خطبتي و تقويم اسناني

[مشكلتي]

السلام عليكم ... عندي مشكلة محرجة نوعا ما و ان لم يظهر ذلك لكم .. انا فتاة عادية احببت شخص و سيتقدم لخطبتي يوم الجمعة ان شاء الله

المشكلة اني كان عندي اعوجاج طفيف في اسناني و قد وضعت تقويم منذ اسبوع تقريبا .. و بذلك فقدت ثقتي بنفسي لاني كنت اصلا معقدة من وضعه و هذا ما جعلني اتأخر في القيام بهذه الخطوة

كنت اريد ان اظهر في اجمل حلة و اترك اجمل انطباع عند والدته و هذا ما ارى انه اضاعه ذاك التقويم ..

توجهت لكم لاني فعلا احتاج لكلمة تشجيع او نصيحة او حتى دعاء بتسهيل أمري

[لمياء كوكو]

المهم تعجبيه هو
ربي يكملك

[naamane3]

ان الله لا ينضر الى صوركم لكنه ينضر الى قلوبكم

[حميد.ص]

اخرتها سوف تقومين بنزع التقويم الخاص بالاسنان

هاذا لن يؤثر عليكي

بالتوفيق ان شاء الله

[صفية الاوراس]

التقويم الان اصبح امر عادي ما تقلقيش روحك بزاف اكيد لاباراي مش راح تجيبي عمرك كامل بيها راح يتعدلو سنيك وتنحيها انا نعرف وحدة تزوجت بيها وبعد عام باش نحاتها الامر يخص خطيبك اذا راهو يحبك وحاب يديك مش راح تاثر فيها حاجة كيما هذي ولا في اهله

[نورسين.داية]

هو إختارك أنتي بشكلك قبل التقويم ......

رأي الوالدته في شكلك ......ما علاقته بالموضوع ......؟؟؟

و لي كاتبو ربي هو لي يكون

ربي سجي إن شاء الله

[بيلسان الجنان]

ايـــــــــــــــن الاحـــــــــراج اختي؟؟

كل الناس تعلـــــم ان الشخص الذي يضع تقويـــــــم سينزعه يوما ما

لا تهتمي

مبارك عليك وربي يتمم بالخير

[مياسم الصمت]

السلام عليكم ورحمة الله وبركاته

يا أختي مادام ان الخاطب قبل بك فالأصل في امه الا اكمال الخطبة فقط

صدقيني عزيزتي شعورك هذا كونك مرتبكة فقط ليس الا و التقويم كان سببا فقط

لكن الاصل انك مرتبكة من يوم الخطبة

لتجنب الاحراج حاولي ان لا تتكلمي كثيرا فقط وان تكلمت فتكلمي بهدوء حتى لا يظهر تقويم الاسنان بوضوح

ويبقى تقويم الاسنان لمدة وينتهي الامر واصلا نت قلت بأن الاعوجاج طفيف بأسنانك

لا تقلقي

ربي يكملك ان شاء الله

سلام

[الظل الخفي]

شخصيا أرى هذا الشيءء عادي .... لما الاحراج

لازم تكون قوية وما تحسيش بالنقص من هذا الشيء وصقي في نفسك

ربي يوفقك ان شاء الله

[ايمان نور الجزائر]

اسبوع ما زال ما والفتيهش برك
راح توالفيه مع مرور الوقت
والله صديقاتي دايرينو عادي وغير منحرجين منه ابدااااااا
حتى انو واحدة تزوجت وتصدرت بيه......بشكل عادي
ربي يسهلك ويتمم بالخير

[mohfor2]

انت راح تتزوجي بالراجل ماشي بيماه.مبروك عليك مقدما ومؤخرا

[(( هبة الرحمن ))]

عادي أختي

حاولي ما تحكيش ..على أساس أنك حشمانة ...وما تجلسيش قريب من والدته ..

عادي ..كوني واثقة من نفسك

المهم أنك عجبتيه هو ...الوالدة للبركة هذا ماكان

بالتوفيق

كي تفوت الخطبة خبرينا واش صرا

[بصمة لاتنسى]

السلام عادي
مادمت أنك ستتخلصين منه يوما فلاتفكري كثيرا به
وكما قالت لك أختي الناشئة وأختي انشراح
حاولي تجنب الحديث كثيرا واكتفي بالابتسامة الخفيفة ههه
بالتوفيق يارب
سلام

[nibou]

شوفي أختي إذا قدرتي روحي لطبيبة الأسنان الخاصة بيك و سقسيها إلا قدرتي تنحيه هداك النهار و مبعد ترديه ولا لا؟و ثانيا إذا ما قدرتيش صح حنا البنات نحبو نظهرو باحلى حلة و ليه ليه نفقدوا الثقة في نفوسنا من الناحية الجمالية و لكن الثقة لااااااااازمة خاطر إذا شفتي روحك مليحة كامل الناس راح يشوفوك مليحة و إذا نتي الأولى تعقدتي منهم فحتى هوما راح يشوفوك ماش مليحة حتتتتى و لو كنتي مليحة،برك كي تبتسمي ما تبينيش أسنانك و خلاص و زيد نحكيلك حكاية على الناس اللي عندها le courage،كاينة وحدة تخدم معايا متزوجة و كون تشوفي أسنانها مسكينة واحدة داخلة وحدة خارجة،مالا واحد المرة جا موضوع و سقسيناها علاه ما خدمتهمش من حين هي عندها الدراهم الله يبارك و قادرة تديرهم حتى في لبنان ماشي غير هنا،مالا قاتلنا بلي قبل ما تتزوج زعمة كانت سنة داخلة شوي مالا راحت لطبيبة الأسنان باه ديرلها مقوم السنان و تعدلهالها و في هاديك قرب عرسها و كانت من الأوائل اللي دارو هاد المقوم لما جا للجزائر،المهم دارتهالها و كل و قبل عرسها بسمانة زعم نحاتها و تفااااجئت بالنتيجة،لأنو الطبيبة غلطت بدل ما تخرجلها سنتها شوي باه تتعدل راحت زادت دخلتهالها،اسخااايلي قبل العرس باسبوع فقط،إذا هي واش دارت كملت عرسها عادي و زادت عاودتلها وحدة باه تخرجهالها و زوجت بيها و صورت بيها و ضحححكت بيها و قاتلك عااادي جدا ماكان عندي حتى عقدة و لأنها ماطاحتش في طبيب اللي قدر يعدللها صح ولات طيشت عليها و خاصة درك خلاص ولادها بداو يكبرو و ما عادتش قاعدة لسنيها

[hodahodahoda]

اظن اذا كان شكلك العام يعجب زوجك المستقبلي لا مشكل

[hajer.joujou]

يا اختي اللي يحبك يحبك بيك بالعيوب اللي فيك و الراجل رضا بيك كيما راكي علاه راكي تكبري فالموضوع و زيد ديري الثقة في روحك باش تغلبي اي واحد لانو االلي يحقر روحو يحقروه الناس و اللي يدير قيمة لنفسو يديرولو الناس قيمة كبيرة........................كوني هكذا و ارضاء الناس غاية لا تدرك
فالاخير الف مبروووووووووووووووك عليك مسبقا ربي يهنيك و يصلحك و يجعل الخير بينكم.

[حمودية]

المهم ليس المظهر ........الجمال جمال الداخل.................اظن انك لا تعلمين ان الرجل يعجب بالاخلاق اكثر من المظهر

[nilly]

السلام عليكم ... عندي مشكلة محرجة نوعا ما و ان لم يظهر ذلك لكم .. انا فتاة عادية احببت شخص و سيتقدم لخطبتي يوم الجمعة ان شاء الله

المشكلة اني كان عندي اعوجاج طفيف في اسناني و قد وضعت تقويم منذ اسبوع تقريبا .. و بذلك فقدت ثقتي بنفسي لاني كنت اصلا معقدة من وضعه و هذا ما جعلني اتأخر في القيام بهذه الخطوة

كنت اريد ان اظهر في اجمل حلة و اترك اجمل انطباع عند والدته و هذا ما ارى انه اضاعه ذاك التقويم ..

توجهت لكم لاني فعلا احتاج لكلمة تشجيع او نصيحة او حتى دعاء بتسهيل أمري



يااختي لما هدا تشلؤم
تلفتي حواليكي جيدا سوف ترين اشياء تستوجب منك ان تكون ثقتك بنفسك كبيرة ولا تنظري الى سلبيات فكري فقط في الايجابيات.
واعوجاج الاسنان ليس عيبا ان تخجلي منه بل هب عاهة مؤقتة بعد عامين سوف تستقيم كل اسنانك وسوف تدهب تلك العاهة .
واسالي طبيب ان يادن لك ان تشيلي دلك تقويم في يوم الخطبة او لا
رب يجيبلك لفيه الخير

[doba]

هاذا لن يؤثر عليكي

بالتوفيق ان شاء الله