قصتي

[dja3louba1994]

السلام عليكم أولا
أنا طالبة معيدة مع أنني الآ ن تقريبا أكمل المراجعة لكن تراودني أحاسيس بأنني سأفشل كيما العام ليفات مع أنني درت لي عليا بصح قلبي ماوش مهني ساعدوني والله كرهت من هذا الشعور ربي خليييكم ساعدوني أنا محتاجة لنصائحكم لانها ترفع من معنوياتي وشكرا
أسأل الله العظيم أن يحقق لنا النجاح ان شاء الله

[NaTaLiE]

سلامــ

التفكير السلبي يقود إلي ----> نتائج سلبية
التفكير الإيجابي يقود إلى ----> نتائج إيجابية

++ مادمت درتي لي عليك ولم تفشلي وإجتهدتي ـ ثقي في نفسك وأبعدي الأفكار التشاؤمية وتوكلي على الله .

وإن شاء الله ربي يوفقك .

[just person]

القلق برك

النهار تكوني نورمال كي يجي الليل تجيك هذ الاحاسيس ،، حالة طبيعية وماتخميش قاع

تفاءلي خير :

[jiji bella]

يا أختي أنا تاني راني معيدة للمرة الثالثة لكن لم أستسلم لها بالمرة مع أني في المرتين السابقتين أخذت 9.47 و 9.63 و لن أستسلم لها مادمت حية مع ان الاغلبية يسخرون مني و يذكرونني دائما بفلان و فلانة الذين تحصلو على البكالوريا بكل سهولة و هذا كله لاحباطي و لكن انا عاقدة على العزم و الفوز باذن الواحد الاحد فهي ليست شيئ مستحيل مادام يوجد من تحصل عليها بمعدل 18 و 17 فأنا شعاري لا للاستسلام فربي يوفقنا جميعا و كل حاجة من عند ربي أهلا و سهلا بيها فلا اعتراض لأمره

[dja3louba1994]

شكرا لكم وجيجي والله نفس قصتي وانا لم أياس مع أني أتلقى السخرية من أقرب الناس الي لكني عازمة على الحصول عليه باذن الله ربي معانا ولازم مانلتاوش بهدرة لعرب على خاطر تكوني نورمال يهدرو ماعيا يفسدولي النهار لعل الله في الاعوام لي فاتو يختبر في صبرنا تفاؤلوااااا خيييراااااااا تجدوه بعدكل صبر نجاح ان شاء الله

[zainona]

السلام عليكم
اختي خلي ثقتك بربي قوية وما التخليش الافكار السلبية تأثر عليك انت ديري اللي عليك والباقي على ربي سبحانو فكري غير في الافكار الايجابية وان شاء الله تكون نتائج ايجابية
"تفاءلي خيرا" بالتوفيق

[Wiem4]

سلام اختي
تفاءلي خيرا تجديه
و اختي اخطيك من الهدرة تع لعرب لخاطر ادا تبعتيهم مافراتش واش نقولك ان شاء الله تجيبي الباك و تسكتيهم كامل
وساكون اول المهنئات لك
بالتوفيق

[mounir mounir]

هدا الستراس سي لوجيك اختي بصح نتيا سيي ماتخليش الفيد باش ماتخميش في هادو الصوالح مثلا روحي اديفولي مع صحاباتك قبل الباك باش يطلعلك المورال و ربي يوفقك ان شاء الله