عاونوني

[dalal 28]

السلام عليكم اخواتي

[dalal 28]

39مشاهدة ولا ردددددددددد

[miminour]

a mon avis il y apas mieux que menu tar les fete je veux dire chorba couscous m'tewam ou bien chetitha dejaj bon chance

[om mita]

شوفي اختي السلطة ديري ماسيدوان واذا متعرفيش نقولك كيفاه
كطبق رئيسي اعتمدي حاجة تعرفي ديريها مثلا ارز مع اظرفة االدجاج او دجاج رولي
انت وش حابة قوليلي عندك لحم او دجاج
ديري طاجين الحلو او العين
ديري سوب اي حساء البصل تاع الهام او الفطر او شوربة فريك عادية
ديسار ديري تيراميسوا او مثلجات بما انو رانا في الحر واذا تعرفي طيبي تاي ديري تاي مع قراوش
نتمنى تجاوبيني وش حابة وش عندك باه نقدر ناعونك اكثر

[lyzzabel]

شوفي اختي حنا فالغرب نديرو عشا شباب يعني حريرة ولا شوربة طبعا باللحم الغنمي و الطبق الرئيسي نديرو زوج : لحم محمر بلي بولات تاع الكفتة و الشومبنيون و دجاج محمر فالفرن مع الزيتون تشكتشوكة الفلفلة بالكبدة الا ذبحتو و نزيدو الحلو دروك رانا نديروه ديسار يعني الطاجين الحلو بلا لحم و نزينوه مالفوق باللوز محمر فالزبدة و الزيت و نديرو سلاطة منوعة ماسيدوان الخضر( بطاطا و زرودية مقطعين رقاااق و الجلبان ) ولا سلاطة الروز بالطون او الكروفات ديكورتيكي و الماييس و المايونيز و تزينيها بالطماطم و السلاطة الخضراء و البيض و المايونيز و الزيتون و الخيار هاذو للسلايط و الفاكهة تبغي تحطيهم عادي ولا تديريهم سلطة فواكه و يزنيها مالفوق بالكرام شانتيي و المشروبات الباردة هاذي حاجة باينة
انا عطيتك فكرة على المنيو الكلاسيكي و كل واحد و شطارته و أفكاره فالتغيير و الف مبروك و بالتوفيق حبيبتي

[dalal 28]

شكرااااا حبيباتي ربي ينور دربكم ويعطيكم ما تتمناو راني ديت فكرة