المساعد الشخصي الرقمي

مشاهدة النسخة كاملة : سؤال على حلوى لمخبز

yara djoumana
2014-06-01, 13:55
انا حابة اندير لمخبز لبنتي انشاء الله لنجاحها في السانكيام و خايفة منو قلت لوحدة تصنع الحلويات قاتلي الحبة ب 7 الاف و الله بزاف و انا عندي الضياف بزاف و على الاقل لازمتني 150 حبة غير المخبز يعني اندير فرد نوع هههههه و لكن حبيت نسال الي تعرف وصفة مليحة و مضمونة تنصحني بيها و بارك الله فيكم و اللوز نخدمو و نرحيه و حدي و الا يتباع واجد و شكرا
karimabatna
2014-06-01, 14:09
شوفي يا اختي كاين بزاف وصفات تاع لمخبز هنا نتي ديري بحث و تلقاي لي يعجبك انشاء الله
كاميلا
2014-06-01, 14:24
ادا كل شيء من عندهاسعر معقول اختي راهو يتعب جربيه وشوفي خاصة 150 و 200 حبة وزيد تقضيلك القضية وترحيلك اللوز رح يكلفك 2 كلغ ونصف لوز ولازم مرحي بودر ناعم جدا
bioimane
2014-06-01, 18:23
regarde ce sujet
لكل المناسبات السعيدة المخبز بكل اسراره بالخطوات المصورة من مطبخي
j peux pa mettre le lien j s8 nouvelle
tsotso70
2014-06-01, 20:35
ألسلام عليكم
متشريه ماوالوا غالي كثير
ألمخبز
ألمقادير:
1كلغ كوكاو مرحي جيداً +250غرام سكر +ذوق فانيلا هذو أعجنيهم بشوية ماء ألزهر تدريجياً حتى تتحصلي على عجينة متماسكة
ومبعد أعملي حربوش طويل من ألعجنة ألسابقة وقطعيها حبات صغار
يطيبو شوية برك كما نقولوا يشموّا ألنار
ومبعد حضري قلاصاج قليل من ألحليب +سكر أقلاصي مغربل
وزينيه باألعقاش أو على مذاقك
MANAL250
2014-06-01, 20:48
walahi ana tani 3andi problem m3a lmkhabaz ijini yabes ida djarabtih w jak chbab amana t3tini tarika
ام محمد78
2014-06-01, 22:45
غاااااااالي بزاف انا نخدم فيه تاع اللوز 5000 وتاع الكوكاو 3000
Fatima DM
2014-06-02, 01:59
3كيلات لوز كيلة سكر لفاني لميه بالبيض غير بالوحدة حتى يتلم زيديلو شوية مارغرين باش يجي طري على حساب الكيلة خليه يريح قيس مايتلق السكر وبداي تخدمي حلي العجينة بالحلال سمك انتي واش حبيتي وبداي تطبعي الشكل لي عجبك قلب مدور مربع وديريه يطيب في سنيوة ما تلسقش رشيها بشوية فرينة وديريه يطيب نار متوسطة الى قليلة على حساب الفور ديالك حتى يبدا يحمار مالتحت خرجيه وخليه يبرد باش تنحيه مالسنيوة حى يشد روحو ولا الطلية اخدمي شربات شوية تقيلة تكون باردة ديري بياض بيضة شوية ماء الزهر عصير قارص حسب الدوق مغرف زيت ملون شاربات كاس وتزيدي السكر قلاص مسير حتى تتلم وهذي نصيحة كي تطلي ديري قرياج تاع فريجيدار تحتو ليانة باش طيح فيه الطلية حطي حبات المخبز على القرياج حطي عليهم الطلية بيدك حتى يتغطاو امبعد ابداي تخبطي بالشوية والطلية الزايدة طيح فالليانة وحطيه السنيوة ينشف ومسحية البريون يسموه لوستراج يكون بودرة بالبانسو وديري ديكور لي حبيتي
ام اماني77
2014-06-02, 13:46
اختي الفاضلة راني سبق وحطيت الوصفة بالخطوات والنصائح شوفي في مواضيعي تلقايه
sidali 2007
2014-06-02, 14:05
http://www.djelfa.info/vb/showthread.php?t=1479852


شوفي تاع ام اماني رووووعة جربيه وعينيك مغمضين
sabine 1988
2014-06-02, 15:06
هذه الوصفة عطاتهانا الاستادة بمركز التكوين بسكرة
رطل لوز مرحي رقيق+200غ سكر عادي+قشور ليمونة+ملعقة صغيرة فاني+2 بيصات كاملين+ماء الزهر
التحضير
نضع المكوناتونضيف قليلا من ماء الزهر ونخلط جيدا
نترك العجينة ترتاح ثم نشكل حسب الرغبة نطبخه في فرن درجته 180 مدة 10د نتركه يبرد ونعمل القلاصاج
narifati
2014-06-02, 16:12
http://www.djelfa.info/vb/showthread.php?t=1479852


شوفي تاع ام اماني رووووعة جربيه وعينيك مغمضين


ههههههههههههههه سبقتينيحنونتي جيت نحط فيه لقيتك حطيتيه جزاك الله خيرا كي ساعدتيها
yara djoumana
2014-06-02, 18:02
الف الف شكر لكل الاخوة و الاخوات الي عاونوني فعلا راني استفدت كثيرا منكم و انشاء الله نجرب و ينجح اكيد مع نصائحكم
بارك الله في الجميع و ربي ينولكم واش تتمناو كل واحد باسمه