جارتي تتدخل فافسدت كل شىء

[ام الطيب]

السلام عليكم
أنا كأي ام أحاول ان اربي أولادي على القيم والاخلاق
واللباس المحتشم وما الى ذلك من امور
المهم نحكي لكم الحكاية من البداية وانتم تنصحوني
قبل 4 سنوات سافر زوجي الى احد البلدان
ولما رجع جاب هدايا ولي دار فيا مزية هديتلوا
ولي زارني وديتوا وعرضنا الأصحاب والحباب
وحاسب روحي مرآة ونص
بعد اسبوع خرجت بنتي تلعب في الشارع
نداتها احد الجارات تسكن في الطابق الثالث
سمعتها حسبتها تتنوضها للحانوت
بعد مدة جأت بنتي وهيا حاملة مجموعة من اوراق الجرائد
بتواريخ مختلف كلها تحكي عن الاغتصاب من الاب والأخ والجار الى آخره
والاده والامر انها حكتلها كيف يتم ذلك بالفاض ركيكة جدا
ومن يومها وبنتي منعزل وتخاف وكثرت أساءلتها
وانا عاجزة عن الاجابة عمرها الان 11سنة
انتقمت مني الجارة كوني مبعثتلهاش هدية أنا منعرفهاش مليح
أنا رحلت من ذلك الحي ولكن بقية المشكلة مع بنتي
ساعدوني بطريقة حديث او افكارجميلة ومبسط كي انسيها ماسمعته من تلك المرأة

[knives66]

روحي يا الجزائر

هايلة هذي لا لا جوبيها وفهميها افضل ما تكملي عليها افضل به تنحيلها شك وترجعيها لعقلها


وقوليلها هذيك مراة شريرة


وافضل تروحي تعودي تربيها هذي جارتك

هايلة هذي

[ام الطيب]

السلام عليكم
اليوم راني جاية نتعلم ونثقف من اهل الخبرة
باش نعلم بنتي
لا تبخلوا عليا يأهل الجود والكرم

[البوسعادية]

اختي الغالية
مشكلة صح..لكن ننصحك تقعدي معبنتك وحدكم وتفهميها وتقلها بلي مش كامل الاباء كيف كيف..طبعا بطريقتك الخاصه وتفهميها مليح..
خير متتهربي من الموضوع وتبقى بنتك تعاني في صمت وتتطور المشكله اكثر فاكثر..
والله يهدي جارتك هادي

[بنت الإسلام]

الرابط على الفااا ي س ب و ك

[الأمنيات]

ربي يهدي
حاولي تجاوبي بنتك انتي اولا لانها ادا مالقاتش الاجوبه راح تحوس عليهافي جهة اخرى
وحاولي تغيري لها الفكرة الي داتها قولي لها هاد الجارة راها شريرة هههههههههه

[سرور2]

ربي يهدي جارتك وكان جيت منك نروح نعلمها درس مليح وانت خليك مع بنتك وكيما قالت الاخوات لازم تجاوبي بنتك وتساعديها لانو لازم وهي في سن حساسة جدا ربي يوفقك

[ام امجد14]

الله يعطيها

الله يسامحها علاش دارت هاك و الله بعض النسا يخرج منهم العجب

اجلسى مع بنتك و خليها تفرغ واش فى قلبها و فهميها و اهم شئ عززى علاقتك بها يعنى غير بشوى ترجعو كيما الصحابات
الحمد لله كى تهنيتى من هدا الجارة

[ايمان نور الجزائر]

الله يهدي ما خلق
يا اختي بنتك راهي في سن حساس لكنو في نفس الوقت مناسب لمعرفة بعض الحقائق
اقعدي معاهاااااا احكيلهااااا فهميها بلعقل
وفهميها الحلال من الحرام ومدي امثلة من العائلة وما تكونيش صامتة وما تتهربيش راح تكبر افكار السوء في راسهااااا

[ام ياسمين10]

اولا الحمد لله تفكيتى من هاذ الجارة الشريرة .وانتى اصحبى بنتك وجاوبيها على كل السئلة وقوليلها هد الدننيا فيها الشر وفيها الخير ومتخلفى من حتى واحد مادامك انتى عايشة وطمنيها وقربى ليها.....

[Oum Aness Bba]

الله المستعان كاين عباد هكذا. الليه يهدينا .. انا رأيي من رأي الأخوات انك تتكلمي مع بنتك و تجاوبيها على تساؤلاتها أحسن من انها تبحث عنها في الخارج ويا عالم واش تزيد تلقى وخليها قريبة منك وصاحبيها وعوديها تحكيلك كل شئ يصرالها حتى ولو حاجة ما تعجبكش ما تعاقبيهاش باش تبقى واثقة فيك ورب يقدرك أختي والله وقت رانا فيه رب يستر أولادنا. وأولاد المسلمين من شياطين الجن والإنس امين

[linouwasoleil]

اول شيء جاوبيها على اسئلتها من دون تعمق وبدون كذب لانها راح تسمع من غيرك وترجع ما تامنكش اسمحيلي اذا نخلعكلكن جارتك قامت بافتعال صدمة نفسية لبنتك تخليها ما تثيقش في اي احد وهذا الشيء حتىلو نساتو مع الوقت راح يقعد في عقلها الباطني وممكن ينفرها من زوجها في المستقبل حتى لو حباتو واختاراتو ان ئاء الله تكوني فهمنتي قصدي هي اعطاتها صورة سيئة عن شيء في الحلال طيب وفي الحرام سيء انتي جاوبيها على اساس الدين والشرح لانها افضل طريقة تريح الصغار واذا حبيتي تساعدي بنتك استشيري طبيبة نفسية بلاما تاخذيها معاك وشوفي واش تقولك لانها ممكن لما تحكي مع شخص ما تعرفوش تفرغ قلبها خاصة اذا تحشم منك مع سن المراهقة البنات يخبوا في قلبهم ولا يسالو صحاباتهم ربي ينتقم من هاذ الجارة والله المستعان ان شاء الله تلقاي حل

[bellaluna]

أختي 11 سنة مش صغيرة أحكي مع بنتك و فهمها الخطوط العريضة لإنّك لو تجاهلتي أسئلتها بحثت عن الأجوبة في مكان آخر..

[no name rix]

لاحول ولاقوة الا بالله هل وصل ببعض الناس الى هذه الدرجة
.....
لماذا لم ترفع دعوة قضائية ضدهاا ؟؟
الطفلة مازالت صغيرة عليك ان توهمهاا أن تلك المرأة شريرة ومهبولة وأن لاتأخد رأيها بعين الاعتبار