المساعد الشخصي الرقمي

مشاهدة النسخة كاملة : مساعدة فيما يخص الشاورما من فضلكم

أم توبة
2014-05-14, 15:46
مساء النور
واش راكم حباباتي نشاله تكونو بخير
انا حبيت ندير شاورما لكن نحوس على وصفة مليحة.نقصد الخبز تاعها حابة وصفة تاع مطلوع نقدر نستعملو للشاورما.لاني كنت نشريها من لبرا و نموت عليها والي كنت نشريها من عندو كان يديرها بالمطلوع بصح ماهوش كيما المطلوع العادي تاع الطاجين.و عجينته فيه بنة تعجبني بزاف و يجي طري و خفيف.
من فضلكم الي عندها وصفة المطلوع هاذا تعطيهالي و اذا موجود رابط تحطهولي.
نتمنى تكونو فهمتو قصدي و تساعدوني لاني حابة نجربها في الدار.سامحوني طولت عليكم.
وربي يجازيكم كل خير.
عطرالذهب
2014-05-14, 16:15
اختي انا نخدمها هكذا
2 كيسان كبار فرينة + ملعقة اكل خميرة الخبز + ملعقة اكل سكر + ملح وتبلي بالماء الدافيء
تخليها تخمر والبقية تعرفيهها وباش تجيك طرية وماتيبسش كي تبرد لازم تخليها تخمر بعدما تقرصيها خليها تخمر حتىل20 دقيقة
وهاهي الشاورما نتاعي
http://im86.gulfup.com/7vhtdx.jpghttp://im86.gulfup.com/FLxXL2.jpg
حياتي نبع امل
2014-05-14, 20:57
ديري مطلوع ام ابراهيم يهبل يقتل دوك نحوسلك على الرابط
حياتي نبع امل
2014-05-14, 21:15
http://www.djelfa.info/vb/showthread.php?t=1360865
أم توبة
2014-05-15, 18:08
شكرا حبوباتي ربي يحفظكم. و المطلوع تاع ام ابراهيم راني جربتو اليوم و جاني هايل و خفيف.و رايحة ندير بيه الشاورما اليوم للعشا ان شاء الله.
لينة المتفائلة
2014-05-15, 18:41
ممكن تقوليلي كيفاه ديري شوارما
أم توبة
2014-05-16, 14:28
ممكن تقوليلي كيفاه ديري شوارما

سلام اختي.
شوفي الخبز تاع الشاورما استعملت مطلوع الكوشة لام ابراهيم راهو كاين في المنتدى و يجي خفيف و بنين الصراحة هايل.
اما الحشو استعملت كمية من الداند قصيتها مكعبات صغيرة و درتلها التتبيلة و هي: ترابي الثوم (ديري بزيادة الثوم) و حطيلو الملح و الفلفل لكحل و شوية راس الحانوت و عصير القارص و لهريسة و شوية زيت و تخلطيها مليح و مبعد تحطيها على مكعبات الداند الي قصيتيهم قبل و تحاولي دخليها فيها مليح و من الاحسن تخدميها قبل بساعتين او ثلاثة.كيما انا البارح بعد ما خلطتها درتها في بورت مونجي و حطيتها في الثلاجة حوالي ساعتين و نص باه تتشرب التتبيلة مليح.مبعد كي تخرجيها حطي في مرميطة ولا مقلة شوية زيت ماتكثريش و حطي الشاورما تاعك فيها و خليها على نار قليلة و غطيها و خليها تطيب في عقلها.و كي تنشف احشي المطلوع تاعك بالبطاطا المقلية و الشاورما و ديريلو لهريسة و المايونيز.
نتمنى تجربيها راهي تجي بنينة بزاف خاصة اذا كثرتي من لحم الداند لخاطر هو الي يعطيها البنة مع هاذيك التتبيلة. و تقدري تعوضي الداند بصدر الدجاج.
و سامحيني كثرت من لكتيبة حبيت نفهمك مليح .و اي سؤال راني هنا حبيبتي.
ahlem nounou
2014-05-16, 22:09
طريقة سهلة
خيط الروح
2014-09-04, 15:20
بارك الله فيك
شكرا على السؤال وشكرا على الافادة