انجدوني.......القمل في بيتي.

[ام زينب2]

السلام عليكم ورحمة الله
أرجو منكم ان تسعفوني بوصفة مضمونة واكيدة للتخلص من "القمل"(حاشاكم)
قرات عدة وصفات على النت ولكن لم افهم بعض المواد المستعملة فيها
الله يحفظكم دلوني، وربي يجازيكم خير الجزاء.

[لمسة L]

الله يعيناك يا اختي على هذا الكارثة ، انا مجربتش هذ الحالة مي كون جيت في بلاصتك نغسل كل حاجة في الدار بالماء السخون
و مواد التنظيف ، و بداي من اليوم متستناي حتى وصفة

[نسائم الصباح]

السلام عليكم

تعرفي ختي ملي قريت موضوعك وشعري ياكل فيا ههههههههههههههه توسوسة

شوفي حنونة ماكن حتى وصفة تقضي على القمل من غير النظافة ومتابعة مشط شعرك او شعر اطفالك
كاين مسعدات لتخلص من القمل مثل مشط ضيق الأسنان حنا نقولولها كراطة .وكاين خل التفاح تبخيه على الشعر قبل الغسل .وبعد 10 د تكرطي او مشطيه شعرك او شعر طفلك .لأن خل التفاح يخلي السيبان يزلق ويطيح .
حاولي تخلي امشاط أطفالك اومشطك في محلول كحول او بيكاربونات بش لامشطوا بيه أفراد الأسرة مايعديهمش .أغسلي جميع الوسائد والأفرشة بدرجة حرارة عالية ونشريهم في الشمس
إذا كانوا عندك بنات فوق 3 سنوات أجبديلهم شعرهم بمكوات الشعر .الحرارة تقتل البيض والقمل
وماتنسيش أكيد تحطي كتان أبيض بش تسرحي شعرك عليه .وبعدين حطيه مباشرتا في ماء حار .مش تنفضيه .وحولي تنفضي المنطقة لي مشطتي فيها .لأن القمل يقدر يعيش يومين خارج الشعر .وبهدا ينتقل إلى شعر اخر

مع التكرار والإستمرار يروح إن شاء الله وماتخليش ولادك يحتكوا مع الأطفال لي عندهم ولا يمشطوا بمشاطهم ولا يرقدوا على نفس الوسائد مثل في الروضة

كاين زيت وسموه زيت شجرة الشاي .هذاك حطي منه قطرات في شمبوه الطفل .لأن القمل يكره ريحته .وستمري بالتنظيف

[أم عبد الكريم]

اختي اغسلي بيتك و بالنسبة للشعر ديري الشامبوان للبنات والااولاد حفيله و كاينة عشبه تغليها و تشلي بيها شعرهم اسمها "مريوة"

[oum khadidja]

اختي حداري من الزيوت التي تباع في الاسواق الخاصة بالشعر مثل املا راهو يقمل الشعر

[أم شيماءْ]

حبيبتي جربي المايوناز على شعرك اوشعر بناتك وغطيه بكيس وبعد مدة سلكيه واغسليه والله هذي المعلومة قاتهالي دكتورة لان المايوناز يغلق المسامات الموجودة في جلد القملة ويقتلها

[Mمرمورة]

اختي نصيحة مهمة جدا
اغسلي الشعر بالشامبو
وعليك بقتله في الشعر بطريقة اليدوية
تبحثي في الشعر جيدا وقتله هذا عو الحل الوحيد لقتله
واذاكان في شعر الطفلة مرري عليه لبلك لتسريح الشعر
مفيدة
اكرر لك لا ينفع معه الا قتله باليد واذاكان شعرها طويل نقصي فيه
اما الاغراض الاخرى عليك بغسلها بالماء الساخن

وعليك بالنظافة

[ام زينب2]

شكرا لكن جميعا على كرم الرد
واختي اللي سببتلها الحكة والتوسويس نشا الله تسمحلي.

[تينا ماريا]

اختى كاين دواء او شامبوان خاصة في الصيدلية ضد القمل روحي للصيدلي و سقسيه

[khaled Géant]

عليكي بالنظافة يا اختي ....و الصبر و الدعاء

[nadjet.alwalid]

نظن زيت لنعناع ، قاتل للبكتيريا

[ام سارة ورقية]

كيما قالوللك الاخوات وكاين شاميوان عند الصيدلي لونو وردي راهوضربة ضربة اغسلي الفراش والقش وكي يشيحوا حطيهم في ساشي واقفلي عليهم. ثلاثة ايام لان القمل ما يموتش حتي ولو بالغسيل والباقي كل وقت عسي شعرك وشعر الاولاد افليهم وامشطي. بالكراطةو
رب يعينك انا مرة لقينا في شعر بنتي قريب نهبل درتلها الفليتوكس وغطيت شعرها ربع ساعة مبعد غسلتها لقيتو مات كامل. ؛
متنسايش كل ماتغسلي حاجة حطيها في ساشي 3 او4ايام كي مايلققاش باش يتغذى يموت ؛

[nidabaize]

مثل ما قالو البنات لكن العفسة تاع المايونيز خطيك منها و ديري فليطوكس فى المنزل باه الحشرة تموت و كلما تشوفى بناتك يحكو فى راسهم امشطيهلهم بالكراطة
شرط تفرشي حاجة بيضاء باه القمل لى يطيح تقتليه

نصيحة ممكن القمل جاك من الانيمي ديري لاولادك بيلون و شوفى انيمي عندهم
ما يكون غير الخير ان شاء الله

[ام مهدي 03]

اختى راهو كاين شمبوان عند الصيدلى خاص ضد القمل يقولولو
anti poux
وتانى بودرة للقش والفراش يقولولها TALC ANTI POUX
وكيما قالو الاخوات حاولو تقصو شعوركم او حتى تنقصو فيهم ولازم الاستحمام اليومى والنظافة لكل البيت خاصة الفراش وكدلك لازم كل واحد وحوايجو من مشط. غطاء .مخاد......
وماتحبسيش كى ماتلقايش القمل لانو يبقى البيض ويرجعك للزيرو
ربى يعين
على فكرة القمل جد معدى

[alaa anfal]

سلام اختي الكريمة القمل مثل الذباب او الناموس او القرلو او غيرها من الحشرات المزعجةة.انا شخصيا مريت بهذه التجربة وكانت قاسية جداا استمرت لعدة اشهر تكاثر القمل في شعر كل اطفالي البنات منهم و الذكور ولكن المواضبة و الاستمرار في المقاومة ساعدني كثيرا استعملت غاسول خاص مع lotionمن نفس الماركة كما استعملت زيت الزيتون لنزع السيبان باظافري وكنت استعمل الكراطة مرتين في اليوم كما كنت اححممهم مرتين اسبوعيا ثم عزل كل واح منهم خاصة الفراش و المناشف. وفي الخير كنت اخرج الفراش للشمس يوميا،اتمنى ان تساعدك تجربتي و لو قليلا

[sousouzina]

شوفي اخت اتا سمعت بلي صبيغة انتاع الشعر مليحة دريها علي شغرك كيما موالفة تصبغي و انشاء الله تتهناي

[سرور2]

السلام عليكم شوفي اختي انا ايضا بنتي مرة بهدا نوصيك على البيض راه مفيد ويقتل القمل كسري بيض على حساب شعر بناتك واولادك وديريلهم في شعرهم وخليه 10 او 15 د واغسليلهم عادي اما بالنسبة للسيبان تقدري تنحيه بيدك باه يتنقا الشعر مليح وكيما قالو الاخوات لازم نضافة الوسادة وغسلها يوميا وتشوفي النتيجة انا 15 يوم اختفي كلش

نتمنى اني افدتك لاني والله غير مجربتو

[بوبازين]

عزثزتي اليك الحل الفعال اولا اشري فليتوكس تاع الدبان ورشي شعر بنتك او المصاب وعطية محرمة الراس وخليه يبات بيه وصباح افرشي درا وقلبي الراس ومشطيه راه يهبط كامل وزيدي عاودي علم لما تحطي المبيد يبدا القمل يقرص .تم دوشيها وعليك بتنقيته من اولاد القمل اي الصيبان بنزعه باليد لان فو بقي القليل سيتحول الي القمل الاسود.لو اخبرتكم معلومة لن تصدقو انتشر القمل يوما عندي بسبب برطب الشعر فونوس اغسل الشعر واضعه المهم اقسم بالله العضيم مجربة دو نتيجة. .اختك في الله

[cherilety]

صصيح من ما تديريش فليتوس مضر لجلد اششعر عن تجربة انا اول مرة صراتلي مع بنتي ما عرفت واش ندير سقسيت و قالول على فليتوسس و روحت ندير فيه على شعر بنتي بلا نتيجة ينقص القمل و يرجع بقيت على هذ الحال لشهرين حتى رحت للفارماسيان عطى لي شامبو هااااااايل قضى على المشكل في اول استعمال و الله وراح تندهشي م مفعوله اسمه. ECRINAL. POUX
اشريه و ماتندميش هو غالي شوية بصح ماشي خصارة كل وقت تكاثر القمل تغسلي به حتى ما قربشليك لانو يكره ريحته انا ملي شريتو تهنيت من القمل حوسي في قوقل تشوفي صورة العلبة مرسوم فيها قملة بالون الوردي
ان شاء الله نكونافدتك

سعر العلبة 55 mille

[cherilety]

http://www.lagrandeparapharmacie.com/ecrinal-poux-shampooing-doux-assainissant-anti-poux-f-200ml-ecrinal,fr,4,4795516.cfm.
voici le champoing. il est très très très efficace

[بعيدة المنال]

أنا أيضا مررت بهذا الكابوس مع بناتي ولم تنفعني أدوية الصيادلة من شومبوا وغبرة للفراش فتوكلت على الله وعمدت الى المبالغة في غسل أفرشتهن وتعريضها للشمس واستخدمت وصفة سحرية أخفته بسرعة فائقة مع أنها سهلة جدا هل تريدينها ؟

[ام رحيم]

لماذا كل هذا التهويل حل سهل جدا وطبيعي 100في 100 قبل غسل الشعر بليه مليح بالخل الابيض وتركيه يشيح ثم غسليه بالشابوان عادي جدا كي تشليه زيدي تشليلة الاخيرة بالخل مرة 2و3 صدقيني حتى بيض القمل يبس ويطيح وبالتوفيق وعاودي الكل كل ماتغسلي شعرك حتى يروح هذا القمل

[بعيدة المنال]

والله استخدمت هذه الطريقة مرات متتالية بلا جدوى

[منى العلم نور]

السلام عليكم اختي هي مشكلة لكن مش الي تخوف الحمد لله ره كاين الدووات والله مرة سمعت زين الاثاث عندو دوة لها المشكل بالنظافة والتمشيط رح يزول باذن الله وراها السخانة يعني يقدرو يتحمو كل يوم والتمشيط المستمل وغسل كل الادوات المستعملة والاغطية والافرشة تتنفظ برا وتعرض لشمس واغطية المخدات تغير يوميا وغسلها رح تزول انشاء الله

[أمّ عبد الله]

السلام عليكم و رحمة الله و بركاته

أختي بعد ما قريت ردود الأخوات ..... أود أن أحذرك من الفليتوكس إياك ثمّ إياك تديريه لولادك راهو مضر بزاف
...
أختي ننصحك جربي خليط (البيض + الخل) ديريه في شعر ولادك و خليهم يباتو بيه
و غدوة من ذاك دوشيلهم و امشطيلهم بالكراطة
و بإذن الله تتخلصي منو

[nola-nounou]

الله يسترنا و الله اختي مليح لي راكي تقعدي في نت لو كان جيت في بلاستك.....................:(

[الأمنيات]

شوفي اختي ادا القمل في الشعر
عن تجربه زيت الزيتون مع الخل وخلطيهم مليح وحطيهم على الشعر وغطي بالبلاستيك وخليه ساعة لساعتين
وكي تحبي تغسلي ما تستعمليش الشومبوان مباشره لا ديري الماء وبقي تسلكي في الشعر وشوفي واش يطيح منه
من بعد عاد ديري شومبوان
ديري ثلاث مرات يروح نهائيا هدا واش نفع معي وعن تجربه صدقيني

[بعيدة المنال]

أنا أعتذر عن الغياب الخارج عن غرادتي لكن تجربتي الناجعة هي ..........نبتة الهندي إييه الهندي الي ناكلو منها كرموس النصارى نحيت جزء من الورقة الكبيرة نقيتها مليح من الشوك ثم قصيتها بالعرض ثم الى قطع صغيرة غليت الماء ثم حصيت فيه القطع بعد ما طفيت النار وغطيت وخليتو حتى صار فاتر بعد غسل الشعر للطفل نكبلو على راسو هذاك الجال المستخلص من الهندي ثم نشفو عادي بدون ما نشلو وفي الغد نعاو نفس العملية وصدقيني لن تحتاجي لإعادة ثالثة لأن البلاء قد ولى ولا يخفى عليك عزيزتي فوائد الصبار العظيمة لأنه يحول الشعر إلى حرير