مساعدة عاجلة

[nima la douleur]

ارجوكم اريد نصيحة انا لست جاهزت للبكالوريا و خائفة و مضطربة لديا دروس كثيرة للحفظ و الفهم اريد طريقة او مساعدة لتنظيم الوقت ام استسلم و فقط ساعدوني

[وردة مـن ذهـب]

لا تستسلمي عزيزتي



شوفي قوليلي واش من شعبة انتي و واش هي المعاملات و نوعدك نزودك ببرنامج بشرط توعديني بلي تطبقيه و تتحملي التعب فال 21 يوم المقبلة

[ابن غارداية]

لا تقلقي أختي الفاضلة فأنا أيضا سأجتاز إمتحانات الباكالوريا لهذه السنة , و أنّ لحد الآن لست مستعدآ
أنا لم أدرس منذ شهر نوفمبر الفارط لغاية يومنا الحالي , وهذا بسبب ظروف المحيطة بولآيتنـــآ الحبيبة
لكن مــآ أنصحكِ به قبل كل شيئ أن تكون لديكِ نفسية و عزيمة قوية فهي تمثل نسبة 60 % من تحضيرات الباك
أمــآ عن المرآجعة و بـــآقي التحضيرآت فعليكِ تخصيص نظــآم منـآسب يساعدكِ على الحفظ و المراجعــة
أتمنى من الإخـــــــوة يســـآعدوك خصوصـــآ من الأخت وردة من ذهب , بالتوفيق لنا و لكِ إن شـــآء الله

[katerina]

oukhti ana ma3aki fi koul chay hala tafadalti bi mourassalati l nastati3 b el takadoum

[وردة مـن ذهـب]

أختي أنا في انتظار ردك

[nima la douleur]

انا شعبة العلوم التجريبية معامل العلوم 6 و الرياضيات و الفيزياء 5 و اللغة العربية 3 و باقي المواد 2

[nima la douleur]

شكرا على الرد و انا مستعدة لسماع نصائح و برامج و اطبقها بالحرف لاني الان في حيرة و كل ما يطلب لدراسة انفذه من اجل اهلي و نفسي

[اسراء؟]

اختي بما انو رانا كيفكيف وش رايك نتنافسوا في 20 يوم اللي بقات

[وردة مـن ذهـب]

شوفي أختي أولا حددي فاليوم بالتناوب دراسة مادة علمية و مادة أدبية

كي تكوني تقراي ماتنوضيش غير للأكل و الصلوات معليش مين ذاك تتكسلي شوية تنحي التعب 10 دقائق و تنوضي

أرقدي فالليل بعد صلاة العشاء مباشرة و نوضي مع الفجر

إذا يساعدك مثلا تحفظي هاذاك الوقت و إذا مايساعدكش أقراي العلوم و أحفظي فالنهار

نعطيك جدول من اقتراحي و نتمنا تطبقيه

ماتنوظيش على 2 تاع الصباح و ماتسهريش لل1 لأنو ساعة من النوم قبل منتصف الليل تقابل ساعتين بعد منتصف الليل.

وقت النوم : بعد صلاة العشاء

وقت الاستيقاظ : مع الفجر

اليوم الأول : مراجعة العلوم لمدة 4 ساعة و مراجعة العلوم الإسلامية لمدة 2 ساعة ( يعني ماتقدريش تخلصيها في ساعتين و لكن تستغلي هاذيك الساعتين تقراي واش قدرتي معليش يبقاولك دروس ماخلصتيهمش ) و تبقاي تناوبي ليوم كامل بين دراسة العلوم الطبيعية و العلوم الإسلامية حتى للعشاء تصلي و ترقدي مباشرة.

اليوم الثاني : مراجعة بين الفيزياء و بعض العلوم الإسلامية بالمناوبة لمدة يوم كامل

اليوم الثالث : رياضيات مع اللغة العربية

اليوم الرابع : العلوم الطبيعية مع الانجليزية

اليوم الخامس : الفيزياء مع مصطلحات التاريخ

اليوم السادس : الرياضيات مع إكمال مصطلحات التاريخ

اليوم السابع : العلوم مع اللغة الفرنسية

اليوم الثامن : الفيزياء مع الفلسفة

اليوم التاسع : الرياضيات مع مصطلحات الجغرافيا

اليوم العاشر : مراجعة دروس التاريخ و الجغرافيا .



أختي هاذا برنامج ل10 أيام بعدها المواد اللي تشوفي روحك مليحة فيها ماتعاوديهاش بزاف و عوضيها بالمادة اللي تساعدك + التاريخ و الجغرافيا لازملها وقت زيادة شوية يوم مايكفيش +

ماتبقايش تزرابي باش تخلصي يعني مش العبرة كي تكوني فحلة و تخلصي . العبرة كي تراجعي بتأني . و تفهمي

المواد الأدبية راجعيها في ملخص أكتبيه انتي في ورقة واحدة و اتمرني على حل المواضيع و كذلك بالنسبة للعلوم و الفيزيا و الرياضيات.
بالنسبة للفلسفة اشتغلي مع التطبيقات و المقالات أفضل من أنك تكثري مع الدوس
كاشما خصك و لا حابة تستفسري راني هنا .
وماتفقديش الأمل أقراي برك بنظام و ادعي ربي يفتح عليك

.

[silent_cry]

الله يوفقك اختي انا ادبية كاش ما تحتاجي في مواد الادبية راني هنا

[Alal pidro]

الله يوفقك اختي انا ادبية كاش ما تحتاجي في مواد الادبية راني هنا

[شكرا اختي انا عندي مشكلة مع نمط النص ديمة نغلط فيه و هل من الممكن اني نعرف نمط النص من خلال الشاعر و شكرا و الله يوفق

[nima la douleur]

شكرا على ردود فادتني كثيرا بالنسبة للمنافسة و برنامج المخصص شكرا شكرا على جهدك ان شاء الله بعد الاسبوع هذا نبدا لان هذا الاسبوع بكالوريا تجربي و شكرا مرة اخرى

[nima la douleur]

اسراءاتركيني انهي البكالوريا التجريبي و انطلق معكي

[nima la douleur]

وردة من ذهب شكرا شكرا ربي يفرحك و على حساب نيتك

[وردة مـن ذهـب]

وردة من ذهب شكرا شكرا ربي يفرحك و على حساب نيتك

آميييييييين إن شاء الله نفرحو كااااااااااااامل يا رب أقراي برك و ربي مايخيبكش بإذنو و بلا مزية