تجميد البوراك قبل رمضان

[lamis23]

السلام عليكن اخواتي حبيت نسقسيكم شكون اللي جربت تكونجلي البوراك ني قبل رمضان قريت قداه من مرة حاجة كيما هك اللي جربتو تقولنا تعيش كيفاه تكونجليه فاش تخبيه ونهار اللي تجبدو يطلق الماء ولا لا خبرتكم تهمني شكرا

[fati oran]

السلام عليكن جميعا شوفي اختي الكريمة انا ككل رمضان نشري كميية كبيرة من الديول لانه ما نقدرش نشريه كل يوم نوضعه في المجمد بطريقة جيدة حتى ما ينكسرش كي يجمد و في كل يوم في رمضان نخرجه من قبل بمدة طويلة و نحطه في التلاجة باش يدوب بطريقة جيدة لما رايحة تفتحي الصاشي تقولي هدا وين شرتيه موفقة ان شاء الله

[melissa lola]

السلام اختي انا دايما نخدم البوراك ونكونجليه لان عاءلتي صغيرة راجلي مايحبوش نخدم كمية ونحكم ورق كرتوني او الغلاف الخارجي للكراريس نقطعو على حساب عدد حبات البوراك نستفهم بالطول مانديرش هاذي فوق هاذي باه يحافظ على شكلو ونديرو في ساشيات نيلون شفافين ونعقد ونكونجليه نهار اللي نحب ناكل البوراك نجبدو 5ولا 6 ساعات من قبل نحيه من الكيس ونستفو في طرشونة ونغطيه يجي روعة شغل وجدتيه في نفس اليوم بالتوفيق وان شاء الله نصوموه بالصحة و الهنا

[ابتغي الجنة]

انا ناس داري مايحبوش حاجة الكونجلي بصح كي نسكن وحدي ان شاء الله نديرها
شوفي مرة عرس خويا خدمنا البوراك تاع الصبحية حوالي 20 يوم من قبل وخبيناه في علبة بلاستيكية ودرناه ف الفريقو بصح درنا فيه غير لحم زيتون اخضر فرماج معدنوس مادرناش البطاطا نهار الصبحية جبدناه الصباح بكري كي ديكونجلا قليناه وحطيناه مع لفطور و الله كانو جديد
البطاطا لازم ماطولش ف الكونجيلاتور يومين ثلاثة على الاكثر
انا اختي في رمضان تخدم البوراك قيس يومين دير فيه بطاطامعدنوس زيتون فرماج لحم ولا جاج ولا طون ولا كروفات وووو
تطيب قيس هاداك النهار و الباقي تخبيه غدوا من داك تجبدو تقليه
ان شاء اللله تكوني فهمتي

[سهيلة21]

يا اختي وحدة قريبتي توجد البوراك ابكمية كبيرة قبل رمضان وتديره في قابسة بلا ما يطيب وكل يوم تجبد كمية وتطيبها

[lamis23]

يعطيكم الصحة يا البنات والله أفدتوني ضرك نديرو رمضان هدا ان شاء الله حابة نركز شوية على العبادة ماشي الكوزينة المرا مللي تدخل ما تخرجش

[أم مبين]

انا راجلي ما يحبش الكونجلي على هداك مانيش مجربتها تبان لي تخدميه ةتطيبيه تمتم أحسن

[الماسة النادرة]

اختي كونجليه في علب التجميل انا مثلا نستف طبقة ثم اضع ورق المطبخ ثم طبقة اخرى حتى نكمل ونجمدوا

[la perle rima]

السلام عليكم اختي حنا تاني نكونجلوه ديريه في قارد مونجي و فرقي بين الحبات بالبلاستيك اللي مفرقين بيه ورقات الديول في الساشي و انا منستناهش يديكونجلا هو اصلا مفيه والو نجبده و نقلي نيشان

[lamis23]

يعطيكم الصحة على ردودكم أختي la perle rima انت ديري الورق تاع البوراك الملسوقة اللي تتباع فالساشيات ولا اللي يخدموه فالدار

[fatimazahra09]

انا اختي ما نكونجليش ....لكن عندي طريقة أخرى انه نوجد كمية معتبرة ... نقول 2 طزازن نتاع الديول و كي نوجدو نقسم ندير مثلا كل 6 بوراكات في كيس محكم الغلق ونزيد نكمل باقي الكمية ونستفهم في علبة حتى هي محكمة الغلق ونديرهم في الثلاجة ماشي في المجمد ... وكل يوم نجبد كيس و نقليه ...... وهكذ مارحاش ديري البوراك 4 ايام متتالية ... كي يكمل عاودي بنفس الطريقة ..... انا ماننصحش بالكونجيلاسيو نتاع البوراك .... رايح يمد طعم اخر ... خليه لحاجة اخرى ..... وبلا هذاك بغيتي مول الدار يخرجني ؟؟؟؟؟

[تغرينية]

روعة يعطيك الصحة
منكم نستفيد

[nadine lamara]

الصح الديول ممكن تكونجليه اما البوراك واجد نظن يتغير طعمو بلا الاخطار الصحية لانو اللحم المفروم نسبة التسمم فيه كبيرة
هدا بالنسبة لتعملو بفياند اشي

[طهراوي ياسين]

شكرا على النصائح القيمة ...

[omaymen]

اختي انا نوجد كمية هايلة من البوراك و نحطو في باطة بلاستيك كبيرة
نحط 7 او8 وندير فوقهم ورق الطبخ ونزيد نحط من فوق البوراك ثم ورق الطبخ ....
كنحب نجبد البوراك نخليه يديكونجلا مليح اومبعد نقليه.بهذه الطريقة تسهلي عليك الأمور وماتحتاجيش ديري البوراك كل يوم
موفقة اختي

[la perle rima]

يعطيكم الصحة على ردودكم أختي la perle rima انت ديري الورق تاع البوراك الملسوقة اللي تتباع فالساشيات ولا اللي يخدموه فالدار

و الله يا ختي انا نشري الديول و راني باغية نتعلم لنتاع الدار خاطرش قالو مليح ايلا كان ينجحلك ديريه جربي و شوفي

[sarra5]

افكار مليحة

[ذكرى أبي]

أما أنا فقبل رمضان بمدة نوجد أنواع من البوراك لحم ، دجاج، بطاطا ، سلق ، و نديرو في علب hermetique و نحط هاذي فوق هاذي فالمجمد و في رمضان كل مرة نجبد من علبة و نديرو ديراكت فالفور لأننا ما نديروهش مقلي و يجي بنين
أتمنى نكون أفدتك

[lamis23]

دكرى ابي فكرتك عجبتني في تنويع لافارس يعطيكم الصحة كامل على ردودكم

[Ranim6]

مرسي حنونة بصح ماما متحب تكونجيلي والو تحب كلشي فري

[بريق الدجى]

أما أنا فقبل رمضان بمدة نوجد أنواع من البوراك لحم ، دجاج، بطاطا ، سلق ، و نديرو في علب hermetique و نحط هاذي فوق هاذي فالمجمد و في رمضان كل مرة نجبد من علبة و نديرو ديراكت فالفور لأننا ما نديروهش مقلي و يجي بنين
أتمنى نكون أفدتك

اختي اسمحيلي فقط في سؤال
كي تطيبيه في الفور ديريلو الزيت او زبدة و لا تحطيه وحدو فقط انا عادتي نقليه و حابة نعود نديرو في الفور و شكرا لك

[لميس اميرة]

من جهتي
نفضل نشرشم حبة بيض و نحي شوية لحم من البرمة نفتتو او نستعمل 200 غ فيونداشي فري و ندير بوراكي نقليه حتى ولو يصبح نسخنو فالفرن يولي يقرمش و جديد

و لا نعمل كمية كبيرة و نكونجليه

لانو ليكن في علم الاخوات انو الكونجيلاتور في رمضان خصوصا نجبدو منو حوايج بزاف و نكونجليو حوايج و كلما نفتحوه درجة الحرارة لداخل تزيد اي كلما نفتحوه تنخفض برودتو
و اللهحم يتأثربسرعة و خصوصا الفيونداشي

[أم تيم الله]

أنا راجلي ميحبوش كونجلي وتبنالي كيما قالت الأخت تخدميه في نفس اليوم أحسن مهما كان الحاجة الجديدة أحسن من الكونجلي.
و لكن فكرة مليحة 4444444444444444444444444444 من عندي

[ام زيد]

عادي اقسميي حبات البوراك حسب ما تحتاجي وضعيهم في اكياس داخل الكنجيراتور عند الحاجة خرجهم قبل وقت الاستعمال وستكون كما لشرتهم في وقتهم

[ilhemdetlemcen]

نصيحة للاخوات لما تكونجلي البوراك ما تحطيش في و سطو لصوص بيشاميل لانو لما تجبديه و تقليه راح ينحل في القليان و يتحرحر
هاد عن تجربة ولكن ادا درتي فيه الصوص البيشاميل و قلتيه بلا ما تكونجليه ما يصرالو والو



انا كل عام نخدم كمية كبيرة و نعملو في علبة كبيرة و نفرش اكياس بلا ستيكية بين كل طبقة باه ما يلصقوش مع بعضهم و نجبدو من المجمد ساعة قبل ما نقليه لانو اليوم السخانة و يديكونجلا بسرعة لان في رمضان يدي و حدي و يغلبني الصيام