نداء عاجل لكل من جربت قلب اللوز ليليا

[أم تقي الدين]

السلام عليكم قبل كل شيئ أتمنى تكونوا كامل بصحة وخير ومعنويات مرتفعة باه طلعو لاختكم المرال اللي راهو زاحف في الارض قصتي مع القلب اللوز منغير ما نطول عليكم هي : جربتو وطبقت الوصفة بحذافيرها والنتيجة كانت كارثية مي اصبرو عليا شووية ممكن نكون حرفت شوية اولا ماحمرتوش بزاف بزاف وثانيا استعملت دشيشة خشينة يستعملها مولا القلب اللوز لهذا الخصوص جاني قاسي وكلي نئ شوية ممكن تاني نقصتله كاس شربات بصح للان راه مشربة نورمال فياريت تعاونوني اخواتاتي واجزاكم الله خير الجزاء وتربحو فيا مزية:1:

[fatimazahra09]

انا تاني يا اختي بالاك 3 كيلو نتع سميد راحو هكذاك ..كان عندي مشكل مع التشراب ...معناتها كان يجيني قلب اللوز حلو بزاف ...وتاني كان لازم عليا نكمل كامل الشاربات ...ومن بعد نصيب روحي انا وقلب اللوز في لابيسين نعومو ...ملا وليت نديرو في الفرن سخون ...والنتيجة CATASTROPHIQUE يولي يزيد يطيب السيرو ويعقد وحبة تكفي باش يطلعلك السكر ....
المهم انا اليوم جربت وصفت الاخت الصوامعية والنتيجو مذهلة ..برك كي تعاودي ادخليه للفرن سخون وطافيء ..ماتغفليش علية بزاف ...باش هادوك القطرات تاع الندى ما يطيحوش على قلب اللوز JUSTE LE TEMPS LI YECHROB وخرجيه ومشي لازم تكملي كامل الشاربات لعندك انا خليت كاس كبير ...مام الحلاوة جانتي مليحة ... وحاجة اخرى لازم نصبرو ونصبرو باش نتعلمو .C TOUT CE QUE JE PEUT VOUS DIRE ...ET BON COURAGE :mh31::mh31::mh31::mh31:
VOILA LE LIEN
http://www.djelfa.info/vb/showthread.php?t=1574837

[تينا ماريا]

انا تاني جربتو جاني العكس الشاربات ما كفاتنيش جا شايح و تتاني استعملت الدقيق الخشن جا كي شغل ما طابش مليح كما قلتى ني من الداخل

[أم ياسين الزهراء]

اختي تبعي هدو النصائح راهو ينجحلك وادعيلنا انا وام ابراهيم تفضلي
نصائح ام ابراهيم لقلب اللوز
بالنسبة للتحليل و النقاش ههههههه
الدقيق استعملت الخشين نوع مولا و اللبن ترافل درك نجيبلك الصور و الكاس الي كيلت بيه 150 ملل و قياس الصينية 24*24
كيلت 3 كيسان فرغتهم في البلاتو جاني شوية رقيق زدت شوية دقيق اما السكر درت كاس و نص و نص كاس لبن و نص كاس زيت و رشة ملح و رشة خميرة كيميائية و رشيت بشوية ماء زهر و خلطتو و خليتو يرتاح نصف ساعة
من جهة اخرى كنت حضرت الشاربات بنفس الكاس الي كيلت بيه درت كاس و نص سكر و 3 كيسان و شوية ماء خفت يجين مخصوص كي نشربو عليها زودت و عصرت عيه قطرات قارص حطيتو فوق النار 15 دقيقة بالتمام مازدت مانقصت طفيت و خليتها تبرد
الفرن سخنتو مسبقا 200 درجة
حطيت الخليط نتاعي في البلاتو و عدلتو بيدي ثم سويتو من فوق بظهر الملعقة مادهنتهاش و عملت خطوط بالسكين و رشقت انصاف كوكاو لا تحسبوهم صح لوز ههههههه
دخلتو الفرن على نفس الدرجة 200 في الرف الاوسط مدة نص ساعة حتى شفت الجوانب حمارت مليح و بدا ياخد اللون الذهبي من فوق طفيت عليه و شعلتو من فوق و بقيت نراقبو لانو لو تغفلي ثانية يتحرق حتى تحمر مليح خرجتو و مباشرة سقيتو بالشربات الباردة و سقيتو مرة واحدة مادرتش كما قالت صاحبة الوصفة تسقيه على 3 مرات و غطيتو بصينية اخرى مع ترك فتحة صغيرة باه ما يعرقش و رجعتو للفور و هو سخون وبعد ساعتين او ثلاثة هجمت عليه هههههه صراحة ماقدرتش نصبر و نذوق

[أم تقي الدين]

:mh92: مشكوووووووووووووووووورات حبيباتي أم ياسين الزهراء وسارة 84 وفاطمة الزهراء 09 على الرد الجميل والشرح الكافي والوافي واتمنى الاخوات تاني يستفادو ومايقعوش في هدي الاخطاء بارك الله فيكم وجزاكم الله الفردوس الاعلى وطبعا ام ابراهيم معانا باه ماتزعفش علينا واكيد لا يأس مع الحياة وراك وراك والزمن طويل يا قلب اللووووووووووووووووووووووووووووووووووووز:19:

[طالبة مساعدة]

اختي الكريمة انا درتو وبنة تاع الزيت بانت فيه املا خليت وصفة تاعي اذا بغيتي تبعيها انتي حرة هي مذهلة

500غ سميد نصف غليظ انا درته بسفينة ودرته بعمور في 2 جاو ملاح +300غ سكر + 3 م ك سمن مرجان وحكي مليح بيديك مليح دخلي سمن ذائب ثم عملي كاس ماء الزهر لهو 250 يوزن نعمل فيه ماء الزهر وعملي فيه عطر الزهر وبداي ترشي وتفتلي كما طعام متعجنيش شرتليه بصح قسميه خطرتين الاولة خليه يريح وشوية وزيدي شربيه
الان عملي شوية لوز بقشرو وزيدي معاها سكر حسب ذوق وعملي معاها لفاني وشوية قرفة وعملي ماء الزهر ولكن متكثريش غير بليه
عملي في سني سمن دهنيه وزيدي خلطة تاع سميد وزدي فوق خلطة اللوز وزيديخلطة السميد وستفيها وعملي بلبانسو سمن دهني كل الطبقة فوق
سخني فرن ودخليها وهفتي نار لما تحمار من حواشي حليلها من الفوق عملي شربات على حسب كل ما يشرب سميد شربيها مع الاول ودخليها للفرن طافي وزيدي شربيها وكيتنتفخلك عندما تشربيها عرفي بلي خرجلك مليح جربيها ورديلي الخبر

[imeneee]

اختي انا جربته و كان روعة التزمي فقط باوصفة فان الوصفة رائعة :34:

[manita]

حتي انا يا اختي جاني هكا معجن وتقيل وشربتو مرة وحدة مباعد ما حبش يشرب يعني شرب غير فرد مرة ما فهمتش وين الخلل

[mama amira]

أنا جربته و جاني مليح روحي للوصفات المجربة

[sarah_sb]

طبقتها و ما خرجتليش مليحة . و طبق الوصفة بحذافيرها و ما علرفتش و علاش

[إلهام07]

اللي جربو الوصفة ومانجحتلهمش نقوللهم الخطأ من عندكم الوصفة راهي هايلة وجربتها أمثر من مرة رووووعة بمعنى الكلمة ومستحيل يجيك معجن بالعكس تماما
قلب اللوز عندو أسرار لازم تعرفوها قبل ماطبقو أي وصفة ماشي مباشرة تهزي المقادير وتبداي كاين حوايج لم تذكر في الوصفة لازم تكوني تعرفيهم
انا التغيير اللي درتو أنني زدت شوية لبن لازم العجين تكون جارية شوية وطرية وغير متماسكة باش ماجيش يابسة
وثاني زدت فيها 1 م ص خميرة جيك هشوشة خلاص تهبل تهبل هاهو نتاعي :
http://im50.gulfup.com/4Jvv8O.jpg

والشاربات الكيل نتاعها راهو مضبوط درت كيما الوفة وراهي مشربة مليح راهي تبان :19:

[عطر الجوري]

li jathom m3ajna darou kila kbiiiira w sniwa srira hada howa lkhalal hya matjich rlida bezaf w l7lawa ana tani jani 7lou bezaaaaf w 3awelt ki n3awdou na9as sokor

[hanane09]

انا ايضا جربت
ولكن جربت نصف المقادير وجاني روعةوشربت على تلات مرات كما قالت الاخت بصح درت دقيق متوسطالاخت الهام م ص تاع الخميرة كيميائية

[hanane09]

انا ايضا جربت
ولكن جربت نصف المقادير وجاني روعةوشربت على تلات مرات كما قالت الاخت بصح درت دقيق متوسطالاخت الهام م ص تاع الخميرة كيميائية

[hanane09]

انا ايضا جربت
ولكن جربت نصف المقادير وجاني روعةوشربت على تلات مرات كما قالت الاخت بصح درت دقيق متوسطالاخت الهام م ص تاع الخميرة كيميائية

[اسمهان79]

السلام عليكم
أنا ثاني يا الأخوات الكرام جربتو اكثر من ثلاث مرات وتبعت الوصفة اللي حطتها الأخت الفاضلة ام أماني والله جا روعة وكل اللي ذاقو ه عندي عجبهم وطلبو الوصفة وأنصحت بيها أخوات بزاف وجربوه ونجحلهم والمقادير راهي مضبوطة100/100
أتمنى لكي التوفيق أختي الكريمة

[فايزة1207]

والله ياختي جربته وخرج هايل ومانزيدش نبدلها

[hayette82]

44444444444444444444444444

[امال مارية]

السلام عليكم اختي جربيه بشرح ام اماني جاني هايل

[سعاد 24]

اختي الهام ربي يعيشك نديرو بالسميد خشين ولا متوسط و الكيلة تاع الشاربات هي نفسها لي كيلت بيها الدقيق

[om mostapha]

السلام على الجميع انا قصتي معى قلب اللوز دى الهى مدة جربة عدة وصفاة ما يقارب 20 او اكثر و لا وحدة نجحت انا نقول شوية مالوصفة وشوية الاخرة مالفور وعندمة غيرة الفور جربة الوصفة تع البن جربت بي فنجان صغير و الحمدو لي الله من الاول مرة نجحت وعودتها عدةمراة تخرج روعة نشكر الاخة صحبة الوصفة جزاهى الله كل خير والله يجعلهى فى ميزان حسناته.

[loulou78]

السﻻم عليكم حتى انا خرجلي هايل بعد ثﻻث محاوﻻت فاشلة اولى كان الخطأ من شربات وثاني تحرق وجا قاصح لكن الثالث كانت الشهادة من الجميع خرج روعة وكيما قالت اﻻخت الهام زدت شوية خمارة نتاع الحلوة والبﻻ درت من تحت ومن بدات تحمار طلت البﻻ لرف الفوقاني والله بصراحة خرج روعة ممكن عندي 10 سنين وانا نجرب فيه وكاين نتاع اﻻخت بصراحة يخرج روعة لكن صعب شوية الواحد يكون صبور ويدوب سكر مليح مع السميد
بتوفيق يا بنات

[سرور2]

انا ثاني جربتو 3 مرات الاولا جاني بنة مليحة بصح غيرنهز الحبة يتفتت اما المرة الثاني رميتو جاني معجن ياسر خصارة كيلو السكر والسميد اما المرة الثالة جربتو جات البنة مليحة والتشراب شرب زين بصح حسيت فيه شوي نئ وبالنسبة لحطانو في الفرن بعد منطفيه انا درتها بصح حسيت العسل والفرن سخون زاد يبسو شوية من فوق ان شاء الله نزيد نجربو مرة اخرى ونقلكم

[أم عائشة 10]

كنت نخدم قلب اللوز بعدة وصفات كل مرة وصفة لكن ملي جربت تاع اللّبن مراحش إن شاء الله نبدلها وراح تكون معتمدة عندي إتبعت نصائح ام اماني وإلهام بارك الله فيكم وفي صاحبة الوصفة
السميد الجيد هو تاع (سفينة نصف غليظ) وطيّبتها في الفرن الكهربائي يعني شعلت عليها من الفوق والتحت) والحمد لله أحسن وصفة جربتها ولن أغيّرها.