وهكذا ننهي مسابقة............تالقي بالقفطان [الأرشيف] - الصفحة 2 - منتديات الجلفة لكل الجزائريين و العرب

biba04

2014-05-20, 20:22

تعليق

١خلود
قفطان جميل جدا الالوان متناسقة فقط الحزم ماعجبنيش فيه الاحجار الذهبية وخياطة القالون مش متقون مكمش اكويه مليح بالحديد اما باقي يعطيك الصحة

ام كوكو
يعطيك الصحة اقفطان رائع الالوان هايلين والخدمة متقونة ولاكن مودال عادي حسيتو لمراءة كبيرة ارجوكي متزعليش من تعليق والله رائع بصح مش عى ذوقي على ذوق ماما

لوجين
الصورة مش واضحة مبعد ونعلق عليه

فاطمة
قفطان جميل مع انو الصورة غير واضحة عجبتني فكرة يتلبس مرتين راكي تعرفي حالتنا فلالعراس نصدرو مع العروس هههههه

ام ايوش
علابالي كنتي حاطة مودال مختلف في راسك وخرجلك هذا انا نقولك يعطيك الصحة لانو اول قفطان تخيطيه صح
اللون فاتح هايل عجبني الخطء لي درتيه لازم الدونتال يكون خارج من تحت اما من فوق باهي:19:

موجوجو
اللون رائع والخدمة متقونة فقط حسيتو قندورة مع حزام اكثر من قفطان نقولك يعطيك الصحة مرة على مرة
بعثيهولي نلبسو فل المناسبات
:d:d

فريولة
الخياطة الماهرة الله يبارك فيك قفطانك تحفة تحفة اللوان هايلة فقط الحزام غيريه
يعطيك الف صحة

سطايفية وااااااااااااااااااااااااااااااااااااااااااااااااا اااااااااااااااااااااااااااااااااااااااااااو مهاذا يافنانة قمة في الاناقة والابداع يسلم هدوك ليدين
الون الخضر هبال الحزام تحفة باختصار
قمة في الابداع:19:
:19::19::19::19::19::19::19::19::19::19::19::19::1 9::19::19::19:

نتمنى تتقبلو تعليقي وحدة ماتزعل مني والله راكم كامل في القمة

fatma1977

2014-05-20, 20:22

مساء النور لبنات مبروك عليكم ماشاء الله يعطيكم الصحة

واش أحوالك لامية توحشناك واش أخبارك كا ش :dj_17:جديد

fifiarch

2014-05-20, 20:23

بسم الله ماشاء الله

كلكن ابدعتن الله يبارك

يعطيكم الف عافية

اعمال قمة ورقي واناقة واتقان اكيد

الاخ عمر تعب معنا وخرجت مسابقة في القمة

اتاسف الف مرة انو ظروفي ماساعدتنيش باه نكمل رغم انها اكيد ماراح تبان شيء امام ظروف فريولة وسطوف ولي ماشاء الله ابدعن بحق

اعمالكن كلها تستاهل تكون في الديفيلي والمتاهلات فعلا من خيرة المصممات والخياطات

اتمنى لكن التوفيق

ولعقوبة لاعمال اخرى ان شاء الله

والحقيقة الاختيار صعب

مي سطوف هاذ المرة ابهرتني الوانك واختيارك ليها كان تمام التمام

لوجين وام اية تان الوان قمة

ام كوكو مزج هايل بين الالوان واحتشام كبير في قفطانك ماشاء الله عليك

فاطمة وخلود وموجو جبتوها الله يبارك بساطة واناقة بصحتكم

لوجين نقلك ستيل مودارن هايل يعطيك الصحة وتان مزج الوان اروع

واش نقول واش نخلي

توب كل المشتركات ماشاء الله

~ لؤلؤة مسلمة ~

2014-05-20, 20:27

تحفة تحفة تحفة ما شاء الله
والله غرت منكم
و تمنيت نتعلم لخياطة بسرعة حتى نخيط كيما نتوما
راكم من اليوم استاذاتي
لازم تعلموني بلييييييييييييييز
تحيا حراير الجزائر

fatma1977

2014-05-20, 20:29

شكرا بيبا على التعليق ما راناش باش نزعفو على بالك لوكان ما يكونش النقد ما راحش تتعلم من أخطائك صحيتى حبيبتى

صاحب الامل

2014-05-20, 20:31

حوالي الساعة 22.00

تنطلق النتائج

ان شاء الله

****************
من ستكون المتوجة بلقب

المتألقة بالقفطان

ام كوكو

2014-05-20, 20:33

بيبا تعليقك على راسي ما نزعفش ابدا لازم نتقبلو التعليقات راه المونش ماشي باين كي يتلبس باه يبان هو يطلع يولي 3كاغ قونفلي
http://im58.gulfup.com/NWMmCD.jpg

stayfiya

2014-05-20, 20:35

يعطيك الصحه بيبا حبيبتي يعني باينه بلي تفرجتي مليح و كل وحده عطيتيها حقها. هكذا حابينكم كامل تدخلو و تعلقو ما تبقاوش غير تتفرجو يخي رانا نتعلمو قولولنا واش يخص واش عجبكم وواش ماعجبكمش بصح بدون تجريح الله يستركم رانا ساهرين
ام ايوش خرجلك فووور قفطانك قرطتيها علينا. بصح الله يبارك تحفه موجو درتيه خفيف ضريف و سهل اللبسه و حتى تتحركي بيه نورمال كنت حابه تزيديلو عراف محرجين يتطبع اكثر

ام كوكو

2014-05-20, 20:41

سطايفية ضرك الناس راهم يصليو من بعد يدخلو و يعلقو ان شاء الله هيا نروحو نصليو حنونة

stayfiya

2014-05-20, 20:43

واش نصلي ام كوكو حبيبتي ؟؟؟ المغرب صليتو و لعشا مازال ماأذنش عندنا في سطيف؟؟.

fatma1977

2014-05-20, 20:44

تحفة تحفة تحفة ما شاء الله
والله غرت منكم
و تمنيت نتعلم لخياطة بسرعة حتى نخيط كيما نتوما
راكم من اليوم استاذاتي
لازم تعلموني بلييييييييييييييز
تحيا حراير الجزائر
ماش خسارة وقت ما تحبى تبداى رانا هنا :mh92:

biba04

2014-05-20, 20:47

بيبا تعليقك على راسي ما نزعفش ابدا لازم نتقبلو التعليقات راه المونش ماشي باين كي يتلبس باه يبان هو يطلع يولي 3كاغ قونفلي
http://im58.gulfup.com/nwmmcd.jpg

ام كوكو هدا وين بانو الاكمام راهم يهبلو
الصور مش واضحة مليح في الصفحة الاولى بصحتكم القفاطن بنات كنت حابةنشارك معاكم لاكن الضروف لم تسمح

~ لؤلؤة مسلمة ~

2014-05-20, 20:48

ماش خسارة وقت ما تحبى تبداى رانا هنا :mh92:

مشكورة اختي فاطمة على الاهتمام
ان شاء الله في العطلة نبدا نتعلم
اذا واجهني اي مشكل
نتوما راح تساعدوني ان شاء الله
ربي يخليكم و يحفظكم من العين

stayfiya

2014-05-20, 20:48

بيبا زيدتي ولا مزاال ؟؟؟

~ لؤلؤة مسلمة ~

2014-05-20, 20:49

stayfiya

2014-05-20, 20:52

الصور ما بينتش بزااف جمال لقفاطن ؟؟ اخي عمر علاه مكانش تصويت من قبل الاعضاء ؟؟؟

biba04

2014-05-20, 20:53

سطايفية مزااااال قوليلي درتي ورشة على قفطانك وكتاه تحطي الموضوع
ان شاء الله
نفس السؤال لكامل المشتركات

fatma1977

2014-05-20, 20:53

واش نصلو رانا صلينا المغرب لينا ساعة والعشاء مازال ماأذنش فى واد سوف

ام كوكو

2014-05-20, 20:56

فاطمة انت من واد سوف

حورية38

2014-05-20, 20:59

ماشاء الله تحف فنية رائعة فراولة الله عليك روعة والاوان هبال الله يهنيك ويفرحك برك الحرام كان تعاودي تخدميه احسن
والاخت سطايفية راح يهبلوك عشاق هياه قفطان ابداع ظاهر والله تحفة وغطى على الكل ربي يوفقكم كامل الله يبارك

stayfiya

2014-05-20, 21:06

فاطمه هاذ العام نروحو نصومو عند ام كوكو يذن عندهم فبلنا !
بيبا راني صورت المراحل كاامل و وصيت لبنات باش كل وحده تعمل ورشه لقفطانها ماتخافيش يومين و نحطو ان شاء الله
ام ايوش راهي غايبه؟؟؟

fatma1977

2014-05-20, 21:07

الله أكبر على الحق العشاء راهى تذن ذرك نروح نصلى ونحضر العشاء للعائلة ونخلط الكريم نديرو فى المجمد راهى السخانة عندنا بالزاف اليوم ومن بعد نجى نحضر النتائج ربى يجيب الخير إن شاء الله
أخ عمر ربى يشدلك فى صحتك راك تعبت معانا بالزاف ربى يجعلها فى ميزان حسناتك

stayfiya

2014-05-20, 21:08

عيشك حوريه ختي ربي يخلييك انا من الاول قلتلهم قفطان هيام ..!

ام ادم11

2014-05-20, 21:08

ام اية قفطانك هايل و لونوفاتح هايل
موموجوجو لونالازرق هايل عجبني بزاف
اختي السطايفية بدون تعليق غاية في الروعة و الجمال و الحزام يا ربي يسخف
يعطيكم الصحة كامل

ام كوكو

2014-05-20, 21:08

هههههههههههه عندك الحق فاطمة كي غير ما اذن

fatma1977

2014-05-20, 21:11

إيه أم كوكو رانى من الواد راهى السخانة عدنا تقتل كيما قالت السطايفية نجو نرمضنو عندك على الاقل بأنقص وقت للصيام رانى من الناس الى يتعبها رمضان من ذرك حاملا شقاه

ام ادم11

2014-05-20, 21:12

اختي السطايفة راكي مبدعة مانيش نجامل هادي الحقيقة

loudjeine2000

2014-05-20, 21:16

الحق هذا وين يدن في قسنطينة

stayfiya

2014-05-20, 21:18

فاطمه هاو في خاطرك و في خاطر لبنات طبسي دلاع يبرد القلب من لفريجيدار
http://img834.imageshack.us/img834/6006/qtynv.jpg

loudjeine2000

2014-05-20, 21:22

ام كوكو وشراكي باينة انتي سمحة سمحة .......... ما نكملش راكي تعرفي الباقي هههههههههه
انا نجي للواد راني عندي اختي مزوجة تم

stayfiya

2014-05-20, 21:22

عيشك ام آدم. ربي يخليك.
لاه ام كوكو نتي منين ؟؟
هااااذوين راه يأذن عندنا في سطيف
ايا نروح نصلي و من بعد نتلاقاو
ادعيو معاكم لفريوله ربي يشافيها المخلوقه

loudjeine2000

2014-05-20, 21:25

راني ديت برج سطايفية بارد يسخف ما عليش راني ما كليتوش بكل
وش عليها ندلعك سوسو باش يسهالي قفطانك تحفة فعلا الله يبارك يديك يتلفو بالحرير

douda21

2014-05-20, 21:30

ام اية ديمة رفيعة في دوقك مشاء الله اللون فخم، و الموديل رائع،
فرولة نبدعة كالعادة
سطوفة يا سطوفة و مادرتي فينا قفطانك قمة مشاء الله يعني كيما يقول الغاوري je tire chapeaux، رغم الظروف و ابدعتي مشاء الله عليك يعني قد منقول علي قفطانك انو باهي منوفيهش حقو ، ننتظرو الورشة حبيبتي، و ان شاء الله البنات الكل يديرو ورشة خاصة بقفطانهم هكدا نتعلمو ، يعطيك الصحة يا رب

ام حمزة22

2014-05-20, 21:33

هذا عن قرب بلا ذيك السنتورة لمعوجة

http://im79.gulfup.com/8gsqbq.jpg

ام آية قفطانك رووووووووووووووعة مام بلا حزام يعطيك الصحة ما شاء الله

صاحب الامل

2014-05-20, 21:35

ستنطلق النتائج الان

والبداية مع

khouloud05

وبداية التعليق على قفطانك

صاحب الامل

2014-05-20, 21:39

قبل بداية التعليقات

حيت نقول

انكم جميعا فائزات
وما يهمش المركز الاول او المركز الثامن
لانو يكفي شرف المشاركة
والحصول على قفطان من تصميمك وتنفيذك

******

بالنسبة لي راكم كامل مبدعات وانا لا اعتبركن مبتدئات وانما
مجتهدات ومناضلات
ونتمنى ما تتوقفوش عند هذا الحد
لان هاته هي البداية
وكل وحدة فيكم راهي مصممة ومنفذة

*******

وفيما يخص النتائج

المسابقة تضمنت شروط

واكيد هاته الشروط هي اللي راح نعتمد عليها في التقييم

*******

دقائق ونبدا

kaouka

2014-05-20, 21:43

Satouf rawou3a yihabel yidi la3kal rarm dorofek abda3ti barak lallah fik

stayfiya

2014-05-20, 21:43

راني جييت اخي عمر كنت حابه نشوف الرسومات لي خرجو منها لقفاطن هاذو لانو هنا نحسو بلي الرسم لي كان في الورقه قدرنا نجسدوه على ارض الواقع هكذا لي عندها فكره في راسها ترسمها و تتشجع طبقها

أم ياسين الزهراء

2014-05-20, 21:46

ام اية هبلني اللون تاع قفطانك وزيد شباب والباقي روعة الله يبارك روعة

stayfiya

2014-05-20, 21:47

كوكا نتي من سطيف؟

loudjeine2000

2014-05-20, 21:47

هه ياختي سوسو راني بدلت على الرسمة ربي يستر ههههه تعرفي تاع الدار قالولي دريه مستور خير ه ما عليا غير درت رايهم

loudjeine2000

2014-05-20, 21:48

كوكا نتي من سطيف؟

قالت من الواد سوف يا ختي سوسو

ام كوكو

2014-05-20, 21:50

لجين راني فهمت انا و فطيمة نروحو نصومو عند سطايفية هنا الحال سخون

stayfiya

2014-05-20, 21:52

لجين راكي معايا؟؟ ياختي منين طحتيلي على هاذ الاسم من سطايفيه ل سطوفه ل سطووف. خلصتيلي اسمي. ب سوسو !!

صاحب الامل

2014-05-20, 21:53

بداية النتائج

مع اول قفطان

khouloud
**************

بصراحة كالوان اخترتيها وفكرة
شيئ جريئ
وانا بصراحة من اول اجابة
متحمس لرؤية القفطان الخاص بيك

خلود بصراحة قفطانك قمة
صح هناك بعض الهفوات ولكن بشكل عام مميز

ولكن

سبب اختياري لكي وتاهلك الى هاته المرحلة

على اساس شيئ ثاني

وانا تحمست لفكرتك على اساس

شيئ مقتبس من اللباس الهندي

وحتى بعد التعديل

وعملتي التصميم الجديد تنفيذ الالوان ماكانش مثل الرسم

لانو عملتي بعض التغييرات

http://im68.gulfup.com/tAPCCa.jpg

http://www14.0zz0.com/2014/05/19/18/946260151.jpg

loudjeine2000

2014-05-20, 21:54

علاه ارواحو لقسنطينة خير عندي من بعد نهز بعضانا في الكرهبة ونروحو لسطيف

صاحب الامل

2014-05-20, 21:55

لمن تريد التعليق على خلود

وش رايكم في الشيئ اللي عملاتو
هل هو مطابق للشيئ اللي ذكراتو سابقا

علما ان التصميم الذي وضعته خلود هو تصميم جديد
وليس للشيئ اللي اتفقنا عليه

stayfiya

2014-05-20, 21:56

مرحبا بيكم عندنا الحال مليح و لكليماتيزور ما يطفاش و كل شوي نسيقو الدار لبرود على الكيف. بصح الآذان روطار شوي بصح لجين واشي عقلية سمحه سمحة فهمينا في حظارة الشعوب !! نثقفو شوي

loudjeine2000

2014-05-20, 21:58

لجين راكي معايا؟؟ ياختي منين طحتيلي على هاذ الاسم من سطايفيه ل سطوفه ل سطووف. خلصتيلي اسمي. ب سوسو !!

هيه راني معاك ههههه وش ما عجبكش خلاص وليتي الدلوعة تاعنا سوسسسسسسسسسسسسسسسسسسسسسسوووووووووووووووووووو:d

ام كوكو

2014-05-20, 21:58

بصراحة هو بعيد الي في الرسم صح ستيل هندي و الحقيقي بعيد شوي

صاحب الامل

2014-05-20, 21:59

بصراحة هو بعيد الي في الرسم صح ستيل هندي و الحقيقي بعيد شوي

ام كوكو هذا الرسم الذي اعتمدته هو مقارب نوعا ما للتنفيذ

ولكن الرسم الاول الخاص بالستيل الهندي هو جد متباعد

نظن كامل كانو يستناو في هذا القفطان على اساس لمسة هندية

kaouka

2014-05-20, 22:00

Satoufa raki 3liya lakan 3liya ana man tama ntmanalek njah amin

ام كوكو

2014-05-20, 22:00

سطايفية سمحة معناها زينة في واد سوف

stayfiya

2014-05-20, 22:00

تنفيذو كان روعة و ابهرني صح بما انو بطابع هندي لوكان الحزام كان هابط و رقيق شوي و فيه مزيج من اللونين الازرق و الوردي و كنت حابه تفهمني في الاورغونزا كيفاش مركبتها تحت الحزام ؟؟ وبغيت نشوفو من اسفل خلاص انا عجبني صراحه

صاحب الامل

2014-05-20, 22:02

اليكم عض الصور

من ورشة خلود

http://im68.gulfup.com/WdcpHf.jpg

هده صورة القطعة من الامام بعد الخياطة

http://www.djelfa.info/vb/images/statusicon/wol_error.gifإضغط هنا لرؤية الصورة بحجمها الطبيعي.http://im68.gulfup.com/0o9Egm.jpg

http://www.djelfa.info/vb/images/statusicon/wol_error.gifإضغط هنا لرؤية الصورة بحجمها الطبيعي.http://im59.gulfup.com/kRFTho.jpg

هدا القفطان
http://www.djelfa.info/vb/images/statusicon/wol_error.gifإضغط هنا لرؤية الصورة بحجمها الطبيعي.http://im65.gulfup.com/rnCB3L.jpg

ام كوكو

2014-05-20, 22:05

انا عجبني التنفيذ نتاع خلود بغض النظر عن الرسم

stayfiya

2014-05-20, 22:05

هذوين بانت الخدمه الزينه قالتهاش ام كوكو السمحه .!

صاحب الامل

2014-05-20, 22:06

واليكم الصورة اللي كانت معتمدتها الاخت خلود كتصميم اولي قبل ما تغير في التصميم

الذي يقى في اعتبارها ستيل هندي

http://im76.gulfup.com/QmvPNF.jpg

ام كوكو

2014-05-20, 22:08

لالا سطايفية انا اصلي نقولو زينة

صاحب الامل

2014-05-20, 22:09

انا عجبني التنفيذ نتاع خلود بغض النظر عن الرسم

راني قلت قبل ما نبدا الكلام

انو كل القفاطن رائعة

ولكن التقييم راح يكون على اساس الشروط التي وضعت في المسابقة

لان المسابقة مرت على مراحل

وتاهلكم كان نتيجة الافكار اللي قدمتوها

وبالتالي النتيجة لازم تكون حصيلة كل التحديات

stayfiya

2014-05-20, 22:10

اكيد التصميم ثاني ارقى قصاتو روعه و الوانو اروع

stayfiya

2014-05-20, 22:11

وينك خلود ؟

ام كوكو

2014-05-20, 22:12

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

صاحب الامل

2014-05-20, 22:13

فيما يخص النتيجة النهائية لخلود سنتعرف عليها بعد نهاية كل التعليقات

*****************

والان ننتقل الى ثاني قفطان

من الهندي

الى

الشاوي

اكيييييييييييييييد

مع

loudjeine2000

fifiarch

2014-05-20, 22:16

B]مسااااء الخير حبيت نحضر معاكم اللمة انا تان

بالنسبة لعمل الاخت خلود اول تصمم كان جد بسيط والصراحة لا يشبه للستيل الهندي

الثاني بدا يقرب للفكرة

والتنفيذ في المستوى اكيد فقط من اسفل جاني كي شغل ميش ايفازي برشة كيما لبسات الهنودة
مانعرف علاه

لكن كعمل اكيد هايل ومتناسق ماشاء الله

اخطاء الخياطة لن اعلق عليها لانو فيه خبيرات وهن ادرى مني بالموضوع

وما اعجبني اكثر هاذوك لي زيستراس الهابطين فكرة ماشاء الله

بالتوفيق اختي الغالية[/b]

صاحب الامل

2014-05-20, 22:17

loudjeine2000

بصراحة الفكرة عجبتني
ولكن النتيجة
شوي شوي
كنت نستنى فيه افضل من هكذا
ممكن لانك مازال ما كملتيهش

http://im46.gulfup.com/iTY8AU.jpg

http://www12.0zz0.com/2014/05/19/19/324019341.jpg

نظن لو اعتمدتي على حزام افضل من هذا الشريط
لانو القطعة العلوية تبان فضفاضة زاف
ولازم حاجة تخصرها
ولكن الالوان اللي اخترتيها تحفة
وحتى الاقمشة
بسيطة وناعمة

ياسمين1990

2014-05-20, 22:18

ما شاء الله على المبدعات
يعطيكم الصحة روعة مزيد من التألق والنجاح

صاحب الامل

2014-05-20, 22:20

واليكم هاته الصور من ورشة
لجين2000

http://im64.gulfup.com/KcS2GL.jpg
http://www.djelfa.info/vb/images/statusicon/wol_error.gifإضغط هنا لرؤية الصورة بحجمها الطبيعي.http://im64.gulfup.com/TdlmUM.jpg

http://im64.gulfup.com/kNil3p.jpg

loudjeine2000

2014-05-20, 22:22

يا اخي عمر ما عندوش حزام راني درتو برك باش نحكم لقماشات مع بعض راه محكوم بالنقاقب برك راه مش مخيط و الحزام رايحة نخدمو وحدو عندو بدجي وحدو ههه

ام حمزة22

2014-05-20, 22:22

حقيقة ابداع وتالق كل القفاطن روعة كا مبتدءات ما شاء الله عليكن كل وحدة باسمها نقللكم مبرووووووووك ومزيد من الابداع ان شاء الله وربي يحفضكم
آآآآمييييييييييييييييييييين
تصبحو بالف خييييييير

stayfiya

2014-05-20, 22:23

ختي لجين الكاب درتيه يتلبس و يتنحى ؟ و لا لاصق ؟؟ الوانو هايلين و القالون خرج فوور ماحبيتش نعلق على الديكولتي و لي عملتيه مستور لانو سبق و قلتيلي نتي لي حبيتي تستريه. يطيك الف عافيه

loudjeine2000

2014-05-20, 22:27

ختي لجين الكاب درتيه يتلبس و يتنحى ؟ و لا لاصق ؟؟ الوانو هايلين و القالون خرج فوور ماحبيتش نعلق على الديكولتي و لي عملتيه مستور لانو سبق و قلتيلي نتي لي حبيتي تستريه. يطيك الف عافيه

نعم ختي الكاب يتلبس ويتنحى وكاين تغيرات رايحة نديرها باش يتلبس على 3 اشكال مختلفة

fifiarch

2014-05-20, 22:28

بالنسبة لقفطان لوجين عن نفسي اعجبني الستيل
فكرة حصرية وجديدة وفريدة

واكيد فيه نقائص لانو مازال ما اتخيطش
عارفة لما يتخيط يخرج تحفة
وفاهمة انو مازال ماكملاتو

الالوان تناسق رهيب مع بعض

هايل ابدعتي
في انتظار لما يكمل كلو والحزام

في رايي الخزام يكون عريض افضل من ما هو موجود بالتصميم

لانو لما بت هاذيك السفيفة مكان الحزام ماعطات البعد اللازم

لكن كلو على بعض اكيد تحفة

صاحب الامل

2014-05-20, 22:30

بعد التعليق على

قفطان

خلود
و
لجين

اكيد راح نخليو فرصة للناس اللي حابة تناقش معنا

وكيما قلت سابقا

النتيجة النهائية سيتم اعلانها بعد انهاء كل التعليقات

*ام عبد الكريم*

2014-05-20, 22:31

السلام عليكم
صحيح التنفيذ مايشبهش الصورة لكن عحبني قفطان خلود و الحزام كبير بزاف اما الالوان و التصميم هايلين
اما قفطان لوجين فهو مميز و مبدع لكن الجزئ الشاوي ما يبانش مليح على العموم عجبني يعطيك الصحة لجين

loudjeine2000

2014-05-20, 22:32

صاحب الامل

2014-05-20, 22:32

اليكم بعض التصاميم التي لم تنجز

واولها
تصميم جوري لؤلؤة

http://im60.gulfup.com/cFNgJ3.jpg

صاحب الامل

2014-05-20, 22:34

ثاني تصميم لم ينفذ معنا هو تصميم

فيفي ارش

http://im75.gulfup.com/30Exgb.jpg

fifiarch

2014-05-20, 22:36

جميل تصميمك يا جوري
فقط لم افهم فكرة الظهر كيفاه يتصل مع الامام

لانو الامام شكل بوستي والظهر لا

stayfiya

2014-05-20, 22:36

لجين لوكان تخدمي حزام تاع القيطان و عرضو يكون مناسب ميش اكثرمن 10سم

loudjeine2000

2014-05-20, 22:41

لجين لوكان تخدمي حزام تاع القيطان و عرضو يكون مناسب ميش اكثرمن 10سم

كان تشوفي ياختي سوسو شارية سلعة تاع زوج قفاطن كل مرة نبدل ههههه درك لمههم ونديرهم حزام هدي الفكرة :19:

stayfiya

2014-05-20, 22:41

فيفي نظن خدمتو تكون فيلي و يتحرج راني شايفه الفكره لوكان تنفذ كان يخرج تحفه نوار بالدوري امم يجي هايل كوغير تكملو و تحطولنا
حتى نتاعك فيفي باهي الله يبارك يجمل بين تاع فاطمه و فريوله

fifiarch

2014-05-20, 22:44

ميرسي سطوف

حبيتو سامبل ومحتشم

السع للاسف ماوصلتش اني ننفذو

stayfiya

2014-05-20, 22:46

وعلاه فيفي ما تخدميهش و راه عندك الوقت براحتك سامحيني مادرتلكش الباترون اليوم والله ماقعدت دقيقه كان يوم شارجي بزاف بصح نوعدك نديرلك باترون و وريشه خفيفه هاه .

عبروقة

2014-05-20, 22:47

444444444444
ماشاء الله تبارك الرحمن يعطيكم الصحة كااااااامل
وبالأخص

خلووووووووود. سطايفية بنت بلادي. فريولة

loudjeine2000

2014-05-20, 22:47

فيفي نظن خدمتو تكون فيلي و يتحرج راني شايفه الفكره لوكان تنفذ كان يخرج تحفه نوار بالدوري امم يجي هايل كوغير تكملو و تحطولنا
حتى نتاعك فيفي باهي الله يبارك يجمل بين تاع فاطمه و فريوله

شفتي فيفي حرمتنا من القفطان تاعها كان لصقتو بالنقاقب كي حالتي المهم المشاركة معاكم والله شرف ليا راني معاكم مع اني مازلت نتعلم في الخياطة

fifiarch

2014-05-20, 22:50

معليش لبنات

انا كي فاتني الوقت فشلت

كون عرفت انو يوقع تمديد راني غير خدمتو

سطوف معليش ماتقلقيش روحك بيا
راني دبرت راسي
على بالي فيك انشغلت
ربي يحفظك

راني ثقلت على ام حمزة
مي الف شكر ليها

وربي يحفظكم كاملات

ام كوكو

2014-05-20, 22:52

لجين هذيك ملحفة و لا كاب

loudjeine2000

2014-05-20, 22:54

لجين هذيك ملحفة و لا كاب

تقدري تقولي في زوج

fifiarch

2014-05-20, 22:54

اسمعي ام كوكو انا ونهال نستناو فيك لهيه ارواحي

ام كوكو

2014-05-20, 22:57

لجين كي يكمل يجي 44444444444

loudjeine2000

2014-05-20, 23:01

لجين كي يكمل يجي 44444444444

شكرا علع التشجيع
فيفي وداية ام كوكو وهاربة ادوني معاكم

stayfiya

2014-05-20, 23:02

فيفي ويت مهربتلنا ام كوكو خليها تسهر فطوم مابانتش و ام ايوش

stayfiya

2014-05-20, 23:04

ايواا رووحوو راني قاعدة نعس انا هنا بصح ماطولووش راني بديت ننعس

loudjeine2000

2014-05-20, 23:06

سوسو رانا وحدنا يالله تعونيني نكملو القفطان ههههههههههه

ام كوكو

2014-05-20, 23:08

راني هنا لاعود غدوة التكملة

fatma1977

2014-05-20, 23:08

رانى كنت نشوف التعليقات ونتبع فى مسلسل فريدة ( سامحينى ) رانى مهبولة بالمسلسلات التركية رانى تبت من أمبىسي4 وبقيت لاصقة مع مسلسلات الدزاير

stayfiya

2014-05-20, 23:09

واش حبيتي ندير قوليلي وخاطيك الشغل

fatma1977

2014-05-20, 23:10

ما ترقديش سطوف رانا مازال مقصرين ولادى اليوم راهى السخانة راهم يغلو

ام كوكو

2014-05-20, 23:11

فاطمة بصحتك الدلاع و المسفوف رانا تعشينا كيف كيف طاحت علينا السخانة

stayfiya

2014-05-20, 23:13

حنا من نهار توفى ابي ربي يرحمو ماشعل التيليفيزيون ماشعل البوست. و مام من قبل مانتفرج والو غير منتدى الجلفه لا فيس بوك لا وااالو خلاص لي يشوفني يقولي واش المنتدى ..! حتى صحاباتي. ثاني

loudjeine2000

2014-05-20, 23:14

انا ليوم مستر بين دايرا عواد في عينيا راهم الريدوات بداو يهبطو هههههههههههههههه

stayfiya

2014-05-20, 23:14

فطووم اجبديلنا لا قلاص نقصرو بيه واش نقولك ماتعرفيش الجاجه وقتاش تغبر ( ترقد يعني)

ام كوكو

2014-05-20, 23:16

ربي يرحمو و يوسع عليه انا ثاني لا تيلي والو حرموهولي بناتي وخضوني غير الميكيات

loudjeine2000

2014-05-20, 23:18

سوسو صح المطر عندكم كاين لي يقول بحرورش صب

stayfiya

2014-05-20, 23:21

امين ام كوكو تبانلي التكمله لغدوة حتى الاخ عمر مسكين خدام و راه يروح عيان و يجي ينسق الصور و يدير التعليقات و يتحمل اسئلتنا لي ماتخلاصش ربي يعينو علينا و على خدمة الخير

ام كوكو

2014-05-20, 23:22

مالا تصبحو على خير حنوناتي غدوة ان شاء الله نتلقاو

stayfiya

2014-05-20, 23:22

لجين راهي السخانه تشوي لا نو لا بوبحررش لا وااالو غير عرس الما تصفر

fifiarch

2014-05-20, 23:23

ههههه جيت نديها ام كوكو بقات هنا ماقدرتش تروح

ولو اديتها انا نبى معاكم

لمتكم بالدنيا

stayfiya

2014-05-20, 23:26

فيفي ام كوكو ماجات معاك ما راهي مريحه معانا رايحه تنني

loudjeine2000

2014-05-20, 23:27

يا عمري على فيفي وين غطستي

loudjeine2000

2014-05-20, 23:29

سوسو خاطيني وحدة تقرا معايا في الخياطة في الفيس قاتلي راه بحرورش عندكم قتلها صب في العاصمة

fifiarch

2014-05-20, 23:29

راني هنا معاكم لبنات

ام كوكو بالاك الكونكسيو مهبلتها كيما مدايرتلي

لالا ماترقدش ضك المخلوقة

fatma1977

2014-05-20, 23:32

هاو كولى بصحتك رانى ما نعرفش نحط الصور مباشرة

fatma1977

2014-05-20, 23:35

حنا من نهار توفى ابي ربي يرحمو ماشعل التيليفيزيون ماشعل البوست. و مام من قبل مانتفرج والو غير منتدى الجلفه لا فيس بوك لا وااالو خلاص لي يشوفني يقولي واش المنتدى ..! حتى صحاباتي. ثاني
رانى حتى أنا ملى مات خويا الله يرحمو تبت على المسلسلات غير ذرك رجعت شوية رانى وفية للجزائرية 3

stayfiya

2014-05-20, 23:37

يعطيك الصحه فطووم ام ايوش هاذي واقيل جات تبدل لخزانه طاحت عليها اخلايا ما بانش حسها ؟؟

AZIZA1

2014-05-20, 23:38

تعيشو يالبنات اللي تعرف الفايس بوك تاع كرونو و لا السطايفية
و لا رقم الهاتف تاعهم تقولي
اني ماقدرتش نبعثلهم رسالة خاصة
ماحتاجتهم ضروري

loudjeine2000

2014-05-20, 23:38

fatma1977

2014-05-20, 23:39

وين راح الاخ عمر وقيلا ناولنا كيما البارح

stayfiya

2014-05-20, 23:39

راكي اون ديريكت مع السطايفيه انعم واش خصك ختي ؟؟

loudjeine2000

2014-05-20, 23:40

سطايفية وجدي روحك راهي بدات الطلابات انا تاني مع لاليست هههههههه

AZIZA1

2014-05-20, 23:41

راكي هنا يالسطايفية الحرة
والله ماتصوريش شحال شتيتك ربي عالم
دخلتي قلبي اول ما شفت مواضيعك
ربي يحفضك و يسترك
نسيت
عظم الله اجرك و ربي يرحم الوالد و يسكنو فسيح جناته

stayfiya

2014-05-20, 23:42

لجين كولي نتي لبيض و لي غاب غاب سهمو لاقلاص يذوب ايا بصحتكم

fatma1977

2014-05-20, 23:43

وش هدا اواه راني عسيتكم تشوفونا رقدنا ونتوما تجبدو الطباسا من تحت الطابلة هههههههههه خلاص راني حكمتكم متلبسين بصحندتكم انا نموت على لاكريم سرتو في السخانة مع انو اليوم بارد في الليل
البرود راه عندكم سلفى يقر ثما جاء يومين يبدل فى الجو هرباتو السخانة عاود رجع للجامعة

stayfiya

2014-05-20, 23:45

اللهم امين شكراً على كلامك واش يخصك ختي
اصبرني ندير كوطه تاع ورشا و نفتح موضوع الطلبات ربي يقدرني. برك و لي تحب تعاون تدخل بلاما تشاور

OM AYA

2014-05-20, 23:46

فريووووووووولة سطوووووف اسمحووولي عييييت ندير رد من دارنا والو يخرجني برا المنتدى و خويا واقف عند راسي يستنى

بصح يما و اختي و انااااااااا بقينا ساعتين من بعد نحكوا عليهم بقينا هك

http://www.pubzi.com/f/lg-geek-nerd-smiley-surprise-emoticon.png

loudjeine2000

2014-05-20, 23:47

البرود راه عندكم سلفى يقر ثما جاء يومين يبدل فى الجو هرباتو السخانة عاود رجع للجامعة

والله الصباح الصخانة تقطع والليل لبرود يسخف انا نسكن في منطقة بارد فيها الشجر بزاف بلاك سمعتو بيها جبل الوحش بارد فيها المناج قدامنا ارواي تبردي هنا راه جا الصيف

stayfiya

2014-05-20, 23:47

اهلا بيك ام ايوش وين غطستي هذا

stayfiya

2014-05-20, 23:50

نسمع بيها جبل الوحش ام ايوش واش قالولك علينا

AZIZA1

2014-05-20, 23:50

loudjeine2000

2014-05-20, 23:52

شتي يا سوسو ام ايوش دارتلهم الفجعة هههههههههه وش خباركم رانا بكل درنا ساعة سمت ما عينا طلعو فيه عيب ما كانش هههههههه صح روعة راه المدال يطاير من بلاصة لبلاصة

fatma1977

2014-05-20, 23:52

والله الصباح الصخانة تقطع والليل لبرود يسخف انا نسكن في منطقة بارد فيها الشجر بزاف بلاك سمعتو بيها جبل الوحش بارد فيها المناج قدامنا ارواي تبردي هنا راه جا الصيف
نسمع بيه جبل الوحش فى التاريخ الثورى رانى قريت تاريخ والولايات كامل نعرفها بالثورة رانى وطنية نتاع الصح هههههه . مرسى دبريلى سكنة ونجى لعندك على الاقل نتعلم البساطات راهو راجلى هبل على خدمتك وخزنلى الورشات نتاعك كامل باه فى الصيف نخدملو كيفهم ربى يقدرنى إن شاء الله

OM AYA

2014-05-20, 23:54

لاغطست لاوالو لخزانة ههههههااااي ياك حولها اينشطاين نتاعي بلا ما ديمونطاها بنت حابسة انا وخويا وحتى شيخي وسلفي ما فاقوش العفسة كي خرجوها من تم

stayfiya

2014-05-20, 23:55

ياختي انا مانخيطش طووول غير للدار برك خواتاتي يعني انا نخدم لبرا و ماتقعدش طوول غير بالجمعه و لقيتينا نهدرو قبيل على الفيس قتلهم خاطيني الوقت لي عندي ندخل هنا كشما تحتاجي باترون نوريلك اما لخياطه سامحيني خيتي

fatma1977

2014-05-20, 23:56

واش هاذ الخزانة هبلتى عنها الغاشى كامل حتى الشيخ مسكين

OM AYA

2014-05-20, 23:57

يا اختي هبلتني يما قاتلي اخدميلي كيما نتاع فريولة ليها و نتاعك قاتلي لختك قلتلها يعني ما قلتيش ليا يعني لااااه وهي تشوفلها موداال اخر

loudjeine2000

2014-05-20, 23:57

يالسطايفية اختي
حابة نساقسيك انت تخيطي للناس
قوليلي وين ساكنة بالضبط بالاك نجيك ان شاء الله
و تعيشي مديلي الفايس بوك تاعك تعيشي
علابالك كي نمدلك المودال تجيني صعيبة باش نحمل الصورة
مي فالفايس ساهلة

سطايفية عندها غير المنتدى انا وحدا رايحة نهبل عليها وش نقوله كان تكرمت وفتحت فيس بوك كان انا اللولى عرفتو مي الله غالب عنبالها نهبلوها وزيد راهي تخيط غير للدار برك ما تحبش تخيط لينا راهي شريرا هي تعلم الخياطة هنا في المنتدي مواضيعها انا وحدة هزيت من عندها بزاف حوايج

AZIZA1

2014-05-20, 23:57

خلاص تعيشي اختي
تقدري تمديلي الفايس
ولا ماعندكش الوقت باش تدخليلو

stayfiya

2014-05-21, 00:01

فاطمه هذاك يحوس يلعبلك على صحتك تيماجيني السخانه و تقعدي تخدمي بساطات و الله تنوضي معوقه راهي قاتلك لجين عندهم لبرود و الشجر ..! وااش جاب مناخ جبل الوحش ل واد سوف

OM AYA

2014-05-21, 00:03

لالا فطووم في الحقيقة لخزانة نتاع عجوزتي شراتها جديدة هاداك الوقت و من بعد دار فيها الحال دارت بلاكار ياك مدتهالي قاتلي ديريها في بيت الاولاد و شيخي هو مداير هك هو اللي يبريكولي يعني يخدمنا كلش مسكين راجلي لوستغ ما يلصقوش خاااطيه وانا رغم ما كنتش حابة بصح شديتها مجاملة لانو ما حبيتش نضيق بيت الاولاد وكي فرغ الايتاج رايحة نحطها في بلاصتها ونحط قش الشتا فيها

OM AYA

2014-05-21, 00:04

بفففف نكره نكتب بزااااف و القصة مستمرة بصح والله طويللة

loudjeine2000

2014-05-21, 00:04

نسمع بيه جبل الوحش فى التاريخ الثورى رانى قريت تاريخ والولايات كامل نعرفها بالثورة رانى وطنية نتاع الصح هههههه . مرسى دبريلى سكنة ونجى لعندك على الاقل نتعلم البساطات راهو راجلى هبل على خدمتك وخزنلى الورشات نتاعك كامل باه فى الصيف نخدملو كيفهم ربى يقدرنى إن شاء الله

عولي وانا في الخدة ما يكون غير خاطرك هكا باش يحلى رمضان

loudjeine2000

2014-05-21, 00:06

فاطمه هذاك يحوس يلعبلك على صحتك تيماجيني السخانه و تقعدي تخدمي بساطات و الله تنوضي معوقه راهي قاتلك لجين عندهم لبرود و الشجر ..! وااش جاب مناخ جبل الوحش ل واد سوف

هههههه قتلتيني بالضحك وحدك

stayfiya

2014-05-21, 00:07

ياو ماعنديش اصلاً ضك امني ولا ريحي علابالي كشما مزال واحد في 2014 ماعندوش فايس صح كان عندي واحد قديييم و ملي راحلي المودباس ولا تبيراتا ولا ماعلاباليش اونبوشيت روحي هنا في المنتدى و منذ ذلك اليوم وانا هنا تقدري تقولي الهلال الأحمر يعني مساعدات برك و عاجبني الحال وقتي نضيعو في صدقات هكذا تفيدني خيرمن نقعد نطلع و نهبط بلا فايده ضك ايي حاجه تخصك ابعثيهالي لاي مشرف و هو يبعثهالي حتى نفتحو موضوع الطلبات الجديد

OM AYA

2014-05-21, 00:08

وش درتلك سطووووف سخفت على قفطانك ومازال ما لبستش قفطاني كون غير جا قشي يتباع كي ام كوكو نرونبورسي شوي جماعتي يحبو الباااااطل يالوكان تاكليها خضرة ما يشروهاش عليك ما لقري يسخفو عليها يحبو التسلاااااف

فريولة ابتسام

2014-05-21, 00:08

سلام البنات كي راكم سطوف توحشتك

loudjeine2000

2014-05-21, 00:09

بفففف نكره نكتب بزااااف و القصة مستمرة بصح والله طويللة

شكون هذا لي راه يفلي فيك وخليك تكتبي والله يا ديك سوسو نخسر عليها لتوغوت ونكون عندك راكي تعرفيني ابن بطوطة

loudjeine2000

2014-05-21, 00:13

سلام البنات كي راكم سطوف توحشتك

على سلامتك فريولة وش خبارك ان شاء الله تكوني تحسنتي والله قلبي معاك ياما حنانة مي وش نقولك قفطانك روعة

stayfiya

2014-05-21, 00:14

سلام البنات كي راكم سطوف توحشتك

اهلااااااا شريكتي. واشراكي خيتي انا قاعدة نلملك في دعاوي الخير كيفاش راهي صحتك ؟؟ ريحتي شوي ؟؟

OM AYA

2014-05-21, 00:15

عالسلااااااااااااامة فريووووولة قفطاااانك يجننن

OM AYA

2014-05-21, 00:18

انا نقول نتاع سطوووف 1000 مرة خير منو

http://im53.gulfup.com/LrDmBY.jpg

VS

http://www3.0zz0.com/2014/05/20/18/536946343.jpg

OM AYA

2014-05-21, 00:21

صح سطوووووووووف قوليلي قماشك وسمو وشحال دار والسانتورة منين طحتي عليها وشحاال دارت طبعا

fatma1977

2014-05-21, 00:22

على سلامتك فريولة نورتى الجلسة والله غير توحشناك

فريولة ابتسام

2014-05-21, 00:23

عالسلااااااااااااامة فريووووولة قفطاااانك يجننن

ماتتمسخريش بيا اتاعك خير سطوف الله يبارك

fatma1977

2014-05-21, 00:25

واش جاب لجاب كيما صنعت الجزائرية الحرة ولا السلطانة هيام باينة السطايفية صنعتها خير ب 100000000000000000مرة

stayfiya

2014-05-21, 00:25

فريوله ردي خيتي ؟
ام ايوش لقماش يشبه لجهره و فيه السلك ب 1100للمتر هزلي ثلاث ميترات و السانتوره جبتها من وهرن ب 6800

OM AYA

2014-05-21, 00:28

ماتتمسخريش بيا اتاعك خير سطوف الله يبارك

يااااا انت اللي ما تتمسخريش بيا نتاعي عفتو يما قاتلي اخدميلي هك قلتلها انتي ديري كتف عريان؟ قاتلك معليش موديفي غير لتم

stayfiya

2014-05-21, 00:28

ام ايوش هاو ليك عن قرب و هنا نحيتلو لي مونش درتلهم سكراتش نحب نلصقهم نحب نحيهم
http://img834.imageshack.us/img834/2811/y6ibr.jpg

stayfiya

2014-05-21, 00:30

واشراكي تحسي في روحك فريوله ضك علابالي راكي في شده و تصحي في وجهك برك

OM AYA

2014-05-21, 00:31

سطوووف وشنو هذا جهرة كيفاه يتنطق جوهرة ولا كيفاه و مليح سومتو خيرمن 170 نتاع تول تاعي ستيل قديم و السانتورة باينة غالية و تستاهل بصح ليا ما نقدرش نشريها عندي اولويات اخرين بصح ولله تسخف نتمناها

فريولة ابتسام

2014-05-21, 00:32

يتوحشكم الخير لبنات انا رانب الحمد لله هذه الساعة
راني نكونيكنب بالتبليفون جاني شوية واعر

stayfiya

2014-05-21, 00:36

ام ايا ما تغلاش عليك و كاين كيفها ميش متقونه هنا ب 60نلف برك
فريوله روبوزي خيتي بزاف عليك
انا عييت نروح نرقد لغدوة نتلاقاو لكان حب ربي
تصبحو بخيير

OM AYA

2014-05-21, 00:37

سطوووف زعما يفهمو عليا هنا عندنا نقوللهم جُهْررَة ولا جَهْرَة

عييت وانا نشكل عينيا عوارو

OM AYA

2014-05-21, 00:38

بوووووووووووووووووون نووووووي حبيباتي سويت دريمز

stayfiya

2014-05-21, 00:39

حنا نقولولو جُهْرٓه يعني موسلين و فيها لحرير و البايات

fatma1977

2014-05-21, 00:42

تصبحو بخير أنا ثانى نروح نرقد ليلة سعيدة

kyes

2014-05-21, 01:04

ما شاء الله ما شاء الله ما شاء الله خدمتوهم روعة ربي يبعد عليكم العين
بصحتكم ربي يبارك
أمنيتي نحترف الخياطة

AZIZA1

2014-05-21, 05:44

تعيشي سطايفية
الحزام تاعك شريتيه ب 680الف و لا 6 ملاين
انا لقيتو فالعلمة ب مليون
و ادا شريتيه ب 680 الف من وهران
قوليلي منين بالضبط
و ادا تقدري تجيبيلي و حجة كيفها تعيشي لحبيبة

AZIZA1

2014-05-21, 06:32

تعيشي مافهمتش
كيفاه نخيط السروال اﻷسود هاداك درابي عجبني بزااااف
و مافهمتش وكان تزيدي تفهميني اكثر
مع العلم اني مبتدئة
والله امنيتي نولي نخيط عندي هواية كبيييييييرة و منعرفش مليح

fatma1977

2014-05-21, 09:01

[QUOTE=loudjeine2000;1056435884
]عولي وانا في الخدة ما يكون غير خاطرك هكا باش يحلى رمضان[/
يعطيك الصحة بالصح أنا فى رمضان ما نحبش نخطا دارى رمضنت عام فى أزفون والله هذاك العام ما حسيتش روحى صمت بالرغم السخانة وما يجى يفوت النهار غير بالسيف ومدكوكة فى الاكليماتيزير بصح بنة الدار وحدها ربى يبلغنا رمضان ونصيمو ونقيمو بالصحة والهناء:1:

سماح 88

2014-05-21, 10:11

رائعييييين لقفاطن فريولة وسطايفية ومازلنا ننتظر الجديد ... سطايفية عاودي حطي ثمن السانتورة حتى نقرا المبلغ صح ؟

sakura be

2014-05-21, 10:30

ماشاء الله يعطيكم الصحة كااامل ابدعتوااااااااااااا وابهرتونا برااااااااااااااااااااااااااااااااافو

********تعليقي ********
خلود
القفطان عجبني ومليح وباين فيه التعب لكن الشي اللي حسيتو ماتوالمش معاه عرض الحزام (مع انو الاستراس اللي على الجنب فكرة:19:)
ام كوكو
قفطانك بسيط وانيق واكمامو فكرة جديدة
لجين
ميزة قفطانك انو شاوي بسيط ومريح..... بصح يبان عريض بزاف ....لكن يستحق نصفقولك
فاطمة
هاداك واش نحبو نضربو عصفورين بحجر واحد وعندنا 2 لبسات براااافو حتى الحزام حسيتو مضبوط قدقد :19:
ام اية
لون قفطانك هبااااال والدونتال تان زاد فيه النص وصح الحزام هو عيبو الوحيد
موجو جوجو
بسيط انيق ولكن مش قفطان لتصديرة ممكن لمناسبة يصلح اكثر
فريولة
لون ومودال هااااايلين وعمل متقن يعطيك الصحة عجبني "تصميم القطعة العلوية "
سطوفة
والله هاد الوقت الناس الكل هابلة على قفاطن حريم السلطان وانت قستي الوتر الحساس وخليتينا نزيدو نهبلوا واش نقلك ابدعتي ابدعتي ابدعتي
البنات والله الكل اعمالكم قمة وماتزعفوش من تعليقاتنا والله راكم مبدعااااااات قسم الخياطة يعطيكم الف صحة ومزيدا من التالق

جيجلية

2014-05-21, 10:54

ما شاء الله

القفاطن تحفففففففففة

يعطيكم الصحة

عجبني اكثر واحد تاع سطايفية روووووووووعة

أم فاطيمة

2014-05-21, 13:30

ابداع جزائريات حرات يعطيكم الصحة تناسق الوان جد رائعة
و لي تلفهالي نتاع سطوفة البارح ما شفتهش الوان و اتقان
ما شاء الله رغم الضرو ف الصعبة ربي يقويك
و ياريت دريه ورشة في اقرب وقت

مقدسية

2014-05-21, 15:00

ماشاء الله على حراير بلادي كل صبع بصنعة وين ترديهم تلقيهم فحلات كي النحلات
والقفاطن كاااااااااااااااااااااااااااااامل بغاية الجمال والاتقان يعطيكم الصحة كاااااااااااامل وربي يهنيكم
فقط لي ملحوظة صغيرة على الصور فيها اضاء زايدة وهاذيك النجوم حالت دون وضوح الصورة جيدا حبذا لوكانت اقل
بالتوفيق للجميع

fatma1977

2014-05-21, 18:11

صح وين راكم البنات اليوم كامل ما بنتوش شكرا للبنات اللى أعطونا إنطباعاتهم وتعليقاتهم على القفاطن

ام كوكو

2014-05-21, 18:25

ساكورا شكرا على التعليق الطيب
مساء الخير فاطمة واش راكي

صاحب الامل

2014-05-21, 18:43

نتابع النتائج

مع التعليقات الخاصة بالقفاطن

وبعد قفطان

خلود
و
لجين

الان حان دور

ام اية

صاحب الامل

2014-05-21, 18:47

ام اية

بصراحة التصميم كان في القمة

والتنفيذ كذلك

ولكن اكيد هناك بعض الاشياء ما عجبتنيش

مثلا كيما هذاك الجزء المعمول بالموسلين ممكن لافينيسيون نتاعو ماكانتش موفقة
مع ان الفكرة مليحة وعجبتني

وفيما يخص الاكمام....في التصميم عجبتني ولكن في التنفيذ
حسيت انو الاكمام لو كانت طويلة كان راح يكون افضل

ولكن بشكل عام كان موفق

مع اني كنت ننتظر الشغل اليدوي بكثرة

http://im62.gulfup.com/2MGhAq.jpg

http://www3.0zz0.com/2014/05/20/16/420714132.jpg

صاحب الامل

2014-05-21, 18:54

اليكم هاته الصور من ورشة ام اية

http://im84.gulfup.com/S92lvK.jpg
http://www.djelfa.info/vb/images/statusicon/wol_error.gifإضغط هنا لرؤية الصورة بحجمها الطبيعي.http://im84.gulfup.com/jIGRiR.jpg
http://www.djelfa.info/vb/images/statusicon/wol_error.gifإضغط هنا لرؤية الصورة بحجمها الطبيعي.http://im62.gulfup.com/jCFU7X.jpg

صاحب الامل

2014-05-21, 18:58

الان

مع فريولة ابتسام

واكيد قبل البدا في التعليق على قفطانها

نتمناولها الشفاء العاجل

صاحب الامل

2014-05-21, 19:00

فريولة يا فريولة

من خلال هاذ المسابقة

اثبتي انك متميزة سواء تصميم او تنفيذ

يعني ماشاء الله

باختصار وبدون مجاملة

في القمة

http://im46.gulfup.com/b0hFMG.jpg (http://www.gulfup.com/?i532uz)
http://www.djelfa.info/vb/images/statusicon/wol_error.gifإضغط هنا لرؤية الصورة بحجمها الطبيعي.http://im46.gulfup.com/4rCQIf.jpg (http://www.gulfup.com/?2JGRwY)

http://www3.0zz0.com/2014/05/20/18/946132657.jpg

صاحب الامل

2014-05-21, 19:10

اليكم هاته الصور من ورشة فريولة

http://im88.gulfup.com/CJrTYu.jpg (http://www.gulfup.com/?DmZdQq)
http://www.djelfa.info/vb/images/statusicon/wol_error.gifإضغط هنا لرؤية الصورة بحجمها الطبيعي.http://im88.gulfup.com/xYNOqX.jpg (http://www.gulfup.com/?vhTFyM)
http://im88.gulfup.com/0lfEaM.jpg (http://www.gulfup.com/?NOnZcX)
http://www.djelfa.info/vb/images/statusicon/wol_error.gifإضغط هنا لرؤية الصورة بحجمها الطبيعي.http://im88.gulfup.com/YIA5Qk.jpg (http://www.gulfup.com/?3DYDbr)

fatma1977

2014-05-21, 19:21

هاو الاتاى من عندى http://www.up.djelfa.info/uploads/140069308488572.jpghttp://www.up.djelfa.info/uploads/140069626520022.jpg أنا رانى نشرب لاتاى فى العشية

ام كوكو

2014-05-21, 19:24

يعطيك الصحة فاطمة و بصحتك هنا لازم التاي

stayfiya

2014-05-21, 19:41

مساكم بالخير لبنات واشراكم فطوم ام كوكو. اخي عمر بلعقل خويا عليك علابالنا تعبناك معانا راهي هانت ضك تتهنا منا

ام كوكو

2014-05-21, 19:42

البنات وين رحتو

ام كوكو

2014-05-21, 19:42

اهلا سطايفية اليوم ما تلموش البنات

fatma1977

2014-05-21, 19:45

واش أحوالكم السطايفية وأم كوكو وين راهم باقى البنات روحوصلو المغرب ومن بعد نتلاقاو

stayfiya

2014-05-21, 19:50

ياختي مالقاوش واش يهدرو ناكدلك مكانش لي ما تضربش طله على الموضوع انااليوم والله راني ميش قادره روحت ختي الصباح و تعاود السيناريو تاع الجنازه من جديد و روحو ليوم ضيافنا كامل خلاولنا الدار ظلمه

stayfiya

2014-05-21, 19:51

راني قاعده برا في الجرده ضك ندخل نصلي هاو اذن و نخرج

loudjeine2000

2014-05-21, 20:16

ربي يقبل

مساء النور عليكم راني كنت معروضة وش درتو فيها اختي سوسو ان شاء الله اخر الاحزان دايم ربي واش قفطانك سافر ولا هنا في الجزائر

LAMIA TEFFAL

2014-05-21, 20:17

مساء النور لبنات يعطيكم الصحة ام اية اعجبتني الالوان الهادئة وفريولة تصميمك متل قفطاني الله غالب راح في البلاد ان شاء الله توريهلكم في الصيف كي نهود للبلاد انا قفاطين تاوعي خيطها لان مالقيتش لاتاي تاعي هههههههه

fatma1977

2014-05-21, 20:17

والله رانى حاسة بيك سطوف والله غير اليوم قلت أختك تروح وراح تتعاود الجنازة رانى مجربتها كى دفنا خويا وكى كنا مجمولين ما حسيناش وكى رحت لدارى حسيت شغل هذا اليوم جانى الخبر ربى يعطيك الصبر وينعم والدك بالجنة

stayfiya

2014-05-21, 20:29

ربي يقبل لبنات اللهم امين لجين لالا القفطان درتو لختي لي مزوجه هنا
لاميه على سلامتك حبيبتي واشراكي ان شاء الله تهبطي في الصيف و تشوفي ماليك والله الغربه صعيبه بزااف تحسي بيها كي يكون عندك ياما خبر مليح ولا خبر ميش مليح و ماتلقايش شكون يشاركك فيهم
فاطمه هاذي هي الدنيا واش نديرو من قبيل وانا نتفرج في حوايجو ونقول كان هنا كان منا و راني قاعده على كرسيه ربي يرحمو حبيبي و يقدرني نديرلو الخير و يلحقو صافي ينور عليه قبرو ااامييين

fatma1977

2014-05-21, 20:31

هاكى كولى شوية كريم راه ما عادش وقت لاتاى يخليك ساهرة لوكان تشربيه ضرك http://www.up.djelfa.info/uploads/140070039193611.jpghttp://www.up.djelfa.info/uploads/140070039194432.jpghttp://www.up.djelfa.info/uploads/140070039195293.jpghttp://www.up.djelfa.info/uploads/140070057127561.jpghttp://www.up.djelfa.info/uploads/140070057128572.jpghttp://www.up.djelfa.info/uploads/140070057129233.jpg وإنت أستاذ عمر هز كول شوية كريم برد بيه على قلبك رانا تعبناك

ام كوكو

2014-05-21, 20:35

ربي يرحمهم كامل و يوسع عليهم فاطمة يعطيك الصحة بانتلي حتى اليوم خلاص التعليقات

صاحب الامل

2014-05-21, 20:37

مساء النور للجميع

بعد التعليق على 04 قفاطن

وهي

خلود
لجين
فريولة
ام اية

نكمل بقية القفاطن والتعليقات

loudjeine2000

2014-05-21, 20:39

شكرا فطوم على لاكريم والله جا في وقتو راهي سخانة لحقت عدنا لكليما ولات ساك راني طفيت بالسخانة

stayfiya

2014-05-21, 20:42

حنا ثاني عندنا السخانه تشوي هذوين تحرك شوي برود

ام كوكو

2014-05-21, 20:44

بصحتك سطايفية البرود حنا و الله النفس ماكانش غير الكليماتيزوغ راه نلفعنا

صاحب الامل

2014-05-21, 20:44

الان مع موجو جوجو
**********

القفطان بشكل عام كما في التصميم
يعني كي نشوف التصميم يعجبني المودال
ولك كي نشوف التنفيذ نحس حاجة ناقصة

ولكن بشكل عام كنتي في المستوى

وراني نشوف انك عملتي تغييرات
لانو كنتي مبرمجة انك تحطي السوتاج على شكل ورود
ولكن استبدلتيه بقالون

http://im67.gulfup.com/jwSy6A.jpg

http://www3.0zz0.com/2014/05/20/16/921293332.jpg

stayfiya

2014-05-21, 20:44

رانا معاك اخي عمر
فريوله بدون نقاش تصميمها و تنفيذها متطابق100% و خدمتها نظيفه صح يخصو حديد لكن ظروفها كلنا نعرفوها ربي يشفيها انا نحييها و ندعيلها من قلبي بالشفاء

صاحب الامل

2014-05-21, 20:45

صور من ورشة
موجو جوجو

http://im67.gulfup.com/JpX9SU.jpghttp://www.djelfa.info/vb/images/statusicon/wol_error.gifإضغط هنا لرؤية الصورة بحجمها الطبيعي.http://im67.gulfup.com/qGAt3w.jpghttp://www.djelfa.info/vb/images/statusicon/wol_error.gifإضغط هنا لرؤية الصورة بحجمها الطبيعي.http://im67.gulfup.com/CrG2L3.jpghttp://www.djelfa.info/vb/images/statusicon/wol_error.gifإضغط هنا لرؤية الصورة بحجمها الطبيعي.http://im67.gulfup.com/zXOisS.jpg

stayfiya

2014-05-21, 20:46

لجين راني في الجردة داخل الدار السخانه تقتل

صاحب الامل

2014-05-21, 20:49

ام كوكو

*********

التصميم مع التنفيذ مطابق نوعا ما

ولكن حسيت انو التنفيذ افضل من التصميم
ولكن بشكل عام
نقولك يعطيك الصحة
كنتي في المستوى

http://im51.gulfup.com/UxzdXv.jpg

http://www14.0zz0.com/2014/05/19/18/667843704.jpg

صاحب الامل

2014-05-21, 20:50

اليكم بعض الصور من ورشة ام كوكو

http://im46.gulfup.com/rNQybq.jpg
http://www.djelfa.info/vb/images/statusicon/wol_error.gifإضغط هنا لرؤية الصورة بحجمها الطبيعي.http://im83.gulfup.com/QSQZgl.jpg

ام كوكو

2014-05-21, 20:56

خويا عمرواش في راسي ما نعرفش نخرجو بالقلم او اللسان مي بيدي نقدر

ام كوكو

2014-05-21, 20:57

نتمنى انك شفت شكل المونش في الصور قولي واش رايك

stayfiya

2014-05-21, 21:00

خلود لوكان طبقتي الفكره الاولى و خدمتي القفطان لاارج من اسفل و السانتوره جي اقل في العرض خدمتي فيها السوتاج بشكل عشوائي مخلط يعني يمد انطباع كي الشبيكه يجيك هايل القالون لي استعملتيه واقف ما ساعدكش في الدورات حتى يتكمش و يجي الف حديد ما يردوش للطريق التقنيه و لاستيس هنا انك دوري القالون تاعك كيما تحبي و تحكمي بليزيبانقل ولا خيط و برا و جيبي كتانه مشمخه و تحطيها و تريقلي لحديد تاعك على 3 و حدي حتى تنشف الكتانه تلقاي القالون حكم لا فورم وحدو من بعد خيطيه بلا ما تشبحي

stayfiya

2014-05-21, 21:05

ام كوكو حنا في سطيف نقولو قد اللسان قد الذراع يعني نسلكو ريسانا و نتي الله يبارك ما تهدريش تخدمي برك و خدمتي حاجه تقول مشريه ليمونش ماعجبونيش كيشفتهم اول مره بصح بعد الصورله لي توضح البومبي لي عملتيه عجبني و كاين الوان يخرجو على الموف نتي علاه خيرتي الاصفر بالتحديد تحوسي الناموس مايطلقكش في الصيف ..! راني نقصر هايل الله يبارك ام كوكو

ام كوكو

2014-05-21, 21:06

صحتي يا سطايفية خياطة و نص و 25 الله يبارك فيك

ام كوكو

2014-05-21, 21:08

تعيشي سطايفية بغيت الفار بيسطاش مي ما لقيتش و باه ندور بزاف مع الموسيو ممنوع منعت روحي بالاصفر و صدقيني الصور ما بينوش اللون مليح راهو باهي كي تشوفيه على الطبيعة

stayfiya

2014-05-21, 21:13

انا خدمت من قبل واحد في الموف و الاخضر خرج آسورتي لحوايج كوزينتنا جا مليح
بصح الأصفر عطاه حلاوه و ضواه اكثر

stayfiya

2014-05-21, 21:20

فطوم وينك خيتي ام ايوش ؟؟ و الباقي ؟؟ ياختي هبطتولنا المورال اكثر ماراهو هابط ولا يتكركر. يادخلو ترا ماعندو مامزال و يتقفل الموضوع

ام كوكو

2014-05-21, 21:20

الاخ عمر ما كانش

ام كوكو

2014-05-21, 21:22

انا المورال راه 000000 ما فهمتش علاه جبناها حماس حماس و ضرك فشلنا

stayfiya

2014-05-21, 21:22

ام ايا السانتورة شريتها ب ستميه و ثمنيين و كاين في الفضه دير سبع ملاين تهبل و حتى الرسم متبدل و فيها لحجر بزااف ساير داير

ام كوكو

2014-05-21, 21:24

فاطمة علابالي راحت تصلي ام اية تكون روحت لدارها

fatma1977

2014-05-21, 21:24

رانى هنا نروح ونجى على العشاء طيبته روطار وزيد السخانة والانترنات زادت علينا
أم كوكو يعطيك الصحة على القفطان قبل ما يحط الاخ عمر نتاع السطايفية وفريولة نروح ونجى نشوف فيه عجبنى بالزاف حتى الالوان باهية حبيت نسقسيك على الدونتال شريتى الدونتال أستيكى ولالا وبقداش المترة

stayfiya

2014-05-21, 21:25

لا لا ام كوكو انا نفسيا ميش مليحه في المسابقات لي فاتو كامل يشهدو كنا نديرو حاله و المنتدى كامل يتبعنا و بقاولنا لي سوفونير هايلين. لحد الآن و الله راكم في مسابقه كامل يحلمو بيها و ين تلقايها عيشك ؟؟

stayfiya

2014-05-21, 21:26

ان راه اذن ندخل نصلي و نولي قوليلي ام كوكو رايحه ديري ورشه لقفطانك ؟؟؟

ام كوكو

2014-05-21, 21:26

سطايفية صح غاليين انا ساومت وحدة نتاع حريم السلطان ماشي عريضة قالي 4 ملاين بصح تحفة و راني مازلت نخمم فيها وقيلة نشريها

ام كوكو

2014-05-21, 21:27

ان شاء الله

fatma1977

2014-05-21, 21:30

ام ايا السانتورة شريتها ب ستميه و ثمنيين و كاين في الفضه دير سبع ملاين تهبل و حتى الرسم متبدل و فيها لحجر بزااف ساير داير
غالية تشوى لوكان جيت فى بلاصتك ما نشريهاش والله أنا القفطان وحدو وجانى غالى :mad: أنا الحوايج لروحى نستخسر فيهم الدراهم وكى تكون لراجلى ولاأولادى ما نحسبش المهم تعجنى السلعة نهزها وخلاص

ام كوكو

2014-05-21, 21:31

صح فطوم الدوزان غالي سقاملي بقرة و بنتها

ام كوكو

2014-05-21, 21:36

فطمة هذا هو تخمام كل ربة اسرة تخمم غير في عايلتها و تنسى روحها انا الصح مرة على مرة ندلل روحي بحويجات

ام كوكو

2014-05-21, 21:45

فاطمة رحتي نتي ثاني

stayfiya

2014-05-21, 21:55

ماهي غاليه ماوالو ياختي السوارد راهم يروحو في حوايج تافهين عيشك تشري روبه مافيها والو تسلكيها ب 6000 و تلبسيها موتين تكرهي منها و طيشيها و روحي للقفطان كل قفطان تشريلو سانتوره ب 1800 ديري هاذي تلبسيها مع كلش و في الاول و في الاخر من عندي بلاكي تستخسري حاجه في روحك عيشي حياتك و لي تسخفي عليها جيبيها خاطر لولاد و الراجل مايتولهولكش واش يخصك نتي ابروفيتي مدامك صغيره غدوه تكبري تروحلك النفحه.

fatma1977

2014-05-21, 21:55

لالا ما رحتش برك راهو اللى يتقاسم معايا الميكرو قالى نوضى قتلو أصبر شوية بدا يقلى أفتحى الصفحة هذيك وديرى منا وروحى منا لوكان نضت خير

stayfiya

2014-05-21, 21:57

ام كوكو راني هنا انا ماقلتيليش رايحه ديري الورشه ولا لالا

fatma1977

2014-05-21, 21:58

صاحب الامل

2014-05-21, 21:59

مساء الخير مرة اخرى

ونكمل التعليقات على القفاطن

والان مع الزوج القفاطن الاخيرين

وهما

قفطان fatma1977

&
stayfiya

صاحب الامل

2014-05-21, 22:00

لعلمكم جميعا

بمجرد الانتهاء من التعليقات سيغلق الموضوع

معناه هاته هي اخر سهرة في هذا الموضوع

fatma1977

2014-05-21, 22:02

راهوالاخ عمر ينبه فيكم البنات راهى آخر سهرة فى الموضوع ازربو علقو وأهدرو

stayfiya

2014-05-21, 22:02

ضك نديرلك اقتراح فطوم علاه ماتشريش تابليت ب 14000 كونيكتي براحتك و بناقص من الداله لي راكي فيها و زيد قاعده و هوما مكوفرين عند راسك

ام كوكو

2014-05-21, 22:03

خويا عمر ما قلتليش واش رايك في المونش

صاحب الامل

2014-05-21, 22:05

البداية مع فاطمة 1977

فيما يخص صورة التصميم للاسف لم اجدها ولكني متذكر ملييييييييح تصميم

وهو اكيد كما في التفيذ

يعني مع اني كنت متخوف في الاول من التصميم

ولكن اثبتتي انك مبدعة

والالوان جد رائعة

وحتى الشغل حسيتو متحوف

http://www12.0zz0.com/2014/05/19/19/209931131.jpg

ام كوكو

2014-05-21, 22:05

سطايفية انا خاطيني الورشات مي ان شاء الله نديرها

ام كوكو

2014-05-21, 22:07

سطايفية انا شريت طابلات كرهتلي حياتي وليت للميكرو و هي راهي مخزونة

صاحب الامل

2014-05-21, 22:09

خويا عمر ما قلتليش واش رايك في المونش

قفطانك كيما قلت بصفة عامة رائع

حتى انو افضل من التصميم

اما المونش فاكيد الحركة نتاعو مليحة

والفكرة كذلك لاني من الاول قلتلك غيري اللون باه الحركة تبان اكثر

وشكل عام

تحفة

ام كوكو

2014-05-21, 22:11

شكرا خويا شجعتني على فن الخياطة اكثر انت مصمم و تعرف خير مني بارك الله فيك

fatma1977

2014-05-21, 22:11

ضك نديرلك اقتراح فطوم علاه ماتشريش تابليت ب 14000 كونيكتي براحتك و بناقص من الداله لي راكي فيها و زيد قاعده و هوما مكوفرين عند راسك
رانى شارية تابلات ب1300وبورتابل ب1200 وما نقدرش نخدم بيهم يوجعونى عينيا راهو التابلات مخزون كيما قاتلك أم كوكو:confused: