اعتبركم اخوتي فهل ؟؟؟؟

[مشكلتي]

السلام عليكم جميعا
خاوتي لوجه الله قولولي رايكم بكل صراحة
انا استاذة 33 سنة تربيت بمستوى معيشي مليح و مشكلتي انو بعد عدة خطبات لم تتم لاسباب او لاخرى
اليوم تقدملي شخص كان في الامن و خرج تقاعد -- 15 سنة -- مستواه المعيشي ضعيف بالنسبة لمستوانا و حتى السكن عايش مع اهله بمنطقة فقيرة و هم عائلة كبيرة
هو حاليا يخدم على قوله مع مقاول و قاليها صراحة راني كل مرة كيفاه

المشكل هل زواج من هذا الشكل راح يكون توافق ؟؟؟
هل التأقلم مع وضعهم ممكن ؟؟؟؟ ام هو مجرد خيال ؟؟؟

استخرت الف مرة و لازال مي حابة نصائح واقعية

لو انت خويا الرجل تقدم لاخت شخص بهكذا مواصفات ماذا تفعل ؟؟؟
و البنات واش رايكم ؟؟؟

انا اليوم بين حلمي اني نستقر و نكون أم و خوفي انو يكون التوافق بينا مجرد عالم خيالي و الواقع شيئ اخر

راح تقولولي شوفي اخلاقه راح نقلكم اكيد لكن حابتكم تشوفو معايا كل الجوانب
يعني الفارق المعيشي و العلمي واضح بينا
فيه ايجابيات نعم في شخصيته لكن خايفة تكون مزيفة و نلقى كلشي راح

قولولي من تجاربكم و واقعكم لاني فعلا محتاجتكم

سلام

[abdoustar]

على حساب ما فهمت مخاوفك


تتلخص على المعيشة كيفاه راح تكون

في مقابل خوفك من كبر السن و الرغبة في الزواج

هو على حساب الشوفة خرج sergent ولا كابران

يعني مستوى تعليمي محدود

تقاعد من الجيش يدي شهرية لا تتجاوز 5 ملاين

هادا من جانب المعيشة

اما من جانب العقلية فأرى أنك اخترتي على أساس حابة تولي أم و خلاص

ومن بعد خفتي

ما تنتاظريش واحد يقولك وش ديري ديما

الحل عندك نتي اللي عايشة فالقصة

ادا تتنازلي و تسكني مع اهلو
و تقبلي بمعيشتو

و عجبك هو يستاهل

اتكلي على ربي

وادا كاشما بانلك هاديك حاجتك


بالتوفيق

[knives66]

سبب لي خلاء زواج من محرمات في وقتنا هو تكبر بنات على رجل

افضل انك ترفضي وتخلي راجل يحوس على مراة اخري

على حسب كلامك لم ولن يعجبك

[مراد سابقا6]

أنا نعطيك نصيحة يا أختي

أنا كنت في الجيش وشفت السراجن والكاربانات واش يديروا

نصيحة لك لا تتزوجي به

والله تندمي

وإذا تزوجتي به أشفى على ردي هذا راهو في يوم من الأيام تحتاجيه

أخطيك منو

[جوهرة الغرب.]

من حق كل بنت تختار واش يناسبها وواش كانت تتمنى باه تعيش هانية معاه ...وتضمنيلو المعيشة السعيدة فهو من حقه ايضا..
اختي من خلال كلامك انك لست راضية به 100% والزواج مبني على القناعة الكاملة وليست نص نص حتى وان كنت كبيرة في السن لازم تكوني مقتنعة به ومن كل النواحي يعني الاخلاقية والعلمية والمادية...صح الاخلاق هي الصح والشخصية نتاع الراجل ...
اختي نصيحتي اليك ماتقلقيش حتى تتأكدي من نفسك اذا تقدري تعيشي معاه وتقبلسي باحوالو...واذا لالا ربي يجيبلك اللي يتمناه قلبك هكذا ماتظلمي نفسك ماتظلمي السيد معاك....فالزواج ليس للزواج فقط وانجاب الاولاد...الزواج حياة ابدية...
بالتوفيق اختي

[الداعي الى الحق]

يااختي المهم الاخلاق ان كانت اخلاقه جيدة فاقبلي به حتى لو كان افقر الفقراء
لا تنظري الى مستوى المادي او المستوى التعليمي
فكم من امراءة تزوجت رجل غني لكنها تعيش في تعاسة ومشاكل دائمة
وكم من امراءة تزوجت برجل صاحب دكتوراة لكنهما لا يتوافقان في التفكير
اختاري من يفهمكي فالتفاهم هو الاساس لتوافق الفكري وليس المستوى التعليمي
اما ان لم يعجبكي ولم يكن بقدر هدا الاخلاق فلا تقبلي بيه .
ولا تنظري انكي 33 سنة والقطار يفوتكي ولازم تتزوجي باي نكان خوفا من العنوسة لان هدا تفكير خاطئ
ولن يجلب لكي الا الندم

[حمـ السلام ـمة]

السلام عليكم جميعا
خاوتي لوجه الله قولولي رايكم بكل صراحة
انا استاذة 33 سنة تربيت بمستوى معيشي مليح و مشكلتي انو بعد عدة خطبات لم تتم لاسباب او لاخرى
اليوم تقدملي شخص كان في الامن و خرج تقاعد -- 15 سنة -- مستواه المعيشي ضعيف بالنسبة لمستوانا و حتى السكن عايش مع اهله بمنطقة فقيرة و هم عائلة كبيرة
هو حاليا يخدم على قوله مع مقاول و قاليها صراحة راني كل مرة كيفاه

المشكل هل زواج من هذا الشكل راح يكون توافق ؟؟؟
هل التأقلم مع وضعهم ممكن ؟؟؟؟ ام هو مجرد خيال ؟؟؟

استخرت الف مرة و لازال مي حابة نصائح واقعية

لو انت خويا الرجل تقدم لاخت شخص بهكذا مواصفات ماذا تفعل ؟؟؟
و البنات واش رايكم ؟؟؟

انا اليوم بين حلمي اني نستقر و نكون أم و خوفي انو يكون التوافق بينا مجرد عالم خيالي و الواقع شيئ اخر

راح تقولولي شوفي اخلاقه راح نقلكم اكيد لكن حابتكم تشوفو معايا كل الجوانب
يعني الفارق المعيشي و العلمي واضح بينا
فيه ايجابيات نعم في شخصيته لكن خايفة تكون مزيفة و نلقى كلشي راح

قولولي من تجاربكم و واقعكم لاني فعلا محتاجتكم

سلام


لا أدري ماذا أقول
لازلت صغيرة فلم تصلي الخمسينات بعد هذا من جهة ..من جهة أخرى
أنا ضد السكن مع الأهل لأنني مجربة و حياتي تدمرت
لا المعاملة الحسنة نفعت و لا انا عشت حياة سعيدة

بخصوص الفارق الثقافي هناك حالات تنجح و أخرى لا
و زيد عقلية متقاعد ما كان لاه نحكيلك-ربي يجيب الخير-


أنا لو كنت محلك لن أقبل - بعد تجربة-

و نصيحة نسيتها : لازم تستخيري أكثر من مرة ..الله أعلم مني و من الجميع

ربي يسعدك حبيبتي

[nasser26]

أنا نعطيك نصيحة يا أختي

أنا كنت في الجيش وشفت السراجن والكاربانات واش يديروا

نصيحة لك لا تتزوجي به

والله تندمي

وإذا تزوجتي به أشفى على ردي هذا راهو في يوم من الأيام تحتاجيه

أخطيك منو

الله يهديك الناس كامل عندك كيف كيف ؟؟؟؟؟؟؟؟؟؟؟

راجع كلامك لاني شفت العكس وانا نصرحلها بعكس واش راك تقول واش راك تقول

[hope of life]

اختي ربي الي يعلم الغيب لذلك ....استخيري للمرة 1..بعد 1000...لكن بتوقيت افضل....على 2نتاع الليل...بصدق وايمان بلي ربي الي يعلم..وديري في بالك بلي ...ربي لا يستجيب لقلب غافل..ورا ح تنحل مشكلتك.....راهي مجربة

[baalache]

اختي انا نقول ادا جاءكم من ترضون دينه ماشي من ترضون مستواه المعيشي لان الرزاق هو الله والله يسهلك من كل قلبي

[*سيرتا *]

لحد الساعة لم ار امراة سكنت مع عائلة الزوج و تنعم بحياة هادئة ..

[baalache]

اهننن ما شفتي مراة عاشة ف الحوانة ومتهنية وبكري وين كنوا يسكنو ولا فرنسا كانت دايرة aadl قولي قليل ماشي مكاش كل واحد يعطيه ربي على حساب قلبوا ثاني بنات دروك يحوسوها راقدة وتمونجي تقبض تليكوموند خبطة واحدة دير لاشان شوية

[sarl02]

سارد عليك بالعقل والمنطق واكيد ستفهمين ما ساقوله لك يا اختاه...انت في وضع ربما الطلب عليك كزوجة قل نوعا ما وكل شيء بالمكتوب واكيد لو كنت في سن صغيرة وعندك مؤهلات اخرى سترفضين هذا الزواج وانا متاكد....بعبارة اخرى يجب عليك تقديم تنازلات لاجل تكوين اسرة ولاجل ان تكوني في وضع المراة التي جبلت عليه ...ومن هاته التنازلات الرضى بمستواه الفكري حتى لو لو يكن بينكما توافق في البداية وكذالك التنازل عن بعض الامور المادية التي اعتدتي عليها ...لكن الشيء الوحيد الذي لا يمكنك التنازل عليه هو اخلاق الشاب واصله وعائلته ووفقك الله.

[ذكرى أبي]

أما أنا فرأيي عن تجربة ، لوكان تبقاي تخدمي معليش ، لكن باش تبطلي و تقعدي في دار الغاشي و مستواهم محدود فلن تتحملي أبدا
بالصح لوكان عندك شوية عاونيه و اشريو ولا اكريو دار لكن بالمعطيات الي أعطيتهم لنا فلن تتحملي

[لمسة L]

السلام عليكم و رحمة الله و بركاته
اختي العزيزة هدا اود مشاركة لي عندما قرات مشكلتك قررت اسجل في المنتدى و احكي لك تجربيتي
لا استطيع ان اعطيك راي و لا ان اقرر في مكانك و لكن ساحكي لك قصتي و انت استنتيجي

انا في عمر 28 سنة تقدم رجل يكبرني ب 10 سنوات لخطبتي ، كان الخطاب كثر و الحمد لله لكن هذا الرجل هو الوحيد الذي اقنعني بكلامه

ترددت و رفضت و انتظرت في عمر 29 سنة بدات مشاعر الامومة و البيت و العائلةة تسيطر على و ايضا كلام الناس الذي لا يرحم فقررت ان الرجلرالذي ياتي الى ابي ساقبل به

تقدم نفس الشخص مرة اخرى ، موظف في شركة يتقاضى حوالي 2.5 ملايين من قرية نائية و بعيدة و صارحني بوضعه المادي

اشطرت عليه السكن وحدي و بقرب عملي ووافق ،حقيقة وفر لي كل سبل الحياة الكريمة و تشاركنا بمرتباتنا لننشئ بيت الزوجية و لكن حلم الامومة بدا يتبخر فبعد 05 سنوات من الزواج لم ننجب و الحمد لله على كل حال

لقد عانيت الويلات من الوضع المادي المزر و من مشكل عدم الانجاب و من كلام الناس لكن لم اندم على زواجي به فهو يسعى و يتعب لارضاءي
فان كان مشكلك مع المال فهو يذهب و يعود
و ان كان مع الانجاب فكم من محرومين
و ان كان المستوى العلمي فكم من متعلم و دكتور لا يفقه
و ان كان على مستوى العائلة فالمهم هو التوافق و التفاهم مع الزوج
المهم اخت ، تحدثي معه و حددي مطالبك و لا تنسي انه عندما يصبح زوجك ستتلاشى كل العوائق

[مريم الصابرة]

السلام عليكم اختي
اولا وين العيب كونو متقاعد او يسكن مع اهلو وواش من واقع خايفة تصطدمس بيه راه حكالك كل شي وما خبى عليك والو وقالك حنا زواولة وناس فقراء وواش من مستوى تعليمي يا اختي الرسول عليه الصلاة والسلام قال من ترضون خلقه ودينه وراه يخلص التقاعد معناها كاين باه تعيشيو تعيشي مستوى مليح علاه لازم تدي واحد يدي 10 ملاين للشهر وماشي مهنيك اختي الصح فالهنا هو ماكذب ما زاخ عليك ولا خبى سكنو مع اهلو هذا راجع ليك ممكن تسكنو ومع الوقت تخرجو وحدكم بزاف صراتهم وممكن بزاف شوي صبر منك وتتفاهمو وكان عندو بنات يجي نهار يتزوجو ورجال راحين يكونو متزوجين يعني إنت تحترميه ووالديه واجبين منك الاقي يهم راجلك هو راحا تعيشي معاه
اما مستوى ما مستوى الناس الكل كفيكيف المفاهمة مش بالورقة والكراس يا اختي او بالشهادة الراجل يحتاج مرا توقف معاه في حياتو وتتحمل وتصبر مش محتاجة إمرأة اعمال او مديرة او مهندسة مهما كان مستواه حتى الأعلى مستوى ويدي وحدة نتاع شهادة كيما هو وطالقو لانو ما تقدرش تتحمل الحياة
انا من رأي اقبلي بعدما تسقسي عليه وعلى اخلاقو وكوني هانية اللي يعرف ربي وعاقل راحا تعيشي معاه مرتاحة
وكل دار فيها مناوشات يعني حتى وتدي واحد من مستواك اكيد راحا تتناوشي معاه يعني غير كيفكيف
وزيدي إستخيري بالنسبة ليا ما نشوفش فيه عيب
موفقة

[الفاتحة]

أختي الكريمة حسب مشكلتك انت قلقة من امرين المستوى الاجتماعي والمستوى التعليمي

أما الاول فالمال يأتي ويذهب ، واليوم فقير غدا غني والعكس صحيح ، وحسب رأيي هذا ليس بمشكل إلا إذا كنت متعودة على عيشة الترف ولا تستطيعين عيشة الحاجة وإن كان الامر لايصل إلى الحاجة، فأنت موظفة والخاطب له منحة التقاعد يعني تعانوا والحياة تسير على احسن مايرام ....
أما الثاني ، فلا أشاطر الكثيرين الذين قالوا المستوى التعليمي لا يهم ، بالعكس يهم ويعمل فارق كبير بين الأشخاص، اللهم إن كان الشخص متدينا ومثقفا فهنا يضمحل المستوى التعليمي لان الكل يجب الجزء، ومع هذا يا اختي إذا كان ولا بد فحاولي ان تنزلي لمستواه وتعامليه بعقليته، ولا تحسسيه بفارق المستوى وسيكون كل شئ جيد إن شاء الله

أختي قدمي بعض التنازلات حتى تسعدي في حياتك .موفقة وسمعينا خبر مفرح عما قريب.

[ام امـــــــنــــــة]

اختي ماكانت خلاه توافق بينك وبينو وماكاش رايحة تتفاهمي معاه على حسب هذي الفروقات مالة فكك منو خير

[YouCefo_dz]

الأصل ماقاله عليه الصلاة والسلام : من جاءكم من ترضون دينه وخلقه فزوجوه .
احرصي عليه ماراح تندمي