قماش للستائر

[سماح 88]

مساء الخير لمازالت في المنتدى
حبيت اخيط ستار جديد للصالون ومعرفتش نوعية القماش الي نشريه ياريت تساعدوني في اسم القماش وحتى في الثمن
ليلة الجميع هنيئة

[OM AYA]

روحي السع شوفي و ساومي راهم انواع اشكال ماشي شرط تعرفي اسمهم ميزي بعينك ولا مول الحانو يقترح عليك وانت ما عليك تدي معاك غير اللون اللي راكي حاباتو

[crystale49]

عادي اختي مثل ماقاتلك ام اية روحي شوفي و من ثمة خيري راكي تلقاي بزاق الاقمشة

[سماح 88]

شكرااا لردودكن والله حابه حاجة مليحة وبما اني باش نخيطو وحدي نخف لا يتمزق من الخياطة ونخسره
فيه موضوع لاخت خيطت كاش ريدو لو تدخل وتفيدني

[OM AYA]

ما يتمزق ما والو انت و دراهمك

[ام حمزة22]

http://www14.0zz0.com/2014/05/20/09/756688607.jpeg
شوفي حبيبتيكيما قالتلك ام آية لقماش راه على كل نوع وعلى كل سومة انا خيطت هاد الريدو شريتو ب80 الف اما قماش الكشريدو شريتو على قد مقدوري بسومة قليلة بصح شريت20 م تولت السالون بها وهاداك الكاش ريدو خيطتو من وحد المجلة وان شاء الله راني عطيتك فكرة

[سماح 88]

روعة ام حمزة عملك تحفة واللون ثاني مليح افدتيني الله يجازيك الكاش ريدو خياطتو صعيبة حاولي تعطيني قياس الكاش ريدوقماش شحال يدي؟؟

[لميس اميرة]

http://www14.0zz0.com/2014/05/20/09/756688607.jpeg
شوفي حبيبتيكيما قالتلك ام آية لقماش راه على كل نوع وعلى كل سومة انا خيطت هاد الريدو شريتو ب80 الف اما قماش الكشريدو شريتو على قد مقدوري بسومة قليلة بصح شريت20 م تولت السالون بها وهاداك الكاش ريدو خيطتو من وحد المجلة وان شاء الله راني عطيتك فكرة


ما شاء الله اختي خرجلك روعة و اللون يهبل

ممكن اسم القماش و سومتو

و ممكن تقوليلي الكانابي الواحد قداش يحتاج من متر باش تفصلي و تخيطي كوفر بونكات و 2 مخاد و 2 كوسان

[ام حمزة22]

سلام
اولا شكرا لكن
حبيت النقوللكم القماش لي شريتو نتاع الشورة ما نكدبش عليكم لقيتو بسومة معقولة طفرتو شريت 20 م
الكوفر بونكات يتفصل على حساب البونكات ديالك يتفصل كي درا اوس المخدة 1م ديرلك 2مخايد اما فراش الكانابي انا نقيس وجه المطرح على قيسو والجناب نفصل طرف طويل عرضو 30 سم وندورو على الطرف لي فصلتو نتاع وجه المطرح وبهاد الطريقة نتحصل على فراش مطرح ما يتحرك ما يتخسر
اما الكاش ريدو البانو باينين يتفصل قد طول التاقة ديالك وبادن الله راني نحط شرح الكاش ريدو وان شاء الله تكونو فهمتوني ولا ﻻﻻ كي نخلص شغالاتي نعاود الشرح على الورق

[سماح 88]

شكرااا اختي افدتيني وافدتي غيري نحن بانتظار شرح تفصيل الكاش ريدو وقياساتو وهل يحتاج الى سرفلة فى التقويسات اي الانحناءت لاني لا
املك ماكينة سرفلاج هدا الي يخليني اتراجع في خياطة الستائر ولي كوفر؟

[djazia87holi]

شكرااااااااااااااااااااااااااااااااااااااااا

[ام حمزة22]

شكرااا اختي افدتيني وافدتي غيري نحن بانتظار شرح تفصيل الكاش ريدو وقياساتو وهل يحتاج الى سرفلة فى التقويسات اي الانحناءت لاني لا
املك ماكينة سرفلاج هدا الي يخليني اتراجع في خياطة الستائر ولي كوفر؟

سلام
حبيبتي لا شكر على واجب
ماشي لازم السورفيلاج ديري لوغلي صغير وخلاص
وفي الكش ريدو عندنا الشويشة تقلبي القماش للاعلا كلي راكي رايحة ديري لوغلي بصح بالمقلوب و خيطي شويشة هاكدة تكون عندنا خدمة مقيقيا

[ام حمزة22]

http://www7.0zz0.com/2014/05/22/11/128711890.jpg هاد ي ابعاد الكاش ريدو على حساب تاقتي وعلى حساب ميزانيتي في القماش خاطرش لوكان تروحي تخيطيه عند محترفي الكاش ريدو يسقاملك قماش اكثر
فصلي جوانب الكاش ريدو كيما راكي تشوفي في الرسم ×2 اي للجيهة اليمنى واليسرى زيدي فصلي على حسابهم الساتان اي دوبليهم بالساتان
وسط الكش ريدو كيف كيف دوبليه بالساتان
اما الجيهتان لي جايين في جانبي الوسط هادوك ديريهم غير بالساتان
و البانو تاني يجي ×2 الجيهة اليمنى واليسرى
ان شاء الله الرسم يكون واضح

http://www7.0zz0.com/2014/05/22/11/739315608.jpg هدي صورة مقربة للكاش ريدو

http://im86.gulfup.com/bX5XqS.jpgوهنا الماتلا تخيطي القماش بهاد الطريقة ما يتخسرش كي تقعدي عليه يقعد مرتب فصلي الواجهة 280على 65 فصليلو شريط طويل من القماش 488 على 30 وخيطيه على طول اطراف الواجهة
ان شاء الله قدرت نوصللكم الفكرة و شكرا

[سماح 88]

هايل ام حمزه راني نتابع في ردك يظهرلي كل شي واضح ... جزاك الله خيرااا ويباركلك في عملك
لما ابدا في الخياطة واستوقفتي حاجة راح نعاودك

[لميس اميرة]

بارك الله فيك بارك الله فيك بارك الله فيك

شرح كافي و وافي

فقط اختي هاداك الحاشية لي زايدة فالتور نتاع الواجهة واش اسمو

و خيطيه مع الواجعة او الحاشية او خيطيهم الثلاثة فوق بعض

و الحاشية درتيلها لاستيك فالزوايا الرعة او لا

و ىخر حاجة اختي
الابرة واش رقمها لي خيطتي بيها و هل طلعتي رجل الماشينة و لا ماجاكش لقماش خشين خيطتي عادي لانو لما ندير عدة طبقات قماش و نطلع الرجل ما نعرفش نخيط بالمشينة لاني مبتدئة

[ام حمزة22]

بارك الله فيك بارك الله فيك بارك الله فيك

شرح كافي و وافي

فقط اختي هاداك الحاشية لي زايدة فالتور نتاع الواجهة واش اسمو

و خيطيه مع الواجعة او الحاشية او خيطيهم الثلاثة فوق بعض

و الحاشية درتيلها لاستيك فالزوايا الرعة او لا

و ىخر حاجة اختي
الابرة واش رقمها لي خيطتي بيها و هل طلعتي رجل الماشينة و لا ماجاكش لقماش خشين خيطتي عادي لانو لما ندير عدة طبقات قماش و نطلع الرجل ما نعرفش نخيط بالمشينة لاني مبتدئة

سلام حبيبتي اعتدر على عدم الرد هادا بسبب النت
الا راكي تقصدي الماتلة انا ما درتش لاستيك انا خيطت الواجهة مع طرف القماش الزائد كي خلصت ركبت الكوردون بيدي اي بالخيط والابرة
اما ولا راكي تقصدي واجهة الكاش ريدو تاني ما درتش لاستيك وهادك الحاشية لي درتها وسمها الشويشة
اما الابرة انا ماشينتي تخيط ب12 وادا حبيتي ديرلها نتاع 14
ورجل الماشينةلازم كي تخيطي تكون حابطة ما تخيطلكش كي تكون الرجل طالعة
و اي استفسار انا في الخدمة

[ام هاديل وياسين]

الله يبارك عمل متقن صراحة واللون رائع ما شاء الله

[ام حمزة22]

الله يبارك عمل متقن صراحة واللون رائع ما شاء الله
الله يسلمك بارك الله فيك مشكورة