هيا لبنات درس الخياطة درك جيبو قماشكم لمفصل و ارواحوا يا الفحلات

[takwaaa]

جيبو القماش اللي فصلتوه
http://im71.gulfup.com/JiyTIr.jpg
حطي السجاف تاع الرقبة الوجه مع الوجه في الظهر و الصدر و خيطي ديما لخياطة تكون موازية للحاشية تاع لقماش
http://im75.gulfup.com/NJQuGt.jpg
http://im75.gulfup.com/NJQuGt.jpg
http://im75.gulfup.com/IFNp28.jpg
http://im69.gulfup.com/ntqIAV.jpg

بعد ما تخيطي السجاف قصي الرقبة من داخل شلطيها يعني ما توصليش للخياطة كيما هك
http://im63.gulfup.com/XGODjx.jpg
http://im63.gulfup.com/kVy2aJ.jpg
و تقلبي السجاف لداخل و تخيطي الصدر برك الظهر خليه
http://im70.gulfup.com/rlnFFk.jpg
http://im70.gulfup.com/JkW1sL.jpg
بعد ما تقلبي السجاف و تخيطيه جيبي الظهر حطي عليه الصدر وجه الكتان على بعضاه و دخلي الصدر الي راكي خادماتو بين الظه و السجاف تاع الظهر كيما هك
http://im67.gulfup.com/frerJH.jpg

و امبعد اقفلي الكتف عادي و عاودي لخياطة و ميلي شوية كيما هك
http://im67.gulfup.com/DxvHhH.jpg
كاين اللي يخدمو الصدر وحدو و الظهر وحدو و يلصقو الكتاف مي ما تجيش الخدمة نظيفة مي الطريقة هادي تجي الخدمة نظيفة خاطر نخبو لخياطة

بعد ما تخيطي اقلبي السجاف لداخل و خيطيه
http://im88.gulfup.com/CqrlfT.jpg
http://im88.gulfup.com/lotgJ1.jpg
وبعد ما كملنا خدمة الرقبة نقفلوا الجناب و نكفوا الدفار على حساب قياسنا
http://im71.gulfup.com/SwFA4P.jpg


بعد ما كملنا الخدمة في القندورة نروحو لليدين نكفوهم و نخيطوهم و في لكتف نديرو تكماش
http://im79.gulfup.com/0SORQA.jpg
http://im79.gulfup.com/pDX5EB.jpg

هك نكونو كملنا لخياطة انحو لخيوط و و انظفوها و نحدوها بش تبان خدمة مليحة الحدادة تزيد النص في القندورة
و هاهي قندورتنا
http://im53.gulfup.com/BQbeBd.jpg
http://im59.gulfup.com/a5DGc5.jpg

هادي مثال على طريقة لخياطة انا عذبتني شوية خاطر صغيرة تاع طفلة مولاة نهار ههههههههه تعذب شوية لحوايج صغيرة خاطر صعيبة تتحكمي فيها مي انتم تجيكم ساهلة و الماشينة تاني تقطعلي في الخيط
ان شاء الله فهمتوني وجاكم درس ممتع و كنت خفيفة ظل عليكم
هادي مبادئ خياطة قندورة و لازم تشلطو الرقبة سيرتو الرقبة لمدورة و كتن الرقبة v ولا كاري قصو الزوايا تاعها و الا ما تتقلبش معاكم
يا الله ورولي شطارتكم

[ثلوج الشتاء]

ماشاء الله عليك يا الفحلة وربي يعطيك على حساب نيتك التطبيق تاعي نحطهولك في نهاية الأسبو ع بسبب ارتباطاتي وراني متحمسة باه نبدى نتعلم الخياطة على يديك

[اسم مرا]

خيطته استاذ.

[اسم مرا]

بقاتلي غير هذك القطع الصغيرة

[loudjeine2000]

بارك الله فيكي عمل متقن و نضيف
يعطيك الصحة

[لينة المتفائلة]

شكرا ليك اختي انا فصلتها او ماجاتنيش مليحة من جيهة الليمونش مفهمتش وعلاش

[ياسمين1990]

بارك الله فيك
شكرا على التطبيق

[أم ياسين الزهراء]

الله يكملك ويعطيك على قد نيتك

[mari mita]

استاذة تقوة وين تسكني في الواد

[takwaaa]

و فيكم براكة هانا نتعلمو من بعضانا ربي يقدرني و نساعدكم بالشي اللي نقدر عليه
اسم مرا وينو تطبيقك نشوف غير فالهدرة و ما شفتش الخدمة؟
اختي لينا حطيلي نشوف الصورة و نقلك على الديفو كان قدرت
اختي mari تعرفي الواد؟

[mari mita]

ايه نعرفهاا مليييح

[takwaaa]

قوليلي لبلايس اللي تعرفيهم

[fatma1977]

يعطيك الصحة يا الفحلة

[mari mita]

البياضة والرباح وقمار وكوينين ولييزيرق وواد العلندة ومهونسا وورماس الطرفاوي الشط تكسبت القارة حي النور الاصنام ... نعرفها الكل

[kaouka]

Ya3tik saha oustada rani m3aha aki ta3arfi dar wouhwalha zidi rani mrida man dahri hadawin jit man 3and lkini rani nhoutlak choufi wa3tini nikat hhhhhhh ana tama3a

[R I A D]

بارك الله فيك و شكرا لك تقوى
درس هاااايل و الشرح مفهووووم
ما عنديش القماش نهار نشريه ..نطبق

[takwaaa]

Mari اصلك وادية امالا علاه كاتبة alg؟ اللي قلتيها الرابعة هاديك بلاصتي

[بصيرة2]

الله يبارك فيك اخت تقوى وربي يعطيك على قد نيتك اكيد ما هيش حاجة ساهلة تفصلي وتخيطي وتصوري وتحطي موضوع يارب يكون فالعون ويجازيك احسن الجزاء دنيا واخرة عندي مدة وانا نتبع في مواضيعك راهي فيى المستوى
بالنسبة للخياطة انا كنت نخيط كي كنت صغيرة نخيط فساتين لاخواتي ومبعد نخيط لبنتي لكن الان تركت الخياطة ونسيت حتى نحكم المقص وراكي رجعتيلي الامل باسلوبك الرائع عندي ماشينة حابسة اذا كتب ربي نخدمها ونجيبلك مودال تنعتيلي كيفاش نخيطو واش قلتي وشكرا مسبقا

[mari mita]

هه عجبتني كلمة وادية , ايه انا اصلي سوفية ... آآ انتي من كوينين يا خيار الناس متشرفة بمعريفتك

السر وراء كتابة alg لاني انحب هاذي الكلمة لخخخر

[mari mita]

انتي خياط اتخيطي لناس ؟؟؟ حبيت انسغصيك على سومت لخياطة تع وحدة الروبة

[ام هاديل وياسين]

بارك الله فيك عمل سهل ومفهوم

[takwaaa]

شكرا على الردود مرحبا بيك اختي بصيرة انا في الخدمة ماكان حتى مشكل
ماري بلاك راكي جارتنا !!!!!!! كلمة انصغسيك تاع سوافة كح و باينة ساكنة هنا ما نخيطش للناس نخيط لدارنا و حباباتي خيطت مرتين ولا 3 ماديتش حقي انا ما نعرفش ندير السومة خاطر مش امالفة و درك نخيط غير لروحي مي وريهالي و نجيبلك بالتقريب قداه يخيطوهالك هنا
عندنا قندورة ما فيها والو خياطة برك 50 60 الف و الباقي سلعة

[sarra5]

http://forum.mn66.com/imgcache2/866694.gif

[جيجلية]

والله موضوع رائع

بصح دايما تفسدو الحاجة بالصور الكبيرة

رجاءا حاولي تصغري فالصور من paint

انتظري تطبيقي عندي طرف قماش ان شاء الله يكفيني

[ام ظافر]

باركك الرحمن
شخصيا تعلمت منك طريقة تنظيف الرقبة وتشطيبها
الف شكر ليك

[لينة المتفائلة]

صباح الخير
هاوليك تطبيقي متضحكوش عليا اول مرة نشد ونجرب

http://www14.0zz0.com/2014/05/17/09/839623600.jpg

http://www14.0zz0.com/2014/05/17/09/800423162.jpg

[~ لؤلؤة مسلمة ~]

اسمحيلي استادة ما تبعنش الدرس و ما طبقتش
انا اسفة
و الله التعليم مش مخليلي وقت
و خاصة راني مع سنة خامسة
مع الامتحانات و التصحيح و حلول الدورات
لكن على العموم راني فاهمة الدرس مليح

[anise2011]

شكرا لك وبارك الله فيك

[kaouka]

http://im58.gulfup.com/C4LN4d.jpg (http://www.gulfup.com/?qc1umF)http://im58.gulfup.com/NrWRfg.jpg (http://www.gulfup.com/?zcAX0j)

[kaouka]

Salam oustada choufi tatbik ta3i wa3tini l3alama hhhh

[kaouka]

Lina ya3tik saha bayina haba tat3almi hadi lbidaya bark man ba3d twalfi za3ma ana khayata hhhhhh

[takwaaa]

صباح النور تلميذاتي
يعطيك الصحة kaouk زعمة انت اللي خيطتيها ولا عاونوك قستيها ولا لا يظهرلي ليكات هادي
اختي لينا ماعليش عودي ادخلي للدرس و تبعي بالخطوة درك تجيبيها
ماعليش اختي مسلمة الفايدة فالدراري تولي تخيطي
شكرا على ثقتكم

[جيجلية]

http://im58.gulfup.com/c4ln4d.jpg (http://www.gulfup.com/?qc1umf)http://im58.gulfup.com/nrwrfg.jpg (http://www.gulfup.com/?zcax0j)


ما شاء الله

جبتيها سواسوا

يعطيك الصحة

[جيجلية]

استاذة عندي سؤال

انا عندي قماش صغير وماعنديش قياس تاع طفلة صغيرة كفاش ندير

ممكن تعطيني القيس اللي درتيه انت

[takwaaa]

اختي جيجلية. قداه عمرها الطفلة?
خاطر انل ما درتش قياس هديك مثال برك راهي صغيرة بلاك ما تجيش حتى لملاة نهار

[kaouka]

Bonjour oustada ana 3ayicha wahdi fi fransa hadak tarf srir jarabt fih 3djbatek hhhh

[لينة المتفائلة]

lina ya3tik saha bayina haba tat3almi hadi lbidaya bark man ba3d twalfi za3ma ana khayata hhhhhh

والله حابا نتعلم
مي نتي يعطيك الصحة والله جاتك هايلة
رالني حابا هادل المرة نجرب في القماش قلت بالاك الجرنال غلبني حبيت قياسات تع طفلة صغيرونة تع عام ولا عامين كيفاه ندير

[kaouka]

Lina merci choufi lakan 3andek touflala kiyisi 3la labsa taha lakan ma3ndech salfi hhhhh ki3oudo ta3srar thiri ladakhelat oustada togelek wach diri haja mliha lakhyata fihada nhar 3adet lkhayata bchanha thawoliha bah tkhayatlak

[لينة المتفائلة]

الله غالب ماعندناش صغيرين في الدار ان شاء الله تدخل الاستاذة وتقلي وش ندير راني نتعافر مع طرف قماش باه نجرب فيه غلبني ههههه

[.ام زكرياء.]

بارك الله فيك اختي اذا معليش اعطوني الرابط لدرس الفصالة انا جديدة في المنتدى ومازال مفهمتش الحالة مليح

[.ام زكرياء.]

وكذلك انا معنديش علامن نقيس باش نفصل اذا ممكن القياس

[لينة المتفائلة]

تفضلي اختي الرابط
http://www.djelfa.info/vb/showthread.php?t=1586698

[OM AYA]

شكراااااااحبيبتي مزيدا من التالق ان شاء الله

[om kamilia]

سلام اختي تقوى الله يجازيك خير واش معنى الطابق

[mari mita]

استاذة مرديتيش عني عن سومت لخياطة تع الروب الصواري الي ورتهالك

[kaouka]

Haya oustada zidi dars oukhar rana nastanawou

[takwaaa]

Kaouka عندك 10\10 بالنسبة لاول مرة فهمتيني مليح براااااااااااااافو اصبري شوية على درس اخر كاين اللي مازالوا ما طبقوش الدرس اللي فات نزيدولهم درس اخر تتخلط عليهم الحالة
الخت ماري ما علاباليش بقداه مي السواري خياطتو غالية .
الاخت لينا روحي ديري الكتف كامل 25 سم يعني كي طبقي لقماش تجيك 12.5 و الطابق ( الطابق هو بلاصة الابط ) و اهبطي من الكتف موازية للصدر 10 سمو قوسي المهمي الطابق كلو يساوي 12 سم الرقبة ديري 3 صباع و قصي و الصدر اهبطي انتي قدواه حابتها هابطة و الطول تاني كيما حابة
ان شاء الله فهمتيني

[لينة المتفائلة]

نعم استاذة فهمتك ان شاء الله غدوا نطبقها
انا درت وحدة بلا قياسات مي حبيت نجرب بالقياسات شكرا استاذة

[لينة المتفائلة]

مي حبيت نسقسي على مراوح اليدين كيفاه تعرفي بلي التقواس تع المونش في الروبة نفس القيس تع تقواس المراوح لي قسيتيهم

[takwaaa]

و الله ما نقيس يا اختي لينا عيني ميزاني راهي تجي وحدها على خاطر انتي محدة قداه طول المروحة و عرضها كي تقصي من تحت للفوق مفصلة روحها ما تخافيش كان كبريي المروحة خاطر يدخل كل تكماش فالكتف
ان شاء الله فهمتيني

[لينة المتفائلة]

اوكي شكرا ليك بزاااف استاذة

[اسم مرا]

https://www.youtube.com/watch?v=Xs_wq4PGVX8
ما تضحكوش عليا

[اسم مرا]

والله عندي مشكل في الصور درتها فيديو ما خرجتش

[اسم مرا]

استاذة على بالي راكي عليا والله طبقته ما بغاتش صورة تبالك الله غالب

[اسم مرا]

شفتيها استاذة راني خيتها ضروك نوريهالك

[فايزة1207]

واش ماعرفتيش في تحميل الصور ؟نساعدك

[takwaaa]

صباح الخير عليكم
شفتها اسم مرا مي مش باينة
نقلك كيفاه ديري صورة?

[فايزة1207]

Kaouka
الاخت لينا روحي ديري الكتف كامل 25 سم يعني كي طبقي لقماش تجيك 12.5 و الطابق ( الطابق هو بلاصة الابط ) و اهبطي من الكتف موازية للصدر 10 سمو قوسي المهمي الطابق كلو يساوي 12 سم الرقبة ديري 3 صباع و قصي و الصدر اهبطي انتي قدواه حابتها هابطة و الطول تاني كيما حابة
ان شاء الله فهمتيني

ربي يسترك فاهميني على الرسام الارقام اللي راكي تحكي عليهم وين نحطوهم

http://im73.gulfup.com/BmCawa.bmp

[اسم مرا]

واه استاذة غير فهميني كيفاش

[اسم مرا]

كفاش نحمل صور غير خبروني

[لينة المتفائلة]

تفضلي اختي
http://www.djelfa.info/vb/showthread.php?t=1584022

[takwaaa]

ديري مركز الخليج في غوغل كي تخرجلك ديري اختيار ملف راكي تلقي 8 تقريبا المهم يخرجلك من وين حابة تهزي الصورة روحي وين راكي حاطته و حديها تخرجلك في مركز الخليج ديري رفع الملف خليه يبحث و كي تخرج الصورة تحتها كاين بيانات روحي لرابط الصورة المباشر و انسخيه و امبعد ارجعي للمنتدى اما فالرد او موضع روحي لخانة ادراج صورة تخرجلك نافذة الصقي وش نسختي من مركز الخليج و ديري اوكي و خلاص
ايا روحي جربي و تبعي وش قتلك بالخطوة درك تلقي روحك ياالله راني نسنا ما تجيش حتى تفريها فيييييييت

[لينة المتفائلة]

استاذة تقوة راني حطيتلها الرابط فيه الشرح بالصور كيفاه تحط صورة

[djihanegirl]

أختي تقوى السوفية واش راكي لباس راني شريت قماش ولكن الظاهر راكم فوتوني ببزاااف و سقسيتك مرة ودرتيلي كيفاش مي مزلني ما فهمتش خفت نفسدها المهم راني نتبع فيك و إذا حبيتي تعاوديهالي عاودي و لكن بورقة بيضاء لو سمحتي و إذا مشغولة خلي ما عليش http://im52.gulfup.com/rEW0n9.jpg (http://www.gulfup.com/?nKAA4C)

[djihanegirl]

أين تقوىىىىىىىى

[kaouka]

Oustada wachraki labas marakich tbani nchaallah tkouni bkhir rana nstanawou dars oukher kikhalsso yihouto tatbik ta3houm wach goulti

[kaouka]

Haya labnat hoto tatbik ta3koum bah tzidna dars oukhr

[لينة المتفائلة]

والله انا فصلت وحصلت مع المشينة

[اسم مرا]

//www14.0zz0.com/2014/05/20/09/826706448.p

[اسم مرا]

www.0zz0.com][img]http://www14.0zz0.c

[اسم مرا]

:confused::confused:استاذة مانجحتش

[اسم مرا]

www.0zz0.com/realpic.php?s=14&pic=20

[اسم مرا]

vlcsnap-2014-05-18-10h18m03s214.png

[اسم مرا]

:1:http://www14.0zz0.com/2014/05/20/09/459433750.png (http://www.0zz0.com):1::1::1::1::1:

[اسم مرا]

http://www14.0zz0.com/2014/05/20/09/904229152.png (http://www.0zz0.com)

[polyma]

يعطيك الصحة

[kaouka]

Salam kirakoum labnat oustada mabanetch nchaallah tkoun bkhir ism mabrouk raki 3rafti thoti sowar raki jebtiha lina motafaila houtih lachta bla khyata hatan ta3adli lmachina nta3ek

[جيجلية]

السلام عليكم ورحمة الله وبركاته

هذا تطبيقي للدرس القياس درتو من راسي

http://static.hawaacdn.com/upload/5/5/1/6/2/0/537ba06d5c8ef.jpg

http://static.hawaacdn.com/upload/5/5/1/6/2/0/537ba06dddb36.jpg

[لينة المتفائلة]

ان شاء الله غدوا نحطو لهنا

[مريم سلمى الجزائرية]

السلام عليكم و رحمته تعالى و بركاته:
مواضيع رائعة ،بارك الله فيك و زاد حسناتك,
فضلا لا أمرا نرجو أختي تصغير الصور لأننا نجد صعوبة كبيرة لرؤية الصور نظرا "لضعف الإشارة" .

[غنية غنية]

:19::19::19::19::19::19::19::19:

[kaouka]

Jijlia ya3tik saha jabtiha yalfahla hadi awal mara mi koun jiti malfa kifah derti hhhhhhhh

[kaouka]

Ana rani thayart 3la takwaaa nchaallah tkoun bkhir yarab

[جيجلية]

Jijlia ya3tik saha jabtiha yalfahla hadi awal mara mi koun jiti malfa kifah derti
hhhhhhhh

شكرا اختي kaouka على التشجيع

هذي حاجة ساهلة

[takwaaa]

مسا الخير عليكم
الله لا يحيرك يا kaouka و الله لاباس الحمد الله ما صبتش برك سامحوني لتيت نخدم فاشغال يدوية ان شاء الله راكم ملاح
اسم تطبيقك مش باين عاودي صوريه الصورة مش واضحة
الاخت جيجلية يعطيك الصحة درك كي مسيتي درك تولي تعرفي و تفيقي باخطائك و تصلحيهم بلا ما تسقسي خاطر كي تشوفي الديفو و تقيسي تعرفي وين المشكل و هكا تصحيه و كي تخيطي خطرة اخرى ما تعاوديش الخطا بالشوية بالشوية تجمعي المعلومات و هدا كل بفضل الاخطاء حاولي و ما تخافيش برافو واصلي
بالنسبة للي راهم يطلبو فتصغير الصور راني ما نعرفش كي تعلمت نحط الصورة راني فووووور ههههههههه
الاخت جيهان كان حبيتي الروب تجيك ساهلة فالخياطة كاينة طريقة اخرى مش كيما اللي خيطت بيها انا فصليها عادي و الرقبة بهاديك لافورم و و حطي القماش لمزركش بهاذاك الشكل و عقبي عليهم بقالون رقيييييق بش تخبي لخياطة وش رايك؟

[لينة المتفائلة]

:1::1:هاذا تطبيقي متضحكوش عليا

http://www4.0zz0.com/2014/05/20/21/471295682.jpg
معرفتش نريقلها من التحت
مزال مركبتلها المراوح لمشينة متمشيش منعرف وش بيها

[takwaaa]

يعطيك الصحة لينا مش مشكل هادي قاعدتي في الخياطة كون ما تحاولوش و ما تغلطوش ما تتعلموش و ساعات من الخطا تخرجي مودال
بانتلي تقويرة الطابق ناقصة و الجناب خارجين بزاف عاودي قلبيها لداخل و نحي الزايد هداك الخارج و لا قدك؟ولا صغيرة القندورة ؟

[لينة المتفائلة]

لالا اختي تقوى درتها قدي مي وشنو الطابق

[takwaaa]

الطابق بلاصة البط خلاص البسيها قبل ما تقصي درك يبان الديفو ديما ما تناقصيش بزاف كي تقصي كون ما تجيكش تقدري تنقصي خير من تقصي بزاف و امبعدتلقيها كارثة و ما تقدريش ترقعيها قيسي و شوفي

[سماح 88]

يعطيكم الصحة انا متابعتكم الطابق هو حفرة الابط او التقويسة الي يلصقوا فيها الاكمام ..اسم مرا الفيديو ظهر في صفحة اليوتوب
وضع الصور اوضح بكثير بعد تصغيرها في صفحة الرسام

[لينة المتفائلة]

شكرا استاذة انا قستها ولقيتها تجي مليحة مام جاتني ناقسة تقواس بصح قستها جات مليحة درك نزيد نقس فيها شوية لازملي نكملها ونصورهالكم ملبوسة باه تبان

[اسم مرا]

كيفاش ندير استاذة

[takwaaa]

صباح الخير عليكم ان شاء الله راكم ملاح
يا الله لينا كملي و وريلنا
واش اسم وش دايرة فيها فواه نقلك وش ديري

[اسم مرا]

باش نصغر الصورة

[polyma]

fahmini hana
http://www.djelfa.info/vb/showthread.php?t=1586029&page=3

[kaouka]

Salam oustada rani nstana fi dars zidi houti mabila khalsso nzidou ntabkouh fi ljornan haya hhhhhhhh

[takwaaa]

سلام وش حابة درس وقيلة راح نحبس دروس ماراهمش يفهمو فيا مرانيش نوصل في الفكرة

[لينة المتفائلة]

lala oustada takwa stp mat7absich

[kaouka]

Lala matahbsich rana fahmin mathrminach manek

[kaouka]

Merci raki wasalti lfikra mi hadi lmara loula bark ssadkini rir nwalfou rah nwolou khayatat man ta3limak ostada matfchlich rana nshakouk hhhhhhhhhhh laki mana da3wat lkhir habibti

[takwaaa]

شكرااااا ليكم اخواتي ربي يقدرني و ترجعوا خياطات فووووور ان شاء الله
اللي ما تحبش لخياطة غير ماكلاه تحاول خاطر اصلا ما تحبهاش مش راح تنجح فيها
Kaouka سجيتي حوايج هاديك القندورة الخضراء اللي قلتيلي وريلي كيفاه تتفصل؟

[لينة المتفائلة]

ايه استاذة ميتين نتعلمو الخياطة غير متفشليش برك
استاذة وش تنصحيني نحكم طرف قماش او نتعلم فيه ولا نجرب في الورق سع ؟؟

[kaouka]

Wajdin bsah habatek dirilna haja man 3andek oustada raki oustadetna diri lithbi worihak lhaja lidiriha ntabkouha bah nt3lmou mlih ana nmout 3la lakhyata mi malgitech li3almni worani sobtek dourk nahmed rabi wonochkro rabi yikhalik hanouna

[لينة المتفائلة]

Wajdin bsah habatek dirilna haja man 3andek oustada raki oustadetna diri lithbi worihak lhaja lidiriha ntabkouha bah nt3lmou mlih ana nmout 3la lakhyata mi malgitech li3almni worani sobtek dourk nahmed rabi wonochkro rabi yikhalik hanouna

اختي kaouka وين ساكنة

[kaouka]

Lina ana rani filrourba nskoun fi franca wanti ?

[لينة المتفائلة]

ااه ختي ربي معاك
انا من تقرت ساكنين في ورقلة

[kaouka]

Khyar nas kayina skhana twalkoum ana 3andi bant 3ami ltama

[لينة المتفائلة]

ليوم المطر دارت حالة ولبارح تنيك برد لحال عاود سخن
وين راها لاستاذة تقوى باه تجوبني

[kaouka]

Rahi balak mchroula tcharaft ba3riftek oukhti nrouh nsali radwa nakra sbah la3chiya nchaallah liltek sa3ida lina

[لينة المتفائلة]

mrc okhti liltk sa3ida meme nti mtcharfin

[takwaaa]

ديري طرف قماش مش شرط تشري قطعي قندور قديمة ما تسحقيهاش و جربي فيها تبان الخدمة في لقماش خير الورق تستعمليه باترون برك الا حبيتي فصلي وش حابة في الورق كلي باترون و ريقليه كيما حابة و كي تشوفيه هداك هو حطيه على لقماش و تبعي برك فالورق ديري ربع برك كلي راهي القندورة مطبقة فهمتيني؟

[takwaaa]

روحو تشوف وش خيط لاروب بلانش ههههههههه في قسم الاشغال اليدوية

[ثلوج الشتاء]

هذا هو تطبيقي مازال قدامي مشوار طويل باه نرجع خياطة هههههههههههههههه

http://im63.gulfup.com/PaTIGn.jpg

[لينة المتفائلة]

بصح استاذة تقوى ندير في الجرنال يكفي باه ندير ربع القندورة ؟؟؟

[takwaaa]

برافووووووووو sordz و الله برافو هادي البداية و هك الله يبارك نتوقعلك مستقبل في لخياطة
يكفيك للنص الفوقاني الا حبيتي لصقي الجرنال فبعضاه للطول اللي حاباتو
فهمتي وش قصدي بالربع؟

[ثلوج الشتاء]

شكرا أستاذة على التشجيع وراني معاك قلبا وقالبا :mh31::mh31::mh31:

[لينة المتفائلة]

نعم استاذة فهمتك

[kaouka]

Soradz jabtiha raki four

[ثلوج الشتاء]

شكرا kaouka أخيرا غلبت الخوف تاعي وجربت الفصالة هذا شحال وأنا حابة نتعلم الخياطة وهايبة من المقص :1:

[اسم مرا]

صباح الخير استاذة كملينا الدروس بليز بليززززززززززززززززززززززززززززززززز

[ثلوج الشتاء]

اسم مرا أدخلي هنا تلقاي الدرس الجديد تع الأستاذة
http://www.djelfa.info/vb/showthread.php?t=1593858

[djazia87holi]

شكرااااااااااااااااااااااااااااااااااااااااااااااا ااااااااااااااااااااااااا

[اسم مرا]

:)شكرا اختي

[احلام حورية]

4444444444444444

[زينب31]

يعطيك الصحة ما شاء الله

[ام جزائرية]

444444444444444444444444444444444