ساعدوني أرجوكم

[مشكلتي]

السلام عليكم و رحمة الله تعالى و بركاته
كنت أتردد دائما لطرح مشكلتي لكن قررت اليوم أن أكتب عنها خاصة و بعد لأن رأيت نصائحكم للجميع فشكرا لكم

مشكلتي بدات من لي كنت نقرا فالليسي 2 ثانوي فهذاك العام فقدت الثقة بالنفس .. كنت دائما الأولى على مستوى المؤسسة بصح فالعام هذا مفهمتش واش صرا نكون فاهمة كلشي بصح منخدم حتى حاجة .. و دايما نكللاصي روحي من اللخر و نقول الناس هدوك خير عليا و انا منفهمش و منعرفش و اذا رحت نسقسي على حاجة نلقى روحي أنا الي نشرح ... بصح كيما نروحو للاختبار كلشي يروح و يتبخر نخربط كلشي و مخرج و كسما نقولو ديما حاقرة روحي معلاباليش و علاش
كملت معاي الحكاية هدي للعام التاني الي هو نتاع الباك حتى وصل قال لبروق لي كان يقريني مشكيتش تدي الباك ... أنا كنت نقرا و نريفيزي و المورال طايح و فبلاصت مندي الباك بمعدل شباب ديتو ب 13 زدت فقدت الأمل و طحت كتر .... فرحت وي باسكو كسرت واش قال لبروف هداك مي ماشي حاجة
كنت نحلم نكمل في حاجة مليحة نرفع راس والديا مي مكتابش حبيت نعاود الباك هد العام مي وينراه الكوفيونس ... خفت نعاود و نزيد ننهار
لعام هذا فات صعيب بزاف بكيت فيه بزاف خاطرش مين موليتش نوتق في روحي مام موليتش نقدر نعبر على واش بداخلي و الى معجبتنيش حاجة في شي واحد نسكت و نفوتها برك بصح الى أنا درت حجة متعجبهمش الكل تجي يلوم
الى جيت نصارح واحد نولي نبكي

سمحولي طولت عليكم بصح أنا الي مفهمتوش هو و علاش وليت ضعيفة كيما هكذا في الوقت الي لازم نقوا فيه

ربي يخليكم خاوتي عاونوني و قولولي كيفاش ندير و نرجع كيما ققيل و خير

[أيادي الأمل]

وعليكم السلام و رحمة الله و بركاته

فيما يخص الثقة اثناء الاختبارات

إذا نتي ديري كل لي عليك و تقراي مليح و تراجعي مليح لا ادري لما تخافي وتتقلقي في الاختبار؟

ياك درتي لي عليك بقا تدعي ربي و ديري الثقة كلها في ربي لانو النجاح بيدوا و كوني متاكدة مادمتي درتي لي عليك ربي ميخذلكش روحي مطمنة متاكدة بلي رايحة تخدمي فقط توكلي على ربي مليح ودعيه يسددك و سثبتك و يوفقك وخدمي بدم بارد
شوفي الاختبار على انه تحدي و اختبار للمعلومات لي تعرفيهم ماتشوفيهش على انو حاجة مصيرية و لازم تجيبي نقطة معينة انتي اجتهدي تحلي اكبر قدر منو بواش تعرفي وخلاص هدفك اختبار معلوماتك لا غير برهني بلي تعرفي و خلاص

اذا عطيتيلوا اكثر من قيمتوا من المؤكد تخافي و تتقلقي و ترتبكي

ربي يفرج عليك ان شاء الله

[حوت العنبر]

هااو عندك المنتدى هدا عبري فيه على شعورك ههههه
الالاف سيشاهدون كلامك
( وين لقيتيها ؟؟؟ )

عندك اسلوب رائع هههه اسلوبك
( حنين ) باينة فيك ( حنينة )

:)

[منير265]

السلام عليكم ...

الثقة بالنفس ... اقراي كتب ابراهيم الفقي رحمة الله عليه يفيدوك بزااااااااااااااااااااااااااف و كل كتب التنمية البشرية

حاولي تكوني ايجابية و كثري الاستغفار و ديري ثقتك في ربي ... و اذا كان هذا التغيير مفااجئ أنصحك بالرقية الشرعية ..

ابتسمي ديري الخير كوني ايجابية كوني اجتماعية ... صلي الفجر في وقته ... يعني ركزي على أي شيء جميل راه تتغيري بالبزاااف صدقيني

ربي معاااااك و مازااال الحياة طويلة جيبي الباك و تحقي حلمك بحول الله

[no name rix]

أول شيئ عليك بترتيب نفسك
ثاني شيئ الاجتهاد والمثابرة هم سبب النجاح بالطبع مع العامل الاساسي التوكل على الله والدعاء له
معدلك لابأس به فكري في الذي لم يتحصل على الباكالورياا ؟ كيف يقول بالنسبة لك ؟
بالطبع يقول القناعة تفتقيدينهاا ولا تنسي القناعة كنز لا يفنى
ممكن تجتهدي في الجامعة وتحققي علامات ممتازة لأن الدراسة مازال وكل شيئ بالمكتوب
الله يكون في عونك

[chooochooo]

ارضي بقضاء الله
كاين ناس يحلموا يديو الباك ب 10
احمدي ربي على هذه النعمة

[مناد بوفلجة]

السلام عليكم

هناك حالتين :

الحالة الأولى : إما أن تكوني في محيط نشط " العائلة ، صديقاتك "
محيط يحب التعلم و البحث عن الجديد و يسعى للتفوق في الدراسة
و في هذا المحيط ستجدين نفسك تتعلمين و تزدادين تفوقا دون شعور
لأن المحيط هو الذي يدعمك

أو الحالة الأخرى :
محيط كسول محبط ، يحبط كل من يحاول أن يتعلم و يجتهد
في هذه الحالة من أجل التفوق يجب على عقلك أن يلغي ذلك المحيط " يعني لا تفكري فيه و في مستواه " و أن تجاهدين من أجل الخروج من قوقعة الفشل و النظر دوما للأمام و الجد و مضاعفة المجهودات و في هذه الحالة ستتعبين كثيرا لكنك ستصلين لمرحلة التفوق بعد التعب


في الحالة الثانية ، إذا لم تلغي ذلك المحيط من عقلك
فستشعرين بنفس شعورك الآن
و ربي يجيب الخير

[selin cobbra]

اختي انت اقراي و تعبي وفري الاسباب وتوكلي على ربي وكوني متاكدة بلي ربي جامي يضيع تعب مؤمن وردي بالك تفشلي والا تصغري روحك كوني دايما عزيزة وهازا راسك صدقيني كامل راح يعزوك كيما تعزي روحك مي هادي مايشي معناتها تتكبري على الناس
ونزيد نوصيك على حاجة الثقة فالنفس هي مفتاح النجاح اذا ماكانتش عندك ثقة في نفسك ماتقدريش توصلي وين راكي حابة