مساعدة رجاءً حول تركيا [الأرشيف] - منتديات الجلفة لكل الجزائريين و العرب

مشاهدة النسخة كاملة : مساعدة رجاءً حول تركيا

foryou_ai

2014-05-18, 23:30

سلام عليكم رجاءً يوم الأربعاء سأسافر إلى تركيا istambul فما هي الأسواق الجيدة للملابس والهدايا التذكارية وأين يمكن تغيير العملة

imane khaled

2014-05-19, 11:10

انا ايضا يهمني الامر للمن لديه معلومات يساعدنا شكرا لصاحبة الموضوع

foryou_ai

2014-05-19, 12:33

شكراً لصاحب الموضوع أخت إيمان وليس صاحبة الموضوع :)))))))

imane khaled

2014-05-19, 19:07

[QUOTE=foryou_ai;1056418235]شكراً لصاحب الموضوع أخت إيمان وليس صاحبة الموضوع :))))))) [/Q
ااااااااااه عفوا و الله ما نتبهت في انتظار من يساعدنا

foryou_ai

2014-05-19, 20:13

:))))))) إن شاء الله أختي الفاضلة

foryou_ai

2014-05-19, 20:14

إن شاء الله أختي الفاضلة :))))))))

مريم الصابرة

2014-05-19, 23:26

السلام عليكم اخي
اخي تبع كل مواضيع الإستفسارات حول تركيا تلقاني جاوبت انا رحت مرتين وتعلمت
الأسواق عندك
سوق محمود باشا هايل والثمن معقول جدا
منطقة زيتنبورنو
عندك سوق عثمان بيه
بلاك تشري من السوق المصري او يوق التوابل
او الغراند بازار راهم غاليين بزاف
بالنسبة للصرافة فالمطار صرف فقط 20 اورو لانو يدو معاك نسبة كبيرة
ولما تخرج فالشارع تلقى مكتوب دوفيس مكاتب صغيرة او اكشاك دخل وصرف على روحك وتلقى حاطين إعلان إلكتروني يقولك شعال راه واصل الأاورو والليرا التركية انا عندي اسبوع من رجعت كانت 100 اورو ب 280 حتى 283 ليرا تركية وآخر يوم نزلت بزاف
يعني الآن مش عارفة
اي معولمات خبرني فندقك وين ونوريلك منين تنزل وتركب وراهي ساهلة نوريلك كل شي من المطار حتى تقسييم حتى منطقة اكسراي والسلطان احمد وامينيو وكباياتش وروح شوف مواضيعي تلقى رحلتي لإسطنبول فيها جزئرين اقرا تفهم وراني هنا بالخدمة
رحلة موفقة

foryou_ai

2014-05-20, 16:46

شكراً لك أختي وربي يشفيك أون شاء الله
أنا حجزت في منطقة السلطان أحمد meridiani hotel
هل هده الأسواق قريبة أختي الفاضلة

مريم الصابرة

2014-05-20, 22:12

السلام عليكم اخي
اهلا وسهلا العفو اخي لا مشكل
رائع منطقة فيها كل المواصلات شوف معايا
من منطقة السلطان احمد واللي فيها مايلي
الجامع الأزرق
الآيا صوفيا وهذ لازم تبكرلو بكري بزاف ودير الصف حتى تشوف شعرة الرسول صلى الله عليه وسلم وعابئتو ومستلزماتو فالحقيقة انا شفتهم فالنت لكن ما دخلتش اول مرة رحت كانو الغاشي بزاف المرة الثانية ما رحتش لانو ما خرجتش
فيها المنطقةقصر التوبي كابي وفيها حديقة جولهانة واللي تروحلها بالترمواي محطة واحد الترام اللي نازل مش الصاعد تسمع جلهانة تنزل راهي الحديقة ثم وهايلة لازم تروح في وسط النهار الاماكن هذي كلها ديرلها يوم واحد
نرجعو للأسواق
من السلطان احمد خذ الترمواي النازل إركب إنزل في منطقة امينينو ولما يحبس إنزل وتحب تروح تمشي وتقطع الطريق تفرج على البحر والشاطئ وكول السمك المشوي ههههههه رائع جدا ومنظر جميل جدا وراني حطيت الصور في موضوعي شوفها وهناك تلقى مدخل تحت الدرج اهبط معاه وهناك يبيعو لوازم وملابس رجالية وتذكارات رخيصة الثمن رائعة كمل الرواق كلو محلات واخرج للناحية الثانية تبع فقط تلقى الناس تمشي وبعدها تلقى قدامك مسجد جميل جدا ننصحك تزورو بعد المسجد اخرج تلقى قدامك سوق التوابل المصري ادخلو وما تشريش كل شي غالي اخرج اي شارع يخرجك تلقى روحك فسوق محمود باشا وهذا فيه ملابس هايلة وجميلة جدا وثمن معقول جدا وإنت دير حسابك
1 ليرا معناها 3700 دج وإنت كي تشري حاجة ب 20 ليرا إضربها تلقى حسابك وتعرفها شعال دير بدراهمنا
هنا رانا فسوق محمود باشا
نروحو الآن لمنطقة زيتنبورنو خذ الترمواي من منطقة السطان احمد الصاعد حتى تسمع منطقة زيتنبورنو شوي بعيدة
لما تنزل لإطلع فالجسر وكمل تمشي حتى آخر الجسر إقطع الطريق قدامك محلات كبرى يبيعو مليح بزاف واثمان رائعة والرجوع بنفس الطريقة برك فالترمواي النازل
سوق عثمان بيه شوف خذ الترمواي من سلطان احمد النازل حتى آخر منطقة كباتاش تنزل اهبط للميترو ميترو يروح من كباتاش لتقسيم وما تخرجش مناك تلقى لافتات داخل ترمواي تلقى ميكرو يروح لشيشيلي وغيرها عثمان به اول منطقة يتوقف فيها الميترو في ذاك الخط أركب ونزل وإطلع الدرج وامشي حتى تلقى السوق راه معروف
اما من مطار كيفاه توصل لثم ساهلة بزاف
شوف روح من مطار الميترو داخل المطار خط الميترو يروح لأكسراي إنزل فيها امشي شوي سقسي قول ترام راهي كلمة سهلة ادي النازل هذاك هو اللي يوصل لكل المحطات سلطان احمد امينينو جلهانة بيازيد هنا غراند بزار تحت تنزل تتفرج هايل
وتنزل فالسلطان احمد وهناك حوس على فندقك
موفق واي إستفسار راني هنا

مريم الصابرة

2014-05-20, 22:15

نسيت نقولك من مذار صرف 20 اورو لانو الميترو والترمواي تشري جيتو او كارت ساهلة اول مرة ما تقدرش تشري كارت لانو ماكانش داخل تشريها من برا يعني تشري جيتو اما الترمواي او ميترو تلقى ماشينات تحط فيها ليرا ونصف يخرجلك جيتو نتاع نيلو هذاك تعقبو فالماشينة يخليك تركب الميترو وراك تلقى عمال خاصيين يورولك ومن بعد كي توصل وتريح كاين اكشاك برا نتاع جورنال او طاكسي فون قولو بالأنجليزي كارت روشارجد فروم ترام اور ميترو دير 7 ليرا وفليكسي فيها مثلا 20 ليرا او 30 تبقى عندك دايما كل ما تركب تحطها فوق الماشينة تحذف منك ليرا ونصف وهكذا تمشي بها روعة فالترمواي وفالكار وفالميترو وما تستعملش الكار اغلبها ترمواي وميترو
اما العبارة او السفينة تروح رحلة فالبسفور هناك تخلص 20 ليرا وتركب تروح تحويسة ساعتين وهايلة ننصحك بها موفق اخي

مريم الصابرة

2014-05-20, 22:21

هذا موضوع سفري
http://www.djelfa.info/vb/showthread.php?t=1555235

وهذا الجزء الثاني

http://www.djelfa.info/vb/showthread.php?t=1556409

foryou_ai

2014-05-20, 22:25

شكراً أختي ، ربي يخليك ، وراح نطبع هاد لمقال ونديه معايا :))))

foryou_ai

2014-05-20, 22:27

واه أختي الفاضلة قريتهم

مريم الصابرة

2014-05-20, 22:44

السلام عليكم اخي
رحلة موفقة وراهي سهلة انا اول مرة كنت خايفة لكن عادي جدا بضع كلمات انجليزي واغلب الهدرة إشارات وراح تلقى العرب بزاف وسهل النقل إطبع واش قتلك وسهب التنقل واي منطقة تحب تعرفها قبل ما تروح سقسيني كان نعرفها نجاوبك
المهم ما تخاف ما والو نحذرك برك ما تركبش طاكسيات غاليين بزاف او يجو للفندق يوقللكم رحلة مجهزة وتروح رحلات معاهم راهي غالية زاف دوك منطقة تكون قدامك ويحسبولك غالي بزاف في وقت تروحلها بالترمواي او الميترو بليرا ونص يعني رخيص بزاف عندك المعالم هي
سلطان احمد وفيه الجامع الازرق وآيا صوفيا وقصر التوبي كابي وحديقة جولهانة
منطقة بيازيد وكلها على خط الترمواي نفسها وفيها الغراند بزار غالي مي روح تحوس
منطقة امينينو شابة بزاف البور والشوا رخيص 6 ليرا سندويش سمك يهبل ومن سفينة شابة راك شفتها في صور وتروحو جولات البسفور روعة خاصة فالشمس تركبو فليتاج الثاني هايلة
منطقة كباتاش آخر محطة فالترمواي النازل من سلطان احمد وفيها ميناء يروح رحلات لجزيرة الاميرات وتسمى بيوك ادا بالتركية وهي منطقة فيها خيول وفقط جزيرة روعة شابة زاف تخيل تروحلها بالعبارة او الباخرة رخيص بزاف لو تروح مع مرشد سياحي يحسبلك حوالي 200 ليرا معناها قريب مليون ونص بدراهمنا ولو العبارة تروح بحوالي 20 ليرا شوف الفرق شعال
وعندك منطقة عثمان بيه كلها محلات
منطقة اكسراي تروح من سلطان احمد بالترمواي الصاعد تنزل فاكسراي راهي كلها محلات وفيه ملابس رجالية هايلة وبثمن مليح
تحب تحوس فالليل روح لميدان تقسييم من منطقة سلطان احمد بالترمواي النازل لآخر محطة كاباتاش ولما تنزل إمشي شوي تلقى الميترو وهو تحت الارض تلقى حرف آم كبيرة معناها ميترو
روح لتقسييم طلع واقرا لافتات حتى تلقى مكتوب ميدان تقسيم واضحة ولو بالتركية وانجليزي إصعد وراه ميدان تقسيم قدامك فالليل هايلة
واي إستفسار انا بالخدمة

foryou_ai

2014-05-20, 22:51

شكراً أختي ربي يخليك ، إدا كتب ربي أنا غدوة راني مشي إن شاء الله وحقاً وفيتي ، شكراً لك

zomorodaz

2014-05-20, 23:06

رحلة موفقة ان شاء الله انا فى بالى تال ماغ تجد اسعار معقولة

foryou_ai

2014-05-20, 23:12

شكراً أختي

مريم الصابرة

2014-05-20, 23:30

السلام عليكم
رحلة موفقة اخي ونوصيك ما تشيش لابوس مناك شريحة هاتف راهي غالية بزاف وليزونيتي عندهم نار
كل فندق فيه ويفي ادي معاك تابلات كان تقدر دبر وحدة او هاتف وتحكي بالنت مع داركم والتابلات خير ال***** يمشي مليح
رحلة موفقة واول ما ترجع خبرني وشعال راح تقعد

foryou_ai

2014-05-21, 12:14

inchallah okhti
10 jours nchalah
salem

مريم الصابرة

2014-05-21, 14:16

inchallah okhti
10 jours nchalah
salem
السلام عليكم
طريق سلامة خويا ربي يوفقك

foryou_ai

2014-06-03, 17:21

مريم الصابرة

2014-06-03, 18:48

السلام عليكم
بحمد الله رجعت منذ يومين من اسطمبول وكنت رحلة رائعة جداً واسطمبول مدينة جميلة
وقد ساعدتني نصائح الأخت مريم كتيراً ، فشكراً لك أختي الفاضلة و اتمنى لك الشفاء العاجل إن شاء الله
السلام عليكم اخي
اهلا وسهلا والحمد لله على سلامتك
فعلا تركيا رائعة جميلة جدا نتمنى لقيت كل شي كيما قتلك وكان تنقلك سهل ولقيت الأسواق اللي خبرتك عليهم
اللهم آمين شكرا لك

foryou_ai

2014-06-03, 21:15

الحمد لله كل شي سهل

miklhamza

2014-06-04, 11:15

السلام عليكم
على سلامتك , ممكن يا أخي تقلي على الفندق لي نزلت فيه و الخدمة فيه لحبيت

مريم الصابرة

2014-06-07, 23:05

السلام عليكم
على سلامتك , ممكن يا أخي تقلي على الفندق لي نزلت فيه و الخدمة فيه لحبيت
السلام عليكم
نزل بالفندق الي نزلت انا به هو رائع نظيقف جدا اناس طيبون هناك من يتحدث العربية وفي منطقة معروفة بالمحلات وكل شي قريب مقاهي ومطاعم ووسائل تنقل كثيرة ترمواي وميترو وليلا تخرج عادي وتقسيم قريبة منه والجامع الازرق ايضا يعني فندق جميل ونظيف وحي هادئ ليلا لا إزعاج والعمال طيبون ويعاملون النزلاء بكل إحترام هذا هو الفندق
http://www.booking.com/hotel/tr/abel-otel.fr.html

chayat

2014-06-08, 09:12

السلام عليكم
نزل بالفندق الي نزلت انا به هو رائع نظيقف جدا اناس طيبون هناك من يتحدث العربية وفي منطقة معروفة بالمحلات وكل شي قريب مقاهي ومطاعم ووسائل تنقل كثيرة ترمواي وميترو وليلا تخرج عادي وتقسيم قريبة منه والجامع الازرق ايضا يعني فندق جميل ونظيف وحي هادئ ليلا لا إزعاج والعمال طيبون ويعاملون النزلاء بكل إحترام هذا هو الفندق
http://www.booking.com/hotel/tr/abel-otel.fr.html

هذا الفندق غالي جدااااا هههههه. أنا حجزت فندق من أجل عطلة الشتاء ( ذيسمبر) ب 105 يورو لمدة أسبوع. وتقييم الفندق في بوكينغ جيد جدا. بالإضافة إلى موقعه الرائع في منطقة فاتح. تعبت في البحث حتى وجدت هذا السعر الخيالي هههههههه

K.A.S

2014-06-08, 19:04

السلام عليكم

أختي الفاضلة مريم الصابرة كم كلف هدا الفندق بالدينار - تكلفة الليلة لغرفة مزدوجة- وشكراً مسبقاً على مساعداتك الرائعة

مريم الصابرة

2014-06-09, 22:18

السلام عليكم

أختي الفاضلة مريم الصابرة كم كلف هدا الفندق بالدينار - تكلفة الليلة لغرفة مزدوجة- وشكراً مسبقاً على مساعداتك الرائعة
السلام عليكم اخي
عذرا على التاخر فالرد
الفندق بالدينار اول مرة في شهر مارس كلفني49000 دج لمدة اسبوع كامل مع الإفطار مجاني لما رجعت في شهر ماي خلصت اضعاف لانو غالي فالصيف 5700 مدة 5 ايام وفقط لكن لما تكلمت مع العمال اخبروني إنو لو حجزت مباشرة افضل من الوكالة وهو لليلة الواحدة 60 اورو وإنت احسب 6 اورو شعال لليلة وحدة
اما غرفة مزدوجة والله ما نعرف اخي هناك رقمو فالموقع إتصل ولابد يكون احد يتكلم الإنجليزي
شكرا لك واي إستفسار انا بالخدمة

مريم الصابرة

2014-06-09, 22:21

هذا الفندق غالي جدااااا هههههه. أنا حجزت فندق من أجل عطلة الشتاء ( ذيسمبر) ب 105 يورو لمدة أسبوع. وتقييم الفندق في بوكينغ جيد جدا. بالإضافة إلى موقعه الرائع في منطقة فاتح. تعبت في البحث حتى وجدت هذا السعر الخيالي هههههههه
السلام عليكم اخي الكريم
انت مخطئ تماما وانت قلت حجزت في ديسمير يعني فارق فالوقت الفنادق في تركيا فالشتاء رخيصة الثمن رغم فيها سواح رغم فصل الشتاء نا لما رحت في شهر مارس كان اقل من شهر ماي لما رجعت وممكن نرجع في شهر اوت راح يكون اغلى لأنو فترة صيف وسياحة
ايضا اخي الكريم بعدها انا وجدت شقق فندقية كنت قد حجزت سابقا رايتها وهي رائعة ورخيص الثمن قليلا مقارنة لكن في شهر ماي لما ادرت الحجز بها كانت غالية اضعاف
موقع بوكينج مرات يكذبون فالمبلغ وهذا ما انا فهمته من العامل هناك فالفندق
موفق اخي وهل يمكن تخبرني عن الفندق الرخيص الذي زرته حتى ارى قد استاجر به عند عودتي في شهر ماي

chayat

2014-06-10, 08:58

السلام عليكم اخي الكريم
انت مخطئ تماما وانت قلت حجزت في ديسمير يعني فارق فالوقت الفنادق في تركيا فالشتاء رخيصة الثمن رغم فيها سواح رغم فصل الشتاء نا لما رحت في شهر مارس كان اقل من شهر ماي لما رجعت وممكن نرجع في شهر اوت راح يكون اغلى لأنو فترة صيف وسياحة
ايضا اخي الكريم بعدها انا وجدت شقق فندقية كنت قد حجزت سابقا رايتها وهي رائعة ورخيص الثمن قليلا مقارنة لكن في شهر ماي لما ادرت الحجز بها كانت غالية اضعاف
موقع بوكينج مرات يكذبون فالمبلغ وهذا ما انا فهمته من العامل هناك فالفندق
موفق اخي وهل يمكن تخبرني عن الفندق الرخيص الذي زرته حتى ارى قد استاجر به عند عودتي في شهر ماي

صحيح تماما.. فصل الشتاء الأسعار فيه رخيصة نوعا ما... أنا في إعتقادي فقط. الذي لديه ميزانية محدودة مثلي فليذهب في الشتاء... لاني بصراحة لا أستطيع أن أذهب في أوت فالمبلغ أضعاف مضاعفة... بالإضافة إلى أن سعر التذكرة مع alitalia رخيص مقارنة مع turkish و airalgerie فهو في حدود 30000 دج. المهم هذا هو الفندق الذي حجزت فيه لمدة أسبوع . الذي أعجبني فيه الموقع الإستراتيجي فهو قريب من كل الأماكن السياحية. بالإضافة إلى التقييم العالي جدا لهذا الفندق.

http://www.yenihostel.com/index.html?_ret_=return

بالتوفيق للجميع.

K.A.S

2014-06-10, 12:00

chayat

2014-06-10, 12:09

بارك الله فيكما مريم الصابرة وchayat على المعلومات القيمة

صراحة مجهود كبير تبدلينه أختي مريم الصابرة من أجل إفادة الأعضاء إن شاء الله ربي يجيبلك الشفاء

عموماً شحصياً سأؤجل الرحلة إلى العام القادم إن شاء الله لأن جواز السفر لم يجهز بعد بماأن الخارجية التركية فرضت قانون فوق الـ 6 أشهر لجواز السفر يعني غير ممكن هده الفترة

بارك الله فيكما مرة أخرى

وفيك البركة أخي. أضم صوتي لصوتك وأشكر الاخت مريم الصابرة وجميع الإخوة الأكارم الذين يساهمون في إثراء مواضيع السياحة وتقديم المعلومة الصحيحة والدقيقة.. حقيقة لقد قدمتم الكثير في هذا المنتدى ولم تبخلوا بالمعلومة. أتمنى من الإخوة تقديم المزيد من التجارب وهكذا نستمتع ونتعلم من خبرات الجميع. وبالتوفيق للجميع يا رب.

bkay atika

2014-06-10, 14:16

أختي مريم الصابرة و أخي أنا أريد قضاء شهر عسل في شهر ديسمبر أرجوكم أفيدوني بالتكاليف من البداية إلل النهاية مع التفصيل الممل
أي تكاليف التأشيرة و كيفية الحجز
شكرا جزيلا مسبقا

مريم الصابرة

2014-06-10, 14:36

imane khaled

2014-06-10, 18:31

ما هذا ( الخارجية التركية فرضت قانون فوق الـ 6 أشهر لجواز السفر؟؟؟) مافهمتش ما تخلعنيش

chayat

2014-06-10, 20:54

ما هذا ( الخارجية التركية فرضت قانون فوق الـ 6 أشهر لجواز السفر؟؟؟) مافهمتش ما تخلعنيش

أعتقد أن المقصود هو أن صلاحية جواز السفر يجب أن تكون 6 أشهر فما فوق. لأن فيزا سياحية هي 30 يوم في مدة 6 أشهر.

K.A.S

2014-06-10, 21:35

بالضبط مثلما تفضل الأخ Chayat

ما هذا ( الخارجية التركية فرضت قانون فوق الـ 6 أشهر لجواز السفر؟؟؟) مافهمتش ما تخلعنيش

khaoula90

2014-06-13, 17:48

أرجو منكم أخواتي تفيدوني أنا عرسي في ديسمبر واش رأيكم مليحة تركيا في الشتاء ولا نأجل.لجوان أرجو الإفادة

@ أبو الليث @

2014-06-13, 19:07

بارك الله فيكم على الموضوع

مريم الصابرة

2014-06-14, 23:32

أرجو منكم أخواتي تفيدوني أنا عرسي في ديسمبر واش رأيكم مليحة تركيا في الشتاء ولا نأجل.لجوان أرجو الإفادة
السلام عليكم
اختي آسفة هذا وين شفت سؤالك
انا ننصحك ما تروحيش فالشتا بزاف وما تقدروش تتحركو واغلب الأماكن السياحية فالمطر مقفلة بها برد شديد جدا
انا من رأي فالربيع كشهر ماي او جوان رائعة لا انصحك بالشتاء