اهله لا يريدونني قبل ان يعرفوني

[nacera72]

.................................................. .................................................. .................................................. .................................................. .............................

[غريبة الاطوار]

قد يكون هو من اختلق القصة .......هذا احتمال
لكن اذا كانت امه لا تريدك ......فابتعدي ......لانه اذا ذهبت اليهم بالقوة ......فلن ترتاحي ......مازالك على البر اختي .....
مع اني لا ادري لما قد تتدخل الامهات في اختيار زوجات اولادهن
ربي يفرج عليك .......

[naamane3]

هذا لا يريدك
اقطعي واستغفري وانسي

[mira biologiste]

اظن ان هاذا فيلم من اختراعه لانه من المنطقي انها اذا اتصلت بكي تتصل امامه و هو من يعطيها الرقم
و لكن في هذه الحالة هو من لا يريدكي ممكن تعرف على اخرى او امه وجدت له اخرى و هو مقتنع بها لذلك قال ما قاله لكي
اسمحيلي يا اختي ماشي بغرضي باش نحطملك معنوياتك و لكن انا في مكانك هاكذا نخمم
ربي يجيبلك انشاء الله مكتوبك و يكون صح راجل بمعنى الكلمة

[انغام المنى]

الكل اجتمع على نفس الشيء بلاك عجبتيه ومن بعد بدل رايو
ربي يبعثلك الي يسعدك ويهنيك

[samirabahi]

تقولي القصة هادي واحد صغير يعطيك الاجابة راها واضحة وضوح الشمس القصة جابها من عندوا بكل صراحة كذاب هادا صلي استخارة المسالة باينة من الاول غير خطيك من هاداصدق يماه وانت كذب يا سيدي شوفلك القصة كدايرة العجب يااختي ربي يرزق براجل صالح ان شاء الله التوفيق

[bellaluna]

ابتعدي عن هذه العائلة لأنّ الأمر واضح : إمّا الرّجل كاذب أو والدته الكاذبة و في الحالتين لا خير في هذه الزيجة.

[eBusiness]

إن بعض الظن إثم، يا سلام الأخوات أعلاه كلهن باستتناء الأخت bellaluna (http://www.djelfa.info/vb/member.php?u=423468) التي أجابت بالمنطق أما الأخريات يا سلام عليكن يعني كنتن مع الشخص هذا وعلمتن أنه كذاب، إن كان كذلك فهو ليس كذاب فقط بل أحمق ايضا لأن هناك ألف طريقة يتخلص بها من هذه الفتاة دون أن يكذب كذبة تافهة كهذه، إن بعض الظن إثم، أرى أن جواب الأخت bellaluna (http://www.djelfa.info/vb/member.php?u=423468) أقرب إلى الصواب

بالتوفيق أختي، رب يجيبلك وليد لحلال :)

[samirabahi]

إن بعض الظن إثم، يا سلام الأخوات أعلاه كلهن باستتناء الأخت bellaluna (http://www.djelfa.info/vb/member.php?u=423468) التي أجابت بالمنطق أما الأخريات يا سلام عليكن يعني كنتن مع الشخص هذا وعلمتن أنه كذاب، إن كان كذلك فهو ليس كذاب فقط بل أحمق ايضا لأن هناك ألف طريقة يتخلص بها من هذه الفتاة دون أن يكذب كذبة تافهة كهذه، إن بعض الظن إثم، أرى أن جواب الأخت bellaluna (http://www.djelfa.info/vb/member.php?u=423468) أقرب إلى الصواب

بالتوفيق أختي، رب يجيبلك وليد لحلال :)


روح شوف واش قالت نصيرة عرفت انه كذاب

[eBusiness]

روح شوف واش قالت نصيرة عرفت انه كذاب

أختي أنا لا أدافع عنه بل قلت إن بعض الظن إثم، ثم إن قريبة الأخت نصيرة تكهنت مثلكن وليس لها دليل فقد يكون صحيح كذاب وقد تكون أمه أفعى، فقط يجب البعد عن الظن، الله يسهل للفتاة هذه ويعوضها بمن هو أحسن منه :)

[malika38]

انت وضحي الامور ودافعي على نفسك قدر المستطاع
قولي حسبي الله و نعم الوكيل
اللهم ااجرني في مصيبتي و عوضني خيراااا منها
اكثري من الاستغفار.....و تاكدي ان الله معك
و لا تهتمي فقدرك و مكتوبك سيصلك و ربما احسن منه
تفاءلي و لا تياسي

[bellaluna]

من الأحسن ان نبتعد عن سوء الظنّ و ربي يسهّل مكتوبها و يرزقها بما تتمنى و أحسن..عند ربي خير.

[anissa90]

اختي هذه الحكاية بينة بلي بنلو خيط اخر من جهتوا ولا من جهت امي لانتهم الام اخطيك و الله اجبلك راجل صالح باش تهني ذمرك ا متزيدش تفكري فيه و سبيلوا كذبة قليلوا نقدر نجيب قائمة المكلمات لتدخل ولي تخرج عندي معرفة كبيرة و سوف ترين

[nacera72]

السلام عليكم اشكر الجميع تم حذف الموضوع بطلب من قريبتي و تطلب منكم الدعاء لها بظهر الغيب ان يفرج الله كربها

[mounia 85]

ماقريتش سؤالك لكن من جواب الاعضاء قدرت نعرف المشكلة
ختي خودي رايي الراجل الا عاد حاب يديك راهو يواجه الدنيا كامل حتى امو وادا كان مش حاب راهو يديرلك اي سبة ومنها السبة تع امو هادي
انا وحدة صراتلي هاد المشكلة تاع امو مع زوجي قبل مايخطبني كي انسيستيت عليه على الخطبة قالي هدرت مع اما وقالتلي لالا وانا تحطمت وبكيت بعد ايام استعرفلي باللي راهو كدب عليا وقالي كنت حاب نجبد روحي بصح ماقدرتش وبعدها جاب امو وباباه وجا خطبني وهو يفرح ههههه
المفارقة العجيبة انو بعد ماتزوجنا لقيت عندو كراس يكتب فيه الحسابات تاع الخدمة وفي صفحة واش لقيت لقيتو كاتب الكدبة تاعو اللي هدرهالي على امو بالتفصيل كيفاش سقساها وهي ردتلو قالتلو مانزيدش نسمع هاد الموضوع وهو زعف وكوبا عليها التلفون على خاطر يخدم بعيد
وريتلو واش لقيت وقلتلو علاه كتبتها في ورقة قالي باش ماننساش الكدبة ونتفكر التفاصيل وضحكنا حتى شبعنا على العفسة هادي والورقة مازالت حتى لليوم هههههههههههه
مالا ختي الا عاد مكتوبك مع هاد الراجل راهو يديك يديك ديري الثقة في ربي برك

[أم شروفة]

المراة عندما تتزوج رجل رايحة تتزوج كامل العايلة والله من تجربة شخصية.وأنتي لا تريدين ان تفوتي عمرك في التبرير بانك امراة صالحة انسحبي افضل لك