ممكن نصيحة ياشعبة العلوم تجريبية

[هند95]

سلام :dj_17:
انا طالبة في شعبة رياضيات
وكما تعلمون انو علوم االلي ندرسها في شعبتنا هي نفس اللي تدرسوها انتم ولكن مخففة اي من المفروض سهلة
وانا احترت كيف اراجع هذه المادة
راجعت الدروس ولكن باقي حل التمارين في هذه المادة
وللاسف التمارين اللي صادفتها في الكتب مثل كتاب احمد امين خليفة وحدتها صعبة
ولما انتقل للحل اجد اجابات معقدة بعض الشي ء
اتمنى انكم تنصحوني ماذا افعل ؟ :confused:
وبارك الله فيكم :19:
وبالتوفيق
أختكم هند

[Yasmine Jinâr]

حولي تحلي اكبر عدد من التمارين

[هند95]

حولي تحلي اكبر عدد من التمارين

راني نحل بصح كيما قلت لقيت صعوبة في تمارين شعبة العلوم التجريبية :mad:

[XBEY]

حلي الباك اللي فاتو تاع شعبة رياضيات + وتاع العلوم التمارين اتاع دروس الي قريتيها برك

[*Mahmoud*]

إفهمي الدرس جيدا قبل الولوج لأي تمرين وحاولي وضع ملخص لأهم النقاط والملاحظات والأفكار وحتى الأسئلة المتوقعة فيه بنفسك ثم بعدها حاولي تثبت معلوماتك التي إستوعبتها بالتمارين .

[رواسي]

حلي الباك اللي فاتو تاع شعبة رياضيات + وتاع العلوم التمارين اتاع دروس الي قريتيها برك

كيما قال الأخ

[fr95]

في العموم الباك علوم ساهل بنسبة كبيرة لا يحتاج الى الاطلاع على الكثير من التمارين لان المعامل 2
مالا خيري بعص التمارين من كل وحدة و حاولي الحل بالتدرج
التمارين الاول في كل وحدة لاحمد امين صعبة و فيها الزايد

[هند95]

بارك الله فيكم اخوتي
انشالله رح نبدا نحل بكالوريا في مادة العلوم واذا حصلت رح نسالكم ادا مافيهاش ازعاج
شكرااا

[DTInfo]

أحمد امين خليفة لشعبة علوم تجريبية لي يقراو رياضيات ماتلاحوش بزاف في العلوم خليولنا حنا المواد كامل نفهموها مام رياضيات نتوما غير تولاهاو بالرياضيات

[بحرعلم]

السلام عليكم
+
أنا أيضا طالب في شعبة الرياضيات ...
ما علينا فعله هو ... حلي التمارين تاع الكتاب تاعنا
+
دائما كي تلقاي شيء ما صعب = ليس شرط تسألي الأستاذ = صدقيني .. أظن أن شرح صديقاتك الذين يدرسون في شعبة العلوم سيكون أكثر افادة
+
عليك بليباك تاع اللعوام لي فتو .. و ستجدين فيها الحلول النموذجية

[Studdy]

السلام عليكم

اختي اخطيك من امين خليفه راهو خاص بالعلوم و حتى حنا العلميين كاين حاجات صعاب لينا و زايدين بزاف مالا ننصحك اشري كتيبات الحوليات فيه مواضيع نموذجيه + البكالريات السابقه فقط

انتوما محظوظين عندكم الرياضيات و شويه فيزياء زايدين علينا لي لازم تركزو عليهم اما العلوم شفت المواضيع تاعكم مافيها والو ساهله ما

مالا ماتكسريش راسك بزاف

سالم

[هند95]

السلام عليكم
+
أنا أيضا طالب في شعبة الرياضيات ...
ما علينا فعله هو ... حلي التمارين تاع الكتاب تاعنا
+
دائما كي تلقاي شيء ما صعب = ليس شرط تسألي الأستاذ = صدقيني .. أظن أن شرح صديقاتك الذين يدرسون في شعبة العلوم سيكون أكثر افادة
+
عليك بليباك تاع اللعوام لي فتو .. و ستجدين فيها الحلول النموذجية

اي صح انا ديما نسقسي اصدقائي اللي يدرسوا شعبة علوم انشالله تكون هده اللمادة مساعدة لينا ف الباكالوريا

السلام عليكم

اختي اخطيك من امين خليفه راهو خاص بالعلوم و حتى حنا العلميين كاين حاجات صعاب لينا و زايدين بزاف مالا ننصحك اشري كتيبات الحوليات فيه مواضيع نموذجيه + البكالريات السابقه فقط

انتوما محظوظين عندكم الرياضيات و شويه فيزياء زايدين علينا لي لازم تركزو عليهم اما العلوم شفت المواضيع تاعكم مافيها والو ساهله ما

مالا ماتكسريش راسك بزاف

سالم
اي انشالله معك حق الرياضيات والفيزيا تاعنا تكفي
وانشالله تجي العلةمنم سهلة باه تطلعلنا بشوي نقاط
شكراااا :19:

[هند95]

ممكن مسااعدة في السؤال 2
وجدت في الاجابة النموذجسة
Ltc منها Lt4 و Lt8
Lt4 و Lt8
كيفاه عرفهااااا ؟؟؟؟؟؟؟؟؟؟؟؟؟؟
http://im57.gulfup.com/R7a1fg.png

[asma butterfly]

ltc hiya tji men lt8 w bach tet7afaz l lt8 lazem l lt4 donc jabli rabi dima ki talgay ltc a3rfi bli l lt8 w lt4 rahoum kayn w allah a3lam

[asma butterfly]

w ken 3la l ltc kifach lgaha nti dima ki tchoufi bli mana3a khalawiya a3rfi bli raha ltc mach anti corps

[هند95]

يعني على حساب هدرتك اختي مادام في المناعة الخلوية LTc ديما كاينة معناها Lt8 w LT4 ديما كاينين ؟؟؟؟؟؟؟؟؟؟؟ و IL2 ..ز؟؟

[asma butterfly]

ntouma 9ritou bli l ltc tji men lt8 yek ???

[هند95]

ntouma 9ritou bli l ltc tji men lt8 yek ???

9alna lostad l inter lokin y7afz LT8 bah tntaj Ltc

[asma butterfly]

ih sa7 mais l il2 yji men LTH li tji men LT4

[asma butterfly]

choufi diri fi balek bli dima lazem l LT8 W LT4 ykounou kif kif bach ta7doth istijaba bnisba kbira

[asma butterfly]

ida 7aba ngolak kifach nrml nechra7lak kifach 7ata men l khaliya l bali3a w l, 3arida 7ata l LTC

[هند95]

ida 7aba ngolak kifach nrml nechra7lak kifach 7ata men l khaliya l bali3a w l, 3arida 7ata l ltc
تديري فيا مزية وتربحي اجر عند ربي
اذا تقدري طبعا اختي :)

[asma butterfly]

بلا مزية اختي اميييين يا رب
تبعيني مليح و ان شاء الله نكون على صوواب
فالاول كي تبلع البالعىة الجسم المضاد تعرض لمؤشرات على cmh2 لي يتعرف على tcr تاع ال lt8 بتعرف مزدوج ويحدث انتقاء لمي ل lt4 نوعية تحفز نفسها بالانترلوكين 2 و ثم تتكاثر تم تتمايز ل lth وخلايا lt4 ذاكرة لحد الان اني وريتلك كيفاه حتى تجي ل lth المسؤولة عن افراز الانترلوكين 2
الان نشرحلك الخطوة الخاصة بال lt8
تنتخب ال lt8 باتصالها بخلية مستهدفة بالتعرف المزدوج بين cmh 1 و الببتيد و tcr ال lt8 و يحدث انتقاء لمي بعد هاد الشي يجي دور الانترلوكين 2 لي افرزاتو الخلية المساعدة قبل كي تتكاثر الى خلايا ذاكرة و الخلايا الاخرى تتمايز الى ltc التي تكتسب القدرة على افراز البيرفورين الذي يهاجم الخلية المستهدفة
ان شاء الله يكون شرحي واضح و مفهوم وتستوعبيه و ان اخطات فاعذريني
بالتوفيق اختاه ادع الله ان يوفقني واياك باعلى المراتب ان شاء الله السلام عليكم

[asma butterfly]

ملاحظة الخلية البالعة تفرز الانترلوكين 1 لكل من ال lt8 z lt4 لكن لا اظن انكم درستم غير الانترلوكين الثاني اليس كدلك ???

[هند95]

ملاحظة الخلية البالعة تفرز الانترلوكين 1 لكل من ال lt8 z lt4 لكن لا اظن انكم درستم غير الانترلوكين الثاني اليس كدلك ???

نعم اختي :19: :19: :19:

[asma butterfly]

فهمت ما شرحت لك ام انه مقعد ??? هاد الموضوع بالدات مشكل المناعة تعتبر اصعب المحاور لدينا ليس من الغريب ان تواجهوا مشاكلا في فهمها وفقنا الله و سهل لنا درب النجاح ان شاء الله

[هند95]

فهمت ما شرحت لك ام انه مقعد ??? هاد الموضوع بالدات مشكل المناعة تعتبر اصعب المحاور لدينا ليس من الغريب ان تواجهوا مشاكلا في فهمها وفقنا الله و سهل لنا درب النجاح ان شاء الله
نعم فهمت :19:

[الأواب إلى الله]

:1:شكرا لك بارك الله فيك:rolleyes:

[هند95]

اذا ممكن اجابة
ماعمل البرفورين ؟؟؟؟؟؟؟؟؟؟؟؟

[batool26]

الاخت حلي من كليك باك فيهم تمارين مليحة ومشي صعيبة وشاملة

[chama115]

انا كذلك طالبة شعبة رياضيات .....حاولي تحلي البكالوريات السابقة شعبة رياضيات ..و تمارين كتاب المجتهد كذلك روعة

[معاد123]

عمل البرفورين فتح قنوات في الخلية المستهدفة لدخول الماء و الشوارد ثم تحلل هده الاخيرة