بنتي متشربش لحليب

[imi25]

السلام عليكم
عندي اسبوع كامل ملي فطمت بنتي (لاسباب صحية) عمرها 6 اشهر ولحد الساعة مزالت محكمتش الببرونة
قولولي كيفاش ندير والله العظيم راني حايرة تبات بالجوع وتفطن بالجوع
في النهار نوكلها شوية شربة الخضر شوية فرينة وزيد برتقال و تفاح مهروسين و بينات الاكل تبقى تبكي وكيما تفطن من النوم تبكي على خاطر جيعانة محبتش تحكم الببرونة
نديها عند الطبيب ولا نزيد نصبر عليها

[rosaa blanche]

انا ولدي ثاني مايحبش يحكمهالي كي نديرلو تيزانا وليت نديرهالو بالمغرف ومره راجلي راح يشريلو قش من الحانوت تاع لي نوفو ني القا بالصدفة عندو كيشغل بيبرونة بصح في بلاصت لا تيتين كاينة مغرف تهبل لا فوغم نتاعها توالم فم البيبي تصلح مام لي كومبوط الفرينة لا سوب

[امال مارية]

اعطيها بتي سويس عاونيها بيه ربي يعينك يا اختي رانا كامل نعانيو

[مشرق2]

ربي يعينك و ان شاء الله تروملك البيبرون

[فرح حياتي]

اختي حاولي تغيريلها الحليب حتى طيحي في لي يوالمها
و بما انك خدامة لازملك تولفيها عليه ربي يكون في عونك

[سعاده]

ديرلها الحليب مع سيريلاك

[minay.timida]

ana tani ki koooooouuuuuunnnnnt sghira makountch nechreb lahlib kant mama techrili les gout ismhoum idrozol 3and lpharmacien walit nchrob wdork kki kbert hbestou