ما لقيتش الحل

[rafik20799]

مرتبي والحمد لله 3 ملايين و نصف
عندي شقة في العمارة بها 3 غرف
خاطب حاب نكمل نصف الدين المشكلة تاعي كلش غالي ما قدرتش ندير والوا الذهب غالي الاجهزة الالكترونية غالية الثمن مستلزمات العرس غالية كما انني اتابع دراسات عليا تاخذ نصف مرتبي و راني غير وحدي في بعض الاحيان من شدة التفكير اكاد اجن لكن اتذكر عندي غير ربي و الحمد لله على كل شيء

[bellaluna]

اشتري الأجهزة الالكترونية بالتقسيط..و تفاهم مع خطيبت على التقليل من الذهب و المتطلبات الثانوية

[naamane3]

قال تعالى (( فَقُلْتُ اسْتَغْفِرُوا رَبَّكُمْ إِنَّهُ كَانَ غَفَّارًا.
يُرْسِلِ السَّمَاءَ عَلَيْكُمْ مِدْرَارًا. وَيُمْدِدْكُمْ بِأَمْوَالٍ وَبَنِينَ
وَيَجْعَلْ لَكُمْ جَنَّاتٍ وَيَجْعَلْ لَكُمْ أَنْهَارًا} نوح/10 - 12))

[naamane3]

قال تعالى (( فَقُلْتُ اسْتَغْفِرُوا رَبَّكُمْ إِنَّهُ كَانَ غَفَّارًا.
يُرْسِلِ السَّمَاءَ عَلَيْكُمْ مِدْرَارًا. وَيُمْدِدْكُمْ بِأَمْوَالٍ وَبَنِينَ
وَيَجْعَلْ لَكُمْ جَنَّاتٍ وَيَجْعَلْ لَكُمْ أَنْهَارًا} نوح/10 - 12))

[دروب التابعين]

ماتقولش عندي غير ربي لي عندو ربي عندو كلللللللللللششششششش
بما انو قلتها عندك ربي فانت تملك المفتاح
اذهب وافتح الباب
اسال الله ان ييسر لكل معسر اموره وان يفتح ابوابا ظن الكثير منا انها بدون مفاتيح

[nilly]

شهريتك ضعيفة بزاف ومتكفيش حتى طفل صغير
ومشي على حساب دراهمك عندك شقة الله يبارك درا لصعيب وانت عندك دار
الاجهزة الاكلترونية علاه اوبلجي؟ زمان مكنش فريجيدير مكنش الفرن مكنش الة الغسيل مكنش تلفزيون بصح عايشين
متشري والوا قبل العرس ومبعد حتى يخلص العرس شوف كيفاش تشري حاجة مور حاجة هكدا حتى تخلصهم
وثاني هداك العرس معنده حتى فايدة متديرش العرس عرض برك صحابك وديرلهم عشا خفيف
ودهب متشريش علاه لازم دهب .واش تدير بيه متشريش حتى خاتم الخطوبة ديرلها خيط فبلاصتوا
صافي زوالي ميتزوجش زدوتلنا زدولتنا دار زودتلنا خلاص

[بنت لبحر]

ربي يوفقك اخي و يسهلك امورك

زواج لحلال يسهل فيه ربي

[sali-sali]

السلام عليكم
الاجهزة الاليكترونية اشريها بالتقسيط
الذهب و مستلزمات الزواج يلزم خطيبتك تصبر معاك و ماتكلفكش فوق القدرة تاعك
ولا يكلف الله نفسا الا وسعها

ربي يوفقك في الدراسة و يسهلك في امور الزواج

[samirabahi]

السلام عليكم اخي ان شاء الله كل شئ بالتوفيق لا تتذم اخي ولاتياس ان شاء الله ربي يسهل عليك

[بلقيس الهدى]

توكل على الله ، أخي مرتبه أقل من مرتبك ، و فتح بيتا و تزوج بأقل التكاليف ، و زوجته لا تكلفه ما لا يطيق .
بارك الله لكما و رزقكما من الطيبات.
المهم أن تكونا متفاهمين ، الباقي كله مظاهر .

[baalache]

الله يسهلك اخي رانا في نفس الحالة تقريبا برك انا مازال ماصبتش المراة

[eBusiness]

الله يسهلك خويا ويطيحك في بنت لحلال :)

[سرور12]

اخي الكريم زوجتك لازم تحسن عونك واذا كانت لاباس بيها تعاونك يعني موش كلش عليك انت وحدك والله حرااااااااااااااااام مافيها والو كون الزوجة تعاون زوجها بالعكس الحاجة هاذي راح تقرب بيناتكم وتقوي الحب... ربي يكون في عونك وقتنا صعيب وكلش غااااااااااااااااااااااااااااااااااااااااااااااااا ااااالي حاجة اخرى ماتقنطش من رحمة ربي

[نارينا]

ربي يفرج عليك أخي وحدة وحدة مكانش اللي يلقى الحيط مسقم من نهاره الاول...تكون ناقصاتك حاجة مادية خير متكون ناقصاتك حاجة لها علاقة بالدين والاخلاق

[nawel zed]

الحمد لله عندك اهم 2 حوايج اخي العمل و البيت البااقي كل يتعوض و يجي مع الوقت الاجهزة جيبو المهم و الاهم فقط و مع الوقت يرزقكم ربي الذهب جيب واش تقدر المفاهمة هي الكل ادرس القضية مع خطيبتك كيما يقولو بالورقة و القلم مش عيييب و انشاء الله ربي يكملكم على خير الصبر و الدعاء ربي يحل البركة و انشاء الله تفرج

[عائشة 88]

يسرو ولا تعسرو . كيما قالو الاخوة لي قبلي انت راك مزال في بداية مش كل شيء مع بعضو احمد ربي اولا الوظيفة والبيت والزوجة والباقي بالعقل حول تبدى باهم الاشياء بالتقسيط وممكن الزوجة تساعدك تتنازل عن الذهب وكي تقوم البيت ممكن تعوضها...ربي يوفقك في دراستك ويهنيك في حياتك الشخصية

[" أبو عبود"]

وانت علاش تزوج اصلا وحدة تشترط عليك الذهب؟ شوفي متدينة تقبل بمهر قليل وفهي بركة وسوف يرزقك الله وإياها أما غذا فكرت في وحدة الليل تحب الذهب والبرهرج كلاك بوبي وفوكس.

[rymsirine]

السلام عليكم ,راك عندك الاهم دار وخدمة وعروسةوالشي لاخر يجي بالشوية اولا الذهب اتفاهم معاها وديرو غير اللازم الي اتلبسو كل يوم والباقي او كاين لبلاكيور اوكي فرج ربي اشريلها والعرس اعرض المقربين فقط المهم اتكونو فرحانين اما لفواياج روح يومين برك وارجع. راكم بداركم وحدكم وهذا بحد ذاتو فواياج اما الاجهزة الكهرومنزلية جيبها بالفاسيليتي المهم الي مافيهاش الزيادة بزاف والاهم من كل هذا التوكل على الله والتفاهم بينكما

[موسى عبد الله]

مرتبي والحمد لله 3 ملايين و نصف
عندي شقة في العمارة بها 3 غرف
خاطب حاب نكمل نصف الدين المشكلة تاعي كلش غالي ما قدرتش ندير والوا الذهب غالي الاجهزة الالكترونية غالية الثمن مستلزمات العرس غالية كما انني اتابع دراسات عليا تاخذ نصف مرتبي و راني غير وحدي في بعض الاحيان من شدة التفكير اكاد اجن لكن اتذكر عندي غير ربي و الحمد لله على كل شيء


السلام عليكم ،واش ياسي رفيق ،تخلص 3.5 ملايين و عندك شقة 3 غرف ،و كلشي غالي ،وتتابع دراسات عليا ،اذهب غالي و كل شي غالي ،مسكين ،الله يفرج عليك ، الرجال يخدمو مانوفر ، وساكنين مع والديهم عندهم غرفة واحدة ،متزوجين و حامدين ربي و مهنيين ، وانت تقول منيش لاحق ،اذا كانو نسابك، مشترطين الذهب و الاجهزة الالكترونية جديدة ،وتعيش بنتهم معزة يا خويا يشريوهم و جيبهم معها ،والله يرحم والديهم ، افطن راك راقد النبي صلى الله عليه وسلم كان عندو غرفة واحدة 3م على 3م ،يرقد فيها يطيب فيها ،يستقبل فيها الضيوف، وانت تقول ماعندي والو احمد ربي وخليونا من التمسخير نتاكم الله يفرج عليك

[وهراني 31]

يا أخي

والله أعرف شبابا يعملون من 8:30 الى 18:00 بمرتب 3ملايين ونصف وفوق هدا هم يعيشون بالكراء

والله العضيم أكلمك بصدق

وانت تملك منزلا وتقول انك لا تستطيع توفير مستلزمات العرس وغيره

أتعرف اين المشكلة

المشكلة هي في تلك الفتاة التي ستتزوجها والتي تشترط عليك الدهب والتي همها المضاهر والبهرجة

والمشكلة هي انت انت بنفسك لانك تغالي في الامور وارى انك انسان تاع مضاهر

سهلها يسهلها الله عليك

سبحان الله

[وهراني 31]

السلام عليكم ،واش ياسي رفيق ،تخلص 3.5 ملايين و عندك شقة 3 غرف ،و كلشي غالي ،وتتابع دراسات عليا ،اذهب غالي و كل شي غالي ،مسكين ،الله يفرج عليك ، الرجال يخدمو مانوفر ، وساكنين مع والديهم عندهم غرفة واحدة ،متزوجين و حامدين ربي و مهنيين ، وانت تقول منيش لاحق ،اذا كانو نسابك، مشترطين الذهب و الاجهزة الالكترونية جديدة ،وتعيش بنتهم معزة يا خويا يشريوهم و جيبهم معها ،والله يرحم والديهم ، افطن راك راقد النبي صلى الله عليه وسلم كان عندو غرفة واحدة 3م على 3م ،يرقد فيها يطيب فيها ،يستقبل فيها الضيوف، وانت تقول ماعندي والو احمد ربي وخليونا من التمسخير نتاكم الله يفرج عليك

بارك الله فيك أخي ولو رايت ردي لرايت انه يشبه ردك كتيرا

تمسخير والله تمسخير

صدقني يا اخي موسى والله اعرف شبابا ماشاء الله يخدموا من صباح حتى الليل وزيد بالزيادة كاريين وحامدين ربي

اما هؤلاء اصحاب الدراسات العليا والشهادات الجامعية فهدا هو حالهم

[mouloudfan]

ياخويا شوف إمراة تقنع بكلش كاينين بزاف