مساعدة إسم بنات

[srour]

حبيتكم تساعدوني راني حامل في الشهر الخامس والنصف يبنت انشاء الله
حماتي حايبة إسم رزان وأنا مقنعتش بيه
واش رايكم
البارح قالتي سمي كيما حبيتي مش محتمة بصح حايبة نشاورها فيه أعطوني إقتراحات تعيشو

[raboha]

أنا نمدلك أسماء بناتي
الأولى : ميساء لميس
الثانية : تقوى لجين
زيدي فتشي في قوقل على أسماء بنات
إن شاء الله تكملي الأشهر اللي بقاولك بخير و إن شاء الله يطيك سويعة خفيفة و ر بي يفرحك

[srour]

شكرا حبيبتي ربي يخليلك بناتك

[hloukaman]

السلام عليكم ورحمة الله وبركاته
ربي يكملك وتكون حسنة الخَلق والخُلق
ذكرى ،مزون،تسنيم،روان ،ندى ،ديمة،مرح،غزل،حوراء ساجدة،حبيبة ياسمين،صابرينال

[الملتزمة بالدين]

السلام عليكم
-مريم - -ندى - -حنين-
ربي يسلكك على خير

[سارة حبيبة زوجها]

ربي يعطيك وقفة ساهلة ان شاء الله
يسرى سلسبيل روعة مونيا

[غريبة الاطوار]

انا لو كنت مكانك لاسميتها رزان كما اقترحت حماتك ....احتراما لها .....و من بعد كي تزيدي اطفال اخرين سمي كما تحبي ....عل الله يجازيك لارضائك لها
رفقة .....زينب ...مريم....ريحانة .....خديجة
ربي يسلكك بخير

[Oum Aness Bba]

شخصيا ما عنديش بنات و كون يرزقني رب نسمي أروى او أميمة نموت على هاذ الاسمين ... معليش ندمه ملك ورب يرزقني هههه

[om assil]

اسم رزان هايل معناه المراة الزينة العاقلة و كاينة قصيدة في السيدة عائشة رضي الله عنها اسمها رزان حصان يعني العفيفة الطاهرة و سيرتو حماتك خيرته ما تكسريش بخاطرها و هكا تكبري في عينيها

[mezianeph]

نسيمة حكيمة

[نوال البرج]

انا عندي شهد و مروي بلاك يعجبك

[eBusiness]

سميها رزان والله اسم شباب هكذا تربحي اسم شباب وكذالك تربحي حماتك ومن بعدها تربحين حب حماتك لك ولإبنتك وأنا لا أشك أنها ستهتم بها حينما تكبر لكن إن سميتيها اسم اخر ربما تنفر منها ثم يا بنت الأكابر يجب أن تحمدي الله أن حماتك أعطاتك اسم شباب مثل هذا خير من أن تقول لك سميها قدورة أو جلولة هههههههههه

والله حرام عليك إن أنت سميتيها غير رزان ثم إن على أقصى تقدير إعطيها اسمين الأول رزان والثاني من اختيارك مثلا :
رزان ياسمين
رزان نسرين
رزان فريال
رزان حنان
رزان سارة
بإختصار "رزان" + "اسم اخر" مثلا من الرابط التالي فيه الكثير من الأسامي :
http://forum.el-wlid.com/t466074.html

ملاحظة : عفونا من تلك الاسماء المعقدة، فكروا قليلا في زوجها المسكين في المستقبل، أعطوا بناتكم أسماء جميلة وسهلة النطق حتى لا يحصل زوج المستقبل ويتعقد في نطق اسمها فيثقل عليه إسمها وربما تثقل عليه هي أيضا فيكون إسمها سبب المشاكل هههههههههههههههههه

[اغادير]

واش رايك باسم نورين أو ردينة

[نور الملاك]

اختى حماتك ختارتلك اسم هايل انا شخصيا عجبني تقدري تزيدي اسم اخر لي راكي انتي حباتو مثلا رزان جوري ولا رزان لين يعني اسم مركب

[samira 1993]

اان عندي اسم شباب هو حنين

ولا سمي رزان حنين
ربي يطلعك على خير ان شاء الله

[bellaluna]

ربي يوصّل بالسّالم أختي..
إيمان :) سارّة مريم فاطمة الزهراء ياسمين آية..

[noor ala noor]

و الله عندها الحق الاخت لي قالتلك احمدي ربي لي حماتك اختارتلك اسم شباب ماشي اسم نتاع عام دقيوس
رزان اسم هايل و الله عجبني و زيدتو في لائحة الاسماء في راسي ههههههه
ان شاء الله ربي يرزقني الذرية في القريب العاجل

[رحمانى جلول]

اسماء بناتي هن
1-ألاء رضوى
2-أريج بيلسان
واذا تريدين معاني اسماء بناتي اخبرك

[فرح حياتي]

ربي يسهلك اختي

[eBusiness]

و الله عندها الحق الاخت لي قالتلك احمدي ربي لي حماتك اختارتلك اسم شباب ماشي اسم نتاع عام دقيوس
رزان اسم هايل و الله عجبني و زيدتو في لائحة الاسماء في راسي ههههههه
ان شاء الله ربي يرزقني الذرية في القريب العاجل

أهلا أختي نور الله ينورها عليك
هو أخ وليست أخت من قال لها اسم رزان شباب :o
على العموم والله اسم رزان اسم هايل ولو الأخت تخمم قليلا حماتها ستهتم كثيرا ببنتها إن هي قبلت تسميتها رزان وستقربها منها لأنها ستحس بأنها إبنتها، هي إمرة وتفهم تفكير المرأة لهذا لا يجب أن تغيب عليها أمور مثل هذه خصوصا وحماة اختارت إسم هايل
سلام يا قوم :)

[مليحة العرب]

السلام عليكم اختي الفاضلة اهم شي نوصيك تهتمي ف روحك و ف صحتك و كتري من سماع القران الكريم هذا له تاثير على الجنين سواء كان ذكر ام انثى و ان شالله رب العالمين يجيبلك ساعة زينة و تسلكي على خير انا دايما نقول كل شي تفاصيل و مقدور عليه المهم الخلقة التامة
نجو لموضوع الاسم هههه انا فاشلة في اختيار الاسماء انا نبغي اسم بلقيس بالصح زوجي الله يهنيه عقّدني منه
راه في القران الكريم شتى الاسامي و ممكن تسمّي على امهات المؤمنين و لا امهات الانبياء و الله لا احساس جميل و انتي تنادي بنتك و لا ولدك و تتفكري في كل مرة تعيطيله بيه صحابي جليل له من الاعمال و الفضائل ما له و هم مستحب انو نسمو على الصالحين انا صراحة لست مع الاسماء المستوردة
يقول النبي عليه الصلاة والسلام (( إِنَّكُمْ تُدْعَوْنَ يَوْمَ الْقِيَامَةِ بِأَسْمَائِكُمْ وَأَسْمَاءِ آبَائِكُمْ فَحَسِّنُوا أَسْمَاءَكُمْ ))
و في الاخر هادي حرية شخصية سمي باللي بغيتي غير سالي ربنا سبحانه و تعالي انو ينبتهالك نبات حسن
انو سؤال يفرض نفسه زوجك ما عندهش راي في التسمية ؟؟ ^^

[عنابة أبوها]

انا يعجبني اسم بلقيس وزمزم ............

[srour]

يعطيكم الصحة حبيباتي أسفة على الرد المتأخر
معند يش النت في داري حتي نجي لدارنا باه ندير
طلة على منتديا الغالي
راني قررت شاء الله نسميها رزان نربح دعوة خير راجلي حايب إسم أسيل ممكن نضيفو
رزان أسيل شكرا علي المساعدة

[ام سراج وملاك]

اسم رزان مليح نعطيك اسماء اولاد اخوتي رنيم حور العين + رامة منة الرحمان + درصاف + اميمة + رميسة + مروة + نور اليقين + بنتي ملاك + هداية +

[الماسة النادرة]

انا شخصيا نحب اسم سيرين انا تان راني حامل مزال معنديش شهر وربي يثبتلي حملي لوكان تجيني طفلة نسميها سيرين وبي يثبتلنا حمالنا ويعطينا الخلقة التامة يارب