الخوف من الكوكوت.....

[امينة علوم]

لبنات انا عندي عقدة من الكوكوت بواش تنصحوني راني حابة نشري كوكوت مينوت واش رايكم ..........................ضرك راني مع امي ومرة اخرا كيفله ندير ساعدوني

[سماح 88]

عادي حتى انا كنت نخاف منها ولما بديت نستعمل فيها راح ذاك الخوف

[عطرالذهب]

يااختي مافيها ما يخووووووف
المهم عسي الثقب اللي يخرج لهوا اتفقديه مرة على مرة بالابرة باش ما يتسدش وكي تغلقي الكوكوط ماتحطيش الصفارة حتى تغلي ويخرج لهوا بقوة من الثقب
ماتخافيششششششش

[khouloud 27]

حتى انا عندي نفس الخوف والكوزينة لي فيها الكوكوط ما ندخلهاش ابدااااااااااااااااااا

[أم ياسين الزهراء]

ماتحليهاش حتى يحبس البخار وادا كوزينتك شابة بزاف مع طفي النار ارفديها وحطيها تحت العين وخليها حتى يحبس كلش

[soha1987]

اوووووو ام ياسينحذاري ديري الما ء فوق الكوكوت وهي سخونة راح ييدر انفجار لانو راو ح صدمةحرارية لالا هاد الطريقة خطيرة حطيها برك وخليها تخرج البخار حتى تشوفيه حبس حليها وخلاص
ماتخافيش انا راني عشرة مع الكوكوت نحل ونقفل مانخافش وامي ديما تعيطلي نقفلهالها ازدمي وماتخافيش برك الفتحة راقبيها ماتكونش مسدودة وبشوية يروح الخوف

[h.lynda]

عسي الثقبة ملازمش تكون مسدودة و متحليهاش و هي سحونة

[امينة علوم]

شكرا لكن اعطيتولي كوراج هههههههههههه ربي يحفظكم انا وليت نخاف منها لخاطر صار حادث قدامي وليت نخاف

[فـرح]

انا تاني نخاف منها ومن صوتها كي تكون دور والله تخوف عندي قريب 4 سنين زواج وعمر لا استعملتها في داري
اختي سهى الطريقة تاع الأخت ام ياسين صحيحة
في دارنا كي شرينا كوكوت فيها طريقة استعمالها يقولو بلي كي تنحيها من فوق النار اديها ديراكت تحت العين ولا صبي عليها الماء باه يتنحى البخار تاعها في ساع

[fayza2u2]

انا ثاني كنت نخاف منها و ضرك راني نستعمل فيها عادي و كي طفي عليها ديراكت اديها تحت لعين حلي عليها الماء كي يحبس الصوت نحي الصفارة تلقاي النفس كامل خرج و افتحيها عادي .

[فقه معاملات مالية]

أنا ثاني نخاف من الكوكوط بصح لازم نخدم بيها كي يحبس الصوت نحي الصفارة تلقاي النفس كامل خرج و افتحيها عادي .

[بريق الدجى]

نفس مشكلتي يا اختي ماشريتهاش من خوفي منها

[المدير2012]

انا ثاني نخاف منها نتاعي اكثر من 3شهور ملي شرهالي وهي يمريحة

[وبشر الصابرين]

ما فيها ما يخوف العكس تربحي الوقت كي تستعمليها
اتشجعي برك

[وبشر الصابرين]

ما فيها ما يخوف العكس تربحي الوقت كي تستعمليها
اتشجعي برك

[salahpara]

اختي الكريمة انا مرعوبة منها وعندي وحدة نطيب بيها بصح جامي حطتلها الصفارة لني نخاف بزاف واشنو ديما نتفقدها ندبشيها كل مرة ونقص خلاص النار به يخرج البخار ونبعد نخلها نغمال

[omchifa]

من مميزاتها ان الاكل يجي بنين لان نستعمل فيها قليل من الماء و سرعة في الطبخ
احتياطات الاستعمال
1-لما توضيعها فوق النار ولما يغلي الطعام تحققي ان الصفارة تدور اذا لم تدور فهناك اسباب اما انكي لم تغليقها جيدا او انها مسدودة حاولي تنظيف الثقوب لانها ستنفجر
2-تجنبي وضع الارز لان بعض الاحيان يسد المخرج
3-لما تطفيء النار انزعي الصفارة ليخرج الهواء لاتفتحي القدر حتى يخرج كل الهواء لان اذا فتحتي قبل ان يخرج كل الهواء ستنفجر -
انا دائما استعمل الكيكوط و الاكل يجي بنين ويطيب بسرعة


ا

[laloua42]

توكلي على الله و اشري وحدة عندها طيابها بنين
و قولي لن يصيبنا الا ما كتبه الله لنا

[عائشة حسان]

اختي الكوكوت مليحة ياااااسر في طيابها من ناحية السرعة والبنة
كورجي برك وراح تولي ما تستغنيش عليها

اما ادا كنت رايحة تشري نوصيك
ماتشريش لامارك تاع الصين

اشري تاع الجزائر او فرنسا هم صح غاليين شوي بصح اضمن من تاع الصين

وربي يوفقكك

[مشرق2]

الكوكوت من أحسن وسائل الطبخ أنا تقريبا نستعملها في كلش لأن طيابها سريع و بنين كل يوم الصفارة تدور
و الماكلة أو الطبخة لي تطيب في الكوكوت تحسيها خاثرة و بنينة هذا رأيي
و ما فيها ما يخوف المهم تكون تتنفس مليح و الجوان يكون جديد و كمية الماء تكون كافية تعطيها وقتها و كي طفي عليها خليها تتنفس مليييييييييييح و كي يحبس النفس حليها بكل روح رياضية و ماتخافيش بصح الحيطة والحذر لازمين

ان شاء الله تستعمليها و ما يكون غير الخير هيا تشجعي و كاش ما طيبينا فيها رانا نستناو
http://store2.up-00.com/2014-05/1400449405851.jpg

[jiji_"]

انا ثاني نخاف من الكوكوت و الله جامي درتلهاا الصفارة مي نسيي ان شاء الله
يعطيكم الصحة

[امينة علوم]

شكرا على الردود و التشجيع اموراتي راح نتوكل على ربي ونشري واحدة ونبدا نتعلم فيها واكيد بحذر

[زهرة الجزائرية1]

شوفي اختي خلي الصفارة كي تكمل التصفار حلي الكيكوتة

[" أبو عبود"]

ديريها تطبخ خارج المدينة وارجعيلها في الغد ههههههههههههههههههههههههههههههه

[لمسة L]

ههههههه طلعتولي المورال كانو صحاباتي يضحكو عليا كي نخاف منها
هادا وين فهم باللي الام عادي

[~~ أغيلاس ~~]

السلام عليكم؛

أعتذر لتدخلي في أمور نسوية،

جذبني العنوان لما نقرت على المشاركات الجديدة،

المهم؛

إحدى النساء كان ثقب الكوكوط تعها مسدود و ميخرجش البخار، و عليه ظنت أن الكوكوط تعها خرجت البخار و كملت و لما فتحتها تعرضت لحادث رهيب،،،، لا أذكر جيدا لكن الراجح أنها توفيت أو تشوه وجهها، لا أذكر جيدا،،،،،،،،،،،،، الحذر الحذر يا نساء،،،،

بالحديث عن هذه الحوادث الرهيبة أذكر حادثة أخرى جرت لجار أحد الأقارب قبل سنوات؛

كانت القرعة تع الغاز تضيع الغاز،،،،،، المهم فتحوا باب المطبخ لمدة،،،،،،،،، و كان الزوج قد أحضر السردين،،،، ألح على زوجته أن الغاز قد خرج كله،،،، بعد إلحاح الزوج دخلت الزوجة المطبخ و ما إن اشعلت النار حتى احترقت هي و أحد أبنائها - أو بناتها - رحمهم الله،،،،،،، بقايا الغاز كانت عالقة في الجدران،،،،،،،،،،،

أعتذر عن القصص المؤلمة،،،،،،،،

حفظنا الله جميعا من كل سوء .

[امينة علوم]

عنكم الحق الكوكوت مليحة وطيابها بنين لكن لازم الحذر منها انا خوفي هذا كله من الحوادث اللي اسمعها شكرا لكم على النصائح و التشجيع