مشكلتي لا اظن ان لها حل الا بمعجزة

[مشكلتي]

بسسم الله الرحمان الرحيم
اول حاجة نشكر منتى الجلفة على هاذ الفرصو لي عطاهالنا باه نفرغو قلوبنا ب طريقة سرية جدا و نتوصل لحلول لمشاكلنا
انا مشكلتي راهي ككبيرة و صعيبة و ماشكيتش نسلك منها هاذ المرة
المهم منطولش عليكم
انا اطفلة في عمري 16 سنة نقرا اللولة ثانوي (علبالي تقولولي صغيرة على هاذ لمشاكل بصح والله راني متيقنة من غلطتي)
لموهيم انا كبرت بعيدة على ماما و بابا تع الصح و لي جابوني على خاطر ماما متني لبنت اختها متجيبش لولاد باه تربيني لمهم انا رحت على دارنا كي كان في عمري عام و بنت خالتي لي رباتني هاذي متشددة بزاف مام راجالها معقد بزاف و مانعين عليا قداه من حاجة تافهة و لبنات كاملين متوفرتلهم
من تزيار بزاف انا كنت نخاف من ماما (بنت خالتي) و منحكيلها والو ملي دخلت للمتوسطة بديت نتبع في لبنات العاطلات و نحكي مع ذراري بزاف نكمل قرايتي منروحش نروح و نقعد ندور في الزنق مع الذكورة حتى يوصل الوقت الي نروح فيه كل يوم باه نرجع
سلعة على ساعة كان يحكمني بابا و يقتلني ب الضرب و نوعادهوم منزيدش ندير عفايس خاسرين مي مع نرجع نخالط لبنات نعاود نفس القصة
كبرت و وصلت للرابعة متوسط و انا من طفل لواحد اوخر .. حتى لواحد النهار طحت في واحد وليد حرام و حبيتو بزاف ل درجة كان يقولي جيبيلي دراهم و انا كي العمية نروح نمد يدي على دراهم بابا و نديلو عند بالي هوا يحبني
و وحد نهار طلب مني يدي تسليمة (ربي يسمحلي) و بلاما خممت خليتو يبوسنب..و طلب مني فوطو نتاعي و مديتهالو و انا لابسة روب دو سواري..كي دا مني وش حب اكل ولا طيشني و رجع ظل يرخص فيا و انا غير نبكي حتى وحد نهار فتحت فايسبوك نتاعي لقيت ناسكامل يسقسيو فيا على تصويرتي قالولي علاه حطيتيها انا داراتلي شوك
الله يحفظكم متقولوليش نتي ماكيش بنت فاميليا على خاطر فاميلياتي لزوج مشهورين بزاف من كثر ماهم ناس ملاح و مربيين
بصح انا ملقيتش لي ينعتلي صلاحي و هاذا كامل من الكتم نتاعي وين وصلني
المهم نحى هاذيك تصويرة و فاتو اشهر و ولا يقلي نرجعلك و نحبك بصح انا كرهتو و كون نصيب منشوفوش بصح تصويرتي شاعت و لي يجي يقولي راهي عندي تصويرتك

انا نحلف ديما و تغيظني روحي كي طيحت بالسمعة نتاعي و نتاع بابا و نقول منزيدش ندير حاجا غالطة بصح كي نعاود نخرج و نخاللط لبنات و الذراري نعاود ندير وش كنت و نرجع لعوايدي
ملاحظة برك .. انا دارنا تاع الصح و دارنا الي متربية فيها ماشي ف نفس المدينة و بعاد وحد 50 كيلو.دوكا راني في دارنا تاع الصح و حكيت لخواتاتي و حالفين يقولو لماما لي مربيتني و انا ملقيت حتى حل على خاطر كون يقولولها تخليني هنا و انا منقدرش نعيش هنا و كون تديني معاها تحبسني من قرايتي و انا كلش هوا قرايتي و نقرا مليييييح ملييح..انا علابالي كون نقعد نعيش مع خوتاتي هوما يسقموني و ميخلونيش نضيع فوق هكذا و ندير حوايج كبار

[magica]

قال رسول الله صلى الله عليه وسلم: كل بني آدم خطاء وخير الخطائين التوابون
و قال الله تعالى‏:‏ ‏{‏‏وَمَن يَتَّقِ اللَّهَ يَجْعَل لَّهُ مَخْرَجًا وَيَرْزُقْهُ مِنْ حَيْثُ لَا يَحْتَسِبُ وَمَن يَتَوَكَّلْ عَلَى اللَّهِ فَهُوَ حَسْبُهُ إِنَّ اللَّهَ بَالِغُ أَمْرِهِ قَدْ جَعَلَ اللَّهُ لِكُلِّ شَيْءٍ قَدْرًا‏}

إذن يا أختي عليك بالتوكل على الله وكثرة الاستغفار فهو يحل الكثير من المشاكل ويشرح الصدر.. سترين عجائبه .. استغفري كثيرا كثيرا وستنحل مشاكلك بإذن الله
ثانيا ابتعدي عن هذا الشخص لأنه لا يخاف الله
ثالثا لاتخبريه انك خائفة منه
رابعا تقربي اكثر من والديك وابتعدي عن رفيقات ورفقاء السوء
خامسا الدعاء الدعاء ان يسترك الله وان ييسر امرك ويهديكي الى الطريق المستقيم
سادسا لا تخافي هناك من هم ناضجين وفعلو اكثر منكي ولم يعذبهم ضميره ولم يحسو بخطئهم أما أنت فقد عرفت اين الخطأ
من منا لم يخطأ في حياته لكن الناجح دائما من يتعلم من خطئه ويبتعد عن هذا الخطأ دائما وأبدا
خذي هذا الحديث واعملي به

عَنْ أَبِي عَبَّاسٍ عَبْدِ اللهِ بنِ عَبَّاسٍ رضي الله عنهما قَالَ: كُنْتُ خَلْفَ النبي صلى الله عليه وسلم يَومَاً فَقَالَ: (يَا غُلاَمُ إِنّي أُعَلِّمُكَ كَلِمَاتٍ : احْفَظِ اللهَ يَحفَظك، احْفَظِ اللهَ تَجِدهُ تُجَاهَكَ، إِذَاَ سَأَلْتَ فَاسْأَلِ اللهَ، وَإِذَاَ اسْتَعَنتَ فَاسْتَعِن بِاللهِ، وَاعْلَم أَنَّ الأُمّة لو اجْتَمَعَت عَلَى أن يَنفَعُوكَ بِشيءٍ لَمْ يَنْفَعُوكَ إِلا بِشيءٍ قَد كَتَبَهُ اللهُ لَك، وإِن اِجْتَمَعوا عَلَى أَنْ يَضُرُّوكَ بِشيءٍ لَمْ يَضروك إلا بشيءٍ قَد كَتَبَهُ اللهُ عَلَيْكَ، رُفعَت الأَقْلامُ، وَجَفّتِ الصُّحُفُ)رواه الترمذي وقال: حديث حسن صحيح - وفي رواية - غير الترمذي: (اِحفظِ اللهَ تَجٍدْهُ أَمَامَكَ، تَعَرَّفْ إلى اللهِ في الرَّخاءِ يَعرِفْكَ في الشّدةِ، وَاعْلَم أن مَا أَخطأكَ لَمْ يَكُن لِيُصيبكَ، وَمَا أَصَابَكَ لَمْ يَكُن لِيُخطِئكَ، وَاعْلَمْ أنَّ النَّصْرَ مَعَ الصَّبْرِ، وَأَنَّ الفَرَجَ مَعَ الكَربِ، وَأَنَّ مَعَ العُسرِ يُسراً)

[- بصمة خير -]

اللي يجب يغلط يحوس على الاعذار من تحت الأرض باش يغلط و لما يقع الفاس في الرأس يَجد على من يضع الحق

[كلمات مبعثرة]

السلام عليكم
بل مشكلتك عندها حل اختي والحل في يدك انتي وحدك وليس عند احد
اولا حبيت نقولك بلي سن 16 سنة لايعني انك مرفوع عنك القلم بالعكس راكي كبيرة وتقدري تميزي بين الصح والخطأ وحدة عمرها ست سنوات صح تقول راني صغيرة ومانعرفش صلاحي لكن انتي ماشاء الله راكي في الثانوية وصدقيني هناك بنات في الابتدائي وقادرات على التمييز بين الصح والخطا وكيف يحافظن على انفسهن ...لهدا خليك من هاد العدر تاع انا صغيرة ومانعرفش صلاحي كلنا مرينا من سن 10 سنين و16 سنة والحمدلله لم ننحرف ولم نخطىء هدا اول شيء لازم تعرفيه ..وعليك ان تسالي نفسك اي نوع من البنات صاحبتي؟؟؟
هل كل بنات الثانوية من النوع نفسه؟؟ ام ان هناك بنات طاهرات عفيفات لاينشغلن الا بالدراسة؟؟؟ اسالي نفسك بمادا تختلفين عنهن.؟
هل هن اكبر منك؟ اكيد لا؟ ستجدين الجواب والدي يكمن في انك انتي بنفسك تميلين للانحراف اكثر من الالتزام ...
لدا فعليك ان تختاري صديقات محترمات ومتربيات وتمسكي بهن لن تضيعي بادن الله اما ادا اصريتي على حياة الانحراف والركض وراء بنات الهوى لن تجنين الا المتاعب والمشاكل ...راكي شفتي وين وصلتي عندما صاحبتي تلك الفتيات صورتك انتشرت عبر الانترنت من واحد لواحد هده خيانة للامانة ثقة والديك فيك امانة تسالين عنها يوم القيامة عملوا على تربيتك وحافظوا عليك وانتي بمادا قابلتي معروفهم قابلتيه بالخيانة ...
يااختي سمعة البنت وشرفها كالرصاصة ادا انطلقت لن تعود ابداااااااااااااااااااااااااااااا
راكي اعترفتي بنفسك تديري حوايج كبار لو كانت هده الحياة مريحة لما احسستي بهدا الاختناق الدي اوصلك الى كتابة هدا الموضوع
الحقي سمعتك ونفسك وانقدي روحك من الوحل الدي انتي تغرقين فيه قبل فوات الاوان ..وكفي عن الاساءة الى اهلك وخيانة ثقتهم ..سواء اهلك الحقيقيين ام لي ربوك الاثنين يحبولك الخير والتزيار لي كنتي تهدري عليه آن لك ان تعترفي بانك تستحقينه فلو ارخوا لك الحبل لاصبحتي في خبر كان..
وواش هاد الخرطي والتمسخير تاع حبني وحبيتو وحب يرجعلي وكرهتو؟؟؟؟؟؟؟؟؟؟؟؟؟؟؟؟؟؟؟؟؟؟؟
انتي ترتكبين جريمة في حق نفسك ...اي حب تتكلمين عنه لي يحبك يحميك ويحمي سمعتك ويقصد داركم هدا لو كان في سن الزواج ماشي ينشر صورتك على الانترنت اسالي نفسك هل نشر صورة لاخته؟؟؟؟؟؟؟؟؟؟؟؟؟؟؟؟؟؟؟؟؟؟؟؟
اكيد لا لان اخته يحميها بالرغم من عمره 16 سنة الا انه يعرف صلاحو فلا تكوني غبية وتجعلي نفسك لعبة في ايدي من هب ودب.
لمادا ارسلك اهلك للمدرسة؟؟؟ اسمها مدرسة يعني مكان مخصص للدراسة وليس حديقة تسليةوالعاب اهلك ارسلوك للدراسة روحي اقراي قرايتك وارجعي للدار وابتعدي عن صحبة السوء ففي الاخير انتي الخاسرة حتى هادوك البنات المنحرفات لي راكي تدوري معاهم يعرفو يحموا انفسهن احسن منك والدليل حتى وحدة ما اعطات صورتها ونشرتها في الفايس بوك لمن هب ودب استيقضي قبل فوات الاوان واهتمي بدراستك فقط واختاري صحبة صالحة واكثري من الاستغفار والدعاء في الصلاة وقراءة القرآن قبل فوات الاوان والا سياتي عليك يوم لن يفيدك الندم ولا البكاء على الماضي..

وفقك الله

[أميرة الاخلاق نور]

يا اختاه قصتك صح كبييييرة

فقط عليك بالتوبة والصلاة وكثرة الادعية وان شاء الله يهديك ويصلح كل امووورك

لاعليك انت صغيرة وملذات الدنيا تدي فيك .. مي من الان ورايح ان شاء الله اتركي هاد الامووور وعيشي عند يماك وخمي غيير في قرايتك وان شاء الله

يجيك في المستقبل الولد لي يحبك وتحبيه وتعيشي هانية يااااااربـــــ

[exellance]

اولا اختي اذا كنتي تعرفي انه بمخالطتك للبنات لمهمش ملاح تعودي كما هوما تجنبي هذا الامر وارجعي عند اخوتك بما انك قلتي انهم سيساعدونك
هذا ما استطعت نصحك به اختي لان هذا الامر اولا واخيرا راجع ليك وحدك انتي لي قادرة توبي وكل شي يتصلح وحدوا
اما بالنسبة للصديقات لقلتي هم من يضلونك هذي بعييييدة بزاااف نتي لتتحكمي في نفسك وكل واحد مسؤول عن نفسو واخيرا ادعي ربي يهديك برك ولا تضيعي الصلاة ابدا لانها تنهى عن الفحشاء والمنكر

[امينة111]

اختي اولا عليك بالاستغفار

و القرب من الله عز وجل بالدعاء

وابتعدي عن رفيقات السوء وقطعي علاقتك بيهم نهائيا لانك اذا بقيتي معاهم غادي تتورطي كتر من هاك

وراك مزالك صغيرة و تندمي لان شرف الفتاة هو كل شبئ


وذا شفت خواتاتك يقدرو بساعدوك بقاي معاهم احسن

و ربي يفرج عليك ويهديك
ا

[naamane3]

كيفاش الحديث يقول لا يلدغ المؤمن من الجحر مرتين .

[naamane3]

حديث رسول الله صلى الله عليه وسلم
لا يلدغ المؤمن من نفس الجحر مرتين
وانت لدغت منه عشر مرات
اين راسك وماهي طريقة تفكيرك
بدلي صحاباتك وبدلي غقليتك
وتوبي عسي الله يغفر لك

[منير265]

بصراحة انت متوقعة يقولولك واش راح نقولهالك و لكن نزييييييد نوضحااا

صح مازاااالك صغيرة و تشوفي ما تشوفي من الدنيا هذي ... اتعلمي و استفادي من الأخطاء و ما تعاوديهمش ... مادام راكي عارفة و فايقة وين الخلل ما ترجعيش ليه ... و نصيحتي لك تبعي لبنات القرايات ... الصح في الصحبة الصالحة ... اخطيييييك من البنات لي يقراوش

ربي معاااااااااااااااااك و الان أمك راح تزير عليك بالبزاف و لكن صدقيني شدة و تزووول

[Bigg Sam]

السلام عليكم
إنشاء الله تنحل مشكلتك و تمر على سلام. فقط عليكي بالإستغفار والصلاة و الدعاء.والإعتراف بالخطأ.فنحن البشر كلنا نخطأ ولكن خير الخطاؤون التوابون. أنت في فترة المراهقة وهي فترة صعبة لأنها فترة إنتقالية من مرحلة الطفولة الى البلوغ والشباب.ويجب أن تتعلمي من الآن ....والآن عليك التفكير في الدراسة وتجنب الأسباب التي دفعتك الى الى ارتكاب الخطأ مثل رفقاء السوءوعدم السماع للوالدين....المهم لاتدعي هذه الكبوة تجعلك حزينة طول حياتك فقط إستخلصي الدرس وتقربي من الله وواصلي حياتك ..... وفقك الله و رعاك

[أميرة العلوم]

واش راح نقلك اختي

السبب الرئيسي في الصديقات لي راكي تمشي معاهم شحال من وحدة نعرفها كانت مليحة و تودرت من رفيقات السوء

ننصحك تبعدي عليهم و اذا شفتيهم مزالو يحبو يمشو معاك صارحيهم و قوليلهو واش في قلبك يعني بلي هوما ما همش ملاح

حتى و لو كان كلام جارح بهاذي الطريقة صدقيني و الله وحدة ما تزيد دور بيك حتى اذا رحتيلهم انت رايحين يتجنبوك وحالي تصادقي

لي متربيات و ما تقوليش بلي راهم معقدين بالعكس هاذو هوما احسن ناس حاولي تكوني صحبتهم و ننصحك تلبسي الحجاب

مش خمار فقط لاااا الحجاب الطويل لانو رايح يقنعك و تكبري في عين كامل الناس صدقين حتى لولاد ما يعودوش يدورو بيك

كيما انا كاين بزاف ولاد ما همش ملاح في ليسي تاعي مي انا يحتارموني لدرجة ما تتصوريهاش و يهدرو معايا غير في مجال الدراسة

حاولي تاني و لازم تستفيدي من اخطائك و ما تعاوديهاش المئمن لا يلدغ من الجحر مرتين

و اكثري من الصلاة و ننصحك تنحي الفايس كامل لانو هو سبب المشكل الرئيسي

حظ موفق اختي و ربي يكون معاك

[la perle rima]

راكي عارفة انو السبب الأول كي خبيتي و مهدرتيش يا اختي اللي رباتك تخاف عليك و راجلها اللي قلتي معقد يجي نهار و تفهمي ايلا صح معقد ولا لا و والديك يخافو عليك و خواتاتك تاني متزيديش تخبي و لو حاجة صغير تقربي من عائلتك و اللي برا تاكدي انو ميبغولكش الخير و راكي تشوفي وين وصلتي بسبابهم بدلي المدرسة ايلا كان تقدري و ابداي حياتك من جديد و حاولي تصلحي واش فات و حكي لوالديك كلش اكيد رايحيين يزعفو بصح هوما الوحيدين اللي يقدرو يساعدوك احمدي ربي عندك عايلة ماشاء الله كاين اللي راهم يتمناوها و مصابوهاش

[ولد حمد الباتني]

الله غالب صغيرة ماتعرفيش
هاذا طفل مجنونة اذا رجعتي تحكي معاه الي يفضح فيك ويمد الصورة تاعك هذا يهودي
اما الباقي اتحملي واش راح يصرا وربي سهلك وتريقلي روحك وتلتاي بقرايتك

[حوت العنبر]

الصورة تاعك لكان تحطت في الفايسبوك يصعب حدفها لانها انتشرت في مواقع عديدة خاصة المواقع الجنسية والصفحات الجنسية في الفايسبوك وهي بالالاف لان اصحاب تلك الصفحات ينسخون صور بعضهم بعض ويضعونها في صفحاتهم ومواقعهم ويمكنك الدهاب لاي صفحة في الفايسبوك لتشاهدي نفس الصور في عدة مواقع ومنتديات وصفحات فايسبوك
هدا حسب خبرتي في مجال الانترنات
احسن شئ قدمي بلاغ للشرطة وراح تشوفي واش يعملو فيه وانت تخرجي بريئة لانك صغيرة

[nilly]

انا متاكدة بان اهلك لم يناقشوكي ابدا في مثل هده الامور
ولم تتم توعيتكي لا من طرف الام ولا من طرف الاب فكيف لاهل ان يشددوا على اولادهم لهدي درجة ومبعد كي ينحرفوا ولادهم يعاقبهم وهما اصلا الغلط عليهم ماشي على ولادهم . التشدد وكتم وحرية التعبير من المؤكد انه يولد الانفجار

[Bigg Sam]

الصورة تاعك لكان تحطت في الفايسبوك يصعب حدفها لانها انتشرت في مواقع عديدة خاصة المواقع الجنسية والصفحات الجنسية في الفايسبوك وهي بالالاف لان اصحاب تلك الصفحات ينسخون صور بعضهم بعض ويضعونها في صفحاتهم ومواقعهم ويمكنك الدهاب لاي صفحة في الفايسبوك لتشاهدي نفس الصور في عدة مواقع ومنتديات وصفحات فايسبوك
هدا حسب خبرتي في مجال الانترنات
احسن شئ قدمي بلاغ للشرطة وراح تشوفي واش يعملو فيه وانت تخرجي بريئة لانك صغيرة


يا أخي كف عن ترهيب الفتاة . يوجد ملايين الصور في النت فكيف يختارون هذه الصورة بالتحديد لتوضع في مختلف المواقع.
يا اختي ما تخافي والو انشاء الله ادعي ربي وانشاء الله ربي يكون معاك.

[salim 97]

التوبة ثم التوبة ثم التوبة ..........

المزية كي موقعتيش في الفاحشة ............

[kholode]

إنشاء الله تنحل مشكلتك و تمر على سلام

[med8]

انصحكي يا اختاه هو الصدق في التوب الى الله عز و جل اولا ثم قيام الليل و الدعاء الدعاء الدعاء وسوف تفرج عليكي باذن الله ومن يتق الله يجعل له مخرجا فلا مناص اذا الا العودة الى طريق المنجاة الا وهي طريق الله و رسوله و الحدر ثم الحدر من الدخول في متاهة عقوق الوالدين فرضى الله في رضاه و السلام ,

[مناد بوفلجة]

السلام عليكم

و الله أيتها الأخت الكريمة أنت ضحية مجتمع و بالدرجة الأولى ضحية تصرف ولديك الحقيقيين

و أيضا ضحية تصرف والديك اللذان ربياك

و مادمت شعرت بتأنيب ضمير فإعلمي أنك حية و أن الروح الطيبة لازلت تملكينها
و تأكدي أن كل شيء سينسى مع مرور الزمن

حاولي التغيير من الآن ،

و في قضية الصورة ، فأنت قاصر
قومي بتبليغ الشرطة على ما قام به ذلك النكرة
و سترين كيف سيجرونه إلى السجن

أو هدديه بإبلاغ الشرطة

و نصيحتي لك ، عودي لوالديك الأصليين

فلن تشعر بألمك مثلما تشعر به أمك الحقيقية التي كان رحمها مسكن لك

المهم ، كوني شجاعة و كوني صاحية رأي و موقف
و سيري مع الحق و لا تخافي في الله لومة لائم
و الحياة لا تزال مفتوحة أمامك على مصراعيها ، فقط عليك بالعزم نحوها

و ربي يجيب لي فيه الخير