وصفات من كراسي القديم

[عائشة حسان]

السلام عليكم ورحمة الله وبركاته

اخواتي كيما مكتوب في العنوان تاع الموضوع وصفات من كراسي القديم

ياريت في هده الصفحات كل اخت تنورنا بوصفة من وصفات كراسها القديم اي قبل ما نتلمو هنا ونتعارفو بشافات كبار الله يبارك

والاكيد ان الوصفات القديمة اقتصادية وبنينة ولها نكهتها الخاااااااااصة




في انتظار مشاركاتكم اخواتي الكريمات

[*سيرين نور عيني *]

merci c'est une bonne idée

[عائشة حسان]

لي عودة لوضع الوصغة

[أم محمد تاج]

فكرة روووعة وراح نبدا انا

البابي papi

اربع بيضات وكاس سكر وكاس زيت وفاني وباطة ياؤورت وكاس حليب وزوج باكيات خميرة ورشة ملح وزوج خميرة القاطو وكاس فرينة وكاس دقيق عادي
خبطي السكر مع البيض ورشة الملح والفاني مليح مليح وزيدي كاس الحليب والياؤورت والزيت والخميرة والفرينة والدقيق وحطيه يطيب كي يطيب اسقية بكاس ونص شاربات خفاف وزينيه بالكاوكاو او نواد كوكو
وهاي ليكم صورة الوصفة من كراستي القديمة

http://im67.gulfup.com/tGgTgS.jpg

[lyzzabel]

فكرة راااءعة اختي عاءشة بارك الله فيك كاش نهار نشارك بإذن الله :19::19:

[أم ياسين الزهراء]

هدي كانت فكرة قديمة لبروقة الحبيبة

شكرا على الفكرة راح نحوس على الكراس ونحطلك كيما ام محمد باش نقراوه بليجيمال ههههههههههههههههههه

[وهج الحياة]

فكرة رائعة لو ترفق بالصور للتطبيق

[ام رشدى]

فكرة رائعة بوركتي

[hony]

السلام عليكم ورحمة الله وبركاته
عجبتني الفكرة و إذا على الوصفات راه معمر الكراس ههههه
الكحلوش باللوز إفيلي
كاس زبدة ذايبة
كاس مش معمر سكر قلاصي
4حبات بيض
كاس مايزينة
2مغارف كبار كاكاو
لافاني
1خمارة
فرينة حتى تتلم
نلم المقادير حتى ترجع العجينة طرية نطبع بطابع دائري مبرج نطيبو كيما صابلي خليه يبرد نغطس الحبات في شيكولة ذايبة كامل الوجه نذرذر لوز إفيلي و نخليه ينشف

الوصفة ناجحة مئة بالمئة نموت عليه

[لميس اميرة]

السلام عليكم

انا عندي هاذي

قاطو بالنشاء

كيلة زبدة
كيلة سكر
1 خميرة
م ك فاني
4 بيض
ملح
3 كيلات نشاء
نجمع الكل حسب الترتيب و نعمل اشكال حسب الرغبة كويرات بيضة اصابع
تطهى بيضاء يدهن الوجه بالمربى و يغطس في كوكاو مرحي

[لميس اميرة]

كرام ديسار بالكاكاو

لتر حليب
2 مغارف كبار كاكاو
5 مغارف كبار سكر
3 مغارف كبار نشاء معمرة
رشة ملح
نخلط كلش بارد في بارد و نحطها على النار و نحرك
غير تهز الغالية الاولى و نشوف فقاعات على الحاشية نحركها مرة اخرى و ننزعها من النار
نضيفلها ملعقة كبيرة زبدة و نحرك بسرعة حتى تتجانس و نفرغها فالكؤووس و تدخل الثلاجة لتبرد
قبل التقديم نرش فوقها كوكاو مكسر او قطع فواكه

[لميس اميرة]

حلوى الكابريس
70 حبة كابريس
2 مغارف كبار زبدة
نص كاس حليب فايض و بارد
نحطهم فوق حمام مائي لما يدوبو نشيحهم بالكوكاو مرحي متوسط
حتى نتحصل على عجينة
نطبعها في مول المعمول و تزين بعقاشة

او حسب الذوق

هاذ المقادير تعمل كمية كبيرة جدا جدا

[لميس اميرة]

قاطو بالنواد كوكو

3 كيلات نواد كوكو مرحي رطب
ربع كيلة سكر
بياض بيض لجمع العجينة
2 مغارف كبار نشاء
نجمع الكل حتى نتحصل على عجينة
نشكل اجاصات او كويرات و تطهى
تزيد بورود حمراء من فوق
او يغطس الوجه في شكولا

[marwa255]

يعطيك الصحة فكرتك هايلة

[مريم يوسفي]

فكرة جميلة و طيبة

[ام هاديل وياسين]

بارك الله فيكم

[madie]

très bonne idée allah yatikoum essaha

[djazia87holi]

الله يبااااارك عليييييييييكم

[lordgaga]

ohhhh merci beaucoup
stp zido 3djboni bzef vos recettes <3

[asmamath]

bonne idée

[تغرينية]

الله يبارك

[شقراء]

يعطيك الصحة على الموضوع ولي عودة ان شاء الله

[idron0]

يعطيك الصحة

[سارة حبيبة زوجها]

خسارة كراسي لقديم نسيتو في دارنا راني كي نحتاج وصفة تمليها عليا امي من الهاتف ولا نجي نحوس عليها هنا فالمنتدى
بصح راني درت كراس جديد

[ام عبيدة]

بارك الله فيك علي الفكرة الرائعة

أنا عن نفسي نحب الحلويات القديمة أحسن من الجديدة و بلأخص حلويات السيدة رزقي

[سرور2]

يعطيك الصحة فكرتك هايلة

[عائشة حسان]

السلام عليكم


يعطيييييييكم الصحة اخواتي

اختي زوالي يعطيك الصحة راني انا الاولى هزيت وصفاتك الة كراس الجديد هههههههههههه وجاري التجريب ان شاءالله

[MEBSOUT FATIMA ZOHRA]

مشكورة أختي une bonne aidee

[عائشة حسان]

شكرا اخواتي نورتم الموضوع

ياليت اكثر نشاط ونرجعو لكراستنا القديمة ونجيبو منها وصفاتها الاصيلة