مساعدة عاجلة بخصوص الصبيغة

[نهلةن]

السلام عليكم ورحمة الله تعالى وبركاته اتمنى ان القى عندكم الاهتمام فانا قر بت نكمل داري وبقاتلي الصبيغة راني نحبكم تعاونوني في اللون الي نختارو للغرف والكولوار والصالة لاني نحب الالوان النايرة بزاف ونوع الصبيغة الي نديرها تاني من فضلكم اسرعو وجزاكم الله الفردوس الاعلى الغرف عندي ثلاثة غرف,غرفة لبناتي وغرفة لايني وغرفتي انا وزوجي

[yara djoumana]

السلام عليكم ماتزعفيش اختي مبروك عليك الدار الجديدة اولا انا من رايي اسبغي بالصبغة الجديدة هذيك الي تبريي تاع القطن انا ثاني رامي قريب نكمل و انشاء الله نسبغ بيها الصالون راهي هايلة و تمد فخامة انا راح نسبغ اللون الذهبي في الكلار خلاص روعة و غرفة ابنك اسبغيها بالازرق و غرفة البنات بالوردي و غرفتك انت و زوجك بالموف انا ايضا احب الالوان النايرة و دركا يسبغو كل بيت بلون و احنا نتبعو العصرية و ربي اهنيك اختي في دارك الجديدة بالتوفيق لكي

[ايمان نور الجزائر]

السلام عليكم ورحمة الله تعالى وبركاته اتمنى ان القى عندكم الاهتمام فانا قر بت نكمل داري وبقاتلي الصبيغة راني نحبكم تعاونوني في اللون الي نختارو للغرف والكولوار والصالة لاني نحب الالوان النايرة بزاف ونوع الصبيغة الي نديرها تاني من فضلكم اسرعو وجزاكم الله الفردوس الاعلى الغرف عندي ثلاثة غرف,غرفة لبناتي وغرفة لايني وغرفتي انا وزوجي

وعليكم السلام ورحمة الله
بالنسبة لنوع الصبيغة لي راهي مودارن انصحك بالستيكو رائعة لماعة وقابلة للغسل وتعطي منظرا رائعااا
يمكنك اعتمادها للصالون والكولوار
بالنسبة للالوان للصالون اختاري درجات البيج ليتلاءم مع جميع الافرشة والوان الديكورات
بالنسبة للكولوار اختاري البرتقالي او الكريمي او البنفسجي
بالنسبة للغرف اختاري نوع الصبغة ساتيني ولغرفة الولد اعملي اللون الاخضر لغرفة البنات عليك باللون الروج بريك او الوردي
اما لغرفتك فلون المشمش = ابريكو مناسب جدا لغرفة الزوجين

[نهلةن]

السلام عليكم والله فرحتوني ونورتو صفحتي صح راني حوست لقيت ستيكو هي المليحة وان شاء الله نصبغ لبها وربي يهنيكم اخواتي وتاع القطن هي نفسها ستيكو ولالا