الى كل من جربت القلب اللوز

[سندس1967]

البسملة1

راكم ما خليتوش في يا الفحلات بتطبيقكم لقلب اللوز
حبيت نسال هل السميد حمستوه فالمقلاة ولا لالا لاني لما شفت قلب اللوز انتاع ام اماني بان لي السميد محمس كيما الطمينة وهاهورابط الوصفة انتاعها والف شكر لمن تجيبني

http://www.djelfa.info/vb/showthread.php?t=1585460

[عطرالذهب]

لالا اختي السميد مش محمص

[سندس1967]

لالا اختي السميد مش محمص
بارك الله فيك وفي والديك

[سعاد 24]

بارك الله فيك اختي كنت نحوس على الرابط انت جربتيه ولا لا ؟

[سندس1967]

بارك الله فيك اختي كنت نحوس على الرابط انت جربتيه ولا لا ؟

جربته ولكن منجحليش ممكن لانني ماعطيتوش وقته في الطياب غدا ان شاء الله راني رايحة نعاودو

[Babinaall]

اختي السميد ماشي محمس لكن السميد لحرش جاي لونه هكداك

[zamilio]

لا لا ماهوش محمصوتاكدى ادا منجحلكش الغلطة منك لانو اهبل وخير من تاع برى

[tsotso70]

ألسلام عليكم
مثل لي في ألصورة
وأذا عندك أي مشكل أكتبِ هنا
موضوعك تحت ألمتابعة أن شاء ألله
حتى تنجحي في ألوصفة
http://i01.i.aliimg.com/photo/v8/121185591/Coarse_Semolina_Flour.jpg

[sabrina salina]

لا ماشي محمص طبقي واش كاين في الوصفة ونا جربته وجاء هاااااااااااااايل

[رياحين الجزائر]

السميد ماهوش محمص وغير جربيه راه رائع

[jia-smile]

انا جربتو وجاني هاااايل
السميد استعملت moula خشين
والمدة دارلي ساعة بالتماااام

[سعاد 24]

الاخوات لي جربوه انا درتو و ما جانيش مليح جاني مطين انا خممت بلي المشكل ممكن في كمية ماء زهر يعني سؤالي لما نحطو ماء زهر هل نحطو بزاف يولي كي المقروظ و لا نحطو شوي برك و يبقى الخليط تاعنا مفرق كيما الكسكسي ارجوكم جاوبوني خاصة لي جربوه بتطبيق ام اماني ربي يبارك فيكم

[awladi]

لا لا السميد ماشي +محمص
وهاهو تطبيقي

http://im49.gulfup.com/PTLeMV.jpg

[haytoo82]

لالا مش محمص راني جربتو

[mery19]

انا ثاني جربت ما نجحتش فيه انا نظن الدقيق جاني معجن يابس

[fatimazahra09]

لا لا اختي هاداك السميد هو باباهم ...:Dههههه.:D... وهو الاحرش فيهم يبان محمص و هو في الحقيقة اسمر وماشي صافي
هداك لي يخدمو بيه لgrosssites ويصعاب في التشريب نتاعو .... يعني لازملو شاربا ت في 1 كلغ سميد و 400 غ سكر ... وباقي المواد ... ديريلو 200غ سكر في 1 لتر ماء هاكدا يجيك قلب اللوز خفيف وما يقهمش و يبقى طعمة مليح حتى الغدوة من داك ..... .. وادا استعملتيه خلطيه نصف نصف :1::1::1::1::1:
وفي الحقيقة اصل الوصفة في 1 كغ سميد 500 غ سكر وللشاربات 500 سكر في 1 لتر و 5 سل ماء

[سندس1967]

شكرا جزيلا لكن ويعافكن الله في صحتكن والله العظيم ردودكن اثرت في كثيراوان شاء الله لعندها امنية ربي يحقق لها في الدنيا والاخرة وبالمناسبة راني عاودت ونجحلي مائة بالمائة ولكن عندي ملاحظة صغيرة قطرات القارص لدرتهم قضت شوية على رائحة المازهر وبالتالي انصح بالاكتفاء بماء الزهر فقط لاني طبقت وصفة الاخت العزيزة على قلوبنا ام اماني المرة المقبلة ان شاء الله اطبق وصفة lyllia 30 واضع الصوروبارك الله فيكن جميعا يا احلى اخوات واتمنى ان يكون نقدي بناء وليس هداما