أرجو المساعدة حبيت ندير حفلة تحمر وجوه لعرب و المسلمين

[أم محمدين]

السلام عليكم
باختصار حبيت ندير حفلة لوليدي الذي يبلغ من العمر4 سنوات هو في مدرسة تحوي 50 طفل، حبيت نعمللهم حاجة شابة و تحمر وجوه لعرب و سخية باش نحمر وجوه المسلمين، الحفلة لازم تكون عغى الساعة العاشرة صباحا لذا حبيت نعمللهم بيتزا، دبرو عليا هل استطيع ان اعمل العجينة نهار من قبل، و ما هي اقتراحاتكن فيما يخص الحلويات يعني المطبوخة و لمشرية حبيت حاجة خاصة بالاطفال ، و لا اي اقتراح ساكون لكن ممنونة انتن عوني في غربتي بارك الله فيكن، فجل عرضاتي من هذا المنتدى الرائع. شكرا مسبقا.

[أم شروفة]

أنا نظن ديري شيئ من تقاليد بلادنا .البيتزا يعرفوها .وربي يعاونك .

[hayat b]

min rayi diri elmhajeb ida tkedri

[أم ضياء عبد الرحيم]

شوفي اختي انا في حفلة درتها لزوجي درت بوفيه
درت فيه ميني بطبوط بحشوات مختلفة يعني تقدري تحضريه نهار من قبل و درت بيشاميل رول يجي كي السويس رول مالح حتى هو يتحضر من قبل و لي كانابي و الكورني كلش حضرتو من قبل غير لي كا نبي و الحشوات درتهم هذاك النهار
و الحلويات درت المقروض و البقلاوة و مقروض اللوز و قاطو ما يطيبش و سابلي الميرانغ
اذا ما ركيش مزوربة اصبري حتى ندير 30 مشاركة و نحطلك الصور لعلاه تدي افكار

[ام ياسين187]

يا ااختي الأطفال يحبو لبوراك مرة صحبتي دارتو لبنتها في الغربة للمدرسة حتي المعلمة عجبها ديريه مثلثاث يديرلك بزااف لكن وحدو مايكفيش لازم معاك شيء آخر

[لميس اميرة]

ديري ميني بيتزا مع بوراك و فريكاسي ولا ميني بطبوط محشيين بحشوات مختلفة

و ديري حاجة حلوة صابلي و مشكلة و نوع بالشكولا ولا شكولا فارسي

[noor ala noor]

السلام عليك حبيبتي بما انو الحفلة للاطفال لدي هذا الاقتراح في تحضير مصاصة ب وصفة البنيون تلقايها في النت سهلة و بسيطة و فكرة جديدة تستهوي الاطفال
http://img.khleeg.com/imgcache/2013/04/32375.jpg
http://i01.i.aliimg.com/wsphoto/v0/835473005_1/Silicone-Cake-Chocolate-hard-candy-*****e-Mould-Lollipop-Baking-Tray-Pops-Mold-Stick-Party-set.jpg

[أم محمدين]

شكرا اخواتي على الاقتراحات الحفلة يوم 19 جوان للاخت لي قلتلي نصبر حتى تويريلي الصور انشاء الله تتوفقي وتحطيهم قبل الموعد الله يجازيكم كل الخير

[أم ضياء عبد الرحيم]

سلام اختي رجعت كيما وعدتك راني حطيت البوفيه الي عملت موضوع هذا هو الرابط
بوفيه أول مشاركاتي أرجو التشجيع (http://www.djelfa.info/vb/showthread.php?p=1056592039#post1056592039)
هو صحيح للكبار لكن ممكن تاخدي فكرة انا خيرت هذه المقبلات لانها مسبقة التحضير لانني وحدي و مكانش الي يعاوني
و في الحقيقة عجبت للكل في الحفلة ربي يوفقك و ان شاء الله نكون قدرت نعاونك و لو بالقليل

[ام خليل §]

ربي معاكككككككككككك

[أم تيم الله]

:confused::confused::confused::confused::sdf:ربي معاك

[أم محمدين]

سلام اختي رجعت كيما وعدتك راني حطيت البوفيه الي عملت موضوع هذا هو الرابط
بوفيه أول مشاركاتي أرجو التشجيع
هو صحيح للكبار لكن ممكن تاخدي فكرة انا خيرت هذه المقبلات لانها مسبقة التحضير لانني وحدي و مكانش الي يعاوني
و في الحقيقة عجبت للكل في الحفلة ربي يوفقك و ان شاء الله نكون قدرت نعاونك و لو بالقليل


الله يجازيك خيرا أختي البوفيه ايهبل ما شاء الله، لحد الان رني درت محاجب صغار و درتهم في الكونجيلاتوغ و راني نفكر في حاجات أخرى و باقي الاخوات بارك الله فيكن

[fati blidya]

السلام عليكم أختي بماأنو البوفي للاطفال نقترح عليك كيكات رسوم مثل سبونج بوب وباربي