صنع الدهان لزرق::::: إلى البوسعاديات

[imadwlidi]

السلام عليكم
أريد الإستفسار على الدهان البوسعادي المصنوع من زبدة الغنم ، حاولت أني نشريها لكن ملقيتش شكون يروحلي لبوسعادة ، إذا تعرفو واحد في العاصمة يبيعها دلوني عليه و إلى أعطونا الطريقة و شكرا على القائمين على المنتدى

[مرام 1987]

ان شاء الله يفيدوك البنات ونستفادو معاك

[سرور2]

اختي انت تحوسي تشري ولا تخدميه ومنين انت باه نعرف نجاوبك

[imadwlidi]

أنا نسكن في العاصمة في بادئ الأمر كنت نحوس نشريه لكن كي بحثت وجدت بلي في العاصمة ميبيعوهش ، أنا جذوري بوسعادية ، الآن ختي إذا كنت تعرفي طريقة تصنيعو فمن الأحسن لوكان تعطيهالي لأني راني نلاحظ بلي الأشياء القديمة راهي تنقرض و أيضا إذا تفضلت و أعطيتيني بلاصة هنا في العاصمة يبيعوه أكون شاكرة

[imadwlidi]

أنا في إنتظار الرد................................;plz

[سرور2]

السلام عليكم اختي طريقة التصنيع منعرفش وثاني نحسبك تسكني في بوسعادة دنقلك بلي اخ زوجي يبيع فيه بصح السومة غالية واما الجزائر اسمحيلي والله منعرف وياخي تقصدي في دهان الغنم

[imadwlidi]

نعم نقصد دهان الغنم ؛أخ زوجك في بوسعادة أو في العاصمة ، و بالنسبة لسومة أنا أعلم أنو غالي و شكرا لك

[سرور2]

اخ زوجي في الجلفة واسفة اذا مقدرتش نساعدك

[imadwlidi]

ma3liche oukheti au contraire c avec plsir merci bc

[maloo]

أنا وين نسكن يباع حسب الطلب يعني نطلب من سكان البادية يبيعوه لتا وتحدد الكمية وهذا لتفادي احتمال اي غش وبعد مدة تستلمه والناس هنا دايرين له قيمة كبيرة ولازم يكون بمواصفات معينة ويستعمل أيضاً كدواء . اعتقد انك تعرفي قيمتو بحكم انو أصلك من بوسعادة ،
المهم والمفيد انه يمكنني ان اسأل عن كيفية صنعه وأفيد ك ان شاء الله لكن اصبري عليا حتى الاسبوع القادم لما نخرج للبادية ونسال الحرائر نتاع اللبادية

[الحركاتية]

الدهان احنا نخدموه كالآتي
لما تمخضي اللبن وتتحصلي على زبدة تحاولي تصفيها مليح من الحليب الي عالق فيها وذلك بوضعها في الماء وتجمعي بأصابعك ولما تصفى تحطيلها مقدار مناسب من الملح ( وكل ماكان الملح بكمية كبيرة كانت النتيجة أحسن ) لأنه الملح يحفظها من أنها تزراق وتفسد
وتخبيها في آنية من الأحسن من الفخار أو من الزجاج وتكون محكمة الإغلاق .
إذا حابة الزبدة تاعك تتحول بسرعة للدهان خليها خارج الثلاجة في مكان دافي كالمطبخ مثلا ، وإذا حاباتو يطول في التحول حطيه في الثلاجة ـ وهو من الأحسن يكون خارج الثلاجة ـ جداتنا زمان كانوا يحطوه في جرة من الطين ويحفرولو حفرة في الأرض ويوضعوه فيه ومايفتحوهش حتى بعد عام .
وكل ما قدام الدهان تتغير نكهته ولونه ويكون فعال في التداوي أكثر .
هذه طريقتنا في صنع الدهان خاصة تاع البقر وما نعرف ولا حتى تاع الغنم يصنع بنفس الكيفية أم لا .
اليوم تقريبا ماعدناش نديرو الزبدة في البيت وإذا مخضنا تكون كمية قليلة ومانتحصلوش على زبدة كافية باش نحولوها لدهان ولهذا أنا كل مايخلاصلي نشري كيلو ولا زوج زبدة حرة من عند لبان موثوق فيه ونخدمها في البيت .
نتمنى نكون أفدتك وإذا طريقة البوسعاديات غير طريقتنا يقولولنا نجربوها .

[ahlem nounou]

مشكورةةةةةةةةةةةةةةة

[Lommima]

رفع الموضوع

نتمنى تكون هناك ردود مالفحلات لي يعرفو طريقة صنع الدهان الحر
شكرا لصاحبة الموضوع

[lilii7179]

طريقتي نفس طريقة الحركاتية .صراحة ما نستغناش عليه بصح انا نحب الدهان نتاع زبدة البقر .سقسيت امي اذا كانت نفس طريقة صنع دهان الغنم و جاوبتني بلي نفسها .السؤال المطروح هل هي نفس الطريقة في بوسعادة او لا.نتمنى الاخوات يفيدونا

[no00deii]

راااااااااااااااااااااااااااااااااااااااااااااااائ ع

[gatsuw83]

السلام عليكم طريقة عمل الدهان الازرق او الاصفر في بوسعادة والجلفة هو تجيبي الزبدة بعد ما يتمخض اللبن لازم جديدة لازم تغسليها مليح بالماء تسخنيها في كسرونة ناشفة حتى الغليان يبدا اللبن ينزل والزبدة الفوق ثم تضيفي الملح والعرعار ثمتنحي الزبدة على جيه واللبن على جيه بحذر يمكن اضافة القليل من السميد ملعقة صغيرة تساعد في نزع اللبن وتبقى في القاع يوضع الدهان في برطمان ويوضع في الثلاجة اذا كان للدواء يترك في المطبخ سنة واكثر

[gatsuw83]

الدهان يخدموه الكبارات لاكن كي تتعلموه يجي س اهل انشاء الله نكون افدتكم بهاذالموضووووووووووووووووووووووووووووووع

[الايمان بالله]

نفس الطريقة شفت امي خدماتو قدامي ومدتلي ناكل السميد لي خدمت بيه الدهان بعد ماصفات منو الدهان

[ام ظافر]

احسن واجود انواع الدهان هو تاع الماعز يليه تاع الغنم يليه تاع البقر
وحتى السعر يكون الاول غالي ب400الف والثاني 300الف والاخير 180الف
خبرتني عجوز من العربان في ولاية النعامة انهم يغليو الدهان البقري مع الدشيشة تاع الزرع (الشعير الي يديرو بيها الحريرة ) والغاية انو تمتص كل اللبن وتتنفخ وبعد التصفية تؤكل اما الدهان يضيفولو الى جانب الدشيشة القليل جدا من العرعار واكليل الجبل او اليزير المرحي لاضافة نكهة ولون مميز للدهان ولكن بكمية قليلة جدا مدروسة
والدهان عمرو ولا يوضع في الثلاجة لانها تغير من طعمو عن تجربة والدهان الي يكون مصفي مليح وطايب ما يفسدش ولا يزراق خارج الثلاجة
وايضا قالتلي انو بحكم انو الدهان تاع الماعز والغنم غالي لما تتحصلي على كمية منو خلطيها بالسمن مثل سمن فاما او المدينة او.......وفوحي بيه الكسكس او البغرير المعروف عندنا بالغرايف او الرفيس او اي اكلة احسن من استعمال الدهان الحر لوحدو والنتيجة تقريبا نفسها وللاعراس والمناسبات خلطس الدهان البقري مع شوي غنمي واستعمليه
ومن ساعتها وانا نشري رطل غنمي وكيلو بقري يدورولي تقريب للعام
ان شاء الله نكون افدتكم بهده المعلومات من سيدة مختصة في الميدان ودهانها ريحتو ما تتنساش

[oum khadidja]

مساء الخير اختي احنا نخدموا زبدة البقر و ترجح ادهان حر كما يلي
اغسلي كمية الزبدة لي عندك بالماء بعدها اعصريها بيدكمليح وحطيها في كسكاس تقطر
بعدها ملحي الزبدة وتكونكميةالملح لاباس بيها ثم حطيها في باط مغلق مليح و خليها مدة عشرين يوم
بعدها خدي اناء و فرغي الزبدة فيه وحطيه على النار و زيدي كمية من الماء حوالي كاس و نصف و لما تبدا تغلي طفي النار و هزي الدهان تاعك راهو يطفوا على السطح الماء و الملح هبطت الى اسفل الاناء
هده هي طريقة صنع الدهان الحر