المساعد الشخصي الرقمي

مشاهدة النسخة كاملة : استفسار

أم محمد 06
2014-06-03, 19:45
السلام عليكم من فصل الاخوات الكريمات من جربت لازنيا من منتجات سيم هل النوعيةجيدة و ارج افادتي بطريقة التحضير
وشكرا جزيلا
أم محمد 06
2014-06-03, 20:14
hdk hgv$;$ av;vd ^$h
أم محمد 06
2014-06-03, 20:15
a ضروري جدا ارجوكم
أم إناس
2014-06-03, 20:20
هذي طريقتي في اللزانيا

http://www.djelfa.info/vb/showthread.php?t=1535012&highlight=%C7%E1%E1%D2%C7%E4%ED%C7
أم محمد 06
2014-06-03, 20:32
أختي ايناس شكرا فقط استفسر عن عجائن اللازانيا من منتوجات سيم هل تسلق كل وا حدة على حدى ام تسلق الكمية كلها دفعة واحدة كباقي العجائن شكرا
maramelmess
2014-06-03, 20:37
تبعي ام اناس و ما تخافيش

انا نغطيها بالالمنيوم و في الخمس دقايق الاخيرة نحيه باش تتحمر مليح من الفوق مي لي لازاني منغليهم ما والو هكذاك

سينو محبوبة كي يجيبهالي راجلي نحطها ما مغلي و نديرهم في طبق الفرن

موالفة نجرب سيم مليحة ، انا محبوبة لي متعجبنيش و كاين الوردة البيضاا و باريلا هم المخيرين
أم إناس
2014-06-03, 20:39
اختي مذابيك تسلقي كل وحدا وحدا وكي تحطي بعد يهم على بعض به ميلصقوش في بعضاهم وهذي الطريقه ماطولش في الفرن
وانا الطريقه تاعي مانطيبش العجينه بصح طوله به طيب في الفرن.
ان شاء الله نكون افدتك.
وتقدر لي تضيفي مع اللحم كورجات. وجزر مقطعين مربعات صغار تمدى ذوق امممممم للحم او حتى تربي الخضر مع اللحم
أم محمد 06
2014-06-03, 20:41
شكرا اختي بارك الله فيك وجزاك الفردوس الاعلى وكذلك الاخت ايناس شكرا لكما
أم إناس
2014-06-03, 20:45
شكرًا لك اختي maramelmess
وبالتوفيق اختي ام محمد
fatimazahra09
2014-06-03, 22:41
انا ماننصحكش بيهم اخدمي العجينة وحدك في المنزل خير وخير ......انا نديرها كيما هاك على الطريقة الايطالية
لعجينة الازانيا :
500 غ فرينة القمح - 500 غ سلق - 4 بيض
الحشو باللحم المفروم :200 غ لحم مفروم - 3 م ك زيت الزيتون - 2 جزر - 1 عرف كرافس -2 بصل -1/4لتر بويون (ديريه بمربع جمبو) - 2 دسل صوص الطماطم -ملح - فلفل اسود -جوزة الطيب- بوكي قارني ( زعيترة - معدنوس - رند )-6 دسل صوص بيشاميل -1 دسل كريمة طازجة - 20غ زبدة -50غ فرماج رابي .
التحضير :
نقي الخضر واغسليهم ....ذبلي البصل في الزيت زيدي حطي الكرافس و الجزر مرابي و اللحم المفروم... + ملح وفلفل + جوزة الطيب ...و من بعد 20د زيدي الصوص نتاع الطماطم ...خليها طيب وتنشف شوية ...فرغي المرق ... زيدي الباقة المعطرة ...كملي الطياب على نار هادية ساعة كاملة .
طيبي السلق مقطع رقيق في ماء يغلي و قطريه مليح مليح واطحنيه في الروبو..
وجدي العجينة :
بالفرينة + البيض+ السلق ... اخدمي مليح بيدك ...لميها وخليها ترتاح 30د ...حليها بالحلال وزيدي بالماشينة رقم 5 قطعي مربعات 7سم
طيبيهم من بعد في ماء مغلي و فيه الملح + 2 م ك زيت ...
غير يطلعو للوجه نتاع القدر معناها طابو ...قطريهم ... وادهني مول نتاع زجاج مستطيل او مربع الشكل بالزبدة و حطي طبقة نتاع اللازانيا حطي واحدة جنب اخرى و خليهم يدلاو في الحواشي كيما طريقة تحضير الكلاج ...زيدي طبقة من صوص اللحم المفروم زيدي نابيها بالبيشاميل مخففة بالكريم فراش ....سوبودري الفرماج رابي + قطع صغيرة من الزبدة ...كملي بالطبقات ... ورايحا تكملي الطبقة العلوية بالفرماج و الزبدة واغلقي بهادوك الحواشي لي رايحا تقلبيهم للداخل ... رايح يقعدلك مستطيل صغير في الوسط ... ما رايحش يتغطى ...هدا شباحو ههههه....غطيه بالالومينيوم ....طيبيه في فرن 230 درجة مدة 30د نحيه بعد مرور هدا الوقت وخليه 10 د اخرى بلا الالومنيوم باش يتحمر الفرماج ....وقدميه سخون .....يام يام يام ...
والله درتو في الشتاء مرتين بهادي الطريقة الي معتمدتها على كتاب اوروبي ....وdomage ماعنديش الصور ...
لكن نوعدك اختي و المشاركات في المنتدى لا طاح في يدي السلق نديرولكم انشاء الله وراح يكون حصري وبالصور ....هههه
والله مارايحينش تشبعو من هدا الطبق ...لان ذوق les pattes fraichesيختلف تماما على ذوقهم الـindustrielle
انشاء الله نكون فدتك بشوية والشوية الاخرى نكملهالك بالصور انشاء الله الرحمان الرحيم
عطرالذهب
2014-06-04, 00:14
شكرا فاطمة الزهراء على الوصفة
أم محمد 06
2014-06-04, 08:28
السلام على فحلات بلادي وشكرا يا فاطمة الزهراء وبارك الله فيك
titina
2014-06-04, 08:41
أختي الأفضل أنك تسلقي عجينة اللازانيا بالصح ماشي كل مرة واحدة
اسلقيهم على دفعات وبكميات قليلة
وزيد حطي قدامك طنيجرة فيها ماء بارد كي تخرجي اللازانيا تاعك من الماء لي يغلي مباشرة حطيهم في الماء البارد باش تضمني عدم إلتساقها ببعضها وبعدها تحطيهم في منديل نظيف حتى تكمي طيابك للأوراق كلهم بعدها اخدميها عادي
هذي طريقتي معتمدتها
واللازانيا تاع سيم عمري ما جربتها ان شاء الله يفيدوك الأخوات
بالصح ننصحك جربي باش تعرفي
أم محمد 06
2014-06-04, 09:20
شكراtitinaبارك الله فيك