تسجيل الدخول

مشاهدة النسخة كاملة : الخبابز:افكار تستحق التدوين أو الحفظ في ما يخص الخبز بأنواعها

fatimazahra09
2014-05-28, 21:27
تزين ... قلاصاج ... وريحة
هذه المعلومات يقدر اي شخص يعرفها من كثرة المطالعة و التجريب .....لكن للامانة فقط هي معلومات ماخوذة من كتاب فرنسي قيم...
بغيتي تزيني الخبز نتاعك قبل ما دخليه يطيب ؟
التزيين :
ذري عليه شوية فرينة ملح خشين ولا شيدار رابي ... تقدري ثاني تذرذري شوية جلجلان ولا كمون – البسباس زريعة الكابوية وحتى عباد الشمس كاين طريقة اخرى تعتمد على 1م ك مركز معجون الطماطم مخلطة مع 2 م ك زيت الزيتون ... ادهني بيهم خبيزاتك ذري عليهم شوية زعيترة ولا اكليل الجبل يابس .
القلاصاج :
كاين طرق قبل ما ادخليه يطيب ...
لا بغيتي اللون نتاع الخبز يكون فونسي ...ضربي 1 بيضة كاملة مع م ص ماء
ولا بغيتي اللون يكون بزاف فونسي ... ضربي 1 صفار بيضة مع م ص ماء
ولا بغيتيه يكون لماع فونسي على الخبز المالح ... ضربي 1 بيضة مع م ص زيت وقرصة ملح وفلفل أسود .
ولا بغيتي تكون القشرة نتاع الخبز كروستيونت ضربي بياض بيضة مع م ص ماء ... رايحا جيك القشرة مقرمشة .
ولا بغيتيه بلون ذهبي خفيف ...ادهنيه بالحليب و الا بالزبدة ذائبة .
وكاين طرق بعد ما يطيب...
لا بغيتي تكون قشرة الخبز طرية ...كي يشد روحو في الفرن وولي قريب يطيب ...خرجيه و ادهنيه بالزبدة ذائبة وعاودي دخليه 2 د خرجيه و عاودي ادهنيه بالزبدة ذائبة و خليه يبرد .
لا بغيتي القشرة تكون لامعة ...ضربي بياض بيضة و 1 م ك ماء ادهني بيه الخبزطايب وهو سخون و رجعيه للفرن 5 د ... خرجيه وخليه يبرد .
لا بغيتي القشرة لامعة +حلوة...خلطي 1 م ك سكر مع 2 م ك حليب وادهني الخبز طايب وهو سخون ورجعيه للفرن 5 د ...خرجيه وخليه يبرد .
الزينة بالسكر: حلي ¼ كاس سكر مع 2 م ك ماء وخليهم يغلو 2 د حتى تتحصلي على سيرو ... ادهني بيه الخبز طايب وهو سخون ورجعيه للفرن 2 د .
الزينة بالجيلاتين: خلطي 1 م ك ماء مع م ص جيلاتين بودرةفي بول ... حليهم في حمام مريم ( في كسرونة ماء مغلي )....و ادهني الخبز طايب و ما دامو سخون .
الزينة بالعسل : ادهني الخبزطايب بعد ماتخرجيه من الفرن بالعسل سخون .... كري العملية 2 الى 3 مرات .
الزينة بالمشماش: خلطي خلطي نصف كاس معجون مشماش مع 2 م ك ماء الورد سخون ... وادهني الخبز بيه وهوطايب و سخون عدة مرات .
الروائح :
ادهني الخبز نتاعك من فوق بالزبدة ذائبة ولا حليه و ادهنيه ...رشي عليها شوية حشاوش مختارة من عندك تكون طبعا يابسة ولا جديدة :
ميثال: خلطي 2 الى 3 م ك حشاوش طازجة مفرومة ولا( م ص زعيترة يابسة مع م ص اكليل الجبل يابس) مع 1 الى 2 سنات ثوم مهروسين .
التزيين بالحبوب : 2 الى 3 م ك كمون أو بسباس أوحبة حلاوة .
التزيين بالفرامج و الحشاوش :خلطي مقدار فنجال شيدار رابي و فنجال بارمسون و لا قرويار رابي و ¼ الفنجان ثوم مطحون و 2 م ك معدنوس طازج مفروم و ½ م ص زعيترة يابسة و ½ م ص زعتر يابس .
التزيين بالزيتون :خلطي كاس زيتون أخضر بدون نوى ولا محشي (المرقد )
مطحون ولا كاس زيتون اسود بدون نوى مطحون مع 2 م ك حشاوش طازجة مفرومة .

خبزي في الدار
باش اديري الخبز في الدار تبان للكثيرات حاجة غير مشجعة وحتى للطباخة الي عندها تجربة في بعض الاحيان ... تقول هذاك الوقت لنقتل فيه روحي... وما نعرف واش......... نصيبو في المخابز واجد ....خاصة نهار العرضات...ونبدا نقول في قلبي ...
واش ندير لا ما خمرش الخبز؟
ويلا ماطابش حمر كيما يبغي الخاطر ؟
ويلا ماعجبش الضياف و ما كلاوهش ؟
والخلاصة التالية هي :
وعلاش عليا وأنا قادرا نشريه غير من الدورة....
بصح كي تولي تريح كوزينتك بريحة الخبز ويخرج وتقطعي الطرف الاول هاكذاك سخون وتاكليه.....تولي تصوطي من الفرحة... في هذا الوقت تعرفي علاه قتلتي روحك ... وضرك بالتقنيات الحاضرة كيما أفران التيرموستاولفور نتاع الفونتيلاتور و خميرة موثوق فبها...تحضير الخبز اصبح اكثر من الساهل على بكري ...وباش ينجح الخبز لازم نفهمو كيفاش تفوت كل مرحلة من مادة ناشفة ...لعجينة ...للنتيجة النهائية نتاعو...
ولهاذا بغيت نعطيكم القليل من الافكار لي انشاء الله رايحة تفيدكم
الخميرة :اذا لقيتي في وصفة عبار الخميرة الطازجة 15 غ ماراكيش رايحا ديري نفس الكيل ...هذي الكمية تساوي 7 غ بمقدار الخميرة الفورية لي راهي جي بودرة ورانا كامل نستعملوها .
الفرينة : درجة حفظ الفرينة للرطوبة متغيرة من ماركة فرينة لاخرى ... و مرات تكون نفسها و نتاع 6 شهور لفاتو ماشي كيما لي دخلت جديدة ... مثال : كي نديرو 3 كيسان فرينة ... او 3 كيسان ونصف فرينة ... ونلموها بالماء... مارايحاش ديرلنا عجينة يابسة بزاف لاخاطرمازال رايحا تشرب الفرينة وقت الدليك ولا العجين ...
العجين او الدليك :هاذي مرحلة أساسية رايحة تكملنا هيئة وشكل الخبز في النهاية ... ماتسمحوش في الدليك بعد مرور 5 د ... وهو في الحقيقة عادي و ساهل باش نوصلو ليه لازم برك نحكمو الريتم نتاعو: ونحكمو العجينة كامل بين يدينا ... وبيد ندمرو العجين للقدام وباليد الاخرى نجبدو للخلف ولا للجهة المعاكسة .... نثنو العجينة وندوروها ربع دورة ... ونعاودو 3 و 4 و5 مرات هاذي العملية ......حتى تولي تسمعي البنبولات يترتقو....كي تكملي شكليها كرة ... لازم تكون طرية وخفيفة ....ونديروها تخمر ...
الخمور :نديروها في ليان ولا حاجة أخرى مدهونة بشوية زيت ولا زبدة ذايبة ...باش ما تلسقش و نغطوها ببلاستيك ولا طرشونة مرشوش عليها القليل من الفرينة ... ونخلوها تخمر ... درجة الحرارة الملائمة للخبز 30 درجة ... وما لازمش نديروها في بلاصة سخونة ...نحسبو رايحا تاكتيفي الخمور ...هذا رايح يمد للخبز طعم ماشي مليح ... الشي لبزاف ما يعرفوهش ... وتاني رايحة درجة الحرارة المرتفعة تفسدلنا الخمور ... والعكس في مكان بارد ... رايحا العجينة اطول باش تخمر ولاكن بلا أي حاجة تضرو ... لازم العجينة ادوبلي الحجم نتاعهاو كي نضغطو عليها بالصبع رايحا ترجع لحجمها الطبيعي.
الضغط على العجينة :هاذي المرحلة تندار باش نخرجو كامل الهواء الي فيها و نستعملو فيها اليد مقفولة ونعاودو نعجنوها شوية ونغطوها ونخلوها ترتاح شوية برك باش نقدرو نشكلوها... هنا العجينة راهي واجدة باش تتشكل وكي نكملو من هاذي المرحلة لازم تزيد تخمر باش اطيب و هنا سر كبير في نوعية لمول المستخدمة و حتى السينيات ....
ميثال للخبز الي يطيب في لمول مثل خبز البابة ...Pain de mie ولا البريوش
هذاك السطح الاسود رايح يأكدلنا باش تكون قشرة ذهبية كاملة بلا تقطع ...
الطياب :لازم نتبعو درجة الحرارة لي طالبينها في الوصفة ... وعموما الخبز مايبغبش درجة تحت 180 و نننتبهو للوقت المستغرق بلا ما نفتحو الفرن خاصة في 10 د الاولى ... وباش تعرفو الخبز لاكان صح طايب من داخل ....نحيوه من السينية او المول اكيد بعد الي طاب و اضربوه بالعقل ضربات متتابعة من الجهة السفلى ... الخبز رايح يصوني فارغ لاكان طايب و في عكس ذالك رجعوه للسينية وخليوه يزيد يطيب 5 الى 10 د ... خرجوه وديروه على شباك يبرد ...
تخزين الخبز :الخبز لي يندار في الدار ما يتخزنش مدة طويلة كيما نتاع المخابز برى ... لاخاطر ما يوجدش فيه مواد حافظة ... ... والله أعلم واش راهم يديرولنا فيه ما عادا المحسنات .... على ذاك خبز الدار لازم ينتكل النهار هاذاك ولا يتحمص النهار التالي ... ويتغطى مليح ويندار في المجمد و يقدر يستهلك حتى لثلاث أشهر ...وبعملية بسيطة رايحة تخرجيه وديريه في الفرن مسخن مدة 5 الى 10 د....و قريت على معلومة من اطباء مختصيين في نمو الاطفال انو الخبز البايت او الصابح كيما نقولو بالعامية ماشي مستحسن لنمو الدكاء عند الاطفال .....شيئ يخلينا نحطو علامة استفهام كبيرة
WOW وشحال مدينالهم الخبز البايت ... الله يجيب الخير انشاء الله ......
كاين حاجات بزاف مازلنا ما نعرفوهاش على الخبز ولي هوشيئ مهم وأساسي خاصة في المجتمعات العربية حاجة لازمة تتحط مع الوجبات وحتى القهوة ....
انشاء الله الرحمان الرحيم نكون فدت ولوكان بشوية صغيرة خواتاتي المشاركات في المنتدى ....
السلام عليكم:mh31::mh31::mh31::mh31:
MINA-NINA16
2014-05-29, 08:07
صباح الخير ما دخلتش البارح للنت واليوم لقيتك اختي الكريمة واضعة موضوع هام كل واحدة فينا بامس الحاجة لمعلومات قيمة مثل هذه فشكرا جزيلا اختي على هذه الافادة جعلها الله في ميزان حسناتك
نورسان
2014-05-29, 11:19
بارك الله فيك اختي
cuisineshowdalatifa
2014-05-29, 11:22
شكرا أختي , معلومات مفيدة و تهم كل واحدة
fatimazahra09
2014-05-29, 12:02
الله يبارك فيكم .... وكيما نستفادو انشاء الله نفيدو في هذا المنتدى المتألق ....سلام
hayette82
2014-05-29, 15:16
4444444444444444444444444444
oumibni
2014-05-29, 17:09
yatik saha
مدونه جمالك مهم
2014-05-29, 17:21
بارك الله فيكى اختى
hebams
2014-05-29, 17:53
شكرا جزيلا
fatimazahra09
2014-05-29, 18:25
بار ك الله فيكم ... لي خذيتو الوقت وقريتو هذ ا الموضوع ... كلنا رانا هنا في هذ المنتدى نتعلمو .. والحاجة لنعرفوها تفيد ماذا بينا نتقاسموها ... رمضان كريم ليكم و لامة محمد
besbes
2014-05-29, 20:17
بارك الله فيك
.1....2....1.
2014-06-02, 08:33
ما شاااااااااااااااااااااااااااااااااااااااء الله عليك فنااانة
fatimazahra09
2014-06-02, 08:44
شكر ....حبيبتي
حسيبة2010
2014-06-02, 09:14
بارك الله فيك
أم إناس
2014-06-02, 09:19
بارك الله فيك
moonkamar
2014-06-02, 11:36
اختي الكريمة ربي يجا زيك خير الجزاءاكيد اخذ من وقتك موضوع مميز
FLEURBLANCHE
2014-06-02, 13:24
موضوع ممتاز بارك الله فيكhttp://www.djelfa.info/vb/images/smilies/19.gif
fatimazahra09
2014-06-02, 14:22
بارك الله فيك
الله يبارك فيك ... ويجازيك لي خديتي الوقت لقراءة الموضوع :):):)
fatimazahra09
2014-06-02, 14:23
موضوع ممتاز بارك الله فيكhttp://www.djelfa.info/vb/images/smilies/19.gif
الله يبارك فيك :19::19::19:
fatimazahra09
2014-06-02, 14:24
موضوع ممتاز بارك الله فيكhttp://www.djelfa.info/vb/images/smilies/19.gif
شكرا للدعم
fatimazahra09
2014-06-02, 14:26
اختي الكريمة ربي يجا زيك خير الجزاءاكيد اخذ من وقتك موضوع مميز
اخذ من وقتي الكثير ... لكن ماشي خصارة فيكم :rolleyes::rolleyes::rolleyes:
طاعة زوجي ..
2014-06-02, 14:27
موضوع مميز وفيه نصائح رائعة بارك الله فيك وفي ميزان حسناتك يارب
fatimazahra09
2014-06-02, 14:38
[QUOTE=* أم محمد يوسف *;1056560887]موضوع مميز وفيه نصائح رائعة بارك الله فيك وفي ميزان حسناتك يارب[/QUOT
انشاء الله حبيبتي الله يخليك :mh31::mh31::mh31:
دعاء القلوب
2014-06-02, 15:22
جزاك الله كل خير
lyzzabel
2014-06-02, 15:38
موضوع رااااءع حبيبتي شكراااا على الإفادة ،، جعلها الله في ميزان حسناتك :19::19:
ام سهام 02
2014-06-03, 07:52
موضوع ممتاز وقيم جزااااااااك الله خيراااااااااااا.
عطرالذهب
2014-06-03, 08:18
مشكوووورة على الافادة
fatimazahra09
2014-06-03, 08:26
شكر لكن .... لخديتو الوقت وقريتو هدا الموضوع
الله يجازيكم حتى نتوما
إلهام07
2014-06-03, 08:29
الله يعطيك الصحة عزيزتي موضوع مفيد وقيم
مشكورة على المعلومات باين الموضوع تعبك بزاف
في ميزان حسناتك إن شاء الله
fatimazahra09
2014-06-03, 13:22
الله يعطيك الصحة عزيزتي موضوع مفيد وقيم
مشكورة على المعلومات باين الموضوع تعبك بزاف
في ميزان حسناتك إن شاء الله
حبوبتي الهام ... نعيى نتعب ماشي كيما نتي ....احنا عاد في اول الطريق ........ الله يحفظك ويخليك :):):)
أم عامر
2014-06-03, 15:44
موضوع قيم و مفيد
بارك الله فيك
fatimazahra09
2014-06-03, 16:43
موضوع قيم و مفيد
بارك الله فيك

الله يبارك فيك :):):)
idron0
2014-06-03, 20:07
وووووووووو روعة ا تسلمي يعطيك الف عافية
هجيرة1
2014-06-04, 07:33
بارك الله فيك
fatimazahra09
2014-06-04, 16:48
بارك الله فيك
الله يبارك فيك :19::19::19:
روضة من رياض الجنة
2014-06-04, 18:48
نصائح من دهب شكرا
Kaito
2014-06-04, 21:21
موضوع قيم بارك الله فيك
دارين18
2014-06-04, 21:34
بارك الله فيك
fatimazahra09
2014-06-04, 22:15
نصائح من دهب شكرا
انتي لذهب ...........:):):):):):) شكر ا على التقييم
fatimazahra09
2014-06-04, 22:16
بارك الله فيك
الله يبارك فيك حبيبتي
fatimazahra09
2014-06-04, 22:17
موضوع قيم بارك الله فيك

شكر اعلى التشجيع ... الله يحفظك:19::19::19::19:
ام كوكو
2014-08-23, 15:34
شكرا حبيبتي على المعلومات القيمة بارك الله فيك
عروبة2003
2014-09-03, 17:07
جزاك الله خيرا
ام اريام
2014-09-03, 18:17
جزاك الله خيرا وجعلها في ميزان حسناتك انشالله
ذبلت أورآق عمري
2014-09-03, 22:44
يعطيك الصحة
ايناس10
2014-09-03, 23:12
شكرا على كل هذه النصائح المفيدة جزاك الله كل خير
خيط الروح
2014-09-04, 11:22
شكراااااااااا
بارك الله فيك على الافادة

كنت نحوس على هاذ المعلومة
الخميرة :اذا لقيتي في وصفة عبار الخميرة الطازجة 15 غ ماراكيش رايحا ديري نفس الكيل ...هذي الكمية تساوي 7 غ بمقدار الخميرة الفورية لي راهي جي بودرة ورانا كامل نستعملوها .
لاني نستعمل الخميرة الطازجة ...
مشكووووووووووووورة
amalelrouh
2014-09-04, 11:39
4444444444444444444444444444444444444444444
الواثقة بالله 23
2014-09-04, 11:49
بارك الله فيك مجهود واضح في عمل الموضوع جعله الله في ميزان حسناتك
preciosos
2015-05-23, 16:17
شكرا على المعلومات