سؤال الى الاخت مريم الصابرة

[mounir mounir]

السلام عليكم اختي مريم بناءا على خبرتك المعتبرة في السفر لتركيا
اريد ان اسألك بعض الاسئلة وارجو ان تجيبيني عنها في اقرب وقت ممكن بليييز اريد السفر الى تركيا انا وصديقي قصد السياحة:
1- هل يسمح لنا بالسفر لتركيا مع ان كلانا يبلغ 18 سنة فقط؟
2-هل يجب علينا ان نحجز الفندق قبل مغادرة الجزائر ام انه ليس بشرط؟
3-بما ان سنحجز في غرفة واحدة. كيف ستكون وثيقة الحجز (هل واحدة ام وثيقتان)
4- هل سيطلب منا الحجز الفندقي عند طلب الفيزا ام في المطار؟
ارجوو الاجابة على كافة الاسئلة ان امكن دلك وشكرا يا اختاه:mh31:

[مريم الصابرة]

السلام عليكم اختي مريم بناءا على خبرتك المعتبرة في السفر لتركيا
اريد ان اسألك بعض الاسئلة وارجو ان تجيبيني عنها في اقرب وقت ممكن بليييز اريد السفر الى تركيا انا وصديقي قصد السياحة:
1- هل يسمح لنا بالسفر لتركيا مع ان كلانا يبلغ 18 سنة فقط؟
2-هل يجب علينا ان نحجز الفندق قبل مغادرة الجزائر ام انه ليس بشرط؟
3-بما ان سنحجز في غرفة واحدة. كيف ستكون وثيقة الحجز (هل واحدة ام وثيقتان)
4- هل سيطلب منا الحجز الفندقي عند طلب الفيزا ام في المطار؟
ارجوو الاجابة على كافة الاسئلة ان امكن دلك وشكرا يا اختاه:mh31:
السلام عليكم اخي منير
إسمحلي هذا وين شفت موضوعك
1- عندكم جواز السفر عادي تسافرو راكم فالسن يخليكم تخدمو جوازات السفر وحدكم معناها عادي جدا كانو معايا مسافرين فالسن نتاعكم ولوحدهم عادي جدا
2- شوف انا فالحقيقة اول مرة حجزب عير وكالة وحتى المرة هذي عبر وكالة لكن للأسف فالفندق اللي رجعتلو المرة الثانية هو نفسو اللي كنت فيه فهموني إنو كان لازم نتصل بيهم مباشرة افضل لانو الوكالة يدو حقهم عليها ننصحكم تعيطو من قبل تحب نمدلك رقم هاتف الفندق اللي كنت فيه وفيه عمال يهدرو العربية وجاي في منطقة اكسراي يعني منطقة نابضة وفيها ترمواي وميطرو يديكم وين تحبو وهكذا بالساهل عليا نوريلكم اي امر ما تعرفوهش وحتى وين تروحو تاكلو بثمن مليح وكيفاه تتنقلو المهم عند الإتصال لازم واحد يهدر إنجليزي
3- لالا عند الحجز انا قتل حجزت عن طريق وكالة معناها هوما هنا مدولي روقة لما وصلت للفندق مديتهالهم لقيت غرفتي واجدة وانا نظن لما تكرو من هنا بالتلفون توصولو تلقاو غرفتكم جاهزة وبإسمكم وهناك تعمرو إستمارة وحدة انا شفتهم ثم ورقة وحدة للغرفة وفالإستمارة يحط أسمائكم
4-لا ابجا الفيزا خاطية والمطار خاطيه الحجز الفندقي
شوف الفيزا فيها الباسبور شهادة ميلاد وصورة و 700 الف للواحد
المطار لما توصل يطلبو الباسبور وتذكرة السفر وفالترك فالرجوع ايضا الباسبور والتذكرة
نصيحة هنا لما تشري الأورو اول مرا إشري من البنك وهناك فالترك فالمطار صرف فقط 20 اورو لانو لما تصرف برا فمكاتب خاصة تلقاها قدامك وين تمشي احسن بزاف
اي امر راني هنا ولما ما تشوفنيش دخلت ارواح لقسم المجتمع خليلي رد في مواضيعي حتى نشوف أسئلتك ننصحكم تزورو تركيا هايلة موفق

[adel90]

موفق ان شاء الله

[nidabaize]

air algerie راهى كوملى شهر جوان رحلات للترك و كاين فى أوت و سبتمبر نظن ما تقدرش تروحو فى رمضان

[مريم الصابرة]

air algerie راهى كوملى شهر جوان رحلات للترك و كاين فى أوت و سبتمبر نظن ما تقدرش تروحو فى رمضان
السلما عليكم
اصلا صدقا اللي راحو مع الخطوط الجزائرية قاللي الخدمات عيان داخل الطيارة وربي يعلم انا مرتين نروح مع الخطوط التركية ماشاء الله
شكرا لك

[mounir mounir]

الله يحفظكم خاوتي وانت يالاخت ميرم كفيتي و وفيتي بارك الله فيك
وادا احتجت حاجة راني نخبرك

[mounir mounir]

رانا شفنا هداك الفندق وعجبنا بغينا برك بعض خرائط الميترو و بعض الاماكن القريبة منو اللي نقدرو اروحو ليها على غرار الاماكن السياحية المعوفة هادوك ساهل
و اتمنى مانكونوش ثقال عليك اختي مريم

[mounir mounir]

موفق ان شاء الله

ان شاء الله خويا شكرا

[مريم الصابرة]

السلام عليكم اخي
شوف إنت كي توصل للمطار راه الميترو داخل المطار تلقى حرف آم اهبط للمترو فالدرج والداخل تسمع اكسراي تنزل لما تنزل إمشي امشي قولهم وين جاي ميترو ياني كابي إنت برك اهدر بالإنجليزي قولهم ميترو ياني كابي يفهمو تروح مباشرة يورولك راه الفندق التحت كامل قدام الميترو تلقى مكتب طاكسي راه غير تحت المكتب شارع تدخل معاه الفندق راه فالوسك كي تنزل من ميترو راح تفوت على ترمواي هذا ترمواي يمدولك خريطة او أنسخ خريطة من نت ضرك نجرب نلقاهالك ونفهمك فيها وإنت إكتب فالقوقل مابس فندق آبل يخرجلك وتشوف الترمواي قدامك وميترو ياني كابي راه قدامك هذاك الميترو يديك لتقسييم ولعثمان بيه وشيشيلي وبزاف اماكن والترمواي راه وين تنزل لما تجي من المطار خير من تحكم طاكسي كان تحبو اول مرة تروحو فالطاكسي للفندق حتى ما تتودروش روحو يديكم ب 40 ليرا حتى ما يكلخولكمش سقسيه قولو هوتيل آبل في اكسراي يديكم ب 40 ولما توصلو للفندق اخرجو إطلعو تبعو طريق راهي واضحة اللي تلقاه قولو ترمواي يورهولك راه ساهل هناك تدي لخريطة ومكتوبة فلاري ترمواي ساهلة تلقى كل الاماكن اللي يدي ليها الترمواي
وقدام الفندق تقطع الجسر تطلع شوي للفوق تلقى حرف آم يعني ميتر فالليل ترحو تسهرو فميدان تقسييم وبالترمواي تروحو للسلطان احمد العشا فالليل ثم هايل قدام النافورة والأضواء روعة منظره يهبل
او تروحو لامينينو بترمواي من اكسراي تنزلو فأميننو تقطعو الطريق وراكم فالبور تاكلو الحوت روعة منظر يهبل وكل شي يمشي حد 12 نتاع لليل ترمواي وميترو وما تركبوش طاكسيات راهم غاليين إشرو كارت من محل او تلقاو بيرو مكتوب أقبيل وهو فيشة نتاع حديد تمشي فالترمواي وفالميترو
هذي خريطة وموضوع على الترمواي والميترو

http://www.sfari.com/forums/sfari23/travel51560/

[mounir mounir]

thank you very much for your kindness sister i wish you good

[nidabaize]

السلما عليكم
اصلا صدقا اللي راحو مع الخطوط الجزائرية قاللي الخدمات عيان داخل الطيارة وربي يعلم انا مرتين نروح مع الخطوط التركية ماشاء الله
شكرا لك



صحيح رايحين يبدلولها الاسم الخطوط الجوية التمرميدية :1: