أنا حائرة

[مشكلتي]

السلام عليكم انا فتاة مخطوبة ومقبلة على الزواج ان شاء الله ولكن قبل خطبتي توفت أمي اي في ماي الماضي وبقينا أنا و أخي نعيش لوحدنا لأن أبي متوفي أيضا الان عندما اقترب موعد الزواج قالو لي أخواتي البنات الاكبر مني باني متسرعة في الزواج وعلي ان أنتظر عاما أخر لكي أمكث مع أخي وقلن ماذا لو لم يتحصل على شهادة البكالوريا من سيبقى معه مع العلم أن أختي الكبرى تسكن في دائرة قريبة لدائرتنا و أختي الاخرى أيضا تسكن في العاصمة نصف ساعة تصل الى البيت لكن أزواجهم يرفضون فكرة التداول على المكوث مع أخي لااعلم مذا أفعل هل اوقف حياتي واخي عندما يكبلا سيتزوج وأنا كيف

[hajer.joujou]

اختي ربي والديك و يجعلهم فالجنة انشاء الله
صح اختي صعيبة عليك بزاف اظن انو اذا يرفظو تداول اخواتك عليه يروح هو كل مرة عند وحدة ما فيها والو بالعكس يربحو الاجر عند الله هي صح صعيبة عليه لكن تجري الرياح بما لا تشتهي السفن هكذا كاتبة من عند ربي سبحانو اللي خلق ما يضيعش.انشاء اخوك ينجح الباك و يروح يقرا الجامعة و ما تخافوش عليه.

[knives66]

وعندك حل اخر

تزوجي ويعيش معاكم وين مشكل

[يونس معبدي]

وعليكم السلام ورحمة الله
اختي الفاضلة أعتقد أن الجميع سيجمع على ضرورة زواجك
نعم يجب ان تتزوجي ..فلا اعتقد ان اخ في هاته الدنيا سيكون سبب في بقاء اخته دون زواج ..اما عن أخواتك الكبار فلا يحق لهم منعك ..والا فلنجرب قلب الأدوار لنرى ما يكون منهم ..
ولو أن تركه في بيت لوحده وفي هاته السن امر خطير فقد يتحول الى شخص آخر
فالفراغ و الوحدة امر له مخاطره على الفرد ..
وانا ارى الحل في التداول على خدمته وهو يجب ان لا ينقطع عنكم
اما باقي الأمور اكيد سيتدبر حاله بنفسه
خاصة اذا كان مهتم بدراسته ..بدراسته فقط ولا شيء آخر
اما انه يعيش معك ..فهو امر غير وارد بل شبه مستحيل
فكيف سيعيش معك وانت عروس جديدة
فان كنت ترضين بذلك فزوجك لن يرضى ..هذا اذا كنت ستعيشين في بيت مستقل اصلاً
اسأل الله ان يفرج كربك ويسعدك ويهنيك وينجح خوك في شهادة البكالوريا
آمين

[جمعي البشاري]

ربي يكون معاك
الحل يعود اليك وعلى اخوتك
في رايي تزوجي وربي يسهل ان شاء الله

[lafleuredusud]

اختي ربي يرحم والديك انا من راي انك لا تتركي اخاك وحده خاصة في هذه السن و اذا اخوتك ميقدروش يداول عليه نظن تتزوجي وتعيشي مع خوك و ان شاء الله ينجح في الباك و هكذا تكوني ماتخليتي لا على خو ك و لاعلى خطيبك

[sarl02]

ياه يا الدنيا ..انا راه غايضني غير هذا المخلوق تاع خوك في وسطكم ..وقد تقاذفته امواج الدنيا ..لا اب ولا ام وحتى اخوات كل في حاله ..اتزوجي وخلوه ربي ليه الي اخلق ما اضيع .

[داعي الله ياسين]

سلام الله

كما سبقوني إخوتي ... حسب ظروف زوجِك .. مذا لو تزوّجتم وأتى هو للإقامة معكم في بيت والديك .. سيتكفّل بكِ وباخيك إلى حين يفتحِ الله لكم مخرجاً

شدّوا في بعضاكم أكيد والديكم وصّاوكم بهاد الشّيء .. عليها ميكونش خوكم عائق لكم لأنه في سِن صَعب إن فَهِم أن أخواته يرفضانه (ولو على لِسان أزواجهم) سيعود عليه بالسِّلب وممكن اشياء أخرى ...

إستشيري الحكماء من عائلتك .. خالك خالاتك اعمامك .. هم أدرى منّا فيكم..

رب يجمعكم في الخير أنتي وزوجِك أنتي وإخوتك أنتي ووالديك في الجنة إن شاء الله

وشكرا

[hodahodahoda]

اذا كان موعد الزواج بوقت قريب من الباكالوريا
فلا باس ان تنتظري قليلا
الظرف صعب
ماذا لو قبل زوجك ان يعيش اخوكم معكم على الاقل يلتحق بكم بعد مدة من زواجك
ربي يكون في عونك

[first first]

اختي الغالية.....................................والله ياختى العزيزة ..خوك مازال صغير....................ولاامو لابابه معاه.......................انا مانقولكش ماتزوجيش لكن لو تقدري تاجلي لاشهر قليلة زواجك اجليه...حتى يستقر خوك قليلا....................هادا راهو في الباك................يعني والله مازال طفل صغير ومازال مراهق ومازال يحتاج حنان امو.

وانت الشي لي تقدري عليه ديره واخواتك هن ايضا مسؤولات لكن الله غالب عندهم ازواج يتحكمو فيهم.
ربي يحفضكم لبعضكم...وربي يهنيك في زواجك.
وفي الاخير نقولك.خوك راهو امانة في رقبتكم ..وخوك مازالو صغير......................القاو اي حل الا انكم تخليوه وحدو في الدار من الصباح للعشية. ....لست المسؤولة الوحيدة................وماشي كي تشوفوه طول وعرض تقولو او كبير ويدبر راسو......................كاين رجال كبار ومايقدروش يعيشو وحدهم في دار وخوك مازالو صغير...............اتهلاو فيه.

[رحمة 20]

لماذا هذه الانانية من اخواتك لابد من الجميع ان يتحمل مسؤولية الاخ وكذلك انت منهم،انا في رايي شاوروا من هم اكبر منكم في العائلة و

[جويرية الإيمان]

أولا ربي يرحم والديك و يجعلهم من أهل الجنة

ثانيا لي من حق أخواتك يحملوك مسؤولية أخوكم لوحدك

إذا كنت رايحة تؤجلي زواجك لبعد ظهور نتائج الباك معليهش

أما أن تؤجلي زواجك لأجل غير مسمى فما عندهمش الحق

كلكن مسؤولات عن أخيكم

لكنك لم توضحي بعض الأمور

هل ستسكنين في بيت منفرد؟

هل أزواج أخواتك يرفضون عيش أخوك معهم؟

و زيد من المفروض تتشاورو مع بعض و تلقاو حل يرضي الجميع

و في رأيي أحسن حل أنو لما تتزوجي إن شاء الله تعيشي مع زوجك في بيت أبوك

لكني أشك في موافقة زوجك .

أهم حاجة أنكم تتهلاو في خوكم و ربي إن شاء الله يلهمكم الصواب .

[سهام1]

تزوجي اختاه و ربي يدير لخير خوك راه راجل الله يبارك و كلكن مسؤولون عن اخوكم و الله اعلم

[bellaluna]

أنصحك ان تؤجلي الزواج لبعد نتيجة الباكالوريا و بعد ذلك يحلّها الله.

[samira135]

الله يرحم والديك يااااااااااارب

بخصوص خوك علاه ما تقنعيش خطيبك يجي هو يعيش معاكم نظن هذا الحل يرضي جميع الأطراف

لو كان خطيبك في بلاصتك عندو أخ وحيد في ميزك يتخلى عليه ؟ أكيد لا ، مالا إنتِ ثاني ما تتخلايش على خوك

[ندى الزمان]

ربي يرحم والديك
اختي واش راي خطيبك ..... حطيه في الصورة وشوفي واش راح يقولك.....
بالاك يعطيك هو الحل الانسب .... رحمت ربي واسعة
ربي يهنيك

[وهج الحياة]

اه يا اختي الفاضلة لا تؤجلي زواجك خير البر عاجله لا سيما اذا طلب منك زوجك هذا واذا لم يمانع زوجك فاليمكث اخوك عندك اذا كنت ببيت مستقل ولتكوني وزوجك ابا واما له اوتربحوا الاجر انه في مرحلة جد حرجة وصعبة في وقت لا يرحم وربي يهديك واخواتك خاصة كيفاه امانة من الوالدين رايحين تقصروا فيها كيما هك
فعلا من يرى مصيبة الاخرين تهن مصيبته عليه
يا اختي دعواتي بالتوفيق وابارك لك الزواج مقدما

[ana-howa]

ياه يا الدنيا ..انا راه غايضني غير هذا المخلوق تاع خوك في وسطكم ..وقد تقاذفته امواج الدنيا ..لا اب ولا ام وحتى اخوات كل في حاله ..اتزوجي وخلوه ربي ليه الي اخلق ما اضيع .

قلت واش بغيت نقول
يا اخت اذا تحتمت اجلي زواجك حتى و لو اشهر
و ربي يكون في العون

[مياسم الصمت]

السلام عليكم ورحمة الله وبركاته

اختي الكريمة ان كان أخوك سيجتاز البكالوريا هذا العام فهي على مقربة شهر ويمكن تأجيل زواجك

اما ان كان العام المقبل وأخواتك يتوقعن انا ان لم ينجح سيبقى وحده فهذا ليس منطقا

فهذه انانية في التفكير صراحة

هذا ان فرضنا ان نجاحه او رسوبه سيكون عاما واحدا
واسألك وماذا لو أجلت الزواج ولم ينجح في البكالوريا لدورتين متواليتين لا قدر الله


امر عيشه معك هذا امر راجع لظروفك حتى أخوك اعتقد سيرفض الأمر اظن

يبقى فقط الحل الوحيد التداول على خدمة اخوكن

ربي يصلح الأحوال وييسر لك امرك

سلام