نصيحة لكم

[~ فَرْشِـي التُّـرَآبـْـ ~]

السلام عليكم
إخوتي طلاب البكالوريا أتمنى أن تكونوا بخير


جبيت برك ننصحكم نصيحة ممكن تفيدكم هي عبارة عن تجربتي العام الي فات في مادة الفلسفة
طبعا حفظت مقالات فلسفية كانت متوقعة كيما كامل زملائي وتحليل نص هدا مادرتوش خلاص درتو غير خطرة في حياتي مع الأستاذة ولحسن الحظ قبل ماندخل نعقب فلسفة راجعت كيفاه نعلمو
بدينا امتحان الفلسفة وهنا كانت الصدمة مافهمتش على واش يهدرو المقالتين :o وماعرفتش واش ندير خفت ندير وحدة منهم وانا مش متأكدة من موضوعها ونولي خارج الموضوع ونعشي في نقطة كارثية
شفت مع موضوع تحليل نص لقيت روحي نعرفو وعندي نظرة عليه مالقيتش خيار آخر غامرت وتوكلت على ربي وخيرت تحليل نص باه نخرج بأقل الأضرار

وفعلا خرجت بأقل الأضرار على عكس بعض زملائي الي ماقراوش اصلا وماشافوش كيفاه يندار تحليل نص هدا وراهو دارو مقالة من المقالات وكانو خارج الموضوع لأنهم مافهموش السؤال


هدا واش حبيت نقولكم اضربو طلة على منهجية تحليل نص هكدا كون ماتفهموش السؤال لا قدر الله تخيروه ويمدولكم نقاط على المنهجية تاعو هدا رأيي :rolleyes:


ربي ينجحكم إخوتي
بالتوفيق

[الوجہ البَشوش]

نعم بارك الله فيك

[yasmine-algerienne]

وعليكم السلام ورحمة الله تعالى وبركاته
يعطيك الصحة ختي على النصيحة ربي يجعلها في ميزان حسناتك إن شاء الله
بصح حبيت نسقسيك شحال ديتي في تحليل نص؟

[سوفـي 39]

ثآنكس.. ^^

[~ فَرْشِـي التُّـرَآبـْـ ~]

العفو إخوتي وفيكم بارك الله

yasmine-algerienne ديت 9.5 :D خرجت بأقل الأضرار خير من كون درت مقالة وخرجت على الموضوع ممكن يحطولي 4 ولى

[yasmine-algerienne]

العفو إخوتي وفيكم بارك الله

yasmine-algerienne ديت 9.5 :d خرجت بأقل الأضرار خير من كون درت مقالة وخرجت على الموضوع ممكن يحطولي 4 ولى
راكي مليحة ههههه
إيه والله عندك الحق تفكريك سديد الله يبارك
صحيتي خيتو، وربي يوفقك في قرايتك إن شاء الله :)

[رجوت عفوك]

نصيحة في المستوى مشكورة اختي

[zainona]

شكرا لك على النصيحة

[إبرآهيمـ]

نصيحة قَيِمَة جِدآ ، بآرك الله فيكـْ

[~ فَرْشِـي التُّـرَآبـْـ ~]

up up up
up
up

[يسرى وهران]

ماشاء الله عليك اختي تسلكي روحمك انا والو هههههه

[~ فَرْشِـي التُّـرَآبـْـ ~]

:) :) :) :)

[oussama23000]

شكون يفيدنا بمنهجية التحليل

[نور الياسامين]

شكون يفيدنا بمنهجية التحليل
سلام
عطالي استاذ تاع الفلسفة هادي الطريقة و خدمت بيها في الامتحان
الطريقة :
1/في طرح المشكلة: اكيد لازم دير تمهيد + التعريف بالموضوع
دوافع كتابة النص : هذا الجزء تقدر مثلا تكتب هكا ..اختلف الفلاسفة (مثلا) حول اصل الياضيات مما دفع الكاتب ديكارت الى كتابة نصه هذا و هو نص فلسفي معاصر .. ثم تطرح السؤال ؟؟
2/ محاولة حل المشكلة :
_ موقف صاحب النص (فكرة النص )ثم تشرحها بأسلوبك الخاص يعني نديرو هكا ..يرى صاحب النص ان الرياضيات نابعة من العقل و يظهر ذلك جليا في قوله (الفكرة تخرجها من النص ) +اشرحها .
_حجج صاحب النص :وقد اسعمل عدة حجج ليبرر موقفه ( الاستدلال من النص مع شرح كل حجة )
_نقد وتقييم : نقولو في هذا الجزء ..رغم ان الفيلسوف ديكارت وفق الى حد ما في تبيين (مثلا) ان الرياضيات نابعة من العقل لكنه بالغ في هذا لان الرياضيات كانت في بدايتها نابع من الحواس نستدل ببعض المقولا ت الفلسفية ان اردت
3/الراي الشخصي (المبرر) مثلا علم النفس يبين ان الطفل يحس و يدرك الاعداد في نفس الوقت .........
الخاتمة :
استنتج + تركيب .
و الله أعلم ان كانت صحيحة
وفقكــــــــــــــــم الله

[mina la morina]

جزاك الله خيرأ

[°المتفائلة خيرا°]

شكرااا على النصيحة :)

[amani sousou]

بارك الله فيكي اختي والله نصيحة قيمة
لكن والله مادرنا تحليل نص قاع مع الاستاذ