ارواحو ليا راح نهبل

[علاء الشينوي]

:dj_17:
واش راكم؟
سمعت بلي الباك تاع هاد العام جا صعيب و يقدرلو الي الي يقرا 444 و سمعت بلي الرياضيات دارولهم فخ في الاسئلة الذكي برك الي يتولهلها .. و جاتهم تشلفط :mad::mad::mad: ...و العلوم دارولهم من الفصول الثلاثة و طويلة و فلوجتهم ...
و الباقي ربي يستر مقدرتش نسمع كثر من هك
واش رايكم؟
راني خايفة طوول ؟
هل من اارااء ..خاوتي راكم خايفين كيفي؟ :o:o:eek::eek:

[boutaina21]

أولا أخي كل هذا مجرد إشاعات ولا أساس له من الصحة
بالعكس البك العام هذا في متناول الجميع + أي واحد يقرا ويتعب بربي ان شاء الله ربي مايخيبوش
استغفر مولاك خويا وشد الهمة وما تسمعش لكلام الناس
وما تخاف ماوالو بربي ان شاء الله رانا كامل ناجحين


+ وي رانا خايفين مي هذي حاجة نورمال ومع الاستغفار والدعاء ان شاء الله كلش غاية
بالتوفيق ان شاء الله

[ميمي سمية]

ماتزيدش تسمع خويا هههههههه

حاجة لي يقولوهالك طيشها وراك

عندي ختي السنة الباك قاتلي ساااهل

شوي كان مشكل في العلوم قاتلي طوييييل وصعيب شوي

باقي المواد ملاح

وكاامل في المستوى

مالا نقولك خويا لي سمعتو كامل طيشو وراك والعام الجاي كي تقرى ارجع للسيجيات وحلهم وراح تشوف ....

[soulami sousou]

انا ايضا سمعت بلي لمواضيع كانت في المتناول والله اعلم

[salim 97]

بالعكس تماما ..........

[minamouna]

لا تخف اخي فقط توكل على الله وما خاب من توكل عليه سبحانه وتعالى

++++++++++++

انا سمعت انو الباك هاد السنة في متناول الجميع (اقصد من جد واجتهد طوال السنة )

يعني انت اجتهد وتوكل على ربي واللي فيه الخير اوك يجيك


(هاذا لا يعني اني لست خائفة ..فانا مثلك تماما مرتبكة)

كان الله في عوننا

["أحمد نبيل"]

السلام عليكم ورحمة اللهـ وبركاتهـ،



أخي لا تسمع لذاك ولا لذاك

فإن لكل مجتهد نصيب + التوكل على الله سر الفلاح

بالتوفيق لكـَ ولنا ولهم.

[~~نهال~~]

انساو شوي اسيدي
بديتو تمرضو من ذرك و نزيدو نمرضو معاكم
كيما جات جات
اللي يقرا يجيب
اللي مايقراش مايجيبش
نقطة انتهى ~

[همس19المطر]

non khti c le contraire
l math est tres facile le moyen yeddi12
l fizia w l 3oulom normal

[imen03]

انا سمعت العكس المواضيع كانت في متناول الجميع

[سمية المستغانمية]

أكيييد ليتعب يناااال
ان شاء الله ربي يكون معانااا

[علاء الشينوي]

شكرا طمنتوني ................. mercii pcp

[tornice dz]

العكس تماما
انا اختي السنة عقبت علوم تجريبية واختباراتها سااااااهلة
يعني انا بمستواي المتواضع كون عقبت على الاقل نجيب 12 و لا 13
ساهليييييين

[thepro]

لا والله اخي على العموم كل من سالته يقول ان الباك كان في المتناول ,,,,,,,,,,,,,,,,,,,, فلنتوكل على الله اولا و العمل ثانيا فمن يزرع سيحصد اكيدااااااااااااااااااا,,,,,,,,,,,,,,

[~طَـــمُـــوحْ~]

بعد التصحيح يتضح كلش

[lamicce]

لا لا تشغلو بلكم علينا بالجد و العمل الجاد و توفيق من عند الله و سنحقق نجاح ساحق انشاءالله