انصحوني

[mira mira02]

سلام اريد نصيحة لوجه الله لااريد التجريح و الاهانة
انا فتاة
في الجامعة كان يقرا الواحد الشاب معايا كان يخبني بصح عمرو ماصارحني انا كنت عارفا من تصرفاتو تخرج قبلي بعامين راح خدم و كون نفسو وجا قالي ادا ترضاي بيا انجي نخطبك انا قتلو خليني نخمم ثم قتلو موافقة اعطيتلو العنون استنيتو بزاف بصح مجاش
انا انسيت الموضوع بصح بقا هدا الشاب في بالي
اتمنيت نتلاقاه و يقولي علاش ماوفاش بوعدو ليا كنت نتلاقا مع اعز اصحابو بصح نحشم ادا نسقسيه عليه
بعد سنين تلاقيت بصديقو ليا و سقساني ادا راني متزوجة قتلو مزال ماكتبش المكتوب قتلو راني خدامة بعد ايام جا لعندي و اعطاني رقم الهاتف تاع صاحبو و قالي عيطيلو انا افرحت و يارتني مافرحت
عيطتلو قالي حاب نشوفك باش نهدر معاك و نفهمك قتلو انت تزوجت ولا مزال هو جاوبني انو مزال عازب
اتلاقيتو و بقا يشوف فيا و قالي جملة
انو مدام الشمس تشرق و الله ماينساني حرت من هدا الكلام ثم قالي واش تقولي انت
انا قتلو اكيد اتزوجت قالي مايهمش اتفارقنا كي رجعت للبيت عيطلي و قالي انو متزوج و عندو طفلين و اتزوج لظروف و انو حوس عليا قبل زواجو بصح مالقانيش و بدا يبكي و يحلف
قالي انو والله ما يسمح فيا مهما كانت الظروف
هو طلب مني الزواج قالي انو ماعندو حتى مشكلة ادا اتزوج مرة اخرى و قالي عندي مشاكل مع زوجة الاولى طلب مني التفكير
راهو كل وقت يتصل بيا ماقدرش نكمل اسفة

[فارس وجواد]

و أي نصيحة تريدين منا أختي الكريمة ........ تريدين منا مثلا أن نقول لك ..... تزوجي به " إن كان صادقا طبعا " و خربي له بيته ....
السيد ضحك عليك و خلاك تعيشي في أحلام وردية ........ و ببعض الكلمات الشاعرية صدقتيه ........ و لكن هو فايق عليك ........ نستعرف بيه ....... راح كمل حياتو ......... و أنت للاسف مازلت في مكانك لم تتحركي .
شدي مليح في الخيط الراشي و ابقاي كيما راكي .......... على بالك بلي دموع التماسيح أحيانا تغر ........ حتى التماسيح نفسها ......... فما بالك بالبشر .

[aymen01]

تهدري مع هذا و هذاك

و تزيدي تعيطيلو من فوق

انا وحدا كيما انت منخزرش معاها لا حشمة لا دين

[mira mira02]

تهدري مع هذا و هذاك

و تزيدي تعيطيلو من فوق

انا وحدا كيما انت منخزرش معاها لا حشمة لا دين

واش قصدك بكلامك

[نارينا]

مرحبا عزيزتي ...اخر سطر في المشكل يثبت أنك تمرين بهزة عاطفية كبيرة وسيطرت مشاعرك حتى على حروفك فيبدو لك الكون أسودا من دونه وارتضيت ضمنيا [ان تكوني "ربما" الثانية فقط لاجل قلبك والكف من ألمه ونزفه .....فكري جيدا.... لن يدوم الم الفراق وغدا يوم اخر....انسيه وأعتبريها تجربة وعدت .....الكون مملوء بمن هم أفضل منه ولو كان فعلا يريدك لوجدك .....فأنت لم تهجر البلد ورقمك كان عنده....فرج الله عنك

[naamane3]

اذا كنتي تحبي تبني حياتك على خراب بيوت الاخرين اقبلي
واذا لا اقطعي وشوفي اللي يرضى بيك وترضاي بيه
ومن الاحسن تغيري رقم هاتفك وتنسايه
وكثرة الاستغفار تساعدتك على نسيانه

[mira mira02]

مرحبا عزيزتي ...اخر سطر في المشكل يثبت أنك تمرين بهزة عاطفية كبيرة وسيطرت مشاعرك حتى على حروفك فيبدو لك الكون أسودا من دونه وارتضيت ضمنيا [ان تكوني "ربما" الثانية فقط لاجل قلبك والكف من ألمه ونزفه .....فكري جيدا.... لن يدوم الم الفراق وغدا يوم اخر....انسيه وأعتبريها تجربة وعدت .....الكون مملوء بمن هم أفضل منه ولو كان فعلا يريدك لوجدك .....فأنت لم تهجر البلد ورقمك كان عنده....فرج الله عنك

شكرا لك اختي رقمي لم يكن عنده لم اعطيه خفت منو

[نارينا]

عفوا أختي قرأت مجددا والعنوان أهم من الرقم وهو حجة ثانية على تماطله.......

[زرقـآء اليمآمـة]

السلام عليكم
بالشوية على الفتاة مسكينة ......... هي نية وتحسب هذاك الخداع مثلها ..............
المهم اختي الي باعك بالفول بيعيه بقشوره لو كان فعلا احبك ويريدك زوجة لخطبك وتزوجك منذ البداية .......... لكنه كان يتمسخر ويلعب بعواطفك .......... فوتيه وخطيك منو .......... و ابني حياتك مع آخر يستاهلك ............... ونصيحة مني : لا تهاتفي اي شاب بغية التعرف عليه للزواج ............ فهم بذلك يهينون المراة المبادرة .............. اتركي امرك لله واكثري الدعاء ليرزقك الزوج الصالح والله المستعان

[* الحلم سكر *]

و أي نصيحة تريدين منا أختي الكريمة ........ تريدين منا مثلا أن نقول لك ..... تزوجي به " إن كان صادقا طبعا " و خربي له بيته ....
السيد ضحك عليك و خلاك تعيشي في أحلام وردية ........ و ببعض الكلمات الشاعرية صدقتيه ........ و لكن هو فايق عليك ........ نستعرف بيه ....... راح كمل حياتو ......... و أنت للاسف مازلت في مكانك لم تتحركي .
شدي مليح في الخيط الراشي و ابقاي كيما راكي .......... على بالك بلي دموع التماسيح أحيانا تغر ........ حتى التماسيح نفسها ......... فما بالك بالبشر .

احسن رد لا كلام فوق هذا و ارجو اختي ان تفهمي ما بين السطور

[الفاتحة]

تلقيتي بصديقه وأعطاك رقم هاتفه وطلب منك الاتصال به، وحضرتك فرحت، شر البلية مايضحك، يا أختي اي شريعة هذه التي تبيح لك الكلام مع أجنبي، صدقيني استهنت بشرع الله فأهانك الله، توبي توبة نصوح واشغلي نفسك بدينك أحسن لك، وتجاووي تفاهات الامور التي جعلت حياتك خزي، والعياذ بالله خزي في الآخرة .....موفقة عزيزتي وسامحيني على قساوة كلماتي فلعها تجد منفذا لقبك وعقلك

[bellaluna]

يا اختي الغالية تزوج و أنجب طفلين و الان تذكرك...أين كان كلّ هذه السّنين ؟
نصيحتي ان تغيّري رقم هاتفك و اكثري الدّعاء أن يرزقك الزوج الصّالح و لا تدخلي في متاهات مع رجل متزوج انت في غنى عنها.

[mira mira02]

شكرا على الردود بالرغم من قساوة الكلام و التجريح
لي في قلبي لا يعلمه الا الله انا لست بنت شوارع او ...............

[eBusiness]

تزوجيه لأنه من طينتك خير من أن تتزوجي مسيكنا اخر وقلبك معلقا بهذا الشخص لهذا أرى أن الحل المناسب هو أن تتزوجا فيبقى كا يقال زيتكم عندكم والحديث قياس والسلام عليكم يا معشر القوم

[mira mira02]

تزوجيه لأنه من طينتك خير من أن تتزوجي مسيكنا اخر وقلبك معلقا بهذا الشخص لهذا أرى أن الحل المناسب هو أن تتزوجا فيبقى كا يقال زيتكم عندكم والحديث قياس والسلام عليكم يا معشر القوم
حرام عليك اقسم بالله ماتحشمو

[رحيق الروح]

السلام عليكم .يا الشلفية انتي درتي الي عليك و زيادة كي مديتيلو العنوان ..........ماجاش و ماحوسش و زاد راح تزوج و راه عندو زوج ذراري الله يبارك .............و ممكن راه عايش حياتو بالطول و العرض ..............و هذا وين جيتي في بالو و عرف بلي مايقدرش يعيش بلا بيك .................يرحم والديك اختي امالا هذا السيد كان في غيبوبة كي كنتي بعيدة عليه ...............مسكين والله غير غاضني تاع الصح ................واش هي الظروف القاهرة الي خلانو يتزوج و مايقيمش حتى و يجي يقلك سمحيلي ماتستناينيش و هذا مكتوب ربي و ربي يسهلك....................الي خلقو خلق غيرو و ماتنسايش راه بمرتو و زوج ذراري ماتفسديلهمش حياتهم و اذا باغي يفسد حياتو ماشي بيديك انتي .................انتي تستاهلي سيد الرجال

[mira mira02]

السلام عليكم .يا الشلفية انتي درتي الي عليك و زيادة كي مديتيلو العنوان ..........ماجاش و ماحوسش و زاد راح تزوج و راه عندو زوج ذراري الله يبارك .............و ممكن راه عايش حياتو بالطول و العرض ..............و هذا وين جيتي في بالو و عرف بلي مايقدرش يعيش بلا بيك .................يرحم والديك اختي امالا هذا السيد كان في غيبوبة كي كنتي بعيدة عليه ...............مسكين والله غير غاضني تاع الصح ................واش هي الظروف القاهرة الي خلانو يتزوج و مايقيمش حتى و يجي يقلك سمحيلي ماتستناينيش و هذا مكتوب ربي و ربي يسهلك....................الي خلقو خلق غيرو و ماتنسايش راه بمرتو و زوج ذراري ماتفسديلهمش حياتهم و اذا باغي يفسد حياتو ماشي بيديك انتي .................انتي تستاهلي سيد الرجال

شكرا حنونة
للتوضيح فقط انا لست بنت شوارع
مايحس بالجمرة غير لي عافس عليها

[رحيق الروح]

شكرا على الردود بالرغم من قساوة الكلام و التجريح
لي في قلبي لا يعلمه الا الله انا لست بنت شوارع او ...............

حاشا اختي شكون قال انتي بنت شوارع .....................لكن هذا ماشي راجل الي تخممي فيه و يغيضك الحال .................راكي تخممي بقلبك ...................خممي بعقلك شوية والله راح تربحي ..................و ديري في بالك حاجة انتي بغيتي الحلال و هو الي خسرك ماشي انتي الي خسرتيه ...............نسايه و عيشي حياتك ................الدنيا ماتوقف حتى عند واحد .و ربي يجيبلك سيد سيدو ..................المهم ادي موقف من القصة و ماطوليهاش لانو غير انتي الي راح تخسري

[mira mira02]

حاشا اختي شكون قال انتي بنت شوارع .....................لكن هذا ماشي راجل الي تخممي فيه و يغيضك الحال .................راكي تخممي بقلبك ...................خممي بعقلك شوية والله راح تربحي ..................و ديري في بالك حاجة انتي بغيتي الحلال و هو الي خسرك ماشي انتي الي خسرتيه ...............نسايه و عيشي حياتك ................الدنيا ماتوقف حتى عند واحد .و ربي يجيبلك سيد سيدو ..................المهم ادي موقف من القصة و ماطوليهاش لانو غير انتي الي راح تخسري

صحيتي غير انت لي فهمتيني قوليلي حبيت نحدف الموضوع وما عرفتش لاني انجرحت كثير

[eBusiness]

حرام عليك اقسم بالله ماتحشمو

اختاه حسني ألفاظك والزمي لسانك

أنا جاوبتك بكل صدق ومن أعماق ما تعلمته من هذه الدنيا، أكره ما أكره أن تكون بنت واقعة في حب اخر وتتزوج رجل اخر يعيش معها نصف رجل ثم أين هو العيب في أن تتزوجيه، أرى أنك راضية أن تكوني الزوجة الثانية وهو مستعد ليتزوج بالثانية والشرع ليس ضد هذا الأمر، الشرع هو ضد العلاقات هذه وحديثك معه في الهاتف والشارع وهذه هي قلة الحشمة الحقيقية أما كلامنا فهو صدقا من طينة ما كتبت أنت فهل تريدين أن نكذب عليك ونقول أمورا أخرى مثلا؟

وسأبقى ضد مسألة أن تكون الفتاة متعلقة وعلى علاقة بشخص وتتزوج شخصا اخر يعني قليلا من الحشمة والخوف من الله

بالتوفيق اختي، لا تسألي إن كنت لا تتقبلين ردود الناس فنحن هنا كل واحد منا له تفكيره ونظرته وإن لم تعجبكي نظرة البعض عليك الاحتفاظ بنظرة من يعجبكي تفكيرهم مع احترام الاراء الأخرى فنحن هنا نتعاون من أجل الخير للجميع ثم قد يأتي يوم وأسأل أنا سؤال هل يعني إن لم يعجبني راي أحدهم، هل سأتطاول في لسناني معه، بلى احترم رايه والصدق كل الصدق أنك مذنبة أنت وهذا الشخص أمام الله لهذا توبوا إلى الله العلي القدير

سلام

[رحيق الروح]

صحيتي غير انت لي فهمتيني قوليلي حبيت نحدف الموضوع وما عرفتش لاني انجرحت كثير
ربي يجيبلك الخير ان شاء الله راسلي احد المشرفين او المشرفات و قلهم حابة نحذف الموضوع..........................الاعضاء ردو من باب الخوف عليك فقط ماتزعفيش

[mira mira02]

ربي يجيبلك الخير ان شاء الله راسلي احد المشرفين او المشرفات و قلهم حابة نحذف الموضوع..........................الاعضاء ردو من باب الخوف عليك فقط ماتزعفيش

شمرا ربي يحفضك

[mira mira02]

بصح كيفاش نراسلهم

[رحيق الروح]

لقد راسلت احدهم و ان شاء الله يتحذف الموضوع اختي .تراسليهم عن طريق الرسائل الخاصة

[أم عبد الكريم]

اختي انسايه لانه تزوج و عندو ذراري يعني هو نساك او بالاحرى مكنتيش في بالو خلاص لانه كان يعرف العنوان و ابسط شيء قبل ميزوج يسقسي اي واحد يعرفك يقولو بلي مزلتي مزوجتيش لكنه فاتك و تزوج بوحدة اخرى و ضرك بغا يزيد يلعب بيك مرة ثانية حذاري يا اختي فالذئاب البشرية تبكي و تستعطفك و تكذب لتصل الى مبتغاه متزيديش تكلميه و حتى كان جا و خطبك ما لازمش تبني سعادتك على تعاسك زوجة اولى و ابناء ما ذنبها هي ربي يبعثلك ولد لحلال وما تحسينه مجرد مشاعر زائفة فالحب الحقيقي يكون مع الزوج نتاعك في الحلال و ربي يوفقك

[mira mira02]

لقد راسلت احدهم و ان شاء الله يتحذف الموضوع اختي .تراسليهم عن طريق الرسائل الخاصة

شكرا اختي ربي يعطيك حسب قلبك