هل غسالة الاواني براتيك في خدمتها؟؟؟؟؟رجاء اجيبوني

[راجية غفران ربها]

:mh92::mh92::mh92::mh92::mh92:

حبيت نشري غسالة الاواني بصح قالولي خسارة الدراهم و الما و تريسيتي

لازم تغسلي الاواني او تمسحيهم قبل ما ابلاسيهم فيها و راهي ماتغسلش كلش غير طباسة و مغارف و كيسان هل هدا صحيح من فضلكم افيدوني رايحة ندير لاتستلاسيو نتاعها

[ام اسماعيل2009]

انا يا اختي عند وحدة والله تنح الخدمة خصوصا كي يكون عندك الضياف و رمضان وراه pratique

[نور الهدى06]

انا ڤالولي كيفك ومنشريها منحصل

[ايمن10]

غسالة الاواني اصبحت ضرورية لكن يجب ان تستعمليها بطريقة صحيحة اي لا تضعي فيها الاواني فيهم طعام وان تصففي الاواني بداخلها بطريقة مرتبة واتحدري غسل اوني الالمنوم وملاعق الخشبية واداكان لديك طقم قهوة مدهب او فضي فحداري وضعه لانها تغير لون الاصفر الي اسود وهي لديها 3 مواد الملح ويوضع مرتا في20 يوم تقريبا ومسحوق اخر يوضع كل يوم اما الثالث فهو السائل التلميع

ويوضع في كل الاسبوع او 9 ايام وانا استعملها مرتا في اليوم اجمع كل الواني واشغلها في اليل وادهب الي النوم وشكرا وسلام

[ام سارة ورقية]

اشري وما تندميش انا ثاني ترددت في شرائها مع الاول لكن والله تنحي الغلبة
ما تشيل المانع ماوالوا فقط نحي. بواقي الاكل ومايستهلكش منك عشر دقايق
ماتحطيش فيها الالمنيوم والخشب لانهم يفسد
والبرودوي بتاعها فينيش راه فيه الملح. والملمع. وصدقيني انا نقسم الحبة علي زوج لانا غالي شوية ويخرجون المانع يفرقو حتي الطاوة تابع الحليب نحطها كيما راهي

[نهلةن]

السلام عليكم انا تاني كيفك حابة نشريها وخوفوني منها ان شاء الله يفيدونا الي مجربينها

[OM AYA]

والله جا في وقتو سؤالك مام انا خممت فيه بنفس الطريقة

[راجية غفران ربها]

ههههههههههه راكم الكل كيفي تستناو في الاجأبة ما عليش نستفادو الكل مع بعض دوكا لازملنا استبيان باه نشوفو لي مع او ضد


نتمنى الاخوات يزيدو يفيدونا بانتظأركن يا الغاليات ماتبخلوش علينا

[تينا ماريا]

سلام انا تاني عندي 4 سنين و انا نخدم بها هيا الصراحة مليحة و براتيك بصح للي عندو كلشي و يحب يزيد يتقلش فهمتيني ماهيش من الضروريات
انا بالنسبة ليا ما نقدرش نستغنى عليها لانها تغسل الاواني مليح و تخليهم يبرقو و المطبخ يبقى مرتب و فارغ

[شوق وحنين الى الجنة]

من فضلكن اخواتي حابة نعرف اذا كانت غسالة الاواني تغسل الكيكوطة و المقلى و المرميطة لان صاحب المحل قالي تغسل كولش
انني في انتظار ردودكن

[wiser]

حبيت نشري غسالة الاواني بصح قالولي خسارة الدراهم و الما و تريسيتي

[الجواهر]

من فضلكن اخواتي حابة نعرف اذا كانت غسالة الاواني تغسل الكيكوطة و المقلى و المرميطة لان صاحب المحل قالي تغسل كولش
انني في انتظار ردودكن

كون تغسلهم و الله نشري وحدة قبل رمضان
قالولي تغسل غير الكؤوس و الصحون بعدما تنظفهم على هاذي ماحبيتش نشري
الكيسان و الصحون نلعب بيهم

[yara djoumana]

السلام عليكم انا عندي وحدة lg شريتها عندي عامين و الله مليحة و تنحي الغلبة الطابق الاول نحط فيه الملاعق و الكؤوس و لماعن الصغار و لخفاف و الطابق السفلي نحط فيه الطاوات و الكوكوت و البرمة و لماعن كامل يخرجو يبرقو انتي غير تنحي بواقي الطعام و تبلاصيهم فيها و ماتبذرش الماء عندها الملح انتاعها يحكملك مدة كبيرة و الصابون نتاعها ثاني ماهوش غالي انا تنفعني كي نكون مريضة و الا عندي الضياف و في ساير ليام نحطهم في الليل يصبحو مغسولين قاضيين حاجة نصيحة برك انا شريت LG من لملاح LGARONETI تاعها 10 سنين و هي لكبيرة شريتها ب 8 ملاين ماشي هادوك تاع 3 و 4 ملاين غير روعة اشري و ماتندميش كلش على الكاليتي

[ذكرى أبي]

أنا عندي وحدة منذ 6 سنين ....خسارة الدراهم ، تعيي ...لازم تشلي مليح مواعنك ، و تستفيهم ، و تقدي تسناي بزاف باش تكمل ، تحطي فيها الكسارن إيه ، إيلا كنتي غليتي فيهم برك راهي تغسلهم ، بالصح إيلا كنتي طيبتي فيهم ولا فيضتي الحليب لا ، هي بكل اختصار ما تحكش المواعن ، و ما تغسلهمش مليح ، تشللهم فقط مليح.خسارة خسارة
و بالنسبة للماء تاكل ، و التريسيتي أيضا
أنا ولات تقلقني وليت نغسلهم وحدي ممبعد استغنيت عنها نهائيا ـ مع العلم أني كلبت عليها باش شريتها

[Maria dadi]

معنديش فكرة اخت

[imene12]

أنا تاني راني حابة نشري وحدة بصح مانصحونيش بيها... قالولي ما تغسلش كلش و ما تحكش الطاوات نتاع الحليب و الكوكوط

[راجية غفران ربها]

الطواويو هدأ هو الشيء لي يضرح و يفنين البرم و الكوكوت

[archi mima]

اذا تهنيني من لحوايج لكبار مثل البرمة و الكوكوت و طاوة الحليب نشريه اليوم قبل غدوة

[تينا ماريا]

من فضلكن اخواتي حابة نعرف اذا كانت غسالة الاواني تغسل الكيكوطة و المقلى و المرميطة لان صاحب المحل قالي تغسل كولش
انني في انتظار ردودكن


كي تكملي الطياب تفرغي المرميطة و لا المقلى تمسحيها باسفنجة و الماء و تحطيها في الغسالة تخرج تبرق بصح لازم كل فترة تحكيهم بيدك باجاكس باه يتنحى الاثر تاع لحريق منهم فهمتيني يعني مرة في ال 15 يوم ولا على حساب الكوشة تاعك

[أم رتاج و مرام]

والله وحدة خلعتنا ووحدة فرحتنا مي واش فهمت بلي الغاليين والماركة ملاح وتاع 3 و4 ملاين ماهمش ملاح

[راجية غفران ربها]

هههههههههههههههههه

شكرااااااااا على مروركن يا الغاليات على قلبي

[sabimarsine]

انا تاخدي راي اخطيك كي تغسليهم بيدك واش راح يسرالك رنا مجربين كل هذه الالات والله العضيم لا يوجد احسن من العمل اليدوي سواء في الالملابس او العجن او الاواني وانا شخصيا استعملهم للضروره فقط مع انني موضفة وليس لدى وقت لانو يا اختي العمل عبادة قبل كل شئ

[نصيرة1973]

ماعنديش فكرة،أشكر الأخوات عن هذه المعلومات القيمة ورمضان كريم للجميع

[raouf80]

فرق كبيييييييييييييييييييييييييييييييييييييييييييييييي يييييير سواء من حيث الراحة او نظافة لماعن....الدراهم خلقو باه يمتعونا ماشي احنا لي نمتعوعهم....

[راجية غفران ربها]

شكرا على تفاعلكم مع الموضوع

[lilii7179]

صراحة هي مليحة و ماهيش مليحة, انا امي شراتها من 10 سنوات , كي كنت انا و اختي في الدار ما كناش نحبو نستعملوها خاطر ما تهزش بزاف , نستعملوها غير في رمضان تهزلنا الصحون و الكيسان و الكوكوت و معاها حاجة ولا زوج, بصح من نهار زوجنا و قعدت الوالدة وحدها و مريضة ولات تساعدها, ملي يكون ماعون تشللو فالعين و تحطو و كي يتلمو نتاع نهار كامل تمشيها , حاجة اخرى تعجبني في غسيل الكيسان خاطر le produit de rinçage يخليهم يبرقو و الماء ما يكونش فيه الكلكير.
هي تغسل حتى الكوكوت لكن لازم ما تكونش لاسقة فيها بواقي الأكل

[سمراء الدنيا]

شكرا لكل الاخوات للي قدمو اجابات
جزاكن الله خيرا

[منال9]

بارك الله فيكن

[راجية غفران ربها]

شكرا لكل الاخوات للي قدمو اجابات
جزاكن الله خيرا

[حسناء القمر]

عندما قلت لزوجي اشرلي واحده تاع 8ملايين قاللي نزوج ونجب لك واحده تغسلك لماعن نشرط عليها

[ام سامي15]

للرفع و الاستفادة اكثر من اجوبة الاخوات

[ام منصف عبد النور]

انا عندي وحدة نوع اريستون عندي عام ملي شريتها بكل صراحة مليحة وماشي مليحة مليحة تساعد كيتكوني عيانة ولا تعاونك باش تخلي المطبخ فارغ المشكل انهم ميغسلوش مليح تحيا اليد

[maram.espoir]

عندي صديقة عندها وحدة قاتلي mauvaise affaire تستهلك الكهرباء و produitتاعها غالي مقارنة بالخدمة لي تقوم بيها غير فعالة يعني ما تحكش الحرق و الأواني يعني تغسل غسيل التقلاش

[منال100]

دراهمها خسارة اختي اشترت واحدة قاتاي رني دايرتها ديكور برك

[Simassim]

ماكينة تنفع ادا تعرف تخدم بيها انا عندي رحمة كبيرة نجمع فيها ماعن تاع نهار كامل
انا صباح مرات نكون موجدة بسينة فيها ما نغسل فيه الخضر وقت الفطور امالا الما هداك قبل ماتدخل الماعن فالمشينة ندخلهم فيه كي يكونو مسخين بزاااف برك
الكوكوت والمقالي عندي تيفال مايلسقوش نمسحهم وندخلهم يتعسلو

المشينة لازم تديروها مسحوق مليح وماتنساوش الملح تاعها.
ولازم تنضفوها عالاقل كل شهر او شهر ونص. كاين مادة خاصة بتنظيفها. انا كل مرة نحلها ونغسل الرفرف ونحل الفيلتر ونغسلو ومنبعد ندير البرودوي وتخليها تدور خاوية تولي تشعل
تنفع بزاف خاصة الكورةزينة عندي صغييييرة تهنيت من الماعن خاصة نهار الضياف

بالنسبة لضياعة الما تبانلي العكس تستحفظ لأنو الما لي تضيعيه بالغسيل باليد اربع مرات فاليوم تغسل الماعن ومعاهم البوطاجي اكتر وزيد راه كاين ماركات فيها بروقرامي يغسل بست ليترات تاع ماء نستعملها مين يكون الماعن قلال او ماشي مسخين بزاف

القدور والكوكوت مرة على مرة نغسلهم بيدي ادا تحرقت الماكلة سينو ندخلهم
والوقت صح هي تطول انا نديرها بروقرامي تاع ساعة ونص او ساعتين تغسل ماعن تاع نهار كامل فالليل وادا درتها فالنهار وكنت مقلقة على الماعن. اغلب فيهم برقرام رابيد تاع نص ساعة

[راجية غفران ربها]

و الله الواحد حار واش يدير

[nihad1992]

اختي خسارة دراهم متحكش لماعن تعقب عليهم الماء برك و كانك حطيتهم تحت العين
نصيحة ما تخسريش دراهمك

[ام فادية]

انا عندي غسالة ا الاواني سامسونغ نستعملها خاصة في رمضان تغسل مليح بصح العفسة في تستاف الماعين اشريها ما تندميش عليها

[راجية غفران ربها]

ربي يجازيكم يا الغاليات

[Fati400]

je ne ss pas .javais po d'idee

[فاتي تيارت]

هي ضرورية فى رمضان و العزومات لا كان طبسي و2مغارف علاه التبضير