مشكلة في ثلاجة كوندور

[محمد العشاب]

السلام عليكم
عندي ثلاجة من نوع كوندور اشتريتها جديدة منذ 6 أشهر، مشكلتها أن الجليد أصبح يتكزن وبكثافة داخل الحجرة السفلى تحت المصباح والمروحة، لا أدري إن كانت المروحة تعطلت عن العمل أم شيء آخر
أرجو المساعدة

[ايمن10]

كل التلجات كندور فيهم نفس المشكل اشترية هده الماركة مرتين والمرتين يتجمد الجليد من الاسفل وشكرا

[محمد العشاب]

كل التلجات كندور فيهم نفس المشكل اشترية هده الماركة مرتين والمرتين يتجمد الجليد من الاسفل وشكرا

بارك الله فيك أخي أيمن
ممكن نعرف ما هي درجة الحرارة الأحسن التي يمكن ضبطه عليها؟
اليوم قمنا بإذابة الجليد يدويا ولم يتوقف المحرك منذ تشغيله، فما النشكلة؟

[ايمن10]

انصحك باان تاتي بصانع لان المشكل ليس في درجة الحرارة بل هو تقني وشكرا

[رحيق الايمان]

condor mataslahch ana tani ta3i ma3andhach 3am bdatni b la glace wki rja3t lili cherit men 3andou gali hkayet riglage w za3ma za3ma rigelha wlat togter wki rja3nalou gal rahi normal

[فـرح]

انا تاني ديرلي نفس المشكل بصح نستعمل فيها نورمال
يعني راهي تبرد عادي وكي نحب نظفها نذوبوا وخلاص

[لمسة L]

السلام عليكم
اختي انا تاني شريتها منذ 10اشهر عند تجمع الجليد حاولت معاها عديد المرات اخر مرة غير مكان الثلاجة و ضعتها في مكان مهوى من النافذة و الان الحمد لله نتمنى تفيدك تجربتي

[شوشو 11]

نفس مشكلتي مع كوندور
وزيدوا على هدا فالصيف تبقى الثلاجة من تحت سخونة والمواد تفسد
هل ن حل
لاااااا انصح بشرائها لمن اراد اقتناء ثلاجة في المستقبل

[رنيم الامل]

يا اختي انا ثاني .كي رحت للي يصلحهم قاللي افتحي الباب انتاعها 48ساعة بعد ما تنزعي الكهرباء عنها .و الان تحلت المشكلة

[meray]

انا كان عندي نفس المشكل رديتها للوزين زادولها الغاز و راهي هايلة

[مروة الايمان]

المشكل تقني فقط

[سوار سارة]

السلام عليكم و الله مشكل مع هذا النوع أنا راهي تشكل الجليد بكثرة من الفوق لدرجة لا استطيع استخراج الاشياء المجمدة من اجل استعمالها و مؤخرا اصبحت تفسد الخضر من تحت علما انني اقتنيتها مند عام فقط و في الاول كانت رائعة و عملية ندمت على شرائها.

[cheomar23]

أنا عندي ثلاجة كوندور تتشكل بها قطرات ماء

[Maria dadi]

معنديش فكرة اخت

[رزان حياة]

راهي عندي عام عندي معندي حتى مشكل معاها

[أم رتاج و مرام]

يا حليلي خلعتوني وانا فرحانة وبغيت نشري واحد كبير....................... خيبة امل

[بعيدة المنال]

لا أنصحك بها عاملة فيّ الشواهم

[fifich]

ااخواتي حبيت نفيدكم بتجربتي مع الثلاجة
كي مر عليها عام من شرائها صارت تقطر بالماء ودير الثلج من فوق وتبقى سخونة من تحت حتى تفسد الخضر
وبعدما جبت تقني قال باالي المروحة المتواجدة في المجمد فسدت
لهاذا يجمد الثلج وهو مالازمش يجمد هي بالبخار وعندما يجمد الماء في الانابيب لايمر الغاز البارد الى الثلاجة من تحت فتصبح ساخنة والقطرات عبارة عن هذاك الثلج بذوب كي يضربو الهواء كلما تحلي الثلاجة
شرالنا مروحة وركبها كلش سقام ٢٠٠٠دج والان ولات تقول جديدة عندي ٣سنوات وهي عندي

[barhomamilano]

المشكل تقني فقط

[ملاك1988]

فهمونا واش من نوع تاع الثلاجه راهم كاين ياسر انواع

[ازهار حياتي]

عندي واحدة كبيرة عندها عامين راهي هايلة

[جالب الخيرات]

ننصحكم بثلاجة بيكو......................رائعة................... ..............

[أبو سالم]

شوفي انا صرالي نفس المشكل ومبعد لقيت الحل وهو سهل
في المنطقة الخلفية كاين "قمع" يجمع المياه لتخرج من الأسفل وهنا المشكل ....تتجمع المياه الدفئة لتمر عبر هذه القناة ، بسبب البرودة وعلى المدى البعيد قدد تتجمد بعض المياه فيؤدي ذلك إلى انسداد القناة وتتراكم المياه داخل القمع وتفيض على المجمد فتتجمد وتؤدي إلى تجمد المنطقة السفلية للثلاجة بالكامل....المهم ما نطولش...الحل:
إذا كنتي مزروبة تفتحي الثلاجة من تحت وتخرجي الدواليب ..وتفتحي البراغي الموجودة وتلقاي المشكل ...ضيفي الملح أو مياه دافئة ...حتى يتسرح القمع....وتبدأ المياه بالتدفق...وينتهي المشكل
أو إذا ما كنتيش مزروبة ...خلي الثلاجة طافية مدة يومين...ثم عاودي شعليها وتلقاي المشكل انتهى إن شاء الله.

[طرش جمال الدين]

millieur solution achete une autre frigidaire de marque ENIEM
condor mauvaise marque climatsation ou electromenagie
bon courage

[loaikhashroom]

جيد جدا ومفيد