لكن صريحين يا جماعة

[medebber]

بسم الله لارحمن الرحيم
أخواني الكرام لما لا نكون صراحين المواضيع هده السمنة جاءت سهلة و الحمد لله
اخواني لما لا نقارنونها مع مواضيع الأعوام الماضية
ممكن رأيكم

[اريج الاخلاق]

سلام
صحيح هي سهلة بالنسبة للاعوام الماضية ربما العيب فينا لاننا خائفون من المواضيع او لم نحضر على اكمل وجه انا الحمد لله على كل حال
درنا يلي علينا والباقي على ربي سبحانو
المهم وفقنا الله واياكم

[سارة1995]

انا تاني كي قارنتها جاتني ساهلة خاصة موضوع الرياضيات بالنسبة لتقني مكنتش نستنا الموضوع يكون هكا

[biba_g]

الباك صعيب يبقى صعيب.مع الخلعة يهبط النيفو اي واحد يحل بكالوريات سابقة تجيه ساهلة لكن اثناء الاختبار ما يعلم بيك غير اللهْ

[loulou.kati2]

لالا العلوم كانت صعبة مقارنة بالسنوات الماضية فقط العلووووم

[just person]

العلوم كانت نوعا مَا صعبة مقارنة ببكالوريات السابقة

[medebber]

الأخير الكريم أنا ااعتبرت موضوع العلوم أسهل المواضيع شخصيا أخي

[biba_g]

العلوم كانت نوعا مَا صعبة مقارنة ببكالوريات السابقة

خاصة الموضوع الاول تعرف الاجابة تحط ماتعرفش مادور من ولا منْ

[just person]

انت اخترت الموضوع الاول اكيد

[medebber]

نعم يا أخي

[just person]

ايا مليح كيما انا

[medebber]

أخي الموضوع كان بزاف ساهل

[jigi]

يا أخي نظرا لكثرة الإضرابات لوكان تجي تحسب ماقريناش قاع أنا قلت بلي غادي يرأفوا بحالنا و يسهلوا شوية مي طفرت فينا الأساتذة يديروا إضراب يعطوهم حقهم و حنا نخلصوا في الأخير مطفرا فينا برك نتمنى ميزيروش التصحيح

[just person]

انا درت تع التركيب الضوئي

وتع المشبك شوية

والانزيم شوية

[tokio hotel]

mazelt phisiq w phylou en+ science ja wa3er bézaaaf makach kifeh tahkem 3lih

[medebber]

الموضوعين بقات سطحيا التنفس فقط على مستوى الغشاء الداخلي توقعت الفسفرة التأكسدية و كلفة كريبس و لكن الحمد لله

[اريج الاخلاق]

والله الموضوع الاول هايل
خاصة المناعة الجزء الاول تقدر تجاوب عليه من الجزء الثاني يعني 8نقاط كادو والتنفس الدرس كوبي كولي
بقا نتاع الروتين
واش ه المرحلة واش يلي قبلها هاذي كادواااااااااااااااااااااااااات هايلة
كل واحد كيفاه يشوف واش يخرج عليه فضت تو خلاص ننساوها والباقي على ربي
قولولي ترتيب العضيات كيفاه في التمرين الاول
انا درت نواه
شبكة هيولية فعالة وجهاز غولجي ومانعرف ؟؟؟؟؟؟؟؟؟؟مي كي سقسيت قالولي صحيحة على حسب المقدمة نتاع التمرين

[aminebareche]

slam hadi ashal asila bac f 5 snin lakhrin hmdddddddd

[medebber]

Akhi Science Y7eb un éleve Ykoun Sérieu W Ye9ra fel classa c tous les 3 exercice mel kteb men les cours

[la star31]

yajmaaa3a wellah bac sna sahééééééééééééééééééllll

ana rani bac 2012 w zedt 3awédto sna libre prt ma9ritéééééééch apar had smana lakhra kont latia b' lannée universitaire ta3i :'( wlh cv les sujet sahlliiiiiiiiiiiiinn l'mawad kammééééll,,,

science lmawdhoo3 lowéél sahéééél ana 7alit tamriin lowél w 3 mais 2 khantécht fih bark psq mal7agtééch l''6a9a fi revision :'( w ghaadniii :'( ....


ghodwa physiiique etéklo 3la rabiiiiiiiiiii w roo7o bla matkhaaaffoooo wlh takhédmo normaale ,,, é7na stféédna men jamii3a ki t3ood matkhaféch men les controles ana rani nodkhéél n3agééb w nokhrééj normaale ....

[medebber]

والله الموضوع الاول هايل
خاصة المناعة الجزء الاول تقدر تجاوب عليه من الجزء الثاني يعني 8نقاط كادو والتنفس الدرس كوبي كولي
بقا نتاع الروتين
واش ه المرحلة واش يلي قبلها هاذي كادواااااااااااااااااااااااااات هايلة
كل واحد كيفاه يشوف واش يخرج عليه فضت تو خلاص ننساوها والباقي على ربي
قولولي ترتيب العضيات كيفاه في التمرين الاول
انا درت نواه
شبكة هيولية فعالة وجهاز غولجي ومانعرف ؟؟؟؟؟؟؟؟؟؟مي كي سقسيت قالولي صحيحة على حسب المقدمة نتاع التمرين

لا يا أخي الترتيب الصحيح كالتالي
1 نواة
2 ميتوكوندري
3 شبكة هيولية فعالة

[la star31]

الموضوع الأول:
التمرين الأول:
الجزء الأول:
1 تسمية الأجزاء المرقمة:
1 النواة :لاحتوائها على كمية كبيرة من الــ ADN
2 الميتوكوندرية: لاستهلاكها كمية كبيرة من الــ O2 وانتاجها كمية كبيرة من الــ ATP
3 الشبكة الهيولية المحببة (الفعالة) :على مستواها تم تركيب كمية كبيرة من البروتينات لأنها تحمل على غشائها ريبوزومات مقر تركيب البروتين ووجود كمية كبيرة من الــ ARNm الذي تتم ترجمته الى بروتين
2 دور كل عضية في تركيب البروتين:
النواة : تحتوي على المورثات التي تحمل المعلومات ىالوراثية الخاصة بعدد ونوع وترتيب الأحماض الأمينية التي تدخل في تركيب البروتينات
الميتوكوندري : مصدر انتاج الطاقة ATP الضرورية للتعبير المورثي:
ضرورية لعمل انزيم النسخ
ضرورية لتشكيل الروابط الببتيدية
ضرورية لتنشيط الأحماض الأمينية
ضرورية لحركة الريبوزوم
الشبكة الهيولية الفعالة : تحمل على اغشيتها الريبوزومات التي هي مقر ترجمة الـ ARNm الى بروتين
الجزء الثاني:
1 أ- تمثل العناصر س و ص وع وتحديد المرحلة:
العنصر (س) : متتالية نيوكليوتيدات السلسلة غير المستنسخة للمورثة
العنصر ( ص) :متتالية الأحماض الأمينية للسلسلة الببتيدية
العنصر (ع) : متتالية الـ ARNm
ارقام الشكل 1 مسطرة تمثل ارقام ( عدد) النيوكليوتيدات في السلسلة غير المستنسخة
تحديد المرحلة الممثلة في الشكل 2 : هي مرحلة الترجمة
ب المقارنة :
نلاحظ ان عدد الأحماض الأمينية يساوي عدد الثلاثيات اي كل حمض اميني تقابله ثلاثة نيوكليوتيدات
ومنه نستنتج بان وحدة الشفرة الوراثية هي ثلاثية من النيوكليوتيدات تعبر عن حمض اميني واحد
ج تمثيل متتالية متتالية الـ ARNm القطعة المؤطرة:
GACUCCUGACCA
د عدد الأحماض الأمينية في هذا البروتين هي:
كل رامزة مؤلفة من ثلاثة نيوكليوتيدات اي ثلاثية
كل ثلاثية تعبر عن حمض اميني
من الملاحظ ان عدد النيوكليوتيدات هي 441 نيوكليوتيدة اي 147 رامزة تعبر عن 147 حمض اميني يحذف منها الميثيونين لأن البروتين الوظيفي يحذف منه MET فيصبح العدد هو 146 حمض اميني
2 أ تسمية المرحلة الأولى : هي النسخ ( الاستنساخ)
اهميتها : تسمح بنسخ (المعلومة الوراثية الخاصة بتركيب البروتين) من ADN المورثة الموجودة في النواة بشكل ARNm ينقل هذه المعلومة الوراثية من النواه الى مقر تركيب البروتين

[moumene19]

انا جوزت باك 2012 و هذا الباك
تقريبا نفس المستوى فقط العلوم اصعب و اطول قليلا

[medebber]

ah 3andek esa7 akhi

[اسماء 05]

صح جات ساهلة بصح العلوم نتاع الاعوام لي فاتو اسهل

[Rahma WIR]

العلوم جات صعيبة على العوام اللي فاتو
مي المواد اللخرين ساهلين
اصلا مع الظروف تع هاد العام لازم يسهلو شوي
مي وهكدا كاين اللي لقاو صعوبة وخرجوا يبكيو
ان شاء الله غدوةالفيزياء تكون ساهلة وتكمل على خير

[ali1994k]

العلوم جات صعيبة على العوام اللي فاتو
مي المواد اللخرين ساهلين
اصلا مع الظروف تع هاد العام لازم يسهلو شوي
مي وهكدا كاين اللي لقاو صعوبة وخرجوا يبكيو
ان شاء الله غدوةالفيزياء تكون ساهلة وتكمل على خير

انا اجتزت باك 2013 وباك 2014

اعتقد ان علوم باك من السهل الممتنع والكثيرمن المتفوقين لم يتجاوزوا عتبة 14
اما علوم 14 فسيكون هناك الكثير من العلامات المرتفعة
لان الاسئلة تحتاج الى التركيز ولاتتطلب كما كبيرا من المعلومات
+
اما بالنسبة لباقي المواد فاعتقد ان هذا الباك هو اسهل باك في تاريخ الجزائر ( باستثناء الرياضيات فهناك بعض المواضيع في الماضي كانت اسهل منها )

[Rahma WIR]

كل واحد على حساب المراجعة تاعو

[XBEY]

جات عادي مثل الاعوام اللي فاتوا....مافي فرق مواضيع مو صعبة ومو سهلة في نفس الوقت..

[~عبد السلام~]

استناو امالا دوك يشوطووونا فيزيك

[XBEY]

استناو امالا دوك يشوطووونا فيزيك
تتشوط نتا برك

[~عبد السلام~]

تتشوط نتا برك

هاهو توقع تاعي خرج صح -_-

[conan1]

احتار من كلمات سهل أو صعب .. يا صاحب الموضوع .. هل تقصد بسهل أنك راح تأخد 20 في العلوم ... إذا لم يكن كذلك .. فأرجو منك تعريف كلمة سهل ...

[melissa2001]

الواحد مايكدبش الرياضيات الموضوع الاول ساهل خدمت فيه الحمد لله الفيزياء ماعادا تمرين الاسترة اللي فيه فكرة جديدة بصح العلوم كلشي فهامة منهجية جديدة تماما انا تاني خرجت خادمة شفت التصحيح خلعت مافهمت والو هادا هو المشكل تع 2013 2014 ماشي الاسئلة بل المنهجية حنا تعودنا على طريقة امبعد الله غالب الحمد لله على كل حال

[melissa2001]

والله الموضوع الاول هايل
خاصة المناعة الجزء الاول تقدر تجاوب عليه من الجزء الثاني يعني 8نقاط كادو والتنفس الدرس كوبي كولي
بقا نتاع الروتين
واش ه المرحلة واش يلي قبلها هاذي كادواااااااااااااااااااااااااات هايلة
كل واحد كيفاه يشوف واش يخرج عليه فضت تو خلاص ننساوها والباقي على ربي
قولولي ترتيب العضيات كيفاه في التمرين الاول
انا درت نواه
شبكة هيولية فعالة وجهاز غولجي ومانعرف ؟؟؟؟؟؟؟؟؟؟مي كي سقسيت قالولي صحيحة على حسب المقدمة نتاع التمرين
الاول نواة الثاني ميتوكندري الثالث شبكة