كل وحدة عندها فرحة السانكيام تشاركنا فرحتها

[yara djoumana]

السلام عليكم اخواتي الفاضلات فكرت في فكرة انشاء الله تعجبكم و نتمنى وكان تشاركوني فيها انا بنتي هذا العام اسانكيام انشاء الله ناجحة و حابة كل ام تقولي اذا عندها افكار كيفاش كل و حدة تفرح و ليداتها و عايلتها و جيرانها هذاك النهار
و كل وحدة تقولنا واش ناوية ادير انشاء الله هكذا نتبادلو الافكار و انديرو حاجة بريزونطابل و تفرح انا عن نفسي قلت انشاء الله اندير الطمينة و هذيك اليلة اندير عشاء و بعدها بنهارين اندير حفلة الحباب واش رايكم progeram مليح و الال عندكم نصائح و افكار نتمنى تشاركوني بيه و ياريت كل و حدة تقولنا و ربي ادوم الافراح على جميع العائلات المسلمة و افرح كل التلاميذ يا رب انا في انمتظار ردودكم ماتبخلوش علينا بافكاركم

[yara djoumana]

ماعجبتكمش الفكرة على ما اضن !!!!!!!!!!!!!!!!!!!!!!!!!!!!!!!!!!!!!!!!

[mounia hse]

ربي يفرحكم كامل بأولادكم و بناتكم
الفكرة مليحة بزززززاف
كنت حابة نشارك معاك مي معندناش في دارنا ليعغب السانكيام
ربي يوفق ولادكم

[ام الرميصاء]

الفكرة رائعة وربي يفرح الجميع،وأنا بدوري أوجه دعوة للجميع للتفاعل،أنا أفضل حفلة للأطفال،وقهوة أو عشاء للمقربين الي يكونوا معاك يوم ظهور النتائج.

[ام ظافر]

عن نفسي وجدت امور الطمينة او الرفيس التونسي مثل ما نقولولو بمجرد ظهور النتيجة راح نزغرد ونروح نخلط الرفيس سخون ونوزع على الجيران والاحباب ونخلي وليدي هو الي يديلهم بنفسو حتى يسمع التبوريكات بوذنو ويفتاخر بنفسو

بما انو رمضان على الابواب حبيت اني نعمل عرضة ليوم واحد نجمع فيه كامل الي يحبو يباركو هكذا نقص التعب عليا لانو ما عنديش الي يعاوني
وجدت الرفيس الزيراوي نحطو الاول مع اللبن ثم بعد مدة نحط عصير الليمون بالنعناع المصنوع بالبيت مع قاطو اسبانيول تاع فلة وقاطو الاساور بعجينة الفيلو محشي بالكرام شونتيي في النص مع قاطو بارد ما يطيبش
ثم بعد مدة نحط القهوة مع باقي القاطوات وهي قاطو صابلي بالبرتقال للاخت فايزة جاني هبال طعمتو وكاستال وغريبية الحمص ومقروض بشكل وردة

فكرة العشاء عندي مستبعدة لاني بعيدة على اهلي واهل زوجي كل ما في الامر جيران وحباب تعرفت عليهم هنا في الغربة نمشيو لبعضانا غير على قهوة او عرضة خفيفة

وبعد يوم او يومين نعملو حفلة لصحابو هو وجيرانو ونحط كل الي ذكرتو وفي الاخير نزيدلو تارت يقصها مع صحابو

معضم القاطوات خلاص طيبتهم والرفيس الزيراوي وجدتو ونقيت الغرس للطمينة وصنعت العصير وحطيتو في المجمد الا قاطو اسبانيول نخليه للاسبوع الجاي حتى يبقى جديد كذلك القاطو البارد

والان نحوس على طريقة جديدة لطي المناديل والديكور وووووووو
ومن السبت نبدى نقي البيت ونفرش فراشات المناسبات


هذا واش تفكرت واذا كاين افكار جديدة ماذابيا نتعلمها لانها اول فرحة نجاح عندي وحبيت نشجعو هو و خاوتو بهذه الطريقة هكذا حتى يخدمو مليح في الامتحانات القادمة ان شاء الله
الله ينجح كامل المومنين وينجح وليدي بامتياز كعادتو وما يشوكيوناش بطريقة التصحيح

[نسمة الورود]

ربي ينجح اولادكم وكامل اولاد المسلمين

العام الي فات نجح ابني البكر السانكيام وكونت وجدت القاطو والزيراوي الي نعيطولو احنا الرفيس

ولما بانو النتائج النهار الاول درت غداء لاهلي واهل زوجي وفي المساء درت قهوة وعرضت كامل لحباب
درت البغرير مع القازوز وزدت الرفيس مع الرايب وممبعد درت الحليب مع ال حلويات وختمناها بفاكية متنوعة

[yara djoumana]

الله الله عليكم يا بنات بلادي ربي ادوم الفرحة على الجميع يا رب

[روضة من رياض الجنة]

الله يدوم الافراح في بيوتكم

[*أم كوثر*]

السلام عليكم
ماشاء الله عليك ام ظافر غيرتيني وحمستيني
ربي يفرحنا كامل
انا مادرت والو حتى نتهنى على النتيجة
بنتي حابة تجيب اكبر معدلربي ينوللها لي في بالها
والاحتفال ساهل
ناوية على غداء للعايلة والمقربين وحفلة قهوةوقاطو ورفيس للجيران والاحباب
ربي يفرحنا باولادنا ويشرفونا بنتائج مليحة كما عودونا

[rafik-12]

الله يبارك حمستونا مشكورين ويكتا تطلع النتائج

[habiba1974]

السلام عليكم عندي ابني اجتاز امتحان شهادة التعليم الابتدائي ولكن فكرة الاحتفال مستبعدة حتى ان الناس اصبحت لاتهتم حتى كلمة مبروك مستبعدة تماما ان تسمعها كل ماانوي فعله هو هدية لابني

[ام ظافر]

النتائج يوم 14 جوان ان شاء الله
ام كوثر راكي فحلة ما يتخافش عليك....القاطو يومين وانتي كملتي ان شاء الله ولكن الرفيس يشد شوي اليد ماذابيك توجديه الان تنحيه من الطريق وانتي ست العارفين
يبدو انو بنتك مثل ولدي ينتاظرو في نتيجة الشهادة بفارغ الصبر ويحبو مثل العادة يكونو الاوائل على المدرسة ولكن طريقة التصحيح تختالف من مدرس لاخر وعليه فهمت ولدي اني راضية باي نتيجة لاني نعرف مستواه مليح والاهم نتائج المتوسط وهكذا حتى ما يخيبش املو لو ما كانش الاول لا قدر الله وما يتاثرش بزاف
الله يفرح وليداتنا وينولهم الي في بالهم
ا

[ام ظافر]

السلام عليكم عندي ابني اجتاز امتحان شهادة التعليم الابتدائي ولكن فكرة الاحتفال مستبعدة حتى ان الناس اصبحت لاتهتم حتى كلمة مبروك مستبعدة تماما ان تسمعها كل ماانوي فعله هو هدية لابني

المهم افرحي انتي وباباه وخاوتو وفرحوه وحسسوه بانو نجح في عتبة هي الاولى ليه وما تخليهاش تفوت هكذاك

[ام الرميصاء]

النتائج يوم 14جوان2014،ربي يفرح الجميع.

[مرام 92]

[[ربي ينجح كامل وليدات الامة الامة الاسلامية و يفرح والديهم بيهم

[mariz]

ان شاء الله النجاح لكل تلميذ و عقبال الاكبر و بيوتكم تكون عامرة بالخير و بالافراح،
دعوة منكم لابنتي سيلين عندها الباك ١ بعد ايام قليلة

[ام ظافر]

ان شاء الله النجاح لكل تلميذ و عقبال الاكبر و بيوتكم تكون عامرة بالخير و بالافراح،
دعوة منكم لابنتي سيلين عندها الباك 1 بعد ايام قليلة

الله يتنجحها ويفرحكم بيها

[حمودية]

مازال معنديشششششش اولاد يعقبو
ربي يفرحك ببنتك

[بريق الدجى]

رغم اني ماعنديش لي عقب السانكيام لكن حبيت نفرح معاكم و مع وليداتكم اقترح عليكم هذه الافكار

http://www.up.djelfa.info/uploads/140195481947551.jpg

http://www.djelfa.info/vb/showthread.php?t=1604028

و لـ أم ظافر شوفي هذا الاقتراح تع السرفيات بالاك تعجبك

http://www.up.djelfa.info/uploads/140195466395431.jpg

http://www.djelfa.info/vb/showthread.php?t=1604166

[ام ظافر]

شكرا بريق الدجى ربي يحفظك
راني نجرب في هذوك السرافت

[FATOM 19]

انا عندي فكرة تشبه فكرتك واتمنى انها تعجبك في 15 جوان في اليل ديريلو سهرة مع اقاربو وفي 17 جوان قوليلو يعرض صحابو وديريلو حفلة مليحة باه يحس انه دار خطوة للامام ويحس انك مهتمة بيه اتمنى تتقبلي فكرتي وترديلي الخبر ربي ينجحو بمعدل مليح انشاء الله

[ام ظافر]

انا عندي فكرة تشبه فكرتك واتمنى انها تعجبك في 15 جوان في اليل ديريلو سهرة مع اقاربو وفي 17 جوان قوليلو يعرض صحابو وديريلو حفلة مليحة باه يحس انه دار خطوة للامام ويحس انك مهتمة بيه اتمنى تتقبلي فكرتي وترديلي الخبر ربي ينجحو بمعدل مليح انشاء الله

اقاربو بعاد بزاف علينا الان لاني ما روحتش ننتاظر في النتائج
اما تاع صحابو راني ناوية نديرها ان شاء الله
الله يحفظك ويسعدك حنونتي

[FATOM 19]

انشاء الله راح احطلك كيفية صنع مناديل الورق بطريقة جيدة

[أم نهال]

أنا تاني راني نستانا في نتائج ولدي العزيز وكنت وعدتو بلي إذا جاب معدل مليح ندرلو حفلة باش فقط نفرحو ليس إلا كيما يقول هو هذا إمتحان مصيري ربي يفرحك بنتك و بكل أم نتظر في نتائج أولادها

[شقراء]

ربي ايفرحكم بوليداتكم وينجحهم
ويعطيك الصحة ام ظافر

[عطرالذهب]

انا ايضا بنتي اجتازت الامتحان هذا العام وهي بنتي لكبيرة ماتتصوروش الضغط اللي حاساتو طول العام ولانها الاولى على مستوى مدرستها راهي متخيلة تجيب معدل 10 او 9 فاصلة كبيرة وانا قلتلها حتى ولو جبتي معدل اقل راني فرحانة بيك ونهار راحت شربتها ماء زمزم ودعيتلها لبست روبة اشراهالها خالها وجاو اخوالها وصلوها مع باباها للمركز وهي فرحاااانة
وبعد الامتحان مباشرة بديت التحضيرات
خدمت القاطو ونقيت الدار وشريت بدلة جديدة لغرفة استقبال النساء ونحنا في جيهتنا نهار تخرج النتيجة يكونو الخالات والجدات والعمات كامل عندنا نزغرتو ونحطو القهوة والحلويات والشاي ونديرو عشا مع بعض
القاطو نخليه مانقولكمش عليه حتى نجيبلكم قسمتكم نهار تنجح بنوتتي الحلوة
الطمينة يديروها عندنا اللي مايخدموش القاطو اما اللي خدموه يبعثو منو للجيران
يارب فرح قلوبنا بنجاح ابنائنا

[omranesouhila]

بالعكس فكرة هايلة الله يدومها دايمن افراح و ضحك علينا

[hamida hrms]

انا عندي سانكيم والبيوم وما ندير والو نفرح مع وليداتي وناويا نخرج صدقة عليهم باه ربي يحميهم و ربي ينجح كل وليداتنا بقيو السترة على وليداتكم راهم وليداتي انا ثاني

[منالات العلم]

هذا كامل لحفلة السانكيام مالا الباك كيفاه الله يهديكم هذا كلو تبذير و اسراف وربي ميحبش هكدا صح افرحي مع وليدك وبنتك وحفلة صغيرة تكفي ياخي فساد ياخي ربي يهدي ماخلق

[nokia111]

اتمنى ان تتدكروا المعلمين ههههههههههه
الف مبروك واتمنى لهم النجاح

[زهرة الجزائرية1]

هادي اختك على ما اظن ولا راني غالطة ..هههههههههههههههههههه

[ام قصي]

السلام عليكم
بما اني جربت 3مرات انقولكم الاول انتاععي منعرفش انزغرد المهم ولاى يبكي مسكين قالي جبت المعدل الاول في الحومة كامل امدايرين عرس وانت ساكتة المهم درت الطمينة وزعت اعلى الجيران واعرضت الفامليا انتاعي وانتاع زوجي القهوة فاتت سامبل
الثاني انتاعي نفس الشيى حفلة سامبل لميت فيها الاحباب والعائلة انهار قهوة واخلاص اما
البنت الوحيدة انتاععي الحيلة او زادت ادات بامتياز او عندي الطفل اصغير انتاعى ابلا اطهارة او راح يدخل للمدرسة اجملت المناسبتين
درت عصير رامي انتاع لي باي و ميني تارت او كيش او بنان ومن بعد امع الحنة درت قشقشى ومقرقشات وقهوم درت اقطايف مقروذ بساط الريح وقاطو القرنفلة وغريبية واخلاص
الفرحة لازم اتبينوها للولادكم ولكن التبذير والعين لا
كاين لداو الباك بمعدل امليح مدارو والو هذا رائ وكل وحدة واش يخرج اعليها وعلى الزوج انتاعها .....انا زوجي ميحبش ايقولي رياء وانعام