تحقيق اداري و السورسي

[aminerag]

انا نجحت في مسابقة في مارس وراني اعمل والاسبوع القادم عندي تحقيق اداري عند الشرطة وطلبولي ملف فيه بطاقة الخدمة الوطنية ولكني لا املك شيء سوى تاجيل منتهي صلاحية نجحت بيه في مارس ماذا افعل من فضلكم

[abdeldjalil147]

أهلا اخي الكريم
في البداية مبروك عليك العمل
بالنسبة للتاجيل المنتهي الصلاحية عادي جدا المهم يكون صحيح
وممكن اتقولنا للمنصب الذي نجحت فيه هل هو حساس ام ادارة عادي ؟

[aminerag]

مهندس في مودرية الاشغال العمومية يا اخي

[cheb kadirou]

انا نجحت في مسابقة في مارس وراني اعمل والاسبوع القادم عندي تحقيق اداري عند الشرطة وطلبولي ملف فيه بطاقة الخدمة الوطنية ولكني لا املك شيء سوى تاجيل منتهي صلاحية نجحت بيه في مارس ماذا افعل من فضلكم


أنا عندي نفس المشكل أفيدني أرجوك

[ayaamira666]

ما تقلقش يا اخي اكيد بعد ما يخلاصك السورسي رايحين يشارشيو عليك با تجوز لارمي و اذا جوزتي العسكر منصب عملك محفوظ و هذا حسب مدير الخدمة الوطنية بوزارة الدفاع الوطني:

أكد مدير الخدمة الوطنية بوزارة الدفاع الوطني اللواء محمد الصالح بن بيشة بالمركز الجهوي للخدمة الوطنية بالبليدة، الخميس، بمناسبة احياء ذكرى تأسيس الخدمة الوطنية، أنه يحقّ للأشخاص الذين أدوا خدمتهم الوطنية الرجوع والحفاظ على مناصب عملهم داخل المؤسّسات العمومية والخاصة، وفي حال الإلغاء يتمّ ضمان منصب بديل في ظرف قياسي مباشرة بعد استكمال مدّة الخدمة الوطنية.. كما أفاد ذات المسؤول أنه على كل فائز في مسابقات التوظيف الإستفادة من شهادة إرجاء قابلة للتجديد إلى غاية ترسيمه..

وجاء تصريح اللواء على هامش الأبواب المفتوحة التي نظمت بمركز الخدمة الوطنية بالبليدة ومكاتب الخدمة الوطنية على المستوى الوطني بمناسبة ذكرى تأسيسها سنة 1968 من أجل شرح القانون الجديد

[Khaled D40]

خويا شوف واش راح نقولك حاول تدي محضر تنصيب اذا مضيت عليه و روح لمكتب تجنيد او للناحية التي تابع لها. وهما يعطولك ارجاء..
لانو الشرطة اول شيء تقوم بيه هو تطلب منك ان تعطيهم النسخة الاصلية لشهادة تسوية الوضعية سواء تاجيل او اعفاء

[Khaled D40]

لازم عليك تحاول تجيب السورسي.. لانو القانون الجديد يعطيك الحق في الارجاء اذا كنت نجحت في مسابقة توظيف بشرط ان تعطيهم دليل النجاح..
انت حاول دير المستحيل.. و اذا ما عندكش محضر تنصيب حاوال تجيب اي حاجة تثبت ذلك..مثل قائمة النجاح او غيرها
و ربي يسهلك

[mokhtar28120]

ماكان حتى مشكل انا صرالي نفس المشكل خلاصلي السورسي وقوتلهم راني نسنا وكتاه يعيطولي .وعمرة الاستمارة والتحقيق جاء ايجابي وراني خدام .قبل مانترسم روحت عقبت العسكر وعندي شهر مين جيت وليت نخدم عادي والمقررة نتاع اعادة الادماج راهي في الوظيف العمومي ومزال منيش مترسم متقلقش روحك خوي ه>و المراحل عقبو عني كامل .كاش استفسار اتصل راني هنا

[cheb kadirou]

ماكان حتى مشكل انا صرالي نفس المشكل خلاصلي السورسي وقوتلهم راني نسنا وكتاه يعيطولي .وعمرة الاستمارة والتحقيق جاء ايجابي وراني خدام .قبل مانترسم روحت عقبت العسكر وعندي شهر مين جيت وليت نخدم عادي والمقررة نتاع اعادة الادماج راهي في الوظيف العمومي ومزال منيش مترسم متقلقش روحك خوي ه>و المراحل عقبو عني كامل .كاش استفسار اتصل راني هنا

نا هي الإجراءات التي قمت بها ؟

[set1aek]

ماكان حتى مشكل انا صرالي نفس المشكل خلاصلي السورسي وقوتلهم راني نسنا وكتاه يعيطولي .وعمرة الاستمارة والتحقيق جاء ايجابي وراني خدام .قبل مانترسم روحت عقبت العسكر وعندي شهر مين جيت وليت نخدم عادي والمقررة نتاع اعادة الادماج راهي في الوظيف العمومي ومزال منيش مترسم متقلقش روحك خوي ه>و المراحل عقبو عني كامل .كاش استفسار اتصل راني هنا
tkad tgoli kifah dart khouya
rah 3andi le meme problem