استفسار يا لحراير

[mouna sek]

السلام عليكم اخواتي:dj_17:
انا من فضلكم عندي طلب صغير وارجو منكن مساعدتي :sdf:
انا ان شاء الله عندي عرس خويا بعد رمضان وحبينا نديرو شباح السفرة لكن عندي استفسار
حنا في العادة نديروها بالسكر رطب لكن قالولي بالسكر احرش تجي خير متجيش معجنة
واش رايكم يا لحراير:confused:
وشكرا مسبقا:19:

[mouna sek]

جاوبوني من فضلكم

[fatimazahra09]

http://www.djelfa.info/vb/showthread.php?t=1209493
انشاء الله نكون فدتك شوية ...سلام و الله يعاونك

[mouna sek]

شكرا جزيلا اختي على اهتمامك :mh31:
هذي الطريقة نفسها لي نديرو بيها في قسنطينة لكن انا محتارة بين سكر رطب وسكر cristalisé:rolleyes:

[فايزة1207]

هذا شباح السفرة لام اماني
اليوم عملت كمية من الشباح وحطيتها في المجمد وراح نحاول نشرح كل الخطوات لان بعض الاخوات كحطوها في الصوص او السيرو تتفتح وتفقد الشكل نخليكم مع الوصفة.
المقادير:
3كيلات لوز ميكونش غبرة .
كيلة سكر خشن
بيض الصفار نبلو بيه العجينة والبياض نقلي بيه الشباح.
شوية قرفة،القليل من ماء الزهر وماء الورد.] (http://up.top4top.net/)
نخلط اللوز مع السكر والقرفة ونضيف الصفار والقليل من ماء الورد وماء الزهر حتى نتحصل على عجينة متجانسة .

بالنسبة للشكل تقدري ديري اشكال مختلفة نجمة،وردة،.....ان نفضل شكل المثلث ونعملو بطابع المقروظ وكل حبة نقسمها على اثنان هذي الطريقة عملية خاصة في الاعراس كتكون كميات كبيرة وبالنسبة للنقشة الموجودة في الطابع كطيب الشباح ماتظهرش.] (http://up.top4top.net/)
نحط الحبات على ورق الزبدة باه تحافظ على الشكل واذا كانت كمية كبيرة نزيد نحط ورق الزبدة ونحط طبقة ثانية.

نحط الحبات في بياض البيض طبعا بدون ما نحرك البياض بالشوكة ونقليهم في الزيت على نار متوسطة ونقلبهم بالخف لابد يكون اللون فاتح.

ونحطهم يقطرو في كسكاس ولما يبردو نمسحهم ونعاود نقليهم بنفس الطريقة ونخليهم يقطرو للمرة الثانية ونمسحهم ولما يبردو تماما نحطهم في علبة ونحطهم في المجمد راهم يبقاو كيما راهم لوقت الحاجة.
ممكن نعملهم وحدهم ولا نعمل الطاجين الحلو ونزين من فوق في هذه الحالة اذا كانت كمية صغيرة نحط الشباح في الصوص نتاع الطاجين غير شوية وننزعه ونزين بيه اما اذا كانت الكمية كبيرة كيما في الاعراس والمناسبات نعمل سيرو بالماء والسكر والليمون وكطيب نضيف كمية من عسل سان فرانسيسكو وماء الورد ونرمي الشباح .

[mouna sek]

شكرا اختي فايزة بارك الله فيك

[mouna sek]

70 مشاهدة و2 فقط لردو عليا شكرًا لكم لرد ولي مردش مع أني لم اجد الاجابة المقنعة

[fatimazahra09]

http://www.shababdz.com/vb/shababdz6369/
و ظرك قنعتي .... ماتزعفيش حبيبتي ....
خطرات ما تكونش المشاركات كونيكتي ... وحتى انا خطرات ننشغل وما نقدرش ندخل ...
المهم هادو حوايج يصراو .... اي حاجة تبغيها راني هنا
امسحيها فيا .......ههههه
وانشاء الله رايحين يجوك ردود كثيرة من غير ردي
وتكوني دلوعة المنتدى
صايي تناحلك الزعاف ؟

[mouna sek]

:dj_17: هههههههههههههه:1:
ربي يعيشك اختي لعزيزة فاطمة غرقتيني بكرمك ولطفك
ربي يجازيك ويعطيك كل ما تتمناي :19:

[عطرالذهب]

اختي انا نعمل بطريقة ام اماني تخرجلي هايلة

[mouna sek]

اختي انا نعمل بطريقة ام اماني تخرجلي هايلة
بارك الله فيك على مرورك وعلى اهتمامك اختي العزيزة:19: