية انا ما بغيت غير نصيحة لوجه الله

بالتوفيق للجميع و ان شاء الله نجيبو خير ملي رانا متوقعين

[bardiss]

نهاية القول بالاك تلقاو حل مع إدارة المنتدى واحد او وحدة منكم يطالب المنتدى بموضوع مثبت عنوانه التصحيحات النموذجية لبكالوريا 2014 وتلغي جميع التصحيحات المخطئة الأخرى هذا حل يرضي الطرفين باه واحد ما يلعب بأعصاب الآخر بتصحيحات نموذجية وهمية وخاطئة

[Studdy]

السلام عليكم

اوافقك الرأي تماما و الله دخلت للمنتدى لابحث عن من شاركني مسيرتي التحظيريه نلقى غير مواضيع مستفزه يا تحطوا التصحيحات الرسميه او بلبلات للراحه او استفسارات حول الجامعات و تحبس هنا و الله راسي حبس و عييت اتمنى يتدخلوا المشرفين ولا ديرو قسم الشكايات

السلام عليكم