صيدليتي على وشك الانهيار

[mos3abyacine]

اخوتى فى الله احببت ان استشيركم في امر وهو فى الحقيقة ما دفعني للتسجيل فى المنتدى
لى صيدلية خاصة بدات حالها فى التدهور بعد ما كانت دات مكانة ثقيلة فى الميدان صرت افقد زبائنى بالتدريج مما سبب لى تلف كميات فظيعة من الادوية رغم انى احوز على الادوية الناقصة فى السوق الوطني وما يؤلمنى اكثر ان الزبون لا ياتي الا بعد ان يياس من وجود الدواء فى بلدتي
ويقول لفيت عليه البلد كل وما صبته الا عندكم
فاقول فى نفسي لما لم تاتى من الاول و اغلب الاحيان يكون اشترى الادوية الباقية واتى ليتم وصفته
اصحاب الامراض المزمنة صارت نسبتهم عندي ضئيلة ولا يخفى عليكم ان وصفاتهم هى الى تشكل دخل مليح يعنى مصائب قوم عند قوم فوائد
وحتى تفهمونى اكثر اقرب لكم واقع المدينة الي فيها المحل
ليست ف ما نسميه سنتر فيل انما قليلا بعيدة فيه مستوصف واحد والمشكل انه فتحت صيدلية جديدة بيني وبينه كما انه ما فيه اطباء خاصيين.........
بصراحة الامر اتعبني جسديا ونفسيا حتى صرت افكر فى كرائها لانى ارى نفسي اعمل من اجل دفع اجرة العامل الايجار وطبعا الطامة الكبر ضرائب و تامينات ومصاريف........
يعنى ما فى ربح زائد للادخار او مشاريع اخرى
اخوتى هدا همى فافيدونى والمثل يقول شاور ولو كنت تتشاور...............انتظر تفاعلكم.........فى امان الله.

[○•ميسون•○]

اكريها و ريحي

لانها ستتعبك و لن يشكل مصروفها مدخولا كبيرا

[mos3abyacine]

هده الفكره تراودنى كثيرا واريد ان ابقيها اااااااااااااااااخر حل.........

[samirabahi]

لا تستعجل تمهل

[hicham43002]

الافضل انك تزيدي ديري مخبر تاع تحاليل تكون افضل والله الموفق

[docteurtobibe]

سلام عليكم اختي اظن مشكلتك لازم تروحي للمستوصف اعملي زيارة مجاملة للاطباء واش خسرتي هذا من جهة وشي اخر حاولي تزيدي تبيعي مواد التجميل كواقي شمس الخ وربي هو الرزاق اخيتي

[فارس وجواد]

أختي قومي بتغيير المكان أو المحل أو حتى المنطقة .
ربما مع الوقت ستستعيدي المكانة التي كنت عليها .
مجرد رأي .
شكرا .

[sarl02]

لا تفكري بكرائها لاني ضد هاته الفكرة بالنسبة لشخص من المفروض انه يسمى دكتور صيدلي...يعني انت اقريتي واتحصلتي على شهادة دكتوراه باش اتخمي من منظور تجاري بحت ؟؟...لي صديق في نفس المشكلة ونصحته بالصبر الى حين ان يلقى مكان افضل من الذي هو فيه....لذا عليك البحث على مكان افضل ولو استغرق الامر وقتا لكن ستنالين فيما بعد افضل من كرائها ...ووفقك الله.

[ريان 7]

طالما أنها كانت مزدهرة من قبل فالمشكلة ليست في المكان
انظري جيدا فيما تغير على زبائنك فهناك شيء جعلهم ينفرون حتما
و كما قالت الاخت لا تنظري الى الموضوع من منظور مادي بحت حتى يبارك لك الله بل حاولي كسب الزبائن بالكلمة الحسنة و الابتسامة. حسني من مظهر الصيدلية و غيري الشكل و اسألي الزبائن عن ما يضايقهم في صيدليتك و تواصلي معهم اكثر لفهم السبب .
إذا كنت تأكلين هم الأرباح فعليك تأجيرها .
أما إذا كنت تهتمين لكونك صيدلانية و تبحثين عن النجاح و السمعة الطيبة فواصلي في عملك و ابحثي جيدا في الموضوع .

[سارة حبيبة زوجها]

التجارة مرة ربح مرة خسارة المهم الواحد يطول باله وان شاء الله تعود الامور الى مجاريها
بصح بغيت نبهك لحاجة نتي راكي مقابلتها وحدك ولا دايرة خدامين ؟؟؟؟؟؟؟؟؟؟
لانو عندي جارتي عندها صيدلية و مين تدخلي والله غير تريحي غير من المعاملة نتاعها
بصح عندها مدة جابت وحدين يقابلو في بلاصتها الله لا يشوفك التشناف تقول راكي تطلبي الناس الكل ولات ما تشريش منها اولهم دارنا
اما الدوا يبدلوه او واش تقوليلهم ماكانش
وكاين صيدلية وحدوخرا حلفت لوكان يكون عندهم الدوا لي يرد الروح ما نروح ليهم غير من المعاملة السيئة
بغيت نبهك برك نتمنى ما نظلمش الناس

[~ حراير ~]

السلام عليكم و رحمة الله تعالى و بركاته
التجئي لله يا اختي و صلي استخارة و صلي صلاة الحاجة

اولا ما تكونيش سلبية و تشوفي بمنظور سوداوي
كوني قوية و مكافحة "كوني دزيرية عندها النيف على مالها و تعبها و جهدها"
مش مع اول انتكاسة ترفعي الراية البيضاء
و انت حبيتي تكريها و اذا كريتيها وش تعملي تقعدي في الدار؟؟ و اذا ربح الي كريتيهالو تعاودي تسترجعيها؟؟
السبب نضن واضح انه العملاء راحو للصيدلية المنافسة و طبعا الأرزاق على الله لكن هل تسائلت علاش بطلو عليك و راحولها معناها وش لقاو عندها و ما لقاوهش عندك
ابحثي في الأسباب تاع هروب العملاء عليك
و ماتكونيش سلبية معاهم
يعني لما يجيك عميل شرا كل الأدوية الا دواء واحد و يقلك انه مالقاهش غير عندك مش تقوليلو وعلاه ماجيتش من الأول
ما تكونيش لحوحة و لا متعالية عليهم

انا ننصحك اول حاجة بما انه ما عندكش عملاء بزاف نقصي من عدد العمال الي عندك
علاه تخدمي في الناس و انت مش لاحقة بالأجرة تاعهم

ثاني حاجة حاولي تقراي شوية في النت على التسويق باش تتعلمي شوية افكار

حاجة اخرى سبقوني ليها و هي انك تروحي للمستوصف و الأطباء و تجامليهم
او حتى اخدمي خدمة "الديليgي ميديكال" باش تلقاي سبب انك تدخليلهم و تعرضي عليهم خدماتك بمقابل انهم ينبهو المرضى لصيدليتك

حبيتك تقوليلي الأدوية الي تفسد وش ديرو بيها "ممكن نعطيك فكرة مليحة"

اهم شيئ اختي الصبر ماكان حتى حاجة تجي بالساهلة

نعرف صيدلية كانت على وشك الإفلاس ... و بعد ان باعها صاحبها لبنت صغيرة كانت تعمل عنده لكنها دزيرية فحلة رجعت من اشهر الصيدليات

لا تنسي الإستغفار اختي فهو من اسباب تسهيل الرزق

[nilly]

ماتكريهاش هادي خدمتك اليوم تفشلي غدوة تنجحي
بلدي المكان احسن روحي للمنطقة نائية وين مكان كامل صيدليات فتحيها ثمة

[mos3abyacine]

باش تفهمونى انا صيدليتي فى بلدية ماهى معزولة انما متاخرة فى كثير من الامور بها مشفى واحد ومافيهاش الاطباء الخاصين كانو المرضى من قبا يشرو من عندي فقط لانها الصيدلية الوحيدة وكان نضام الضمان الاجتماعى يفرض على المريض انه ياخد دواه من صيدليات منطقته اما بعد بطاقة الشفاء صارت له الحرية كما انه فيه صيدلية اخرى فتحت بيني وبين المشفى يعنى راح كل الزبائن وكان غير هنا دايما معطوب من الادوية النادرة........اما عن صيدليتى فهى مهياة ومنظمة ونظيفة عدلتها لدرجة انه بعض الناس ظنوا انو شخص ثاني فتح بدلى يعنى تغيير جدرى والمحل واسع ومش قادره نبدله لانه ما فيش محل اخر متين يقدر الواحد يفتح فيه صيدلية..........

[mos3abyacine]

الصيدلية الى قلتلكم فاتحة بطريقة غير قانونية يعنى ماجر دبلوم وما عندوش الحق فديك البلاصة وانتم تعرفو المعارف واش تدير فى بلادنا.........
من ناحية العمال ما صبتش المؤهلين
طارو بيهم القافزييييييييين والى يجى باش يخدم يقولي شحال تخلصييينى هو مزال ما يعرف حتى شيء ويحب يخلص كيفه كيف الفارماصيان.........تخيلوااااااا
موخرا جبت واحد يبدو طريف مع الناس ومتحمس ان شاء الله ما يفشل

[mos3abyacine]

المشكل الى راه صاير الان هو اغلب الادوية راهي تتبريما عندي حتى المفقودة منها و النادرة والغريب انها عند البقية غير موجودة ويوم نلمها و نحيدها من الرفوف يجي الي يحوس عليها ........فى رايكم واش ندير ليه نجيفو ولا ابتسم فى وجهه اقول ما عنديش.........اكيد لن افعل الثانية اقترحوا على ثالثة.0

[mos3abyacine]

هدا بعض همي افيدوني توقف عقل عن التفكير الايجابي ولا ادري ما افعل

[بلقيس الهدى]

الله معكِ يا أختي
سحابة صيف بإذن الله و تزول
لا تتوقفي عن الدعاء

[ام محمد أدم]

الارزاق بيد الله
لازم ماتغفليش ، و ماتيئسيش ، اقتراح مليح من احد الاعضاء اخدمي خدمت ديليgي ميديكال ، زوري المشفى و احكي مع الاطباء و جامليهم يدلو المرضى ليك .
ربي يفرج عليك و يوسعلك في رزقك و يفرج كربك يارب

[mos3abyacine]

مشيت ليهم واستدعيتهم واخدت ليهم بطاقات الصيدلية والاقلام الخاصة بها والمدكرات و........ لكن لا حياة لمن تنادي بيني وبينكم نحسهم متحجرين شوي اكثر من مرضاهم تقولي يديرو فوتو كوبي للوصفات نفسها لجميع المرضى وكل حسب سنه..........وبارك الله فيك اخيتي ام محمد.........

[لميس اميرة]

المشكل الى راه صاير الان هو اغلب الادوية راهي تتبريما عندي حتى المفقودة منها و النادرة والغريب انها عند البقية غير موجودة ويوم نلمها و نحيدها من الرفوف يجي الي يحوس عليها ........فى رايكم واش ندير ليه نجيفو ولا ابتسم فى وجهه اقول ما عنديش.........اكيد لن افعل الثانية اقترحوا على ثالثة.0






اولا ربي يفتحها عليك اختي

ثانيا اختي الله يهديك علاش تخلي الدواء المقطوع و النادر و أدوية الأمراض المزمنة حتى يتبيريماو و يطيشو

كان جاك واحد محتاج مديلو رح تربحي اجر الآخرة الدنيا فانيا

عندك كمية كبيرة و بقالها اشهر قليلة و تتبيريما مديها للجمعيات يمدوها للناس المحتاجة هادا هو الربح الأكبر ماشي غير الدراهم الدراهم

[mos3abyacine]

يقولك هم يظحك وهم يبك ..........حتى الى محتاج ما يحوس.........ساعات نقول يا انا يا صيدلية محتاجة رقية ولا واش رايكم؟

[مريم الصابرة]

السلام عليكم اختي
اولا الظاهر إنت الناس مش عارفين عندك الأدوية المفقودة اولا لازملك إعلان وماكانش خير من النسا للإعلان يعني تهدري باللي الأدوية المفقودة موجودة عندك وايضا اختي إنت لو في مكان يعني منزو والصيدلي الآخر جاي على الطريق او أقرب منك للمشفى الاكيد الناس مريضىة تروح للقريب مش للبعيد وانا نظن الخلل في مكان المحل ولو واسع ما يهمش ولو عدلت وزيدي إضافات آلات او لا اردي تخصصكم واش لازملو كيما قال الاخ مخبر زيدي معاك مخبر حتى تجلبي الزبائن ويرجعو يعرفو بللي الادوية المفقودة عندك زيدي أصبري وشوفي وقبل ما تكريها وتفشلي بدلي المكان اكري ذاك المحل وإستأجري في مكان آخر ولو يكون صغير معليش حد ما تكسبي الزبائن
موفقة

[mos3abyacine]

مشكورة اختى مريم الصابرة ..........راني نشوف بلي اغلب الاقتراحات متوجهة لتغيير المحل.........راح نفكر فهاد النقطة وادا حدث تغيير اكيد رايحه نخبركم..........اشكر من قلبى كل من تفاعل معى واحس بهمى.

[أميرة نفسي]

""" ومن يتق الله يجعل له مخرجا ويرزقه من حيت لا يحتسب """

[loufa]

السلام عليكم
كان الله في عونك
انصحك بالرقية بما انك غيرتي فالمحل وعملتي اشهار فالعين حق واعمليها مرارا وتكرارا

[mira biologiste]

السلام عليكم بحكم انني عملت في صيدلية من قبل و بحكم تجربة راني حااااااسة بيك خاصة كي يفسد دواء من الادوية و لكن في مكانك ممكن نفكر في تغيير المكان نكري في مكان اخر
انا وين كنت نخدم كانو كاينين بزاف اطباء خاصين امراض داخلية.انساء.الاطفال.طبيب الجلد.اشعة......الخ
ابحث عن مكان كيما هاكذا او امام مستشفى
و ربي معاك و يفرج اعليك انشاء الله

[mira biologiste]

لو نقدر نعاونك انا هنا

[mos3abyacine]

شكرا حبيبتي على ردك
الحل انه يفتحو عندنا اطباء خاصيين لكن من وين حتى الى من بلديتى يفتحو فالبلدية الثانية حتى هم يبحثو على الزبائن وكثير اقترح على نحول مكان المحل لكن رح يكون بعيد علي ويتعبنى

[بنت لبحر]

اختي باين كاين مشكلة في الصيدلية ابحث عن السبب ليبطل العجب

[mos3abyacine]

ما هي في ظنك