اللي حابة تتعلم الخياطة تدخل

[takwaaa]

السلام عليكم
شفت بزاف منكم حابين يتعلموا الخياطة و الله حاجة مليحة تهني حتى من روحها الوحدة ما تبقاش لاحقة ورا الخياطات
عندي نصائح ليكم من خلال تجاربي
اول حاجة لازم تكونو حابين هاد الحاجة على خاطر حبكم ليها هو اللي يخليكم تتعلموا
ثاني حاجة لازم تجربو ما كانش منها تتعلموا و انتم مكتفين يديكم و غير تقرو و تشوفو و مش طبقوا
و بش تتعلمو اللي عندها قندور قديمة بش طيشها تفتقها و تفصلها و تخيطها لطفلة صغيرة و الا بدليلها المودال انا هك كنت ندير لقشي لي نكره منها نبدلها و كي عدت متمكنة من الخياطة عدت نشري قماش و نخيط،و لخياطة للبنوتات الصغار ممتعة و تعلم و بشوية بشوية ابدي خيطي قنادرك تاع الدار و تاع لعراس خليه للخياطات حتى تتعلمي و تعودي تخيطي قشك الكل وحدك
كاين قداه طريقة بش تفصلي
اسهل طريقة هي تحطي قندورتك على لقماش و تبعي هكا بديت انا و مع الوقت بديت نتشجع و نكتشف عدت نهز لقياس و........
كاين اللي يفصلوا بالشبر و كاين اللي يفصلو بالكارلاج و كاين بالميترة و كاين بالباترون انا جربت كلش الا الباترون مادرتوش
هاد النصيحة مهمة اي حاجة قديمة بش طيشيها سروال شميز قندورة .....اي حاجة فتقيها من 0 و حديها و خليها باترون كي تحتاجيها خرجيها حطيها فوق لقماش و فصلي طريقة ساااااااااااااااهلة و مريحة
اما لخياطة ساهلة اخر مرحلة و كي تكون فصالتك صحيحة لخياطة تجيك ساهلة غير ما تحطي الحاشية مع الحاشية و تخيطي.
انا ما دخلت تعلمت ما والو التجارب هي اللي علمتني و كي تغلطي ما تتقلقيش اذا ما غلطتيش ما تتعلميش و قلبي الحاجة و شوفيها بش تعرفي كيفاه ادارت و كي تتعلمي راكي تعودي تشوفي الحاجة من بعيد تفهميلها من ورا خبرتك
ان شاء الله نكون خفيفة ظل عليكم و افدتكم و اللي تحتاج مساعدة راني هنا الا اذا ما لحقتش الله غالب
شكرا لكم

[بصيرة2]

يعطيك الصحة وكل كلامك صحيح

[فايزة1207]

كلام من ذهب ربي يحفظك عجبتني هاذ الجملة
هاد النصيحة مهمة اي حاجة قديمة بش طيشيها سروال شميز قندورة .....اي حاجة فتقيها من 0 و حديها و خليها باترون كي تحتاجيها خرجيها حطيها فوق لقماش و فصلي طريقة ساااااااااااااااهلة و مريحة

[~ لؤلؤة مسلمة ~]

جزاك الله خيرا تقوى
و الله نصائح مهمة جدا لاي مبتدئة
انا تاني حابة نتعلم ا لخياطة لكن الوقت هو الي ماعنديش
ان شاء الله في هده العطلة راح نجرب ليا و لبنتي
جعلها الله في موازين حسناتك

[ام هاديل وياسين]

بارك الله فيك

[om meriem]

بارك الله فيك

[R I A D]

يعطيك الصحة تقوى

[تسنيم مسلمة]

بارك الله فيك

[اسم مرا]

استاذة راني غير نتبع فيك ههههههههههههههههههههههههههههه

[kaouka]

Merci oustada hada houwa sah nchaallah nt3almo manak

[الوردةالجورية]

كلامك صحيح 100 % بالمئة وانشاء الله رايحة انطبق كلامك

[_nassima_]

شكرا لك رانا نكرهو في العطلة و مادابينا نتعلمو انا نحب التصميم بصح منعرفش الفصالة

[takwaaa]

الحمدالله كي شفت اسمك يا اسم مرا وينو تطبيقك الهدرة ساهلة و علابالي راكي تشوفي ف مواضيعي حابة نشوف تطبيييييييييقك .
ان شاء الله نفيدكم و اللي تحتاج حاجة تقلي و ان شاء الله نعاونها و ما تنسوش اهم حاجة في الخياطة هي المماااااااااااااااااااااااااااارسة اهم من اي خطوة و كل حاجة تخيطيها تتعلمي فيها حاجة و وقت ما تحبو قولولي نحطلكم موضوع الخياطة نخيطو هاديك القطعة اللي فصلناها خيطو حتى فطرف صغير يجي لبوبية المهم تتعلمو و شكرااااا

[farawla01]

يعطيك الصحة بارك الله فيك

[أم فاطيمة]

جزاك الله خيرا و ربي يزيدك من فضل
ومن فضلك اريد مساعدة فيما يخص المشينة
عندي ماشينة سانجربيدال كانت مليحة و ظرك كي نخيط بيها خيط الابرة ما يحكمش
مليح يبان غير خيط طويل و من تحت لخياطة مليحة ادا كانت عنك فكرة ممكن تجاوبيني

[takwaaa]

و يجازيكم كل خير انشاء الله
و الله يا اختي ام فاطيمة عمري ماخدمت بهاد النوع تاع هاد الماشينة عندي تاع طرز مي نظن بدلي الابرة حتى البرة عندها دور قداه دايرة الرقم تاعها؟

[ساندي 28]

يعطيك الصحه اختى تقوى بارك الله فيك انا كدلك حابه نتعلم الخياطه والبركه فيك

[أم ياسين الزهراء]

الله يبارك فيك ويكملك نصايح ممتازة

[ام حمزة22]

يعطيك الصحة تقوى كلامك صحيح 100ب100
وانا ادا سمحتيلي نقول هاد الكلمات
انا عمري ماتعلمت الخياطة بصح كي نحبها ونمارسها كل يوم وليت نخيط للعرايس لي قراب لي
وسمحيلي على تدخلي و مشكووووووووووورة

[djihanegirl]

ان شا الله والله حابة نتعلم مي الله غالب راني نخدم صيدلية من 8 حتى 4 و ماعنديش الوقت و العتم الماضي شريت ماشينة مي غير نرقع بيها

[جيجلية]

موضوع رائع

جزاك الله خيرا

[مودة الرحمة]

جميل انا حابة نتعلم التفصيل

[ام ضياء01]

شكراً وألف شكر لك جيتي في وقتك راني مبتدأة و راح اطبق نصائحك المفيدة

[ام رشدى]

مشكورة اختي تقوى راكي طلعتيلي المورال انا ساعات نلقي صعوبة في تفصيل مودال يعجبني وساعات نفسد القماش ساعات انطيح في الصواب مي ما نفشلش ونصمم باش انخرج هداك المودال والله غير انخرجوا مي ساعات نفشل كي مانقدرلوش ويبقى راسى يطلع ويهبط وعندى اقارب خياطات ماهرات حتي بالدراهم ومايحبوش يساعدوني تلقايها في البراني وماتلقايهاش في ................. المهم شكرا الف شكر ليك وربي يجازيك وعلى فكرة انا كنت ما انخيطش اخلاص ولاكن بالتصميم والارادة وليت زعمة خياطة ههههههههههههههه

[sarra5]

بارك الله فيك تقوى والله راكي تدي في اجر كبير كي تعلمي واحدة حاجة حابتها

خاصة الخياطة انا في رايي اصبحت من الضروريات للتعليم

انا عندي مشكل في الخياطة هو لني كي نغلط مانعرفش نفك الخياطة تاع الماشينة خلااص

من بعد نجب لازوار ونبدا نفك يتقطعلي الكتان ويفسدلي والله كرهت من العفسة هاذي

و ايضا لما نخيط الامام مع الظهر كي نوصل للاخير نكتشف ان الامام اطول من الظهر او العكس بالرغم اني فصلتهم كيف كيف

[takwaaa]

و فيك براكة اختي صارة عودي صمري تصمار و كي تشوفيها قدقد عقبي غير بالمشينة هكا تتفادي التفتاق و تقطاع الكتان انا كنت كيفك و منحبش نصمر نحب نكمل تمتم مي كي عدت نصمر استحليتها و عجبتني كي نعود شاكة فالحاجة نصمرها جربي و رديلي لخبر
اما بالنسبة للالظهر و القدام زيك كي تعودي تخيطي تكسلي الكتان التحتاني و الفوقاني تحطيه حطان ما تجبديهش حطيه فوق بعضاهم حاطان و خلي الماشينة تمشي ،صح ديري هك ولا راني غالطة؟

[sarra5]

ouiii heka ndir

[takwaaa]

فقت بيييييييييك خلاص ماتعوديش ديري هك خلي القماش على راحتوا
و وسعي شوية فالنفذة وسعي فيها شوية بش في حالة ما اذا فتقتي تجيك النفذة باينة
و كي تحبي تفتقي اجبدي الخيط التحتاني تاع الكنات و اجبدي تتحلك بكل سهولة
ان شاء الله فهمتيني

[سماح 88]

شكرااا اختي نصائحك ممتازة اذا حبيتي شي اكيد راح تتعلميه انا مشكلتي في القياس بالرغم من اني اتبع طريقة الشريط المدرج في القياس الا اني
لما اخيط الاقندورة اتفاجا ببعض الهفوات لامبرر لما كحفرة الابط نلقى جهة اطول من جهة او طول الامام والخلف تفاوت ب6سم او اكثر او الفندورة لما البسها نلقاها تميل الى جهة من الكتف او مشدودة وغير مريحة ولا اجد لها مبرر سوى اني اعيد فك الخياطة مرات وكل مرة اعاود القياس احيانا تتجاوز مرات الفك
خمسة مرات حتى يخرب القماش وتصل مدة خياطة القندورة العشرون يوم مما يجعلني اكره وامل الخياطة لفترة

[امال مارية]

السلام عليكم بارك الله فيك اختي عالى النصائح

[takwaaa]

اختي سماح يا اما راكي ما تريقليش الكتان مليح في التفصال و تقصي و امبعد تلقي التفوت و الا كي تجي تخيطي تجبدي الكتان سيرتو الفيزكوس صامت تمتم يتحل انا الاغلبية نلصق الفازلين و نفصل بش ما يهربش الكتان .
حلي قندورة قديمة ما تصحقيهاش قياسها جايك مليح و خليها باترون كي تجي تخيطي اجبديها و فصلي عليها و عودي صمري قبل ما تخيطي و قيسي كي تجيك مسقمة خيطي بالماشينة تبعي التصمار و امبعد نحي الخيط اللي صمرتي بيه
فهمتيني؟

[ام نافع]

شكرا ليك على النصائح وان شاء الله نعملو بيها وانا من محبين الخياطة

[سماح 88]

شكرااا اختي على النصائح انا خيطت لنفسي بعض الفساتين جات روووعة للدار وللخرجة لكن متخوفة نخيط للغير بسبب هذه الاخطاء

[فاطمة شلف]

بارك الله فيك لعلنا نقتادوا من نصائحك فكرة رائعة
موفقة ان شاء الله
تقديري واحترامي لك

[اسم مرا]

استاذة وين راكي اليوم بلاك نروح نحوس عليك انتي في كل شيء ممكن

[لينة المتفائلة]

شكرا ليك اختي والله ميتة نتعلم الخياطة