كرهولي حياتي

[مشكلتي]

انا عمري 25 سنة عندي عام ونص ملي تزوجت وعندي طفل المشكلة اللي راني فيها مع الاهل نتاع الزوج نتاعي لو كان نقولكم الجن ميعشرهمش مراحش تيقووني انا كنت ساكنة وحدي في مدينة اخرى بحكم العمل نتاعو مي كي مرض زوجي ترك العمل ورجعنا سكنا معاهم كاين الام نتاعو واخواته 4 ماشي متزوجين الاصغر فيهم عندها 31 ..عايشين وحدهم عمر حتى واحد مادخل عندهم الناس عارفينهم كي يدايريين ممنووع الخروج لحتى بلاصة الحمام م مع العلم انهم لاكانش التاقة ممنوع طلي فيها المهم الواحد يحس راه في حبس المزيرية وكلشي قليل ولمعاني صبح وعشيا .. التحراش هو يسمعلهم ويخاف منهم صدقووني مكانش خصوصية وين مانروح يتبعوني مراقبة خصوصا الى قعدت مع الجدة نتاعهم مفهمتش العقلية هدي راني مصددوومة مكنتش عارفة بلي كاين ناس هكاا تخيلووو الى زوجي غاب وعيطلي ف التلفوون اخته تبقى تبكي علاش راه يعيطلها هي وميعلطناش احنااا.. تقول راني مع ضراات ..الزوج نتاعي شخصية نتاعووو والووو ضعيفة . ..تخيلو لعروسة الاولى عندها عام ملي رحلت من يوم اللي خرجت من عندهم حلفت ماترجع قاطعتهم نهائي ..هي وراجلها راهم ساكنين في دار راجلي كامل مخبيين علياا يقولولي دار خونا لخر وانا ساكتة ..راجلي قلتله خرجهم قالي خويا منقدرش نقوله يخرج انا الى بقيت في هداك الحبس نقتل روحي احسن راني تحت واحد الضغظ ربي عالم بيه .. بغيت نطلب الطلاق والى هاد المعيشة .عاونوووني واش ندير

[وهج الحياة]

لا تطلبي الطلاق لكن اضغطي اكثر اختاري وسيلة من الوسائل لان صراحة هذه ليست بمعيشة من سبل الضغط الخروج من البيت الزوجية ضعيه امام الامر الواقع اما واما اظن تجيك في عام ولا شهر تعاني خير من حياتك كامل والانسان رايح يعيش مرة اختي لاسيما من بعد يكبر الطفل واش من بيئة رايحة تحطيه فيها ،،نهذا رايي الشخصي ،ربي يوفقك

[Abdelkrim Ameur]

ربي يكون معاك ..... اصبري واحتسبي وأعلمي ان الله إبتلاك ليمتحن صبرك .... وتأكدي ان دوام الحال من المحال

[حمودية]

من حقكم ان تخرجوا اخو زوجك من داركم انت اولى بها.........

[بنت لبحر]

علاش روحتي لطلاق و حابة تخربي دارك

كتري من الاستغفار و اتقربي لربي بالصلاةو الدعاء و ان شاء الله يفتحها ربي في وجهك

وحاولي تتناقشي مع راجلك و ان شاء الله ربي يفتحها

ربي يكون معاك

[- بصمة خير -]

ما تفكريش في الطلاق
ما تزوجيش باش تتطلقي Ok
هذه الفكرة تاع الطلاق انسايها
**************
هذه الحياة صعود و هبوط
مرة ليك و مرة عليك
***************
اصبري على زوجك و انت ادعيلو ان الله يفتح عليه و يرزق بيت و عمل بعييييييد على اهله

و فكري لازم ما تربحيش العيب مع اهله لانك خارجة خارجة من عندهم لازم تبقاي انت اللي مليحة و ما تفكريش بهم و عيشي حايتك باللي تقدري عليه

سلامي

[bochra the best]

ابدا

لا تفكري في الطلاق مطلقا

[JasonDj]

لو كنت مكانك لخيرته بين الطلاق أو الخروج من هذا البيت
و هو يختار الأفضل لديه ماعندك ما ديري براجل كيما هذا
هذو لقالولك متخاميش في الطلاق ماهومش عارفين كيفاه راكي تعاني
خمي مليح اختي حياتك و حياة ابنك أهم
قوليلي كيفاه تتوقعي هذا الطفل يكبر بين هذي العائلة ؟؟؟
و هذا راي المتواضع

[نارينا]

لو كنت مكانك لخيرته بين الطلاق أو الخروج من هذا البيت
و هو يختار الأفضل لديه ماعندك ما ديري براجل كيما هذا
هذو لقالولك متخاميش في الطلاق ماهومش عارفين كيفاه راكي تعاني
خمي مليح اختي حياتك و حياة ابنك أهم
قوليلي كيفاه تتوقعي هذا الطفل يكبر بين هذي العائلة ؟؟؟
و هذا راي المتواضع

وأنت بسلامتك خممت في حياتها بعد الطلاق كيفاش راح تكون؟؟ هذا ليس بالسبب اللذي يجعلها تطلب الطلاق وتحرم ابنها من العيش في جو سوي.....نحن صراحة كيما قالوا جيل جوطابل ...معدنا نحملو حتى حاجة.....الفرج راح يجي يجي يا أختي ...الصبر وربي ينصرك من عنده .....ماتعرفي حياتك غدوة مثلا كيفاش تكون....اذا طال السيل أتى قويا فلا تجزعي

[JasonDj]

وأنت بسلامتك خممت في حياتها بعد الطلاق كيفاش راح تكون؟؟ هذا ليس بالسبب اللذي يجعلها تطلب الطلاق وتحرم ابنها من العيش في جو سوي.....نحن صراحة كيما قالوا جيل جوطابل ...معدنا نحملو حتى حاجة.....الفرج راح يجي يجي يا أختي ...الصبر وربي ينصرك من عنده .....ماتعرفي حياتك غدوة مثلا كيفاش تكون....اذا طال السيل أتى قويا فلا تجزعي


لا جيل جوطابل و لا هم يحزنون
نتي تقبليها لروحك تكوني محبوسة بين حيوط فيها غير أشباه رجال لاعبينها هم كولش و بنات كيما هذي
الراجل يكلم في مرتوا و هي قاعدة تبكي وشنوا هذا رانا في فيلم هندي
ايا حطي روحك في بلاصتها و نشوفو كيفاه تردي
كون جا راجل و قالهم المراة نتاعي راه فيها و فيها تقولوا تطلقها ... تزوج عليها ....متقولوش كامل أصبر عليها و راه "اذا طال السيل اتى قويا فلا تجزع"
حاولوا تكونوا شويا موضوعيين و عادلين المرأة كرهت حياتها و ماشي قادرة تعيش مع ديوث كيما ذاك
و الطفل زعما كي يكبر راح يخرج راجل كيما ابوه
أنا نقولك كيفاه يخرج ........يكون خواف و ديوث و عنيف ضد النساء و يكره ابوه لأنوا راح يكبر في بيئة يشوف في امو محقورة و ابوه ماهو يدير في والوا
و خيرلوا يبعدوا

[أبوريتاج]

راني كيما خوك ننصحك لوجه الله. اصبري مع راجلك فيجال وليدك .المهم ماتروحيش مباشرة للطلاق والله هذا تخمام تاع شيطان ماتحسيش بالندم إلا بعد وقوعه صدقيني ولازم تحطي نفسك تحت الامر الواقع.وادا استحالت المعيشة معاه وماكانش حل قبل ماتروحي للطلاق عندك الاهل ديالك يتفاهمو عندك الاب ديالك يتفاهم مع الاب ديالو ولا مع الزوج ديالك باش يلقاو حل. بعد الاهل كاين الامام بالخصوص الان راهوم في المساجد ايحلو المشاكل المهم ماتتسرعيش في الطلاق لانو اللفظ بيها ساهل لكن عواقبها كبيرة خصوص اللي عندها اولاد.

[lalib40]

مصير الزواج باشباه الرجال

[نارينا]

لا جيل جوطابل و لا هم يحزنون
نتي تقبليها لروحك تكوني محبوسة بين حيوط فيها غير أشباه رجال لاعبينها هم كولش و بنات كيما هذي
الراجل يكلم في مرتوا و هي قاعدة تبكي وشنوا هذا رانا في فيلم هندي
ايا حطي روحك في بلاصتها و نشوفو كيفاه تردي
كون جا راجل و قالهم المراة نتاعي راه فيها و فيها تقولوا تطلقها ... تزوج عليها ....متقولوش كامل أصبر عليها و راه "اذا طال السيل اتى قويا فلا تجزع"
حاولوا تكونوا شويا موضوعيين و عادلين المرأة كرهت حياتها و ماشي قادرة تعيش مع ديوث كيما ذاك
و الطفل زعما كي يكبر راح يخرج راجل كيما ابوه
أنا نقولك كيفاه يخرج ........يكون خواف و ديوث و عنيف ضد النساء و يكره ابوه لأنوا راح يكبر في بيئة يشوف في امو محقورة و ابوه ماهو يدير في والوا
و خيرلوا يبعدوا


انت مندفعة بعض الشيء وربما مرد ذلك صغر سنك..كما يبدو أنت لازلت طالبة وعواطفك تتحكم فيك ...عليك أن تفهمي أن المرأة حتى ولو كانت مظلومة عليها أن تضحي كثيرا في مجتمعنا....ماذا تريدين منها أنت ان تفعل "الطلاق لرد الاعتبار وفقط؟؟
وصفت الزوج والابن بالدياثة ولم تقم هي بذلك ...ردة فعلك اقوى من ردة فعل صاحبة الموضوع ......رغم أنها هي التي في موقع الحدث

[اغادير]

راك بعقلك؟ تطلبي الطلاق؟ حتى هوما هادا واش يحوسوا حبيبتي ..... راكي تقولي فعمرك 25 سنة يعني مازلت صغيرة ومن درك تفكري في الطلاق ما فكرتيش واش راح يصرا بعد الطلاق....ََ! حاسبة حياتك راح تكون كيف قبل ....NO NO NO NO NO NO راكي غالطة، مانيش راح نقلك احملي وعيشي معاهم على خاطر راح تمرضي غير انتي،MAIS لازم تقعدي ورا راجلك حتى يخرجك من السجن لراكي فيه، نهار ابكي، ونهار ما تاكليش، ونهار روحي لداركم،,,,,,,,,,الغ، وإذا مانفعتش الوسائل هادي عندك حق انك تفكري في الحل النهائي ....ربي يعينك يا أختي ويفك مشكلتك يا رب:mad::mad::mad::mad::mad::mad::mad::mad::mad:

[eBusiness]

لا جيل جوطابل و لا هم يحزنون
نتي تقبليها لروحك تكوني محبوسة بين حيوط فيها غير أشباه رجال لاعبينها هم كولش و بنات كيما هذي
الراجل يكلم في مرتوا و هي قاعدة تبكي وشنوا هذا رانا في فيلم هندي
ايا حطي روحك في بلاصتها و نشوفو كيفاه تردي
كون جا راجل و قالهم المراة نتاعي راه فيها و فيها تقولوا تطلقها ... تزوج عليها ....متقولوش كامل أصبر عليها و راه "اذا طال السيل اتى قويا فلا تجزع"
حاولوا تكونوا شويا موضوعيين و عادلين المرأة كرهت حياتها و ماشي قادرة تعيش مع ديوث كيما ذاك
و الطفل زعما كي يكبر راح يخرج راجل كيما ابوه
أنا نقولك كيفاه يخرج ........يكون خواف و ديوث و عنيف ضد النساء و يكره ابوه لأنوا راح يكبر في بيئة يشوف في امو محقورة و ابوه ماهو يدير في والوا
و خيرلوا يبعدوا


الله يهديك يا بنيتي، أين رأيتي أنت أنه ذيوث؟ راها تقولك النافذة ولا يقبل أن تطل منها، أليست هذه غيرة على نسائهم؟ ضعيف الشخصية نعم لكن من أين طلعتي لنا أنت بصفة ذيوت هذه؟ كما قالت الأخت نارينا مازالك صغيرة وكي تكبري ورينا شطارتك وين توصلك

بالنسبة للأخت صاحبة الموضوع والله راني حاسن عونك، وضعك صعب لكن الحديث عن الطلاق بهتان يا بنت الأكابر, عليك بالصبر قليلا، يعني هل ستموتين لو زدتي مثلا 6 أشهر معهم لا تبالي بما يفعلون، ضعي سماعة في أذنيك واستمعي للقران وخليهم ياكلو روحهم بالهدرة وخلال هذه المدة حاولي أن تكسبي زوجك بأن يعطي مثلا مهلة لأخيه حتى يخرج من بيته ويبحث عن مكان اخر، ثم إربحي زوجك بالسياسة والحنكة، أما عن الطلاق أنا لست متزوج ولا أظنني سأتزوج يوما ولو طلبت مني زوجتي الطلاق لأتفه الاسباب سأطلقها في الحين لأن الطلاق ليس لعبة، هكذا تكون قد استنفذت طلقة واحدة ويبقى لها طلقتين يجب أن تعرف كيف تستغلهم لأن الطلقة الثالثة تكون قاتلة خصوصا إن لم أكن أنا ظالمها، الطلاق اخر الحلول، إجعلي زوجك بتوددك يحس بمعاناتك ولا تحدثيه عن الطلاق لأنه بمساعدة من عائلته سيطلقك بالسداس لا الثلاث

كان الله في عونك يا بنت الأكابر، إصبري قليلا وان شاء الله ربي يخلصك على حساب نيتك ولا تكوني جيل جوطابل كما ذكرت الأخت الفاضلة نارينا لأنه بالفعل أصبح الجيل هذا جوطابل بصح وصحيح !!!

[faty05]

ربي يصلح لحوال
اصبري و تكلمي مع راجلك راس براس
و دارك من حقك انتي تسكني فيها
ربي يفرج عليك
اكثري الدعاء

[امال مارية]

ربي يفرج عليك يا اختي

[تينا ماريا]

ربي يفرج عليك اختى ، حاولي تستعطفي زوجك بالشوي و تبين يلو بلي انتي مظلومة ميش العكس لأنو راجل ما يصدق بلي اهل هم اللي مش ملاح

[bellaluna]

نصيحة لوجه الله، لا تطلبي الطلاق و لا تفكري فيه أبدا..