ماهو سعر شريحة جازي

[Nesrine♥♥Celena ♥♥]

السلام عليكم ورحمة الله تعالى وبركاته. أنا نحوس نشري بيس جيزي وتكون رخيصة على هذيك حابتكم تعطيوني الأسعار تاعها وثاني واش لازم ندير باش نشري وحدة يعني كيفاش باسكو هذي أول مرة وشكرا مسبقا

[الواثقْ بالله]

اظن ان سعر شريحة جيزي يبدأ من 150 دج

و المطلوب هو صورة ظبق الاصل لبطاقة التعريف الوطني مصادق عليها

بالتوفيق

[هدى فلاح]

دير 25دج ودير فتوكوبي تاع لكرت نسيونال

[Nesrine♥♥Celena ♥♥]

شكرا جزيلا وعندي سؤال آخر: كي ندير فوتوكوبي تاع لاكارت لازم نغاليزيها ولا لا؟ ومبعدا نروح للطاكسي فون نقلو اعطيني بيس جيزي وهد ماكان؟ وشحال من وقت لازم باه توجد ؟

[julien2013]

نعم لازم تكون مقاليزية
و تقدري تشري بيس ألو و تلبيها جيزي ب100 دج فقط بدون رصيد

[Nesrine♥♥Celena ♥♥]

نعم لازم تكون مقاليزية
و تقدري تشري بيس ألو و تلبيها جيزي ب100 دج فقط بدون رصيد
وشحال لازم الوقت باه توجد مثلا نروح غدوا وكتا توجدلي
+++++
ندي لفوطوكوبي مقاليزية للتاكسي فون ونقلو اعطيني بيس جيزي هكذا برك ؟؟

[julien2013]

وشحال لازم الوقت باه توجد مثلا نروح غدوا وكتا توجدلي
+++++
ندي لفوطوكوبي مقاليزية للتاكسي فون ونقلو اعطيني بيس جيزي هكذا برك ؟؟



نعم، توجد ليه ليه، يفتحها من العلبة، يسجل معلومات البطاقة التعريف الوطنية و يكاشي فيها و يمدهالك و يكتبلك النيميرو على الفاتورة تاعها. كونطرا.
نصيحة: ما تديش بطاقتك التعرف الوطنية تاعك، خذي بطاقة اخوك ولا أبوك و لا عمك.. المهم ادي فوطوكوبي ب ت و تاع ذكر.
نصيحة 2. قوليلو يدفع الكونطرا في اقرب وقت، لأنو انا صراتلي ديحا، شريت بيس بصح بعد ايام قليلة تغلقت و ما لهيتش باش نفتحها، السبب أنو مول الحانوت لي شريت من عندو لم يقم بدفع الكونطرا الى بيت جيزي. :mad:
لا تنسي النصيحة و بالتوفيق.

[Nesrine♥♥Celena ♥♥]

نعم، توجد ليه ليه، يفتحها من العلبة، يسجل معلومات البطاقة التعريف الوطنية و يكاشي فيها و يمدهالك و يكتبلك النيميرو على الفاتورة تاعها. كونطرا.
نصيحة: ما تديش بطاقتك التعرف الوطنية تاعك، خذي بطاقة اخوك ولا أبوك و لا عمك.. المهم ادي فوطوكوبي ب ت و تاع ذكر.
نصيحة 2. قوليلو يدفع الكونطرا في اقرب وقت، لأنو انا صراتلي ديحا، شريت بيس بصح بعد ايام قليلة تغلقت و ما لهيتش باش نفتحها، السبب أنو مول الحانوت لي شريت من عندو لم يقم بدفع الكونطرا الى بيت جيزي. :mad:
لا تنسي النصيحة و بالتوفيق.
مرسي بزاف خويا على النصيحة ربي يعيشك، أوكي ضك ندير بتاع خويا وخلاص.
ربي يعاونك ومرسي مرة اخرى