رائحة المجيرية كيف التخلص منها؟

[نورانيات]

السلام عليكم، معاناتي التي أنقلها اليكم هي انني منذ سكني في منزلي الجديد وأنا أعاني من رائحة المجيرية-أكرمكم الله- في البلكون جربت كل الطرق دون جدو ىالرائحة قوية ولم أجد لها حلا، فمبذا تنصحوني؟

[laloua42]

حتى انا عندي نفس المشكل
الحل اللي اعطى نتيجة هو نحل العين و ندير التويو في المجرى مدة 5دقائق. على الاقل وو بعدها نفرغ الصانيبو مركز و نغلق المجري بالغطاء تع المجيرية و هكا تكوني تخلصتي من الرائحة
جربها و قوليلي نتيجة

[laloua42]

فيه طربقة اخرى ممكن تفيدك
يباع في المحلات منتوج اسمه ديبوشور كاين سائل و كاين ايكيد
نتي شري اكيد راه يجي كي الملح و احذري الاستعمال

[وبشر الصابرين]

حطي النظاف بكثرة و اغلقيها جيدا

[نجمة 17]

يقولو البن انتاع القهوة من بعد ماطيبيها التلوة ديريها دائما في المجيرية او المغسل راها تنحي الريحة

[اقمار]

احسن حل سيدتي
بدلي الغطاء نتاع المجيرية و اشري النوع اللي يتغلق بالبوطونة غالية الثمن لكن ترتاحي من ريحة المجيرية بالكامل

[جيهان2009]

حطي ساشي تاع نيلو من بعد اغلقيها مرة على مرة بدلي الساشي:dj_17:

[sanax]

حطي ساشي تاع نيلو من بعد اغلقيها مرة على مرة بدلي الساشي:dj_17:
sah ana nasta3mal al sschi ta3 sah trouh ariha

[madjid93]

السلااااااااااام
ما تفتحيش المجيرية بزاف

[djazia87holi]

اختي كاينة منها انا امي كانت تدير فيها في دارنا وتائجها رووووووووووووووووووووووووووووووووعة ويعتبر ليضا مطهر وسماد للنبات اذا كان عندك في الدار يقولو البن انتاع القهوة من بعد ماطيبيها التلوة ديريها دائما في المجيرية او المغسل راها تنحي الريحة

[نورانيات]

شكرا على كل الردود تراحات دمتن وفيات وشاطرات

[fadi02]

انا عندي نفس المشكل و لكن وجدت الحل شدي لقلاق انتاع لابينوار الي نسد به لابنوار و لا لافابو نحي لغطا انتاع لمجيرية و اغلقيها و كي تستعمليها نحي البوشون و رايحا تتهناي من الرائة

[متمنية]

انا نضن مارهمش من اول ديرين s اس هاد لى يجى كى حرف اس هو لى يسلكك من الريحة

[فاطمة ياسين لخضر]

رايحة لمجرى حلها بالنسبة لي الماء ثم الماء ثم الماء صبي الماء بغزارة حتى يروحو البقايا نتاع الفضلات الراسبين

[ام ياسمين10]

صبى الماء بكثرة وتانى ديرى التلوة نتاع القهوة تنحى الريحة

[aya0906]

صبى القريزيل فيها ثم اغلقيها وصبى من فوقها شوى وخليها

[ميمي2012]

أختي الكريمة بعد ما تكوني تسيقيها مليح وهذا أكيد ركي تعمليه دري فيها مرة على مرة بيكربونات الصودا هذا هو الحل
ولي يستعملو التلواه نتاع القهوة نقلهم بعد الإستعمال المتكرر راه يسدها لأنى أخطر شيء على البلوعات بن القهوة لهذا ممنوع ترمي التلوه أي البن فيها إن شاء الله نكون افدتك

[فتـ حييةـاة]

كل ماطيبي قهوة ديري فيها التلوة ينقص الريحة شوية ربي يعينك

[sirine 16]

ديري الماء بزاف و فرغي سانيبو

[مودةخ]

غطيها بسينة فيها الماء باه تجي ثقيلة في الليل وفي النهار اكي تسيقي افتحيها كي تكملي عادي رجعيها

[محبّة الخير]

انا نغسلها مليحونحط عليها كارلاجا تنقص الريحة ايلا ما كانش عندك البرودوي

[djsoso]

شكرا على الردود استفدنا من الردود

[sama osama]

الله يعينك ......................

[ام ايمان16]

حطي علبها بيدون فيه لماء باش ماتخرجش الريحة

[nassimoufi]

أنا استعمل غطاء علبة الجال فوق المجيرية ثم غطاءها وهكذا تتخلصي من البخوش و الريحة

[NOUR IMAYA]

فرغي فيها الماء بكثرة غطيها بساشي و ديريلها الغطاء تاعها مام حنا كان عندنا هكذا ودارلها أبي كيما قتلك ومن يومها راحت الريحة
في امان الله

[احلام منال]

صح التلاوة انتاع القهوة مليحة

[أم عمار السطايفية]

حطي فوقها كارلاجة لما ما تستعمليهاش و من حين لاخر صبي فيها الماء و الصانيبو

[elbouss3adi]

عاودياها الروقار

[I تيسير I]

انا نضن مارهمش من اول ديرين s اس هاد لى يجى كى حرف اس هو لى يسلكك من الريحة

باااااااااااااااااااين عليك تخمي بعقلك الله يبارك bravoooo و لكن اغلب الناس مش راح ينحيوا الارضية باش يديروا S

اغلب الظن يحطوا فوق المجرية صاشي نيلون و من مدة لاخرئ يغيروه

[ام تقوى 34]

انا راي راهو مع الاخت متمنية