ملخصات انجليزية بطريقتي..........

[nina_25]

السلام عليكم احبائي هادو الدروس تاع النجليزية الي قريناهم

بطريقة مختصرة وسهلة ومشروحة تابعووووووووووو

ودعواتكم الصالحة:19::19::19::19::19::19::19::19::19:

[simohammed]

win rahom malgithomch

[nina_25]

ران رايحة نبدا ختي

[simohammed]

aaaaaaaaaaaa oki nchlh ifidouna

[nina_25]

باسم الله الرحمن الرحيم اما بعد

الوحدة الاولى ........

الدرس الاول قرينا سيمي مودل / used to/ هدا معنتها اعتدت على........ نستعملوه في عادة كنا نديروها في الماضي

الان استعمالاتو او القواعد تاعو.......

1-- s + used to+ stem............. ستام معنتها الفعل في لانفينيتيف بدون to هادي نستعلموها في جملة بسيطة وعادية مثلا I used to visit my grand mother اعتدت على زيارة جدتي

2--- s+ did not use to+ stem.........هنا نلاحظو مدرناش used to ودرنا use to بدون d علاش بسكو هاديك d داتها did وادا درتوهم في زوج تكون الجملة خاطئة وهدي نستعملوها في الجملة المنفية متلا Idid not use to visit my grand mother لم اعتد على زيارة جدتي

3-- ?+ did +s+use to+ v in stem هادي نستعملوها في طرح السؤال متلا did you use to visit your grand mother? ........ هل اعتدت على زيارة جدتك؟

هدا هو الدرس الاول
تابع.........
2--

[nina_25]

الدرس الثاني ...

the modal -- had to

نستعملوه في حاجة لازم عليك ديرها بسيف عليك مضطر

ملاحظة قاع the modals يجي موراهم stem

قلنا هادا had to هو the past of must
نقولو في must يجب عليك مراجعة دروسكومع had to كان يجب عليك مراجعة دروسك
هدا ادا مهوش مفهوم قولولي نعاود نشرحو بطريقة اخرى

امتلة
you must revise your lessons يجب عليك مراجعة دروسك
you had to revise your lessons كان عليك مراجعة دروسك

[nina_25]

الدرس الموالي......

to express concession.......هادي معنتها العبارات تاع بالرغم

عندنا عبارت الي هوما though - although- despite-in spite of

وي هادو قاع عندهم نفس المعنى تاع بالرغم ولكن كاين اختلافات في الاستعمال دوك نبداو بالوحدة

1 مع though و although هادو نديروهم نورمال في جملة عادية جملة فعلية عندك
عندك دير though م هي الاولى ومبعد يجي موراها السبب ومبعد موراهم النتيجة ....... وادا درت النتيجة هي الاولى دير though فالوسط ومبعد موراها السبب .........متلا though the exam was easy . I did not work well بالرغم من ان الامتحان كان سهلا الا انني لم اعمل جيدا .
2-- وعلى العكس مع despiteو in spite of يجي موراهم جملة اسمية خالية من الفعل معنتها السبب يكون مفيهش الفعل امممم هوما يعطوهالنا فيها الفعل وحنا لازم نرجعوها جملة اسمية ران نهدر على السبب اوك؟ دوك حاجة ساهلة كيفاش نرجعو الجملة اسمية
نعطيلكم طريقة جد سهلة اوك
عندك تروح لسبب وتحوس على الفعل وين راه وترجعو في لانفينيتيف تاعو وتزيدلو ing
متلا طاولنا .... the exam was easy . but I did not wok well ويطولنا بين قوسين in spite of اوdespite معنتها نرجعو السبب جملة اسمية
اوك نحوسو على السبب الي هو الامتحان كان سهل اوك ومبعد نحوسو على الفعل وين راه الي هو was نرجعوه في لانفينيتيف الي هو
be ونزيدلو ing يرجع being اووك ونحط العبارة كيما راهي منبدل والو ترجع
despite the exam being easy. I did not work well بالرغم من سهولة الامتحان الا انني لم اعمل جيدا


هدا هو واكا كاين استفسار انا في الخدمة

[seghier_a]

ملخصات رائعة جات في وقتها

[seghier_a]

زييدلنا كيفاش تجي الاسئلة فيها في الامتحان

[nina_25]

[
حسنا طلباتكم في الخدمة اخي :):):):)

[nina_25]

ومبعد قرينا وحد الدرس فيه كيفاش نصنعو adj

عندك القاعدة تقول well+the past participle of verb=adj
متلا يعطولنا to read ويقلك رجعها adj ايا انت طبق القاعدة
well readen اوك هنا درنا well وصرفنا الفعل في p.paticiple ورجعتنا adj

[amelmima]

Merci rabi yahafdek
SVP ana manich fahma unless la ta9dri tfahmini please.

[nina_25]

merci rabi yahafdek
svp ana manich fahma unless la ta9dri tfahmini please.

اوك لي عودة بعد قليل لاشرح لك

[seghier_a]

ومبعد قرينا وحد الدرس فيه كيفاش نصنعو adj

عندك القاعدة تقول well+the past participle of verb=adj
متلا يعطولنا to read ويقلك رجعها adj ايا انت طبق القاعدة
well readen اوك هنا درنا well وصرفنا الفعل في p.paticiple ورجعتنا adj
هذا ماكن زيديلنا امثلة اخرى
ما فهمتش كيفاش نحولوه

[nina_25]

هذا ماكن زيديلنا امثلة اخرى
ما فهمتش كيفاش نحولوه


اوك هوما يعطولك فعل ويقولولك رجعها adj انت تبع القاعدة الي مديتهالكم

متلا يعطولك to learn وترجعها well learned

to eat .........ترجع well eatten

to play ترجع well plaied

واش نقلك خويا انت لازم تكون عارف the past p تاع الافعال

[seghier_a]

اوك هوما يعطولك فعل ويقولولك رجعها adj انت تبع القاعدة الي مديتهالكم

متلا يعطولك to learn وترجعها well learned

to eat .........ترجع well eatten

to play ترجع well plaied

واش نقلك خويا انت لازم تكون عارف the past p تاع الافعال
to learn learned اه صح شكرا

[طهراوي ياسين]

بالتوفيق ان شاء الله

[nina_25]

ودوك الدرس تاع unless نوراملمو اسمو الدرس تاع the condtional

معنتها الشرط دوكا نعرفو ادوات الشرط قبيل قبل قرينا الاداة if وهدا العام قرينا مفردات ليهم الي هوما
providing that , as long as , معنى تاعهم هو اذا اووووك وقرينا تاني
provided,

[amelmima]

mais svp rani nhawes 3la la regle kifesh ntab9ouha

[seghier_a]

ودوك الدرس تاع unless نوراملمو اسمو الدرس تاع the condtional

معنتها الشرط دوكا نعرفو ادوات الشرط قبيل قبل قرينا الاداة if وهدا العام قرينا مفردات ليهم الي هوما
providing that , as long as , معنى تاعهم هو اذا اووووك وقرينا تاني
provided,
ما تنسايش الامثلة

[nina_25]

اصبرو خاوتي ران مكملتش ودوك نكمل هدا الدرس اوك؟

[amelmima]

ok w merci bcp :)

[nina_25]

ودوك الدرس تاع unless نوراملمو اسمو الدرس تاع the condtional

معنتها الشرط دوكا نعرفو ادوات الشرط قبيل قبل قرينا الاداة if وهدا العام قرينا مفردات ليهم الي هوما
,provided ,providing that , as long as , معنى تاعهم هو اذا اووووك وقرينا تاني unless الي معناها if not اذا لم

اوك هنا في هدا الدرس اهم شيئ نعرفوه القواعد تاع if ولكن حنا نحتاجو قاعدة وحدة برك الي هي type 1 الي هي

if + present simpl +futur

اوك معنتها القاعدة هكا ........ provided+the cause in the present .s + the result in the futur will

متلا يعطيك الجملة هكا you (harder ) good ,you (pass) your ewam ويعطيلك provided بين قوسين انت تبع القاعدة وترجعها

provided you work harder,you will pass your exam

ملاحظة provided ديما تجي قبل السبب وادا درتها فالوسط يعني دير النتيجة ثم هي ثم السبب

نكملو هاد provided والان عندنا النفي تاعها الي هي unless if not هنا كيفاش دوكا لازم تفهم الجملة واش راهي تقول نفس الاستعمال ونفس القاعدة مع بروفايديد ولكن هنا كاين حاجة او ملاحظة
unless ديجا راهي فيها not معنتها ادا طالنا جملة فيهاnot تقلع not وتحط unless او تخلي not وتحط provided

دوكا نعطيلكم امتلة تفهموني واش ران حابة نقول

متلا يعطيلك فالباك هاد الجملة ...Iam playing basketball tomorow , its raining ويمدلك بين قوسين providedو unless
معنتها خير وحدة نحطوها اممممم واش نحطو خمم قبل الجملة واش راهي تقول
راهي تقول .......نلعب الباسكت غدوة . تمطر ........السبب نحوسو عليه الي هو تمطر ونحطو قبلو وحدة من هادو
اوك فكرو معايا........
.
.
.
.
الاجابة نلعب الباسكت غدوة ادا لم تمطر اهاااااااااااااا ادا لم واشنو هي ........هي unless
بسكو ادا قلت provided معنتها نلعب الباسكت غدوة ادا امطرت ؟؟؟؟؟؟؟؟؟ مكاش منها هادي
يسما لازم تفهم معنى الجملة

[لمسة L]

الله يبارك اخت nina 'راكي ناشطة
الله يعطيك الف عافية

[nina_25]

ok w merci bcp :)

الله يبارك اخت nina 'راكي ناشطة
الله يعطيك الف عافية


يبارك فيك حبيبتي ويعافيك طبعا بوجودكم

[nina_25]

بالتوفيق ان شاء الله


ان شاء الله شكرا عطرت صفحتنا:dj_17::)

[seghier_a]

الله يبارك ملخص رائع

[hanane.dado]

نينا راكي هنا؟

[mari mimia asma]

kamli khti mrc 3li k
thank you s o much

[hanane.dado]

اسماء اعطيني س ك ا ي ب تاعك

[nina_25]

الان درس وخدوخر ........

نديرو تاع فونيتيك الشدة بسكو يطيح سور فالباك

شوفو حاجة ساااااااهلة مااااهلة عندك تحفظ حاجة صغير برك الي هي.......

1-----كي يعطيلك كلمة تكمل ب ... ics, ic, ssion, sion , tion, ation, ial, ive اممممممم هادو الكلمة الي تكمل بيهم تقبضها تقسم ليسيلابل تاوعها وتحط الشدة فالسيلابل الثاني من الاخير يعني تحسب من التالي 1.2 ,وتحط الشدة
متلا information تكمل ب tion اوك نقسمو ليسيلابل تاوعها عندك in-for-ma-tion.... ونحسب من الاخير ونحط الشدة فالثاني ايا احسبو
عندك tion 1 , و 2 هو ma يعني نحطو الشدة فوق ma

2------ كي يعطيلك كلمة تكمل ب .. ty,ment,al هادو تاني تقسمها ولكن هنا تحط الشدة فالسيلابل الثالث من الاخير
متلا ...responsability ايا نقسموها عندك respon-sa-bi-li-ty احسبو الثالث من الاخير وينو .......
1 هو ty و 2 هو li و 3 هو bi معنتها نحطو اتلشدة على bi

3---------والباقي كي يمدلك كلمة تتكون من 2 سيلابل تحط الشدة فالسيلابل الاول من البداية متلا result نقسموها re-sult ونحسبو من البداية الاول هو re مالا نحطو الشدة فوقها
4----- كي يمدلك كلمة تتكون من سيلابل واحد فقط بيانسور تحط فوقو الشدة متلا wish هنا كاين سيلابل واحد نحطو الشدة فوق w

[nina_25]

شكرا واي استفساااار حطوهلي هنا واي درس مش فاهمينو قولولي وانا نفهمولكم هنا ولي عودة بعد الصلاة
سلام

[سديم12]

ميرسي أختي على المجهودات وبارك الله فيك

[سديم12]

ميرسي أختي على المجهودات وبارك الله فيك

[zizo16]

Professional web services for businesses and individuals. VPS Virtual Private Servers.
Make link from this topic to the following address

[سديم12]

[quote=سديم12;1056528811]ميرسي أختي على المجهودات وبارك الله فيك

[naya milano]

اختي نينا ارجوكي قوليلي كيفاش نقسم ليسيلابل باسكو ماوليتش نعرف نقسمهم قوليلي و شكرا

[nina_25]

اختي نينا ارجوكي قوليلي كيفاش نقسم ليسيلابل باسكو ماوليتش نعرف نقسمهم قوليلي و شكرا
شوفي ختي لازم تكوني تعرفي الكلمة كيفاش تتنطق :)

[AyoubPro]

من فضلك هادو شعبة فلسفة او لغات

[naya milano]

اختي نقولو i am playing tomorrow wela i will play tomorrow????????????????????????
فهميني ولا راني غالطة صحيلي الخطا

[naya milano]

[QUOTE=naya milano;1056562298]اختي نقولو i am playing tomorrow wela i will play tomorrow????????????????????????
فهميني ولا راني غالطة صحيلي الخطا باسكو انت راكي دايرة i am playing tomorrow
في الدرس تع unless
راني ننتظر الاجابة تاعك شكرا اختي :) :) :) :) :)

[nina_25]

[QUOTE=naya milano;1056562298]اختي نقولو i am playing tomorrow wela i will play tomorrow????????????????????????
فهميني ولا راني غالطة صحيلي الخطا باسكو انت راكي دايرة i am playing tomorrow
في الدرس تع unless
راني ننتظر الاجابة تاعك شكرا اختي :) :) :) :) :)


اسفة جدا نايا على التاخر حبيبتي لم الحظ ردك

كلتا الاجابتين صحيحتين وانا متاكدة وان اردت التاكد اسألي استاذا ما :):):):):):):):):):)اسعني سؤالك:):):):):19::19::19:

[naya milano]

شكرا اختي و ردك ماجاش متأخر أنا نفوت باك ف 2015 لكن حبيت نحظر نفسي من دوك و شكرا جزيلا إن شاء الله خدمتي و ربي معاك