هل العتبة قاسية بالنسبة اليك ادخل تعرف السبب

[rahim4ever]

السلام عليكم اخوتي

اليوم جيت باش نحكي على اهم مشكل راهم يعانو منو التلاميذ هادو الايام '' العتبة'' جاتكم العتبة قاسية نوعا ما هل تعرفون لماذا لانها ليست عتبة كباقي العتبات لب شفناهم في الاعوام لي فاتو ويبقى مجرد الراي اظن بان هذه العتبة كانت متوقعة للسير الحسن للدروس وانا اتحدى اي واحد لم يصل في الثانوية لتلك الدروس المطروحة في العتبة باختصار نتوما ماكومش حابين الوزارة تنحيلكم م دروسا لي قاع دزاير قاريتهم لانكم وكما تعلمون الجزائر تلقت تهديدات من عدم الاعتراف بمنهاجها الدراسي وهذه كارثة عظمى

انا من جهتي كنت من اشد الفرحين بهذه العتبة لانني والحمد لله كنت متوقعها يعني ماكنتش نقارع كتر من هاك وهي من الاول كانت باينة بلي ماكانش عتبة هاد العام والحمد من غير الحساب التكاملي لي عليه 0.5 نقطقة فالباك لي بقاو قاع راني قاريهم والسبب واضح العتبة لا دين لها لذل لا تشغلو تفكيركم بالعتبة فهناك عباد همهم الوحيد زرع الخوف في نفوسكم فهم بوجود او غياب العتبة داي 6 فالباك دايها و كاين لي بيها ولا بلا بيها داي 15 مي كي يسمع هاك يتشلوش و ما يخدمش

على العموم مجرد رايي الخاص و في الاخير اتمنى لكم النجاح ســــــــــلام

[islambazita]

كلام جميل و رائع اشكرك

[old young miss]

عندك الصح خوي بصح كاينلي مازال مالحقوش لهاد الدروس نورمالمو عدل و يكونو عند كلمتهم أنا مارانيش نهدر على روحي الحمد لله مارانيش مهتمة بالعتبة بصح قالو كاين عتبة و تكون فيها غير دروس لي قريتوها نورمالمو يكونو عند كلمتهم

[rahim4ever]

عندك الصح خوي بصح كاينلي مازال مالحقوش لهاد الدروس نورمالمو عدل و يكونو عند كلمتهم أنا مارانيش نهدر على روحي الحمد لله مارانيش مهتمة بالعتبة بصح قالو كاين عتبة و تكون فيها غير دروس لي قريتوها نورمالمو يكونو عند كلمتهم


لا يا اختي اظن بان الجميع وصل لهذه الدروس الا اذا كان هناك مشكل في مدرسة ولا 2 على المستوى الوطني ومن المستحيل ان ياخذان بعين الاعتبار لذا عليهم تدارك الدروس

[أبو عبد الرحيم 27]

بارك الله فيك
هادي هي الهدرا يا خويا الله يعطيك الصحة
جزاك الله كل خير

[rahim4ever]

شكرا على مروركم

[zainona]

لا يا اخي ليس الجميع قد وصل الى هذه الدروس ومن بينهم مؤسستنا

[ابتسام!]

و يا خويا انا نتحداك بلي موصلناش لهاذو الدروس
و قالونا ارجعوا تقراو من ورا الباك التجريبي
و مشي الليسي تاعنا برك
عموما كلامك جميل
بالتوفيق لك

[Studdy]

السلام عليكم

صحيح كلام جميل لكن ماتتحداش لانو ماش كامل وصلنا لهذه الدروس و انا عينه التكامل درناه في نصف ساعه تتصور؟ و الاستره في ساعتين في المخبر كل القسم بلا مانحكيلك بلي ماشديت والو الفوضى و الاستاذ يجري ..

و انا متأكده اني مانيش وحيده

هاذي هي و ربي يوفقنا كامل

[super girl 15]

صح عندك حق
mais حنايا الفلسفة والفرونسي ماقريناش خلاص
والانجليزية تاني مكملناش
كيفاش نديرو

[سوفـي 39]

العتبة اخلطت بعض الاوراق
في معظم المواد عدا مادتين او ثلاث
يلزمنا ريكومونسي لاعادة ترتيب الاوراق المختلطة
وانا احمل المسؤولية وبصفة كبيرة للاساتذة في واش راه صاري now
..
مشكور ع الكلمات الجميلة .. تحياتي للجميع
وربي يوفقنا

[الوجہ البَشوش]

ايه صح خيوو
بارك الله فيك

وبالتوفيق لنا جميعا

[اسماء 05]

السلام عليكم

احنا كاين حوايج ماقريناهمش اصلا وماماسمعناش بيهم

[وردة مـن ذهـب]

أنا صراحة ضد العتبة تماما هكذا باش الباك تاعنا يولي كي تاع بكري عندو مصداقية كبيييييييييييييرة

[mari mita]

كيما قالولك ليزامي انو ماشي كامل قرينا الدروس يعني حنا التكامل في ساعة ومفهمتلوش ووحدة الاسترة ثاني ملخص في ساعة واحدة ودرنا تمرين عليه ومفهمت واااالو

المهم على العموم ربي ايقدر الي فيه الخير

[قلامين رياض]

basa7 kan dakhlo geologie mliiii7 !!?

[asma-forever]

كلام سليم 100% بارك الله فيك

[khadidja-khouri]

خوياا حنا التكــامل ماقريناهوش !!!! كيفماه نديرو دركاا ؟

[rahim4ever]

خوياا حنا التكــامل ماقريناهوش !!!! كيفماه نديرو دركاا ؟


لازم تروحي لليسي باش الاستاذ يكمللكم الدرس على العموم التكامل لا تفوق علامته في الباك نقطة واحدة بالنسبة للعلميين

[Amel 95]

شكرا على الكلام الجميل اخي
و لكن فلنكن واقعيين فبعض الدروس لم نتطرق لها حتى
تخيل اصلا رانا حايرين واش نديرو فالفلسفة و تزيد العتبة تشمل دروس ما قريناهاش
على كل حال ربي يوفقنا و يكون معانا فنحن لها
بالعزيمة يتحقق المستحيل

[خديجة 90]

ننصحكم خاوتي باش تفهموا التكامل تروحوا تشوفوه فاليوتيوب و ماكاش حاجة اسهل منو حلو حلو حلو في نهار تقضيولو الصلاح توكلوا على ربي سبحانه
انا جربتها و كنت نكره التكامل بصح ضرك راني مرتاحة من جيهته انا نكره الميكانيك كيفاه ندير دبروا عليا تعيشواااااا

[*حبيبة*]

شكرا لك و حبيت نسقسيك عندك ملخص الاسترة ؟

[اريج الافراح]

لا مش كامل وصلنا حنا كنا نديرو في ليكونترول والادارة نشرت العتبة تخيل جو الامتحانات اومبليس لقينا الاسترة داخلة وحنا مقريناهاش خلاص وراح نقروها هادا الاسبوع كاامل

[اسراء؟]

العتبة كانت قاسية وصلبة وقسمت ظهورنا الى اثنين وبنهاية حنا بشر مناش كمبيوترات باه نتحملو هدا الكم الهائل من الدروس وكان سيادة الوزير من بداية السنة قالنا معلابليش بجدكم دييروا الاضرابات ةالاساتذة يديروا الاضراب وانا معلبليش بكم والعتبة راح انديرها كيما نحب انا وليس على حساب الدروس اللي راكم واصلينها ماشي يخلي منا الى ماي ويديرها الطايح اكثر من النايض والسخانة والباك بقالو 20يوم حنا نرجعوا لليسي انكملوا الدوروس ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟والمخالق تاع غرداية اللي مقراوش وحنايا